香宮

营业中

休息中

見到這茶杯，就梗係香宫啦！點解成日都係它，無非因為係會員又有信用卡優恵，經常做8折，除信用卡優恵外，會員卡儲分折算後都差不多有8個百份點，如果無記錯，左減右減，未計加一，都有72折，算係咁啦，又可以坐耐啲，啲櫈幾舒服，只是無人幫你斟茶，睇落啲侍應個個似實習生，揾埋啲廉價勞工都無問题，教曉他們那些服務一定要做到才是嘛！！！今次叫了小籠包無乜肉汁，浪费金錢，流沙包不太甜可接受，宫保蝦仁夠麻辣，但食吾到蝦味，只得口感，整體小籠包失敗外，其它都不錯。

星期日的指定動作就是飲茶食點心！九龍香格里拉酒店的中菜廳香宮曾多次獲得米芝蓮二星的肯定，餐廳裝飾有濃厚的傳統中式風格，食物和點心的選擇也很豐富而且有質素！點了松茸蟹籽燒賣、黑松露帶子腸粉、菠蘿叉燒包、畔塘彩蝶餃、頭抽煎蝦米腸粉、西班牙火腿蘿蔔絲酥餅、芒果布甸、原個雪梨燉桃膠等等，食物份量適中、味道出色，米芝蓮二星絕對是名副其實！

同事榮休，我係由細俾佢睇到大的，所以，點都要請佢食番餐報答佢。約多兩個死擋同事一齊，其中一個係香格里拉嘅香宮嘅常客，所以訂香宮食呢餐榮休飯。我第一次嚟乍。入到嚟，見裝修豪華，氣派十足，齋食環境都夠。侍應安排我哋坐四人檯，啲杯杯碟碟、餐具非常精緻講究，果然係五星級酒店、二星級米芝連，零捨不同。【玫瑰花茶】我哋叫咗烏龍茶，茶味過得去。但是呢杯玫瑰花茶就非常唔錯，係酒樓特別送俾我哋飲的 (同事係常客嘛)。啖啖清香玫瑰花味，飲落非常舒服。仲有係隻茶杯非常特別，啲 pattern 好靚。【醬油茄子 $88】茄子雖然唔係高級食材，但係可以將佢整成咁，一啲都唔簡單。我唔知道係將佢蒸熟先，還是係起肉界花先，然後再蒸熟。總之，師傅刀功一流。再用特別醬油浸住上碟。口感唔太腍，味道有點似番薯，第一次咁樣食茄子，好特別的經驗。【脆皮龍崗雞 (半雞) $280】同事話呢個係這裡的名菜，是必食的。賣相唔錯，雞皮薄，且脆脆地，肉質香嫩。若嫌唔夠味可以點些XO醬、秘製辣醬或辣汁來食。【海鮮濃湯煎煮鱈魚 $508】個湯 (汁) 好鮮味。鱈魚煎得香，肉質非常嫩滑，星級之作。【果醋菠蘿咕嚕肉 $188】絕對唔係一般平時食的

午餐試過厨房菜式都失望，不如今次食下點心便算，香宫都來過很多次，中规中矩啦，來之前知道酒店内另一間意大利餐廳做緊時令餐單，就係黑松露，多口問香宫接線生可否order Angelini 一兩款黑松露食，原來係可以的，不過點太多就吾好，一兩款無問题。早到吾使等，先上歡迎茶，侍應有講咩茶，但吾記得左，點了六款點心，先來個魚湯魚皮餃，嘩腥到無朋友，厨房已预先放了白胡椒煮，加了都勁腥，好彩本人不怕腥，就係呢個勁腥，熱辣辣流沙奶皇包，超甜馬拉糕，下次吾要一般般的山竹牛肉，黑松露帶子腸粉，細細片擺入口已覺好清香；黑松露燒賣，香噴噴又清香；最終都係無order Angelini，點了兩款點心止住心隱。幫襯這裡很多次，從未有侍應會幫客人冲茶，五星级服務質素就是這樣的。

