首爾石鍋燒

营业中

休息中

行了一陣女人街, 仲諗緊食咩好, 見到這間首爾門口咁多人, 於是一試啦~等了大約15分鐘左右, 已經有少少唔耐煩, 大家都知女人街熱到暈啦~等多一陣, 終於都有位啦, 入到去二人位剛剛好, 隔離左右都有人, 你想放低個袋係隔離都無可能.....我點了香辣海鮮讚歧烏冬, 心諗寫得讚歧烏冬的烏冬一定好好味啦, 點知一食落口, d烏冬淋到完全唔知食緊咩.....好失望.....湯底又唔辣, 唔知想點.....

同媽媽食晚饭。這间是朋友推荐的餐厅，说一定要食這里-豆腐煲，我地叫了一个二人c餐，我好锺意蕃茄湯底的，呢個蕃茄泡菜豆腐鍋好正！！ 、裏面有蕃茄，泡泡菜豆腐，韓國魚旦，烤肉，仲有既係最好味、滾緊既旦！好好快就食完個鍋！雖然個鍋系滚熱熱的，但裏面勝在在冷氣夠涼，不會熱。之後就到烤肉石鍋飯，加了泡菜的，好香囗，落咗好多辣醬好惹味哈哈！另外有個海鮮葱餅，優勝之處在於不油膩，加上酸酸的醬汁一流。 另有飲:品送。價钱好平喎都， 7O蚊位好過去貴價韓國餐廳！

好普通的一間韓國餐廳, 野食算普普通通。叫左個DINNER SET, 金菇肥牛豆腐鍋連白飯, 因為坐係冷氣下, 白飯幾分鐘就凍到硬晒, 好彩有個鍋係度, 可以倒入去當湯飯食, 如果唔係都幾難哽。食評只想同各位分享今日遇到既事, 希望大家有個心理準備。食完之後既總結:就算你幾想食韓國野, 都千祈唔好入呢間。1, 冷氣兜頭吹, 幾分鐘都可以吹到碗飯硬晒。 (唔排除特登較到咁, 想D客快D食完快D走 )2, 上甜品後即刻主動上埋張單叫你埋。3, 拒收毫子 (因為咁岩只有 $1 毫子, 諗住大家都唔洗找)4, 野飲都未飲完就開口請你快D走(P.S. 由入坐, 到走相信不超過 40分鐘, 呢間野唔係收你快餐店或茶餐廳既價錢)自問本人對食飯既要求真係唔高, 不過今次呢間野既服務令我覺得佢絕對影衰餐飲業。我唔理你想一晚反幾次枱都好, 一間不尊重客人既餐廳, 我係極反感。

星期六的下午，在旺角波鞋街買完波鞋後，就到付近食下午茶。最後去了間叫首爾食韓國菜的食店食。在這裡估吾到在下午茶時間也有幾多選擇！最後選了個中辣既烤肉手打烏冬及叫了一杯特飲，等了約五分鐘就到， 看買相已很吸引，先喝一口氣辣辣泡菜湯，味道調教得剛剛好！！ 還有烤肉的口感也不錯，至於烏冬和湯底一起進食時，可把烏冬更入味， 口感好正而且環境氣氛舒適，下次會再來！！！

這是一間以韓國菜為主的食店，但都有甜品供應。我點了一個下午茶餐 ~ 朱古力心太軟和凍飲朱古力心太軟的賣相不錯。蛋糕不太厚，內裡溶了的朱古力都多。可惜，內裡溶了的朱古力不太熱，放入口中已有凍的感覺。

我無打食評0既習慣,但由於真係好難食,唔打真係唔得.個晚經過女人街,見到門面同入面環境唔錯,咪走入去試下啦!MENU入面見到寫住炸醬面係必試,同埋平時食韓國野都會叫炒粉絲,我諗叫依D一定無死啦,最後,我係十萬個後悔!炒粉絲多油又濕又無味!我唔明炸醬面一樣咁普通0既野都可以煮到咁難食!面質一般唔緊要,最大問題D炸醬係酸! 仲要食食下D人係到抺地,好大漂白水味,你叫我點食埋落去啊我食左十分一都無.就走左!真係自己煮仲好食!人生真係未食過咁難食0既炸醬面同炒粉絲

