影片
更多
2011-11-01
76 浏览
7月17日, 平時都冇乜點食韓國野, 食石頭飯就更少, 最多都係食下韓燒. 今日經過女人街, 見到呢間打正旗號叫首爾嘅小店, set lunch 石頭飯都只係$3X仲有湯同野飲, 就試下啦~ 入到去人就唔算多, 環境少少暗咁, 似酒吧feel~::: 豬肉泡菜石頭鍋飯 ::: $35蛋花湯味道都唔錯, 得少少鹹味, 都正常嘅因為蛋花本身冇乜味~ 蛋都幾鮮, 食落蛋白有質感~ 石頭鍋飯一上枱仲有“炸炸”聲, 證明個石頭鍋真係好熱! 慢慢又傳來陣陣嘅泡菜香, 賣相真係冇得彈~ 除咗豬肉泡菜之外, 仲有一隻生蛋同蘿蔔絲粟米粒, 亦都預先加咗d辣醬, 唔夠嘅當然可以自己再加~ 為免生蛋快熟, 要快d撈勻個飯先, 撈到成個飯都係橙橙紅紅咁, 就可以食喇~ 超級辣口, 唔係味道辣而係好熱, 要慢慢食, 泡菜味好香, 個辣醬都非常惹味, 所以食緊飯都好似食緊沙律咁開胃~ 反觀個豬肉就有d淡口, 味道醃得唔夠, 以致味道俾泡菜搶晒, 肉質仲有少少嚡… 不過細件d嘅肉配飯一齊食都冇乜問題. 食到底仲有好多飯焦, 好似煲仔飯咁, 正! 熱檸茶較失色, 檸檬只有2片又好薄, 杯野又好細, 唔夠飲.::: 牛
::: 豬肉泡菜石頭鍋飯 ::: $35
蛋花湯味道都唔錯, 得少少鹹味, 都正常嘅因為蛋花本身冇乜味~ 蛋都幾鮮, 食落蛋白有質感~ 石頭鍋飯一上枱仲有“炸炸”聲, 證明個石頭鍋真係好熱! 慢慢又傳來陣陣嘅泡菜香, 賣相真係冇得彈~ 除咗豬肉泡菜之外, 仲有一隻生蛋同蘿蔔絲粟米粒, 亦都預先加咗d辣醬, 唔夠嘅當然可以自己再加~ 為免生蛋快熟, 要快d撈勻個飯先, 撈到成個飯都係橙橙紅紅咁, 就可以食喇~ 超級辣口, 唔係味道辣而係好熱, 要慢慢食, 泡菜味好香, 個辣醬都非常惹味, 所以食緊飯都好似食緊沙律咁開胃~ 反觀個豬肉就有d淡口, 味道醃得唔夠, 以致味道俾泡菜搶晒, 肉質仲有少少嚡… 不過細件d嘅肉配飯一齊食都冇乜問題. 食到底仲有好多飯焦, 好似煲仔飯咁, 正!
熱檸茶較失色, 檸檬只有2片又好薄, 杯野又好細, 唔夠飲.
::: 牛肉傳統石頭鍋飯 ::: $35 + $2
羅宋湯就比較稀d~ 菜亦唔算多~ 純粹有少少辣味吊下咁~
牛肉傳統石頭鍋飯都幾足料! 除咗大大件牛肉之外仲有椰菜絲、蘿蔔絲、芽菜加多隻生蛋~ 辣醬係放喺配料面, 體貼到d唔食得辣嘅朋友可以撇走佢~ 又其實撈少少又唔會真係好辣, 唔錯. 因為石鍋夠熱, 撈飯時滲出材料惹味香氣, 飯粒亦可以較乾爽, 唔會焗到淋晒, 食到底仲有飯焦添! 美中不足係d牛肉牛味實在削咁d, 肉質亦比較乾, 無韓式烤牛肉嗰種香口夾juicy嘅感覺… 不過overall味道都算幾好架喇~
跟餐要咗凍奶茶~ 味道都ok~ 不過不失啦!
一個咁平嘅石頭鍋飯唔可以要求太高, 但係基本嘅佢地都有, 味道唔錯, 可能因應價錢而只能夠供應對等食材, 不過石頭飯特色都keep到~ 服務、衛生都幾好, 冷氣仲好夠凍添~ 下次想食石頭飯可能都會諗起呢度~
张贴
