香港地 (已結業)

晚上八時半行到好攰，見其他食附近食肆都好多人，而香港地就冇乜人，反正未試過就入去試吓，點知叫魚蛋粉冇魚湯、叫三文治話夜晚唔做三文治。最後點了雪菜肉絲炆米同埋咖喱牛腩。成碟米粉好硬又好油，咖喱牛腩啲咖喱汁好稀、牛筋十足眼膠根本咬唔開。

這裡開了一段時間，終來會一會。早餐選擇多，及雞蛋用上日本蛋做賣點。點了沙爹牛麵轉通粉，味道很濃郁及惹味，唯通粉半生不熟（不是al dente）。多士不過不失，雞蛋是否日本則吃不出。下單不夠两分鐘，食物全數到齊。整体中間吧。

今早想試下荃湾一问新歺廰食早餐，由于集团經營，希望有驚喜。 點知有驚無喜，侍應服务態度恶劣，叫杯熱水幾個待應一係就扮唔記得，一係就扮聴唔到。 幾經辛苦先至可以攞到一杯水 。同樣，隔離枱落單一样多次落錯。到食物嚟到，啲通粉真係勁有嚼头，塊餐肉真係好似display, 一副膠樣，諗住食落会有改善，点知難得同個樣一模一樣， 膠膠膠。食食下，待應係隔離枱清潔時，將枱上垃圾随處掃，完全冇理會有客人坐在隔离枱。員工質素有待改善。

12-2-2017 (Sun)晏晝同老公去買o野,買完搵o野食,突然記得呢o度又有間新o野,於是行o黎.o黎到未算好多人,我o地坐低後睇menu,下午茶餐要2:30pm後至有,老公就叫$53.00o既常餐,龍蝦湯叉燒意粉,日本農埸炒滑蛋,牛奶厚多士,要熱奶茶.我就等多幾個字至2:30pm至叫$38.00o既午餐肉炒蛋熱狗配脆薯條,要熱好立克.老公叫o左後,等o左幾分鐘,仍o既熱奶茶先到,佢叫我飲啖先,好.奶o既比例多啲,茶味雖淡但苦苦地,又係一杯唔好飲o既奶茶.味道: 1分好快,佢o既另外兩樣o野都到o黎,睇見份量唔多,厚多士真係好厚,但咁樣豎起上枱,第一次見,件牛油重要貼住件多士擺.我先試吓龍蝦湯叉燒意粉,叉燒多數係半肥瘦,軟硬適中,唔太甜;意粉腍;龍蝦湯杰但仍爭啲,應該係龍蝦唔夠鮮同濃.而最奇怪係,做咩加蔥粒????味道: 2.33分而牛奶厚多士呢?其實係牛油厚多士吧,menu印錯,件厚多士只係少少脆,但我冇塗牛油食佢都已經帶甜味,係甜方包.至於日本農埸炒滑蛋,都平平無奇.味道: 2.5分而我份餐呢,落於單冇耐,杯熱好立克到o黎,我唔落糖飲都已微甜,所以唔加糖喇.但等o左好耐,都未

星期日的拍拖日，原本打算食牛魔，兩個人撐抬腳，誰知道人龍太長，轉戰隔離店 - 香港地。眼見裝修走懷舊感，望落企理乾淨，價錢與一般街邊茶記相約，一試無妨。餐牌上飲品的賣相及創意令人耳目一新，一般的沙冰加上玻璃樽維他奶，懷舊又獨特。英式雜扒餐 - $73有前菜沙律，湯，扒，意粉，都只是$73，十分抵食。但是味道一般般，羅宋湯淡而無味，似開水加幾滴番茄汁。肉醬意粉大概一早已做好，上枱的時候就涼了，微暖的溫度，偏硬的口感，不吃又好似太浪費食物。雜扒上枱時還滋滋聲響，熱力十足。雞扒，牛扒，豬扒，腸仔，薯條，一次過滿足食肉獸的三種願望，由於紅酒汁是店員一早就淋上去了，所以薯條很快就變腍。其他的還不錯，不太鹹。美極薑蔥魚腩煲 - $70一字記之曰：乾。大概廚房師傅忘了最後一個步驟，埋芡。只能說是炸魚腩再配搭兩棵蔥，魚炸的乾身，魚腥味比較重，原本是極為下飯的小菜，也只能分開吃，實在太乾。比較欣賞的是飲品凍檸茶 - 不太甜，茶味突出，有茶記水準。阿華田奶昔沙冰，味道偏淡，沒有奶昔的香滑，若能多加一茶匙華田粉，相信味道會更出眾。

今日同兩個小朋友一行三人去食晏，去到㩒飛等左10分鐘，之後有個粗魯既四眼男出黎嗌飛，一次叫3個號碼，跟住帶左我去一張兩人枱咁都算，之後點完餐有個滿面暗瘡既白衫女侍應攞碟飯黎，碟飯同我塊面得2吋，我係咁意話比佢嚇一嚇，之後佢就話使唔使咁大反應呀！態度勁差。再講食物，個免治和牛入面有d黑點，細女食左一半，我包尾，我都唔知係咪餡料之一，(下次叫呢個要留意一下),最衰唔記得影相，午餐個猪排飯又勁乾，但我要求唔太高，食哂。個焗猪排飯塊猪排都幾厚，味道都可以，唔算拿得太冧，但粉厚左d,因係焗飯，所以唔係太好，大女食左一半。凍檸茶加4蚊，諗住最有保證，但覺得茶味太淡，個紅豆特飲$3十幾蚊杯，跟餐就加廿蚊，普通啦算是最接受，但要加廿蚊值唔值就見人見智，我就唔會再試囉，埋單$197 ,算係一次幾差既經歴，希望可改善下，由其係態度。

無影相，因為本來無打算寫食評，但實在係忍唔住要寫，因為真係太差。叫左Menu內有個best人氣的福建炒飯，點知飯入面有幾撮鹽，成碟飯一個字，喊！另外叫左個咖哩牛筋腩飯，相片賣相好吸引，點知。。。個咖哩一來到，望到已經知唔對路，咖哩汁好稀，食落淡而無味。個名叫牛筋腩飯，但一舊牛筋都無，牛腩3-4加兩舊薯仔同幾個豆卜，總之就係中伏！一句講晒，無下次！

見荃灣開左香港地，梗要去試下啦！去既時候係下午茶時間，就咁叫左雞翼薯條，加維他奶紅豆冰！雞翼薯條大大份，雞翼上面仲倒左d蜜糖，感覺上冇咁熱氣而紅豆冰比我想像中好飲，佢係將紅豆同冰打到冰沙咁，加堆維他奶，超好飲！（可能係因為維他奶呢個童年回憶原故)