好耐無食韓國菜,見花園街有呢間就入去試吓打開menu大部分都有辣椒個logo,以為會好辣所以叫啲有飯嘅野食,可以沖淡少少我叫咗泡菜烤肉豆腐鍋,見佢表面都幾紅,點知食落係唔辣可能係就香港人口味,不過泡菜鍋唔辣好似兩頭唔到岸咁...啲飯就硬硬咗少少,可以接受我朋友都叫咗烤肉豆腐鍋,評價都係差唔多

搬到新寫字樓後，最忙碌便莫過於收拾東西。收拾得累了，就很想到外鬆一鬆。正所謂"長命工夫長命做"嘛...先到了旺角拿些手機配件，接着在回辦公室之前便先醫醫肚。由於事出頗突然，故此也沒有特定的食肆想試。就隨心一點的行到邊食到邊吧....好久沒有食韓式料理。路過女人街一帶，在云云餐廳中找到這一間賣韓國菜的小店，就去試試....走入店內，看到許多人在吃石頭飯。心想大熱天時竟要冒着出哂汗之苦來吃，看來應是名物來吧....雖然好像是瘋狂了些，但在那麼熱的天氣去將熱騰騰的飯粒吞下肚，可能會有"以毒攻毒"之效果呢....午餐當然由一碗同樣是夠熱的湯類打頭陣。這裡"白湯"的選擇是一點兒都不韓式的蛋花豆腐湯。所謂的蛋花應稱之為蛋白，食起來大大片的質感偏硬不令人討好；豆腐亦只得聊聊數粒的載浮載沉於湯中；而且吃起來味精極重，是絕對不能多吃的...石頭飯一定是要熱騰騰的才會好吃。這兒的即叫即製，等了差不多二十分鐘才上枱，入口熱辣辣是絕對合格。材料依舊以菜蔬為主 ---- 紅及白蘿蔔條、大豆芽菜及粟米粒。肉選了惹味的BBQ烤肉，肉質是沒有想像中的嚡，不過醃味就有點不夠濃；置中則放了一只生雞蛋黃，趁熱力還存之時與飯

又是韓國菜，質素認真麻麻………服務態度已經不是好，食物更讓人失望﹗前菜過得去，正正常常，主菜則只有烏冬年糕好吃(要烏冬需另加$5)，石頭鍋飯超難吃，跟炸醬麵一樣，都是沒有味道的 再也不要去了!!!!

今晚同男朋友去首爾食飯，，叫咗個2人C餐，揀咗個海鮮烤肉豆腐煱，烤肉石頭鍋飯同籮白蔥餅。個豆腐鍋系my favorite !! 等咗一陣個石頭飯到喇！哇，上枱仲有吱吱聲，好香呀！！食食下先記得落個辣辣地個醬，加咗仲好食！ 籮白蔥餅都幾好食，最緊要系唔油夠脆口！！送既飲品正常！

同阿妹行完會展, 佢想食韓國野同買手機殼就出番MK食對韓燒放題興趣唔大, 就去通菜街搵下, 見到呢間阿妹話想食就持左飛等位等左15分鐘到就有位啦, 不過都熱到個人溶咁滯我地點左份韓燒SET, 見寫住加豆腐鍋8折就要左個烤肉豆腐鍋點知黎到先知唔跟飯, 個WAITER話優惠係無飯跟, 但個MENU有飯跟 , 之後聽到隔離枱都係同樣問題, 竟然話一直都係咁, 好多客人會誤會, 但點解落單唔一早講 , 有被騙的感覺烤肉豆腐鍋: 唔算好辣, 我接受到, 有烤肉, 粉絲, 韓式魚蛋, OK的, 但咸左少少韓燒野食份量OK, 但個爐好細, 我地仲坐係冷氣風口位下面, 燒左半個鐘先燒得2片鴨胸肉, 但已經加左3,4次火, 我地想轉位, 同個WAITER講, 佢話係咁, 枱枱都係咁, 俾多個燒爐我地, 但根本無用燒果D又未有得食, 個鍋又唔跟飯. 阿妹話好肚餓, 唯有無奈叫多個烤肉拌飯烤肉拌飯: 材料同個鍋其餘差唔多, 只不過粉絲, 青瓜果D係凍食, 飯都係凍的......無幾耐, 隔離枱有新客都係叫左韓燒, 佢地燒得好快, 8分鐘到D野食就食得, 見到佢地鐵板有煙出, 炸炸聲. 隔隔離果枱都係對正冷氣