我又來掃雷了，這又是米芝蓮給了高評級，然而質素非常一般的一家餐廳！朋友從上海過來看IMAGINE DRAGONS演唱會，想帶他吃點好的，所以選了這家米芝蓮二星餐廳，結果 大 失 所 望！我們點的TASTING MENU，這裡不一一細點每道菜了。總之關鍵是，食物完全沒有味道！我口味是偏清淡的，但這家餐廳的食物真的是該甜的不甜、該咸的也不咸，食而無味。我朋友是很客氣的人，一般只要稍微好吃點的餐廳，他都會禮貌性地誇獎一下菜品，但是在香宮用餐，他沒發表關於菜的任何評論，因為真的非常一般！另外，服務員反應非常慢，4-5個服務員，照顧7-8桌，找服務員要找10分鐘以上才有人理睬我們。總之，不推薦這家餐廳。香港好吃的粵菜餐廳很多，but this is not one of them。另外，真心建议不要再参考米芝莲的评级了，真的不准

吾知係咪因為自己係會員嘅關係，嚟香宫嘅次數特别多，今晚約埋舊同事一齊開餐…先上歡迎茶玫瑰露醬油雞，肉質嫩滑，咕噜肉吾知點解點了兩款蝦，一款蝦煲，另一款宫保蝦，好在兩款味道各有不同，後者就惹味好多，蝦肉爽彈，貴得有道理；鮑魚海鮮豆腐煲，份量都幾多最後送上甜品樹，飽飽。

約成班friend gathering, 首要食物好食; 環境要坐得舒適，但又唔會覺得拘謹; 交通要方便，個個都去到;有咁多要求但又要價錢合理--香宮其本上已成為我地每次gathering 既飯堂今次推介--蕃茄牛肉炒飯:飯炒得夠香，唔油唔濕;牛肉味濃;最特別係原個蕃茄上只可以講。。。色香味俱全。。吸之作。全枱都成晒成個飯，一粒都不剩。。。我地當然仲有叫其他野食la全部都咁好食。。。不能盡錄。。。。。。大家再發倔la

母親節請媽媽去飲茶！幸好提早訂了枱... 今天應該周圍都滿座！有幾次想試試香宮，不過每每去了別的地方，今日終於來了！香宮雖然處於地庫，不過樓底高，配上中國風的裝潢，感覺舒適。我們較早來到，客人未算多，可以靜靜享受一下。* 極品鮑魚叉燒酥 *一客兩件，我們叫了1.5客。鮑魚雖然不大，不過溏心，味道很濃，非常美味。* 酸甜汁酥炸鮮蝦雲吞 *酸甜汁帶點梅味，超好吃！* 胡椒魚湯魚皮餃 *皮薄多餡，不過味道一般。個人來說，我喜歡皮厚一點的。* 嫣紅上素石榴球 *菇菌餡料很香，皮軟滑，煙韌適中。不錯。* 雞蛋豬腳薑 *這個略嫌偏甜，酸度不夠，豬腳可以焾些。* 黑糖馬拉糕 *

環境熱鬧優雅, 碗筷擺設顏色高尚, 服務員態度非常好👍上餐前送杯歡迎茶感覺不錯， 美觀，茶香清丘， 不過茶味太淡。推介菜式過橋多寶魚湯做得非常出色， 沒有一點點嘅魚腥味，味道剛剛好田雞腿， 本人係唔食嘅， 但我身邊友人， 個個都讚不絕口， 我見買上都好靚蟹鉗合理， 蟹蓋做得出色玻璃蝦球亦都做得出色， 大隻，有口感，有蝦尾乳鴿燒得非常好， 香口味道一流，肉身keep到滑，唔覺油利無錫骨 味道，肉林嘅口感，做得好好。試過黃金皮蛋，清透嘅黃色賣相很好， 但食落皮蛋味缺少。又嘗試叉燒，半肥瘦不錯， 而肉質可以再軟淋一些就好。鹽焗雞，味道做得好， 但雞肉鞋咗少少。至於其他湯羹，味道還有進步空間， 對一般餐廳已經很好，但我心目中這個class 需要更好，香味及火喉好夠，但係濃度唔夠，帶有少少淡，唯獨是蟹王海鮮羹合乎心意。

