香港冰皮燒鵝

营业中

休息中

食物本質係一般普通，除咗全程用紙碟和即棄餐具之外，確實唔會有一種坐低食飯嘅感覺；不過服務態度真係差到嚇死人，冇辦法相信而家香港仲可以有啲咁嘅服務態度。不會再幫襯。

買外賣1/4下莊燒鵝$125屋企人俾$500紙，收銀阿姐check完係咪真銀紙，佢找返$174 (外賣盒$1)，屋企人R哂頭🤔話俾左500蚊紙。阿姐黑住面粒聲唔出，道歉都冇聲就咁放返$200出嚟，再用少少惡嘅態度示意出門口等。講返燒鵝，1/4下莊份量都少得幾可憐下🥲味道不過不失，燒鵝皮唔鬆化，以前食過另一間分店(已結業)，相比之下而家差咗好多。肉質偏韌且肉薄骨多，唔係話好難食既但食落冇乜肉香味。第一次留食評因為份量實在少得有啲谷氣，做生意唔係太老實🙂‍↔️咁既價錢咁既份量質素，再綜合整體消費體驗，唔會再有下次👋🏼

咁大個仔食燒味聽都未聽過，食叉燒唔好可食肥少少😅😅😅收銀靚女話下午茶叉燒飯你無得揀肥定瘦。恕小弟我咁大個仔，港燦未聽過。加上收銀靚女態度又黑黑地，可能我買得少掛，買得1個下午茶，又要求多多，樣又衰🤣🤣🤣但見排我前面個客拎一大袋，可能買左3個外賣餐以上，笑口迎面送客🤡🤡🤡。最後拎餐個陣真係俾瘦叉我🤦🏼‍♂️🤦🏼‍♂️🤦🏼‍♂️可能我個日真係唔好彩掛，btw，個斬料位就係收銀隔離👻👻👻迫於無奈第一次出個差評俾，即使個飯好與唔好食都好，個態真心唔得。

燒鵝用荔枝柴燒 陣陣炭香味 個皮又脆又香👍🏻叉燒阿姐介紹 食落肥瘦相間 真心好正‼️‼️ 叉燒真係好耐無食過啲禁好味👍🏻 兩樣野我屋企已經Encore 左好幾次 ✌🏻 真係希望佢係寶琳站得住腳 😮‍💨 好味茶記買少見少

見有外賣自取優惠就試下好唔好食，見評價好兩極所以頹買兩盒單併飯同屋企人食。盒飯好充實，餸亦舖滿，份量比我想像中多，燒汁淋得唔多，不過餸多就汁少都無問題。燒鵝皮真係脆皮，薄薄的，咬落唔係淋嘅皮，係偏酥脆嘅口感，我最喜歡係佢燒到皮同肉中間d肥無晒，係我喜歡嘅口感😍我最驚就係中間痴住肥膏要自己咬走佢（當然有d人係相反鍾意中間有層肥，就應該唔like this one）至於燒腩仔，肥瘦分佈適中唔覺漏，皮都幾脆。質素整體幾好，三四十蚊一盒飯CP值極高。

今日放假去咗寶林見朋友，差唔多下午茶時間，所以去咗試下附近嘅燒味店，見到下午茶好似幾抵食咁🧚🏻餐牌平均都係四五十仲有野飲，算係接受範圍👌🏻叫咗下午茶牌入面嘅燒鵝瀨，招牌冰皮燒鵝的確幾好味，層皮好香口，又唔會話太多肥膏或者全部都係骨冇肉，肉都算厚實🧐瀨粉口感都幾彈牙,自己幾鍾意。不過個湯好明顯好重味精，勁似某福字牌米粉，味精胡椒味，大打折扣，店員仲話係佢地自己煲…朋友就叫咗全日餐牌入面嘅燒鵝乳豬飯，$7x雙拼飯，飲野可以轉無味精自家例湯。普通例湯味，有一塊紅蘿蔔同d和豬骨，味道ok嘅，不過可能飲番杯野飲會好啲😐個飯對得住個價錢，乳豬皮好脆，肉都好彈牙，燒鵝就差唔多，仲附送埋乳豬醬。屋村燒味店幾十間間差唔多，不過呢間有乳豬揀，可以一試嘅，不過個瀨粉湯底就仲有進步空間。

4月30日晚1844買半隻燒鵝外賣，當時店舖已無燒鵝要等20分鐘，在我前面有一位男士已買半隻，我跟着下一個買半隻。因等候時間長，我在車上等待。25分鐘後，我在車上看見排在我前面的男士已取半隻燒鵝，我立即下車走進店舖取鵝，但職員跟我說未有，要多等10分鐘。我即時詢問原因，職員支吾以對… 籍口多多…話”燒鵝未齊”🤷🏻‍♀️原來職員以為我不在便切了四分一隻燒鵝給另一位客人，叫我再等😡😡😡😡😡😡😡十分無言😕職員不跟先後次序，淨係不斷叫我”再等多陣”，道歉都冇…..

