首爾石鍋燒

营业中

休息中

旺角一向被籲為集中地，除左係約朋友既中間點之外，更多既係集中左好多唔同國既美食。放工，當然唔想咁悶去返朗豪坊到食連鎖店。所以無計劃地，行過通菜街遇到「首爾」。雖然個名就真係改得冇個性，不過勝在一睇就知食咩。係咩吸引我？場地夠暗，氣氛唔錯。唯空間感唔夠，枱與枱之間較逼。今日與友人，至在放工放鬆。入到首爾忘我一下。打開Menu發現自己好耐冇食韓國菜了，普通入韓式餐廳，不是烤肉店，就是韓式炸雞配啤酒。一於比友人發辦。韓國餐廳少不了的前菜：有豆芽、甜酸青瓜片、滿滿泡菜及麻油粉絲。先黎既係：海鮮炒年糕 $65賣相相當吸引海鮮覆蓋年糕，配上香辣年糕醬，相當野味。韓國菜都幾岩香港人胃口，配搭各式各樣醬料，酸酸辣辣，相當開胃。年糕好有咬口，本來無味既野搭配香辣醬汁加分。蝦肉都幾爽彈，既新鮮，而且烹煮時間適宜唯獨個醬太稀身，掛唔到去年糕，要用湯匙連汁帶年糕食先突出個味。蕃茄泡菜烤肉豆腐鍋 配飯 $68上枱後顯然有失所望。雖然上枱時仍熱辣辣，但令人期待的配料卻欠缺誠意，豆腐為多，其他配料較少，賣相較敷衍。但蕃茄與泡菜配搭相當不錯，酸酸甜甜辣辣，搭碗白飯，真係可以食多半碗。食完年糕同豆腐窩飯，轉食清新既沙律

由中學食到而家出黎工作，佢只係加左價$2-3蚊點解可以咁抵食？而且咁多年來質素都keep到呀！佢地下午茶真係超抵 而且午餐都多選擇成條女人街我最中意食呢間而我每次來都係叫呢個！！石頭鍋蕃茄泡菜烤肉手打烏冬 $37即叫即整，上枱時非常熱辣辣除左有蕃茄、泡菜、烤肉，仲有粟米同豆腐個湯底又唔會辣到食唔到真係好中意食！個烏冬都好好味手打的。另外佢地飯類都整得唔錯！材料豐富呢個係午市套餐韓式拌飯 可以揀烤肉/雞肉/牛肉粒 $43有木魚絲、粟米、酸辣青瓜片、青瓜絲、粉絲然後一定要落勁多勁多韓式辣醬我地仲叫多左個小食呀香煎韓國泡菜餃子🥟 $45煎得金黃色個醬汁好正未試過

幾年前試過一次位於通菜街的首爾韓國餐廳，印像唔錯，今次同幾個朋友再度幫親！餐牌都幾多元化， 我地叫左大家 share：泡菜烤肉鐵板飯， 牛肉拌飯， 豬頸肉芝士湯麵， 泡菜大蝦炒飯，海鮮蔥餅。  泡菜烤肉鐵板飯我覺得最好味。味道多層次，口感豐富， 泡菜酸酸辣辣，烤肉味道野味，炒埋一齊又香又甜又酸又辣，好味道！ 個泡菜鐵板汁送飯亦唔錯。牛肉拌飯材料豐富，除了有大量牛肉粒外，配菜分量亦多，酸辣青瓜片，粟米粒，韓國粉絲，木魚絲。個拌飯汁撈飯都好味道。豬頸肉芝士湯麵個豬頸肉煎得幾香口好味道，芝士湯麵好耐無食喇，面質同公仔麵一樣唔淋都ok彈牙，個湯地有芝士味唔係好濃味所以唔會好漏, 我覺得都ok.泡菜大蝦炒飯見隔離檯有叫好似幾好味所以我地又叫左個來試下。 果然係真係唔錯！香噴噴有鑊氣！d蝦都幾爽口又大隻，同泡菜味道都幾夾。一人一碗好快分晒！海鮮蔥餅好多韓國餐廳都有，我都幾like，煎得香脆，大家開心share都唔錯！眼見好多檯都有叫韓式豆腐鍋，下次應該會試下！