同個朋友食下午茶，行行下見到就人去食。野食好味，白湯夠滑！啲蛋白熟得剛好。石頭飯夠熱，心急的我辣親舌頭。加上惹味的韓式辣醬，細食既我忍唔住食晒！正！總之，好味。可惜收野奇快，好想趕你走。呢頭食完，個頭拿拿聲有人執走晒，唔好意思坐囉。

先講明!!我係食食下先記得影相,所以野食影得樣衰!唔係間餐廳整到咁比我既情人節前一晚上OPENRICE睇有咩好食,想食韓國野.就簡左呢一間,驚冇位就晏就BOOK左位先!本身我就好中意食韓國野,亦食過正宗韓國菜,所以都有D期望(當然我知道好難話同韓國食既一樣)不過......比我屋企樓下既韓國餐廳仲遜色 我地叫左個二人套餐D $188 有前菜:- 4款泡菜 (岩岩開始食個時冇影到相SORRY><) 1.最普通款既泡菜: 勁甜-口-!!!落左好多糖囉!! 2.青瓜;幾好味^^ 3.脆玉瓜切粒:有D怪味... 4.黑椒粉絲之類~:幾好味-凍豆腐,食剩幾塊先記得影...睇落D汁好似都幾好味咁..但係唔入味...好似食緊百福豆腐咁......-韓式粉絲,食剩先記得影...我最中意食韓式粉絲,次次去食韓國野都會叫今次...勁失望!!咸到喊囉真係!!豉油粉絲黎架!!!主菜-烤肉石頭鍋飯(左)不過不失喇..-牛肋骨豆腐鍋(右)D牛肋骨好好味料方面:小小菜,好多粉絲.(TOTAL 食左3款粉絲),牛肋骨,豆腐,粟米......湯方面: 冇咩特別

同朋友去了旺角行街...星期五4周圍的餐廳都多人..都吾知去邊間餐廳食晚飯~最後,想起呢一間我想試既餐廳..(有一日見到朋友在社交網站發佈左呢間餐廳的食物相!睇完就好想試一試..)開住個地圖..終於去到呢度...個陣時8:00,門口都有吾少人等位...好彩吾洗等太耐就有位..我就叫左個雞肉石頭飯...個人口味,我覺得淡左少少..不過大致上都OK既..而友人叫左個炒烏冬..佢話好食...我試左少少都真係吾錯架...不過佢食完之後,我見個碟淨左好多油...食完之後就即走LU..見出面仲有其他人等位..都吾想阻住人做生意(一入去坐低個陣,,侍應講有限時吾知幾耐..聽得吾係好清楚..好似係話個半鐘)總括來說..呢間餐廳算不錯..價錢都可以接受..下次會再去試...

話說女朋友想食韓國野就同佢試下依間野啦，入去之前我女朋友見到都有d猶豫入唔入好，因為佢一直好鍾意食韓國野，同佢都食過係尖咀好多間係韓國人開既餐廳，所以佢對韓國野都係幾有要求的。咁一入到去啦，我女朋友就問係唔係韓國人既師傅，個侍應就話唔係，女朋友都有ｄ失望。anyway, 我同佢分別點左一個海鮮烤肉豆腐鍋同埋番茄泡菜烤肉豆腐鍋+一個韓式考年糕丁屎咁多既前菜唔講咁多啦，d泡菜完全唔入味.....海鮮烤肉豆腐鍋:食過正宗韓國豆腐湯既都知，湯既賣相係紅色啦，一見到個湯係白到似清水咁咁都深知不妙！個鍋d料係多，但係個湯味精勁重、偏鹹，已經冇叫咩小辣，但係一d辣味都冇！番茄泡菜烤肉豆腐鍋:賣相又係同上面一樣(白到似清水)，已經係賣泡菜鍋，入面可以係得果丁d咁多既泡菜(重要完全唔入味+係白色的泡菜)!d番茄食落重要係有陣縮味!韓式考年糕:係三樣入面算係最食得落肚既一樣，d年糕真係唔多入味，份量又唔係多都可以賣成$4x一個碟本身入黎諗住會有最鍾意食既韓國壽司，最後原來冇都算啦！一間韓國餐廳攪咁多唔關事既野，可以又有羅宋湯又有心太軟，但係連本身韓國既主菜都可以做得咁差，係唔係應該集中小小攪好佢呢？入得黎