香港地 (已結業)

又同同事們出去撐枱腳，一出到公司只有一個字「熱」，好彩荃灣冇乜多，天橋同商場就有好多，我哋橋博橋咁去到千色匯，有同事發板想去香港地，咁我又未試過，就一齊入咗去食lunch。好彩我哋早去唔使等位，午餐有8樣嘢揀，基於要減肥嘅選擇下，揀咗雞扒餐。照燒雞扒炒蛋飯＄48，轉左凍飲加＄4，原來依家凍飲已經要加＄4 ,香港真係貴左好多。原來個炒蛋係滑蛋，心諗仲正，好鍾意滑蛋呢個質感，同口感，呢個份量起碼都有兩隻蛋，用嚟撈飯一流。雞扒都幾大塊幾滑，配上照燒汁不錯，甜甜地，都係好好送飯。