香港仔潮皇粉麵 (已結業)

因為有多偏食嘅朋友，所以魚湯就沒有試！雖然雞湯有少少貴，不過真係好好味，好有家既感覺！一鍋雞湯只足夠三至四人食用，而一鍋雞湯有一隻雞！我哋六個人叫咗兩份湯，所以大大鍋，本身嚇死人以為一窩雞湯係咁大窩，我哋仲叫咗兩窩，原來唔係！大家一定要聽聽店主嘅建議，飲咗雞湯先好叫白飯！雞湯味道濃郁，色澤奶黃，但雞肉偏粗糙，雞湯一定有雞油，但不多於半碗！拍蒜粉絲蒸蟶子相片和實物有點差別！但粉絲能夠吸盡聖子帶出來嘅鮮味同汁！鐵板牛柳粒送飯一流，鐵板牛柳粒汁酸酸甜甜！雜菜粉絲煲係我食過最難食，所有食物都乾爭爭又冇味道！粉絲豆粕全無用武之地！失敗！椒鹽鮮魷，唔錯！但椒鹽雞軟骨錯曬！粉多個骨，依兩個餸本人覺得太差了！

肚餓啦！足知放學啦！可以食飯啦！附近有一間餐廳除了雞煲邊爐外，還可以有木桶蒸飯！靚呀！我個人呢比較偏食鹹魚肉餅飯！哈哈！坐低後，我就急不及待的叫了一個！真係足夠兩個人食既份量，鹹魚既肉質結實得嚟有口感！肉餅味道唔錯，有新鮮肉既味道，加上甜甜的鼓油！真係好味道呀！個木桶外型設計很特別！絕對乾乾淨淨！好似係全新一樣！至於個口水雞，雞肉不似是冰鮮雞，有濃郁既鮮雞味，加上辣椒同辣椒油，花生同葱！絕配！呢餐真係使我很滿足！

Been here a few times, normally in the afternoon to grab a bite. Freshness & taste is definitely there. We started of with appetisers : Tossed fish skin in house sauce (家嫂捞鱼皮 - chewy ＆ nice but I believe it's an acquired taste . Deep fried Bombay duck (椒盐九肚魚) a type of fish.. The fish is fragrant n melts in your mouth, literally didn't spit out the any bones. One of my favourites is the Wujiang sliced fish in chi 九 nese sauerkraut soup (酸菜鳥江鱼片) - the sourish taste increases one's appetite. Th

因工作關係，光顧呢間小店都不下20次。。。。同老闆都算幾熟，，哈！至於點解會知道呢間店，實情繫有一次想同老頭子過長沙灣食雞褒，去到搵左幾間都要等位，最後行到呢間，寫住重慶雞慶煲，橫掂都繫羅，，就入去試下，點知。。。。言歸正傳，今次四條大漢走去，首新梗繫佢既招牌重慶雞褒先拉，佢呢個雞褒同其他地方吾同之處繫一個字“幹”，用大量香料去整，D雞肉收曬水，咬落去，絕對重口味，中意重口味既老友記一定一定要試下，食完加湯可打邊爐~！第二樣必食，仲有蒜蓉蒸聖子，大大只，又夠鮮，一啖咬落去，肉汁成個口都繫，鮮甜到極，撈埋飯真繫果制。介紹多樣，，，佢個雞雜都幾過隱，鐵板上，正既……其他等有機會再寫，或等各食家自行評價……！

今日到兩點先食晏，見呢間已經有下午茶，就試下，反正又唔洗等位。叫左個肉燥茄子木桶飯，友人食北茹蒸雞木桶飯。以半價價錢，再加一客手拍青瓜同一客脆生腸。淨係影左我的，蒸雞飯忘了影。茄子飯味道唔錯，夠多料。好多茄子同肉燥。不過好味既同時可能因為味精都多，食完好口渴。$26份量都同午餐差唔多，好扺食！小食非常好吃，兩樣都辣辣地，好開胃好惹味！生腸真係脆卜卜，好爽口！平價左十幾蚊，扺過掃街！

在JCCAC睇完展覽, 見時間差不多又到晚餐了, 於是由石硤尾步行至長沙灣, 找尋晚餐, 每日差不多經過,但未曾食過, 行到門口,就被廣告吸引: 聖子皇, $28/隻,2隻起!  入到店裡, 職員好熱情招待, 知道我一個人, 就馬上推介我木桶飯, 我示意不想食飯, 她便推介我食米線+ 聖子皇 , 點餐不久米線上枱, 我點了魚片頭及豬大腸, 值得推介, 豬大腸竟然乾淨並無肥膏, 食了一陣, 聖子皇上枱了. 聖子皇新鮮, 美中不足落太多油及蒜泥, 其實新鮮的海鮮不必落太多調味料, 那樣會浪費了海鮮,也蓋過左海鮮本身的鮮甜味.招呼我的職員問我覺得如何, 我就把我的愚建告知, 她竟然話跟廚師提議下, 下次落少D油及調味料.

