香港地 (已結業)

我一向很喜歡吃炒蛋，出名吃蛋治的冰室茶餐廳，我都試了很多。但萬萬想不到，原來香港地的炒蛋竟然能夠媲美那些出名的餐廳！ 炒蛋單看相片都知道是多麼嫩滑，蛋液還在流動！要炒出這麼嫩滑的炒蛋，通常要用很多油，但這個蛋吃下去，完全不油膩，而且連塊白麵包都非常軟熟，超乎意料地出色！餐飲的熱奶茶也很高質，茶味夠濃郁，不會只有奶味。

當日見唔係太多人所以試下，晚市套餐的選擇好多，而且價錢都好便宜，叫左京都肉排同火腩煲，味道都可以啦！仲包一個中湯，個湯都幾好飲。餐廳係免加一的，個人覺得都幾超值！

近期太多飯局，諗住今日 lunch 食得清淡一點，決定來到附近的美心香港地，食個輕盈午餐。龍蝦湯配彈牙意粉，食落雪雪聲。仲有肥瘦適中嘅叉燒，咬落好有口感。而且叉燒份量都好足料，有好多件。碟頭又夠大。個龍蝦湯直頭飲晒，一滴不剩。套餐配炒蛋，仲有厚多士，食落真係好滿足喔。炒蛋好有蛋香，落得夠油，好有光澤。厚多士烘得剛剛好，不會過火，很香口。凍檸茶稍為甜咗啲。好彩用咗 app 拎飛，唔洗排隊，去到剛剛好可以直入。

今日去荃灣行街，行到肚餓就想去食下茶餐聽既下午茶。見到係千色匯商場有間茶餐廳，就入左去。常餐，西多士，三明治等等都有提供，飲品既話所有茶餐廳都必有既奶茶、檸茶、檸水都有。我最後揀左常餐食，有豬扒湯意粉、炒蛋、多士同埋包左一杯飲品，我揀左比較地道既熱奶茶。豬扒湯意粉既豬扒十分入味，意粉不會過粘。炒蛋有濃郁既牛油味，所以好好食！多士用厚麵包，有提供牛油。奶茶既奶味同茶味調教得好，不會茶味或者奶味過重。合共用左$45，相當抵食！

茶餐大三元星期六到6點，食個早晚餐，三重奏好多野食喎，主食小食甜品/飲品，飲品都好特色。薯條比較軟，仔細看，有皮，是原個薯仔切嗎？感覺會健康些。併上雞翼好辣，香脆，要有心理準備，阿女食到好辣呀都要飲住水再食。沙律及炒牛河就普通合格，正常水平。乾炒牛河(小)都唔細份量，都好正常份量,可以分俾女兒仲有好多食。湯河老公快手落咗辣油兼攪亂哂，佢評價幾好味。咖啡糕點層次分明，好靚，仲有淡奶，好似飲咖啡咁。大人會好愛吃，香滑，細路仔就一定嫌苦。場內有特色飲品及健康藜麥有營飯免費升級，真真是健康餐廳之選。

知女友中意食龍蝦飲龍蝦湯 網上見到香港地有龍蝦湯飯 就帶左佢去食唔洗等好耐就有位喇 入到去睇落都幾乾淨 坐位到幾寬闊女友叫左個龍蝦湯飯 $7x就食到半隻龍蝦 湯飲得出係用真材實料煲嘅 女友都好中意食女友仲轉配左個維他奶綠茶沙冰 倒轉放嘅維他奶 新奇有趣又好飲我叫左個龍蝦汁燴叉燒意粉餐 龍蝦汁夠濃 意粉掛到汁 叉燒一般；跟滑蛋 夠滑 香蛋味；跟烤牛奶多士 食到有淡淡牛奶香味；跟杯熱奶茶 夠滑 唔會偏向太重茶或奶味總括 好味 價錢合理 環境服務ok

在門外看到龍蝦海鮮湯飯78蚊好吸引，就入去好長時間我去過的香港地。等了20分鐘，終於來了，樣子都幾吸引，以為來的時候是側身，所以想把她返正才拍照，一返就發覺賴野啦，原來得半隻，心想，算啦，78蚊。湯低是龍蝦湯味，龍蝦可能係一起煮，所以已經煮到無曬味，另行亦煮到好老，好勒。海鮮就只有一小塊魚。

一個同事、一個朋友，不約而同地選擇食香港地，故此小人接連吃了兩餐。與同事吃的是香妃雞配泰式醬以及西蘭花炒蝦球，都是佐飯的菜式。香妃雞嫩滑有油，惜雞味欠奉，小人認為之所以要加泰醬。西蘭花炒蝦球倒是夠爽夠入味的，蠻不錯。朋友篇的有蝦仁炒蛋、香妃雞配紅蔥頭醬油和上湯浸瓜。蝦仁炒蛋一般般，水了些，蛋炒得不夠到家。但想不到的是香妃雞配紅蔥頭醬油是超級的香，雖然雞油豉油會從嘴邊瀉下，卻竟是滋味無比，食完lam lam脷！朋友篇勝過同事篇。

