餃子館

营业中

休息中

個阿叔態度極差，我買外賣（一打生餃，一碗大湯，一份豬耳），佢自己執漏野重係度EE哦哦，搞左一輪終於執齊俾我，跟住我問佢有冇跟菜脯，佢好唔耐煩咁答我：有架啦，齊架啦。我望極都唔見有，所以再問佢，跟住佢態度好差咁掉盒菜脯落個袋，重要話買生餃一向都冇跟菜脯，而家都俾埋我唔好再講。（我記得幾年前買過生餃係有跟既，不過佢話冇就冇啦）最後我俾返啲菜脯佢決定下次唔會再幫襯…..都幾可惜，因為我都食左好多年，搬走左有時都會特登走入天水圍幫襯…. 可惜個阿叔咁樣，慳返🤷🏻‍♀️

餃子館天水圍新北江商場地下A106號舖餃子是很多人喜愛的主食，一間美味的餃子店就更加難能可貴。而天水圍有一間奇特的餃子店，在openrice有不少負評，主要是說老板的惡劣態度，與店舖的美味餃子成強烈對比。元宵節當日我與小絲來到天水圍賞花燈，早到了就來新北江商場先吃過晚飯再出發。我們大約傍晚6時到，小店座位不多，只有大約6~10個位，視乎老板會不會在店外開枱加位。這時剛好有2個吉位可以坐。一坐下，老板就會叫你落單再緊接收錢。因為即叫即煮，大約10~15分就煮好。在等待的途中，不停有客人來堂食和外賣，客人一個接一個來下單，熱鬧情況好比賞花燈的市民。先不評論老板的態度、為人、性格各樣...這店出品的餃子很大隻，比過往吃過的餃子都要大。我點的是芝士豬肉併紫菜豬肉+上海面=$58味道的調味近乎沒有咸的味道，能夠食到食材本身的味道。豬肉的比例較多，所以芝士味與紫菜味不算很強烈。因為餃子真的很巨大，所以加了上海麵即時有點後悔，麵的份量不算多，但連埋餃子就過多。上海麵質素一般，大可以不加。這碗餃子除了餃子是一大亮點外，湯底亦極之有驚喜，看餐牌，湯底是魚膠淮山粟米豬骨湯(無味精)，的確是無味精，連用來加

前後光顧都有六、七年左右，近幾年外賣居多，味道冇以前咁好味，個湯嘅味道有時候比較淡，但仍然一個月會幫襯一至兩次，老公係食到最後嘅時候，想飲埋啲湯，就發現一粒黑色嘅物體⋯⋯

天水圍新北江好多種類嘅嘢食選擇我鍾意佢小店為多，冇咩大集團連鎖店然而有一間賣餃子，佢嘅煎餃同湯餃都好出色，聽聞佢元朗都係有分店突然間好想食香口嘢，所以選擇坐低粟米香菇豬肉餃雞肉香菇木耳餃芝士豬肉 湯餃紫菜豬肉 湯餃呢幾款係我特別鍾意食嘅由於一個人嘅食量有限，我選擇咗粟米香菇豬肉餃，仲要煎香，轉煎餃+$2（煎餃不設跟湯），加上海面要+7（加底+$2）6隻/$428隻/$49 我選擇咗食八隻，不過最後都食淨三隻🤣粟米香菇豬肉餃，粟米好甜又爽，同埋佢嘅餃子係有肉汁，煎得香口佢每隻餃係好大隻，食完好滿足

呢間餃子館係以前喺新北江成日食嘅飯堂！湯底主打無味精魚膠淮山粟米豬骨湯底，超耐冇食，隔咗年幾之後再食下佢先～餃子雙拼 HK$51芝士豬肉湯餃+ 粟米香菇豬肉湯餃！每粒都勁多餡料，大大隻咁！可惜之前覺得最驚艷嘅芝士豬肉餃芝士味已經冇之前咁濃郁，有少少失望！反而粟米香菇豬肉餃就維持到水準，有粟米更加咬口食落好香甜！湯底仍舊都係咁好飲，唔小心飲哂成碗～

每次去都等勁耐，所以建議大家電話打去落定單先，或者用外賣平台app 落定單先，特別推介大家飲佢個湯底，唔算非常重料，但係味道好夠，而且餃子係我暫時食過最大隻嘅👍

平時用openrice落單，而家冇左呢個功能，唯有打電話叫外賣自取。6:30pm打電話落單，6:45到左都係未拎得，等到7:00pm都仲未有，仲打電話俾我問我叫左啲咩🤷‍♀️🤷‍♀️心諗咩事。之後仲拎個錯嘅雙拼餃俾我，同我講我叫嘅6隻餃子俾錯左人，我話唔要雙拼，個阿叔竟然同我講「冇辦法㗎，退翻錢俾你囉，一係就重新整過」請問我打電話尼落單嘅意義係咩？等左我45分鐘仲要受氣，做錯野一句唔好意思都冇聽到