原本打算去譚仔三哥食米線，行到附近，見到紅色門面，稍為停步看看，裡面即刻有個阿姐走出來，不斷叫我入去坐低先，話米線，粉麵飯，火鍋......乜都有得食，咁我就行咗入去！9:45pm，好少客，座位任揀！細看餐牌，才知道自己原來入了隔兩三個舖位的潮皇粉麵！算啦，人都坐低咗咯，叫嘢食啦：點了北菇蒸雞木桶飯 + 豆漿一杯我檯面的電磁爐，今次用不著。啖啖的豆香，很醇，不甜，有其獨特味道！北菇蒸雞木桶飯一大桶熱辣辣的飯，冬菇片很鮮味，雞肉滑溜，肉質鮮嫩，雞皮少，肉多，無骨，再沾些甜豉油，送飯更佳！是日灼油菜：唐生菜，新鮮，翠綠，爽口！

此間開了都一段時間, 之前幫襯食米線麻麻地,普普通通, 今次食晚餐, 味道不錯 酸菜魚鍋-有鯇魚同魽魚 - 選了魽魚 , 肉有d實, 沒有太多骨, 不善食骨的人就岩曬. 酸菜偏酸, 係我喜歡的酸度, 因怕不夠酸就帶唔到味道. 辣度有大,中,小,bb辣, 選小辣都ok,因慢慢d辣味越煮越辣白菜餃- 般, 沒特別黑柏葉 - 剪到碎,一條條, 較喜歡大塊薯粉 -放落d湯度,塑曬味, 有點滑滑QQ感, 好夾湯味魚片頭 - OK,沒特別有煲仔飯 - 茄子肉碎反 , 用個木桶來焗, 幾特別, 飯好香, 一粒粒, 不會太乾或太濕, 茄子切碎,加埋D醬汁, 好好味,姜充魚泡煲 - 好香, 魚泡都好大, 不過有D un小食: 麻辣豬肚- 豬肚幾爽,麻辣汁幾夠辣.麻辣生腸-生腸幾爽蒜泥白肉 - D肉太肥, 不夠入味 

放工後很想鬆一鬆, 所以突然改變主意唔煮飯, 出外晚膳。點知 不但唔輕鬆, 還一肚氣。見到門口餐牌, 有飯、有什麼小鍋米線同各特式小食, 所以入去一試。我和老公揀了靠邊的細枱, 一坐下, 打算點菜時, 伙計話有7位客, 稱只有我們果張枱可以拍枱叫我們轉位。我覺得冇所謂, 反正未開始食。我們叫了酸辣小鍋米線, 但賣相、份量同味道與那間遍佈分店的雲南米線相比實在太差了。唔... 可能其他會好些。伙計叫我們試下廿八蚊隻的蒜容蒸聖子皇。好, 就一試啦! "車" 冇味, 早知60蚊叫個小菜啦!我們還叫了椒鹽九肚魚同蠔烙, 個九肚魚都可以。全部已食晒, 在等待果個什麼蠔烙, 已經覺得, 一餐飯要食完NEW埋牙, 都未見蠔烙, 都算啦! 個伙計把果碟只有中間數粒蠔仔, 周邊全都是粉漿的所謂蠔烙放到面前, 已有點失望。點知, 當我們開始食了一兩啖時, 個伙計話有客等位, 叫我們再次轉枱(已是坐了細圓枱)。 既然間舖咁緊張等位的客, 咁你頭先唔好整果碟爛鬼蠔烙俾我哋囉! 仲要衰到等我地食了一兩啖先講。未食咪取消即走囉。實在豈有此理, 一開始仲同老公講, 下次試水煮魚, 仲可以食家人同朋友來試試。慳啲

食名氣，去食過大中華，德發小廚，水佬榮，又食過响Openrice同Facebook比人吹噓到神級既豚王拉麵，講真，都係失望而回。上個月，同舊同學聚會，有人堅持要去到長沙灣，一間貌似茶餐廳既"飯堂"，門口Cashier重要設有八達通付錢，講真，初初真係無乜信心，出發之前重要上openrice睇過食評，劣評如潮。心諗，算喇，難得舊同學聚會，有人話想食水煮魚，咪試下囉，返正價錢真係非常大眾化，一試無妨。其實係上個月食，當時天氣重係十幾度，我地首先叫左個羊腩煲，老細話，不如食羊腩羊肚煲喇。我話，羊肚？真係未食過wow......老細話有錢都食唔到。咁就試下喇，因為我地年年都去廟街食羊腩煲，咁多年黎都可以，但係今年加到成280蚊一煲，重要係難食。聚會之前一個月食左一次，所以有好大對比，羊肚比想像中更好味，好食過牛肚。之後，叫左個湯，水煮魚，蠔餅，聖子，炸大腸。聖子係一般新鮮就好食果種好食，但係已經非常難得。此外，有兩大驚喜：第一，蠔餅。大家會話，蠔餅有幾好食丫？講真，佢一個份量，係比出面一般小，我估用四隻鴨蛋左右，但蠔夠肥大，佢亦無落薯粉，真係比出面既好食好多。第二，水煮魚，必食，好食到喊。入面