今天是五一假期，所以预早訂了位，來過香宫好幾次，坐下無耐侍應便拿welcome drink來，每次不同，今次用玫瑰花茶，很久没試過這裡灌湯餃，今天點了來試，用料足，有鮑魚仔，帶子和一小片花膠，餡料選用蝦肉，比用豬肉鮮甜妞好多，松茸黑豚好夾味，雞就没特别，甜品等了很久才有，好好味，差點想取消。會員卡儲分加上信用卡優恵好扺，差不多75折。

貴為"米芝蓮"二星2017/2018中菜 - "香宮", 氣派確係不同, 地方不算大, 裝飾三色-紅/金/木色為主, 服務人員貼心/熱情, 令到我與太太感到十分愜意。我們吃的是6道套餐, 一道食完一道上, 絕無急迫, 保持著每道菜的熱度。  最欣賞那道原隻"番茄和牛崧炒飯", 份量剛好, 精緻巧手, 酸甜有度亦不太油膩,  結尾的"中式甜品樹", 亦是賞心悅目, 每款一對, 包括有蓮蓉味, 白糖糕味, 及 香芒黃金糕味, 見每枱也必叫, 可知是既好味又呃LIKE之選。"香格里拉"西式自助餐試得多, 這次試一下中式口味不失為一個美味體驗。

菠蘿叉燒包配點心拼盤：叉燒包包質細滑，軟綿綿加上蝦滑餃及素菇餃，茶樓特色之配搭鮑絲花膠雞絲羹： 足料入味東星斑配 西蘭花：肉質鮮甜， 沒有渣大蝦配菠菜豆腐：Fusion菜 新鮮大蝦菠菜加上豆腐係健康既潮流， 加埋蝦子醬汁楊枝甘露： 有點過甜

去親香宮都係食晚飯，水準非常不錯，尤其係乳豬做得相當出色。由於儲埋儲埋都有唔少分係Golden Circle度，收到通知話d分就黎到期，就趁假日帶家母去飲茶。總括餐飯就係平平冇奇，其實都幾失望。荔角係凍、OX醬蘿蔔糕係淋（1d都唔脆）、燒賣足料彈牙還不錯、鮑汁雞腳我唔食所以no comment。埋單就扣左600蚊積分，呢個價錢有好多較佳選擇。雖然服務一如以往的好（但仍稍遜欣圖軒），畢竟咁貴，服務好也是預期之內的。

早前看見朋友的介紹説這裡的自製的泡椒醬很特別，吸引到我想來一試。而且一起來的朋友也想試一試這裡的素食套餐，所以點一人前的素食餐和幾款點心坐下來就有一款小食提供，還奉上一杯杞子茶。合桃很香脆，不知不覺吃了很多點心就點了三款，唯獨是蘿蔔糕上枱時不夠熱，賣相雖然吸引但溫度非常影響食物質素。中間黃色那款就是今天的主角，這裡好壞也是米芝連星級，所以就算在這少少的一方面都兼顧到客人喜好，在服務方面是真的不錯以下全部是素食套包括的食物，除了素包味道不錯之外，其餘都不太合我口味，但總算一試

環境高雅舒適，服務亦算相應。可能人手唔太夠，收碟慢幾拍，不過都ok唔算失禮.是日係試openrice合作套餐，食物方面就乏善可陳，做的有d寒酸。d甜品差到，一啖即停。個人建議看客來香宮的話作其他選擇或者仲好。