一黎到d人掛住傾計，無人帶位唔都唔緊要，咁咪自己搵位囉...坐低左十幾分鐘，無人行過黎寫野，咁岩有個侍應經過，叫佢寫野，佢即刻話我食緊飯wor!我再講咁麻煩你幫我叫個人黎寫呀唔該！佢仲要補多句：呢邊close左唔俾坐架，你地仲坐入黎！當時係有幾台客坐左係度，嘩火都黎！完全無任何指示話唔坐得，加上咁多人坐係呢邊，佢都可以咁講野，不知所謂到一個點！再講返食物，叫左兩個茶餐，個薯條係微溫仲要出哂油，好明顯係炸完好耐，個炒飯等左半個鐘先有，仲要係難食嘅！no next time la

本來黎大集團旗下茶餐廳都冇諗住寫食評，但今日食左個龍蝦泡飯真係太驚喜，忍唔住都要寫番篇😂 首先佢要攞飛等位我已經o左咀，不過見隔離日本拉麵店要排得仲耐，加上見到有咁大個牌推介龍蝦泡飯，就入去試啦。一坐低即刻叫左個龍蝦泡飯($78)同龍蝦湯叉燒意粉餐($53)。先講重點：可能係我孤陋寡聞，但真係冇諗過茶餐廳既lunch都咁有睇頭！半隻加拿大龍蝦加大大隻鉗！睇到都好興奮😍 食落啲肉好鮮甜，龍蝦湯底好香濃好好飲，唔覺太腥。張相冇focus到喺啲飯，但其實泡飯份量好多，我完全食唔哂😂留意番，有超多膏：另外個龍蝦湯叉燒意粉餐都唔錯，包埋個滑蛋多士同飲品。湯底同樣夠濃，叉燒有5、6件，幾好食。反而杯熱奶茶一般般，唔夠濃。

One of my favorite places for lunch. Came here the other day with my colleagues. They have this lobster soup spaghetti with BBQ pork, which also comes with scramble eggs with 1/2 a toast set, and I almost order this every time I come to this restaurant. The restaurant is HKG style cafe, which serve the traditional food that you’ll normally find in HKG style cafes. This restaurant will have some different fusion like food from restaurant time to time too.Overall, I’ll rate this restaurant 4/5

1） 等人哋落單都等咗五分鐘， 落單時 number都寫錯。2）等左40分鐘都冇嘢食3）食物到有錯曬，仲要企喺我隔離話去廚房追重複咁講一句十次。我問佢"但是你企左係度又點追廚房呢？"野食係不錯，但亂曬大籠！！！！！ 食到一肚氣！！！！！

因今日工作較夜收工。。故做一晚無飯夫妻啦。。。這間香港地。。係美心旗下的港式餐廳。。今晚叫了兩個小菜。。佢送白飯。。湯或飲品。。半隻霸王雞。。份量足。。雞入味兼好滑。。但略嫌多油少少。。 蔥花好正支竹豆腐火腩煲。。。火腩好肥下。。重口味。。餸白飯剛好。。但忽然發現。。点解冇支竹嘅?問左太座。。佢話食左一條。。我話下?得一條?。。。剛好經理行過聽到。。佢望一望煲火腩。。就話我攞入廚房同大廚反映下5分鐘後。。一煲全新支竹火腩煲再上枱。。味道保持偏重口味。。但有好多支竹。。半肥火腩。。經理有心做好佢。。值得俾讚。。。平心而論。。佢未必係同區最好味港式餐廳。。但我敢講佢係有心，有服務，有進步中的餐廳。。比係那間上市的。。。我仍感受到香港地那份港式人情味。。加油呀

多次路經香港地，都未曾踏足入内用餐，因最近看了雜誌介紹維他奶沙冰的原故，終於有了試試這食店的意念，但翻看了餐牌多時，未有特別的早餐款式吸引食慾，最終草草點了一客沙嗲牛肉即食麵配火腿炒蛋厚牛奶多士，嚐了一口後，只覺早餐未算出色，湯底沙嗲味濃，牛肉吸收了沙嗲湯的味道，肉質尚算滑口不粗韌，但即食麵淡而無味，沒有沙嗲湯汁的味道，麵條不夠韌身，厚牛奶多士，奶羶味稍重了點，不是我喜歡的口味，多士本身不夠脆口，炒蛋尚滑口濕潤，這頓早餐只為填飽肚子，沒美味，隨意吃完就吧，沒了享用美食的開心感覺

今日同個朋友去食下午茶，我地係門口等位時無人理我地，侍應見到當睇唔到，我以為係自己搵位，點知我地搵左位想坐底，侍應又叫我地坐第二度，一坐底張枱好多食物又油淋淋，叫侍應抹一抹枱但黑晒口面，未食已經感覺好趕客，之後我叫左個星洲炒米跟蘋果薯仔沙律，但沙律只有雜果同薯仔一粒蘋果都無，跟住個星洲炒米係幾好食嘅，但點知食到中途見到有一大張膠紙，我即時叫侍應想同佢講，但啲侍應又係扮睇我唔到，當時真係一肚氣，等左好耐終於有侍應理我，我比碟炒粉佢睇，佢只係問我咁你想換咩？我無可奈何話叫廚房炒過碟吧⋯⋯咁嘅價錢食啲咁嘅垃圾同有啲咁嘅服務，完全無下次！