影片
营业时间
今日营业
00:00 - 23:45
星期一
全日休息
星期二至日
11:00 - 21:00
公众假期前夕
00:00 - 23:45
以上资料只供参考，请与餐厅确认详情
相关文章
买外卖1/4下庄烧鹅$125屋企人俾$500纸，收银阿姐check完系咪真银纸，佢找返$174 (外卖盒$1)，屋企人R哂头🤔话俾左500蚊纸。阿姐黑住面粒声唔出，道歉都冇声就咁放返$200出嚟，再用少少恶嘅态度示意出门口等。讲返烧鹅，1/4下庄份量都少得几可怜下🥲味道不过不失，烧鹅皮唔松化，以前食过另一间分店(已结业)，相比之下而家差咗好多。肉质偏韧且肉薄骨多，唔系话好难食既但食落冇乜肉香味。第一次留食评因为份量实在少得有啲谷气，做生意唔系太老实🙂↔️咁既价钱咁既份量质素，再综合整体消费体验，唔会再有下次👋🏼
继续阅读
咁大个仔食烧味听都未听过，食叉烧唔好可食肥少少😅😅😅收银靓女话下午茶叉烧饭你无得拣肥定瘦。恕小弟我咁大个仔，港灿未听过。加上收银靓女态度又黑黑地，可能我买得少挂，买得1个下午茶，又要求多多，样又衰🤣🤣🤣但见排我前面个客拎一大袋，可能买左3个外卖餐以上，笑口迎面送客🤡🤡🤡。最后拎餐个阵真系俾瘦叉我🤦🏼♂️🤦🏼♂️🤦🏼♂️可能我个日真系唔好彩挂，btw，个斩料位就系收银隔离👻👻👻迫于无奈第一次出个差评俾，即使个饭好与唔好食都好，个态真心唔得。
继续阅读
烧鹅用荔枝柴烧 阵阵炭香味 个皮又脆又香👍🏻叉烧阿姐介绍 食落肥瘦相间 真心好正‼️‼️ 叉烧真系好耐无食过啲禁好味👍🏻 两样野我屋企已经Encore 左好几次 ✌🏻 真系希望佢系宝琳站得住脚 😮💨 好味茶记买少见少
继续阅读
见有外卖自取优惠就试下好唔好食，见评价好两极所以颓买两盒单并饭同屋企人食。盒饭好充实，𩠌亦舖满，份量比我想像中多，烧汁淋得唔多，不过𩠌多就汁少都无问题。烧鹅皮真系脆皮，薄薄的，咬落唔系淋嘅皮，系偏酥脆嘅口感，我最喜欢系佢烧到皮同肉中间d肥无晒，系我喜欢嘅口感😍我最惊就系中间痴住肥膏要自己咬走佢（当然有d人系相反钟意中间有层肥，就应该唔like this one）至于烧腩仔，肥瘦分布适中唔觉漏，皮都几脆。质素整体几好，三四十蚊一盒饭CP值极高。
继续阅读
今日放假去咗宝林见朋友，差唔多下午茶时间，所以去咗试下附近嘅烧味店，见到下午茶好似几抵食咁🧚🏻餐牌平均都系四五十仲有野饮，算系接受范围👌🏻叫咗下午茶牌入面嘅烧鹅濑，招牌冰皮烧鹅的确几好味，层皮好香口，又唔会话太多肥膏或者全部都系骨冇肉，肉都算厚实🧐濑粉口感都几弹牙,自己几钟意。不过个汤好明显好重味精，劲似某福字牌米粉，味精胡椒味，大打折扣，店员仲话系佢地自己煲…朋友就叫咗全日餐牌入面嘅烧鹅乳猪饭，$7x双拼饭，饮野可以转无味精自家例汤。普通例汤味，有一块红萝卜同d和猪骨，味道ok嘅，不过可能饮番杯野饮会好啲😐个饭对得住个价钱，乳猪皮好脆，肉都好弹牙，烧鹅就差唔多，仲附送埋乳猪酱。屋村烧味店几十间间差唔多，不过呢间有乳猪拣，可以一试嘅，不过个濑粉汤底就仲有进步空间。
继续阅读