今日又黎旺角行街。首爾已經幫襯了幾年，每次都又糸食泡菜豆類鍋。今日晚餐6:30pm 同朋友一齊黎，咁早己經好多人，好在冇仲有少量位置不用等。裝修改了，換了梳化凳，坐得比以前舒適，又可以放手袋。我朋友叫咗個鐡板牛肋骨飯，我叫了泡菜餃子豆腐鍋。上菜前有二碟泡菜送的，泡菜同醃青瓜都幾好，幾入味。過了一陣鐵板就到了，上菜速度都算快，沙沙聲個鐡板好弾手，香噴噴，太肚餓既我都要痴d黎食先。。汁是甜甜地咸咸地燒汁的味道，牛肋骨幾好食，我一食食咗兩舊太肚餓。。我個豆腐鍋過了十分鐘先到，有韓式泡菜餃子，滑豆腐，烤肉，菜，粟米，鳴門卷等，最最最緊要系只半生熟旦！如果鐘意流心旦，個鍋一到要馬上撈起只旦以免滾熱變全熟。我朋友好大食，話再叫個一口雞同海鮮蔥餅。一口雞剛炸好，差d淥親個口。。都有少少juicy 。海鮮蔥餅是薄薄香脆的，我地都會點佢地附上的汁。個汁是少少酸和咸味的，都幾match 個餅。唔點會淡少少，點下食味道好食好多。總括來說，還是同一樣的味道。下次再來

今晚想與朋友食韓國餐，既不是韓式烤肉也不是韓式炸雞，反而是想食韓國菜為主的餐廳而又吾想太貴，所以選擇了位於女人街旁的”首爾”。整間餐廳以黑色為主，燈光較暗，牆身與椅子都是黑色，但光線仍然尚算充足。一進鋪頭店員便會帶你到合適的座位，枱上已放有餐紙、筷子、杯和撈石頭鍋飯的辣醬。一坐下店員便送上四款前菜。前菜：包括芽菜、泡菜、青瓜、韓國粉絲。芽菜較為清淡，沒有特出任何腌整醬料味，所以芽菜味頗重。泡菜腌製得很入味，白菜腍身並充滿了辣醬。青瓜切成薄片，醬汁酸酸辣辣頗開胃，非常適合做前菜。韓國粉絲有淡淡的麻油味，令粉絲更易入口。梅花秀：梅花秀正常在餐廳內是冰凍送上，我與朋友有點貪心😛又想試試梅酒但又不想在寒冷的天氣下飲冰凍飲品，所以我地要求要室溫沒有放雪櫃的梅花秀。梅花秀頗容易入口，可能沒有雪所以梅子味不太特出，只有淡淡的梅子味，整體感覺甜甜的好像在喝汽水。傳統石頭鍋飯（烤肉）：當石頭鍋飯端上，”咋咋”聲不斷從石頭鍋發出，香味與熱力也隨即感受到，我便立即拿起一早已放在枱上的辣醬加入石頭鍋內然後馬上撈，以免有太多飯焦。石頭鍋飯包括有已腌整烤豬肉、生蛋和芽菜。包含的配料款式例如青瓜、蘿蔔、泡菜和菇等比

今日出咗旺角熱鬧下，行咗一陣就開餐，LEE間食店好有情調，燈光有D昏暗，估唔到食韓國嘢會有LEE種氣氛，食店內大概有30~40個位左右，如果4~6個朋友仔去開餐都適合。今日同老婆一人一個餐：韓式烤肉拌飯：超級大碗，烤肉又多，配料又多，烤肉除咗份量多之外，佢都算薄片，又真係有燒烤味，又唔太鹹；配料有泡菜青瓜（都幾辣），粟米粒粒（好甜），青瓜絲（好爽），木魚（飄飄下好得意）；只可惜飯太淋，如果無咁濕會好好多。石鍋烤肉炮菜烏冬套餐：配有粟米湯（味道OK，唔太鹹，感覺上無咩味精）；自選前菜，其實本身都有前菜送，不過呢套餐前菜有得揀，我揀咗泡菜，佢個泡菜辣得好味；烤肉浸咗湯感覺無咁熱氣，因為湯底有味，唔影響烤肉味道；烏冬唔會太淋都幾好，配埋個凍檸茶，都算抵嘅。