本人係香港吃嘅燒鵝同係廣東包括深圳，東莞，廣州吃嘅有所不同，有一個好大嘅分別係香港嘅燒鵝皮及皮下脂肪會連係一齊，而廣東嘅燒鵝嘅皮及皮下脂肪係分開嘅，鵝皮係薄薄嘅一層。所以今日試食左燒鵝髀飯，塊皮脆卜卜，一路食一路滴油，真係好正，配上白飯再加啲汁，認真一流，皮脆肉嫩，煙熏味重岩岩好，果然不同凡響，熱騰騰的吃，皮特別脆，肉嫩多計，老火湯也夠靚！價錢$108，下次買下裝$125燒鵝低食好多 下次試下的腩叉經理推介

純粹經過咁岩買咗兩個飯返屋企食，我從未試過上網打評語，但係食完條氣好唔順。。。大佬。。。真係好難食，你地點做到架，真係人生中數一數二難食嘅一餐，如果各位好奇，真係可以去試下

Hardsell 過夜乳豬80幾蚊乳豬皮霉過濕紙巾雞瘦到皮包骨飯又唔熱直頭難食過公司canteen咁嘅價錢咁嘅質素直頭覺得比人扼錢我寧願食大家樂香港燒味地鋪而家可以街市水準都不如

乳豬完全好似食紙皮，又乾又硬🥲一啲脆都冇，而且雞肉非常鞋口，另外鴨腿湯飯鴨腿好乾好硬，另外燒鵝瀨的燒鵝好似柴支咁硬又乾，我全程用例湯去送飯，我第一次食燒味飯咁難食，$100燒味飯不是問題，但完全連$60嘅價值都唔沒有、佢令我完全體驗到「食鵝新態度」我好少寫食評，呢間真係破例，希望店主認真試吓自己的菜式和主打，先知道出咗咩問題，店主真係要用個心出來，如果keep住咁嘅質素，我唸真係唔捱得幾耐，🤦🏻‍♂️

同事們極力推薦，所以終於唔係商埸入面吃，行出街是一片廣寬的天地。老闆娘介紹食燒鵝脾唔切，原汁原味，真係好大件脾，同事們都眼甘甘，個皮脆，皮下肥膏少，大大啖咬，好食過深井好多間。

因朋友介紹話燒鵝好食，慕名而去，叫咗份燒鵝下莊，因朋友係熟客，又差唔多關門先去，所以佢哋俾多咗小小份量！然後再送埋無味精例湯🥰燒鵝皮脆肉滑，食落嘴有小小甜味，同出面嗰啲有啲唔同，問佢哋員工先知，原來佢哋有落冰糖整，話咁樣更加容易鎖味！我一直唔鐘意食燒鵝甜酸醬，覺得味道好快，但出面嘅燒鵝唔點醬又Dry，點咗又“流”😂，呢間啱我，唔點醬都好好味！😍 仲有瀨粉有粉味，唔似得有啲鋪頭嘅瀨粉膠膠硬硬！👍重點1:因燒鵝食唔晒，打包返去第二日返工带飯，點知放完微波爐叮完個皮都好脆，真係有小小意外！完全唔明白點解其他人會話皮淋，堂食紙盒上！唔通因為同行係冤家？🤣 重點2:員工服務非常好👍因去得比較遲，佢哋差唔多埋數收工，但個經理過嚟收咗錢，然後叫我哋慢慢食，話唔使急，我食嘢比較慢，等我食完，佢哋已經過咗收工時間，我都有啲唔好意思！😅

今日叫左一份梅菜扣肉飯我一打開就發現有問題，因為佢唔係扣肉黎而係用平時燒味斬剩嘅燒腩仔加梅菜完全唔係梅菜扣肉成舊肉又乾又難食，梅菜分量好少仲要冇汁，乾啃佢淋晒嘅燒腩肉真係好難受非常難食

諗住新開無耐，買左外賣試下。叫左下午茶冰皮燒鵝瀨。湯同瀨分開上幾好。但佢最出名燒鵝，皮淋，好多脂肪，無肉食。個湯底係似出前一丁個包豬骨濃湯粉開出黎。仲要$48 ，其實快餐店都好食過佢。絕對無下次。