香港冰皮燒鵝

营业中

休息中

查實燒味是粵菜系列入面的一種燒烤食物，香港人一直酷愛燒味，一般會配合白飯出售，簡稱為燒味飯。下午茶時間路過見到燒味剛出爐，而且重有開心特價梗係唔好浪費機會啦，一於外賣打包回家慢慢嘆！～ B 餐醬皇义燒飯 微微燶邊嘅义燒份量十足，入口肉嫩又夠鬆化、好味道。絲苗白飯一粒粒夠乾身飽滿，好！～ C 餐脆皮腩仔飯 燒腩仔有8 小件，外皮重脆卜卜，肉質肥瘦分明，脂肪及瘦肉層層相間，入口整體鬆化、軟腍無渣，唔錯！～ 王牌-香港冰皮燒鵝（1/4 下莊）雖然回到家中開餐已經有一段時間，燒鵝皮入口時重有小小脆脆嘅感覺（聽講話師傅用咗冰湯粒為隻鵝逐一洗白白，從而急速冷卻鵝皮，並且可以將肉汁鎖住），鵝肉嫩滑帶點煙薰味道，份量又十足，唔錯！綜合嚟講係一間同心做嘅燒臘小店，價錢實惠街坊價，下午茶燒味飯餐賣$38 連熱飲，出品有水準一點都不欺場，真心支持小店！

七點至八點話有新鮮燒鵝出爐，食落去果然熱辣辣！正仲有佢推出左幾款新小食都唔差賣相都可以！最緊要人流唔多坐得都比較舒服,口水雞好好食我蒜泥白肉，也不差，按地區來計價格可以接受

如題 。仲要難食。間鋪七點半去無曬油菜叫瀨粉唔夠瀨粉 要用一半米粉溝埋落去。所有燒味都好乾嘢飲用紙杯裝連紅腸都勁硬手撕雞完全冇汁新開張就用紙碟嚟做堂食。無得頂👍🏻

屋企人想食燒味，見新開真係新屎坑想試吓，入到去裝修衰過茶餐廳少少，較簡陋，諗住唔緊要最緊要D野好食，食物用紙碟紙杯裝，好似開生日會😂，二個人各叫咗個雙併燒味飯，盛惠$79同$58啲叉燒係我咁大個女第一次食過咁難食，梅梅地，平生第一次食剩餸，乳豬同燒鵝都似係餸頭餸尾咁，冇忽好肉。佢呢個價錢同質素，我相信不能長做。大家拭目以待。我想大家去試一次，真的好難忘。反正佢最少都簽咗一年租約，我唔想因為呢個評語，令到佢哋冇人去幫襯，我反而想多啲人幫襯，知道我講得好客觀。

今日下午經過見到新鋪 諗起耐冇食燒鵝就入去買個飯盒 買左個燒鵝五寶飯 問左有 燒鵝 豉油雞 叉燒 紅腸 咸蛋 Ok 返去開飯小弟習慣咸蛋撈飯食 所以先挖蛋撈飯 一食落口 嗯？ 隻味咁有趣嘅？我估計壞左 即時吐出嚟 大鑊 撈左飯 半盒飯冇左算 當減肥食少啲 試下食燒鵝 頭睇古怪 鵝有5件 八成半係骨 一成係皮 剩返係肉 嗯……冰皮燒鵝真係名不虛傳 真係剩係食皮 五寶其他野正常 最出位係個咸蛋同鵝 佢果個價錢有咁嘅份量我覺得算抵 但係點抵我都接受唔到咁嘅質素 老實講 呢間野係我人生中食過最難食嘅燒味飯