之前聽朋友提及才陪屋企人過來食,因為屋企習慣早食飯, 入座時只有一張枱有人,我地找左個卡位食, 一家三口, 叫左個 梅菜扣肉木桶飯, 五香牛腩木桶飯 同埋 臘味炒糯米飯先講梅菜扣肉木桶飯D汁都還可以的, 飯偏硬,最大問題係個扣肉!! 完全不淋, 肉質好粗韌之後係五香牛腩木桶飯 牛腩同扣肉一樣, 肉質好韌, 不爽口, 又不彈牙五香味都夠的, 但無理由叫我食五香拌飯嘛?!最後係臘味炒糯米飯賣相還可以, 不過不像是炒的, 相信是早已炒好, 再上碟前用微波爐叮返熱, D糯米飯不軟, 有點硬, 不是炒的那種硬因為陪兩老去食, 佢地都食唔晒, 所以我都食過晒三個飯****************重點****************差不多食完前, 兩老想飲多杯水, 所以叫了人比兩杯水, 當時佢地舖內有十幾圍枱, 但只有三四張枱有人, 包括我地果枱,佢地哦左一聲就走左, 之後見佢去左隔離枱落單, 結果是, 去到我地埋單都仲未有人拎杯水過來!!!!!要不是有兩老在, 我一定會等到佢地拎水來再會去埋單!!之後埋單counter又沒有人收錢, 有一個人走到去counter, 但不會用八達通收錢, 搞左我一陣

今晚因為朋友的舊同事係該店老闆,所以推介我們去試下,最後居然一肚氣!!只集中講最有問題兩碟餸鐵板黑椒豬手---上枱豬手色水已經吾多吸引,味道極咸,最離普好多毛咕嚕肉--- 外表ok,都幾大碟,但一咬落去好多炸粉同埋係肉片,即係咕嚕肉片!!真係咁大個仔第一次食,大家發現中計已經停手無食,之後問老闆,佢居然笑騎騎話其實係豬頸肉!! 我們話咁樣完全吾係咕嚕肉,佢又笑騎騎話以後考慮下改善,注意佢只係話考慮下,碟餸有問題都多謝閣下照比錢!

半年前黎食過全魚邊爐~~難得聖誕節約到10個大學同學~於是就一齊再黎呢到食多轉~大家黎之前最好book台~因為全場爆滿~我地一去到先叫左個唔辣的全魚鍋~~雖然唔係勁辣~不過都有少少胡椒味~好香口~仲要個湯係堅魚湯~~夠鮮甜~~之後我地仲叫左好多款小菜...因為大家都餓鬼投胎咁~好多野食一黎到就搶左去擺入鍋~所以我已經盡量去影了魚卜一定會浮~所以大家淥的時候, 一定要確保每一邊都有浸過下水~蝦都係新鮮的~超甜~魚皮配湯底真係一流~~!!!!蠔一淥完就縮曬水~好可愛XD另外, 我地仲麻煩老闆推介一D熟食俾我~水煮魚~因為我唔食辣~同學話好味~因為D魚好滑!!同樣我都冇食~同學話好爽口~呢個生腸我有食呀~~係好爽口GA!!! 鮮魷我都有食~不過粉左DD~~其實成班人咁樣打邊爐都真係幾開心~

比 "香港仔" 3個字吸引左果然無令我失望經過風趣既經理推介後就開始試味睇落去好似新年時食既角仔咬落去好脆好香茄子真係唔錯蒸河加埋D汁都好味食完成碟真係好飽大份夾好食整體黎講唔錯總理仲好鬼馬仲話每2個禮拜度會轉下新款值得推介

今天去試了酸菜魚(送米線一大碗)，要了小辣，不過一上碟時就發出很強烈的芽菜味，雖然個人唔介意芽菜味但係佢完全搶哂條魚既味道而且不知是酸菜不夠味還是陳酣落得不多，未落老闆給既私伙前感覺上湯底(小辣)很淡，但是落了老闆的私伙後，辣味有返而且也吊出了多一些酸味，真是多謝老闆的私伙辣汁(?)；為何會有? 因為從表面看有辣粉、辣油、辣椒銀，這個汁真是很棒，各位下次可以先試不太辣的小辣，感覺不多時再叫老闆加辣