今日午飯時間去左女人街搵食，同事見到呢間韓國野，就話食呢間啦不如，咁我地就入左去試試了。呢到地方比較細，坐位不多，燈光暗暗的，我地望望餐牌就開始叫野食了。但都未睇清楚個餐牌，同事就話呢到烤肉石頭鍋飯好食，叫我地試下，咁我地當然相信佢喇，就咁我地就叫左4個烤肉石頭鍋飯了。等左大約10分鐘到，4個烤肉石頭鍋飯就到了。烤肉石頭鍋飯由豬肉、蛋、牙菜、栗米、韓式辣醬組成。將所有配料攪拌後便可食了。石頭鍋超熱，令飯保持著熱辣辣，食落味道唔錯，只是豬肉比較乾身。以$40價錢可以食到韓國野，而且味道不錯，值得推介一下，下次會再黎食的

三年前幫襯過一次，當時味道都還算ok，價錢亦算平。今次一個人叫左一個一人餐，盛惠$89。因為太肚餓，個湯一上就比我飲左一大半蛋花豆腐湯，味道清甜。沙律選擇左螺肉泡菜沙律，螺肉好大粒，泡菜亦都好開胃主菜叫左金菇肥牛豆腐飯，我直接將d飯倒左落d湯度，當湯飯食。對於$89一人餐黎講，份量都算好多，一個人食完全手機得好飽。味道稍微小辣，湯底仲有韓國粉絲，直情飽到可以唔洗食宵夜。飲品叫左冰紅茶，味道不算太甜，茶味亦都足夠！可以當飯堂。

今日約左個舊同學出來行街買野同吹水, 好啦, 行行下大家覺得見累想坐低,　就入左女人街搵左呢間位于旺角 "首爾" 食個 late lunch. 打開個 menu, d相都幾吸引 wor, 樣樣都想食,　我地得兩個人,　唔理喇,　食左先講,　我地揀左好一陣終于叫左:　韓式牛肉鐵板飯,　豬頸肉滑蛋炒烏冬,　海鮮蔥餅,　韓風一口雞　(呢個係後加).首先上係鐵板牛肉飯,　賣相幾令 wor, 隻蛋半生熟係飯上面我至中意,　d牛肉係牛肉粒, 都有十幾粒唔少wor, 我最喜愛就係佢個鐵板汁,　　甜甜地,　有似食緊日式鐵板汁,　好香送飯一流!然後就黎左豬頸肉滑蛋炒烏冬,　上檯個陣bill晒煙,　應該係即炒唔係 microwave　叮熱個種.　味道都ok, 中規中距, 大人細路都arm食!海鮮蔥餅好味呀!可能我本身中意蔥味道啦,　蔥餅我去韓式餐廳好多時都會叫.　煎得剛剛好唔噥 wor, 佢個蔥餅汁好好味,　酸酸辣辣好正!我地兩個大食妹,　後來加追左個韓風一口雞,　唔食多d邊度有力行街呢, 其實呢個係炸雞黎,　不過size比較細可以一口一件.　唔錯呀,　　炸到金黃色,　唔噥,　粉唔厚,　有肉汁,　個汁好似

lunch唔知食咩好，經朋友推介食呢間韓國餐廳。午餐有set，有飯有麵有烏冬揀，仲配餐飲，幾抵！唔想食飯所以叫左個烏冬。金菇肥牛烤肉豆腐鍋配韓國手打烏冬--一上菜d湯仲滾緊，熱辣辣，正！配烏冬要加5蚊，但烏冬唔知係咪煮得太耐，唔彈牙，超淋好彩d餸夠多撘夠返。內有豆腐、金菇、牛肉同蛋。豆腐超滑！蛋都好似溏心蛋咁。 希望下次烏冬會有改善。

