首爾石鍋燒

营业中

休息中

星期六晚同埋朋友大概七多D點鐘行街經過女人街見到尼間餐廳，應該系新開張，見裝修都幾IN，而且干凈企理，系女人街好難得，如果唔記錯，系女人街好似得一間韓國餐廳，于是入去試下。 入到里面座位已經差唔多坐滿，里面的確幾有格調。我叫左個石頭鍋牛肉飯同埋海鮮炒年糕，有小菜免費小菜送，系薯仔魚仔同埋泡菜。首先講下個免費小菜，薯仔同魚仔好野味，但我更加中意個泡菜，辣辣地，甜甜地，唔錯。 石頭鍋牛肉飯$58，上菜時都仲“吱吱”聲，好熱，侍應好體貼甘俾左兩支更，裝醬料個器皿好得意。撈下撈下，好過癮，除左牛柳粒，里面仲有好多配菜，有紅蘿卜，白蘿卜，粟米，冬菇，菜。里面有飯焦，好香，我覺得唔錯。海鮮炒年糕$48，有青口，蝦，同埋日本餐廳成日出現紅色一圈一圈個D，我唔知叫咩名。海鮮好新鮮，唔會腥，年糕軟綿綿，里面有D彈牙，好過癮，D汁少少辣，真系唔錯。論裝修，服務，食物，價錢，我覺得系女人街黎講我覺得系水準之上，會再黎過。

2個人見到openrice有3個好評..諗住試下..放工特登出來..點知旦星期5..七點中來到..得3張台...一見都知唔對路..不過還掂都來到..冇理由唔食..叫左個牛肉石頭飯...d牛食..唔知咩來...叫左海鮮餅... 好水...唔夠乾身..叫左一口豆付...28蚊..我覺得我行出去食4舊 臭豆付會開心d埋單136...一定唔會再黎...

朋友生日，去呢間新餐廳CELEBRATE～ 等左15 分鐘先有抬。。。。。。。叫左番茄泡菜豆腐鍋，我自己本身好鐘意酸酸辣辣既味道， 有D番茄容O系泡菜湯底。。mix　埋既味道吾錯。。牛肋粒石頭飯同烤肉石頭飯都吾錯，　４０幾蚊仲平過明洞EXPRESS， 有個醬配埋比你自己加多D韓式燒牛肋骨，呢個配生菜同蒜片一齊食，個FD話吾錯。。總括黎講都吾錯～ 價格ＯＫ，　服務態度吾錯，　滿意～　都會再黎！！

今日同朋友去旺角行街, 行完肚餓就周圍睇下邊度有野食, 知道女人街有好多食肆, 我地就行去睇下食邊間好. 行到女人街中間o個段, 見到一間新開的餐廳叫"首爾", 食韓國野的, 我同朋友商量左陣, 之後就入去試下哩間韓式餐廳.我地點左三樣野, 一個係侍應推介的招牌菜, 海鮮烤肉豆腐鍋, 之後我地揀左件牛肉石頭飯, 同埋辣炒年糕.野食未到前, 侍應俾左小菜我地, 跟個鍋同飯送的, 有青瓜條同泡菜, 聽侍應講話係自家醃的, 好少餐廳會做哩d煩野, 覺得哩間鋪好有hurt , 味道都唔錯 , 飯前小食好開胃呀.首先講個海鮮豆腐鍋: 個湯底好正, 有少少辣, 好足料, 有埋粉絲底, 仲配埋個白飯添, 份量都 唔少, 值得推介, 正!! 跟住就係牛肉石頭飯: 開頭以為係肥牛, 原來係牛肉粒, 唔係牛肉醉, 醃得好好味, 又唔會覺得 硬,一個傳統韓式石頭飯o既樣, 有d 蔬菜絲, 冬菇絲, 中間有個生蛋等, 另外有個醬係俾我地加落d飯度撈埋一齊食的,

聽同事介紹，女人街新開左間韓國餐廳幾好食，特登同男朋友去試一試 ! 叫左：1）海鮮豆腐鍋 $52呢個系個侍應推介既~ 個湯底好正 ！！！ 同食開個D韓國餐廳好吾同，男朋友都話送飯一流～ 有蝦。青口。魷魚。豆腐。韓國魚片。烤肉。粉絲。蛋～～～好豐富 最正都系個湯底。。系香港未食過 !!!!!!!!! 2）烤肉石頭飯 $35哇。。好平。。D肉醃得好好食3）一口豆腐 $28D豆腐幾滑，一定要跟醬食。。D醬好野味～～ 4）海鮮炒年糕 $48有蝦。青口，魚餅，韓國年糕～ 比系明洞同莊園，一個無海鮮既辣炒年糕都要六七十蚊，男朋友都話呢到好抵食！！平時D韓國餐廳好貴，無林過呢個價錢可以到韓國餐， 真系好抵 ！！！！！ 吾記得帶相機TIM ～～～ 不過我最鐘意都系海鮮豆腐煲既味道～～～～

同朋友兩個人，原本打算去食酸辣粉，但都棄權左。行過女人街，見到『首爾』，新開啵。 見門口個牌既『一口豆腐』幾吸引，就入左去啦。一坐低....哇....餐牌唔算多野。 但十樣有九樣都冇。好彩樣樣都係飽肚，當做唔食小食囉......叫左 海鮮炒年糕 $48 & 泡菜烤肉鍋$45。(埋單 $102, 有加一？)一上枱, 果然係小食....炒年糕係 街口 $5 腸粉 既份量。所謂既海鮮，係3-4 片鳴門卷，加兩"大"片 魚腐。年糕，咬落去係實的的咁，中心部份仲有少少乾。味道.....正常。隨泡菜烤肉鍋上既『小菜兩款』，係兩款泡菜，大白菜+青瓜。已經冇expectation，但都唔好少過吉x家 既 $4 泡菜啦。係送既就差咁遠？泡菜鍋，話粉絲底，可以加 $5 轉烏冬(轉的話，跟上既飯會冇左)，我地冇轉到。但係....佢講個d 韓國粉絲......只係龍口粉絲。又幼，入口時係淋到....唔咬都爛。 食過韓國粉絲都知唔應該係咁。烤肉部份，烤肉既份量大概有 4 份肥牛咁多。 但佢係豬肉。 味道係醃得唔錯。仲有隻生蛋打係面既。上枱都仲熱辣辣。總括： 味道係正常，韓國菜，辣囉。 但好明顯冇落心去做，同埋未