係旺角行街街到5:30pm 仲食到下午茶石鍋豬肉年糕烏冬， 選了不辣湯底。量都唔少， 好飽。 石鍋泡菜餃子烏冬， 也選了清湯， 泡菜餃子好飽滿， 不錯。下午茶野飲， 紅棗蜜就要加$5。

首爾在旺角一共有兩間分店，但兩間既質素都分別有不同。午市時間，都係咁多人，冷氣都係咁大好喜歡餐前的栗米羹湯，夠味精味不過呢間分店會比另外果間較稀身，唔夠creamy，但飲完次次都想encore石鍋飯是必食的，加埋隻窩蛋撈，更好味！泡菜及肉都份量多，一個人食，夠晒飽記得一路食一路撈底，因為即使上左桌，但石鍋熱力持續，會有飯焦係底的。我就離不開湯麵，可惜中左伏，面身好軟，好似煮左好耐咁，唯一好食就係啲雜菌，最後只係食左一半就停手。套餐配炸雞翼，配上附上的酸甜醬，幾開胃，不過不失。下次都係繼續食石鍋食物，其餘都是麻麻地。

已經好一段時間沒有去旺角女人街食飯了。今日同幾個友人去了久違了的首爾韓國餐廳。地址唔難搵，就在女人街第三段，山東街同豉油街中間。記得以前試過佢個鐵板燒味道印想唔錯，今次就叫左個泡菜鐵板燒重溫一下。 我揀左烤肉，即係泡菜炒烤肉鐵板燒，午市套餐 $44，包餐湯和餐飲。一上台就聞到個鐵板香氣撲鼻。泡菜炒烤肉的味道濃烈刺鼻，很香很有鑊氣的味道。因為鐵板很熱，泡菜的辣汁在熱辣辣的鐵板上彈下彈下，賣相很吸引！食落去覺得泡菜同烤肉味道幾夾，泡菜酸酸辣辣的，烤肉味道也可口很惹味，炒埋一齊味道又香又辣又醒胃。鐵板上的泡菜汁同飯撈埋一齊也很好味，很好餸飯，平時唔多食飯的我把所有飯食光光了！難得的是味道同我之前食的沒多大差別，水準能夠keep得到 ！如果烤肉（即糸豬肉）唔啱食，可以揀雞肉（同價）或者牛肉粒（加4蚊）. 因爲天氣熱, 朋友話唔想食熱野，所以佢叫左個韓式牛肉拌飯,  午市套餐 $43，包餐湯和餐飲.  個飯是暖暖的, 配菜就是涼涼的. 我見附近幾檯都有人叫伴飯, 覺得都應該唔錯. 上臺個刻覺得賣相都唔錯, 底部系飯上面鋪滿配菜和牛肉粒, 感覺很豐富! 牛肉粒分量很多下, 起碼有十五粒牛肉粒!  

星期一收工心情低落, 諗起仲有四日要捱就覺得辛苦咁既時候當然要約下朋友仔出黎食個飯吹個水大家都唔想諗食咩, 就決定係旺角通菜街睇到邊間順眼就入邊間啦經過"首爾 "見到門面幾順眼, 就行左入去啦首爾既價錢都幾大眾化, 咁我地兩個人就梗係叫二人餐啦秘製烤肉豆腐鍋+另加烏東整體黎講成個鍋份量都比較少, 肉少豆腐少年糕少, 個味唔夠辣, 烏東就淋得制唔夠煙韌傳統石頭鍋飯+另加烤肉石鍋飯比出面既少左D配料, 口感少左, 個肉老得制又乾得制, 但個味都OK既韓風一口雞雞份量算幾多, 但睇OPENRICE人地既一口雞係有芝麻既, 點解我冇, 但食落都OK既整體黎講每人100多1蚊食到D餐韓國野都算係咁, 雖然味道就合格ONLY, 但勝左算平

想食個午餐再反工者。入去話要搭坐。我五介意。只係你地5：15完下午茶。。我都做过reception 。全場得一兩張枱都話要搭。。。。有冇誇張左。。我男朋友食左野。陪我食坐10分鐘都完拉下午茶。。。要最低消費。。。晚餐咩。。。食個反都搞我我火爆！