簡直係不知所謂大大話話都叫由細食到大琴日去食 漏單搞到我等左半個鐘佢收我錢既 叫我坐低 過左半個鐘 我見人地遲過我都有得食咪問下佢 佢竟然重新問我想食啲咩 叫我俾錢😑我話你漏咗單喎，我半個鐘前已經俾咗，佢就賴我話：你自己調咗枱姐，十幾張單你仲調枱，已經夠亂㗎啦賴我話我調枱所以先漏單但我調枱個時佢仲幫我手執枱😑😑😑而嗰時都未開始多人最後佢攞碗已經浸到淋晒嘅餃子餃子擺落我張枱嗰度 仲話睇返閉路電視啦 係你調枱咋 之後我就同佢對罵佢 食埋嗱嗱聲走 以後唔會再幫襯激到我

新北江小店林立，這間餃子店不大，堂食位置不足10個。由於餃子製作需時，所以不論是等候入座還是等候上菜，都等了一會。$49 粟米香菇豬肉湯餃熱騰騰的湯餃上桌後，馬上喝一口熱湯，湯餃配上冇味精自家製的魚膠淮山粟米豬骨湯，咬一口餃子，豬肉的肉汁從口中散開，香菇鮮甜，一顆顆的粟米吃得出店家巧手製作，用心非常。店中亦可購買未經烹煮的餃子，無論打邊爐還是大食會，煮早餐還是吃宵夜，都十分方便客人隨時隨地地回味餃子的美味 。

這家小店的煎餃和湯餃的味道雖然不算特別，但餃子的份量和尺寸卻非常足夠。特別是餃子的尺寸比一般的餃子大很多，讓人感到物超所值。煎餃的皮比較硬，外皮略帶焦黃，但內餡的味道很豐富，口感鮮嫩，可以讓人感到十分滿足。湯餃的湯非常好喝，清爽可口，湯汁清澈，讓人一口接一口。店鋪的氛圍和裝飾充滿了香港小店的特色，讓人感到很舒適，十分適合小聚或是輕鬆的用餐體驗。不過，店主的態度可能比較麻煩，需要多加留意。總的來說，這家店的餃子份量和尺寸都非常足夠，是一個值得一試的餐廳。不過，如果你對於煎餃的皮質比較挑剔，或者希望店主能夠熱情一些，那或許需要再考慮一下。

本身諗買外賣煎餃嘅，咁就企咗係到叫，咁同伴話想食湯餃就叫咗湯餃，咁諗住係車食湯餃怕倒瀉所以就諗住坐低食埋先，咁就同姐姐講轉係到食，我地就坐低咗，跟住就有個阿叔喺個廚房度講，堂食就唔好企喺度叫啦，企係到係叫外賣，阿吱阿咗講咗一堆嘢，不斷喺度講緊我哋企喺度叫堂食嘅問題，我地都無理會佢。隔咗一陣佢又再講，堂食我哋最低消費一個人$36，你哋唔夠錢喎，啲態度係極度差，咁我就話咁我哋轉外賣囉，即刻企返起身，個阿叔都仲係不斷係到講我地。其實我轉堂食嘅時候啊姐無講到，而我係枱面到拎個餐牌嚟睇住叫野食我根本就唔知道有最低消費呢個問題，而且我亦都無介意最低消費，但係好不滿個阿叔啲態度，好似我欠咗佢咁，講真我都係嚟買嘢食姐，其實佢咁樣做都真係幾趕客囉，一心都係想買下零食，結果要受氣🤬🤬🤬🤬幾好食都假，要受埋啲咁嘅氣！咁唔滿意同咁嘅態度就唔好做飲食啦

呢個舖我都keep住幫襯4-5年啦，因為覺得D嘢食幾啱自己胃口，但上星期比個阿叔激到嘔血，話說我叫咗外賣自取，羅嘅時候自己走去加豆瓣醬同埋醋，因為佢外賣吾跟，跟住個阿叔即刻走黎話我，吾比我加，又物又乜，講埋D9吾搭8嘅嘢，吾知嘅以為我系度偷佢D醬料，如果大家想比錢去受氣嘅，就去幫襯下啦，我就吾會再幫襯佢啦，真係好耐都未試過咁嬲！

住喺附近，以前有時經過都見到幾多人食。不過都冇食過。淨係知道個阿叔成日會鬧人，好似周圍撩交嗌咁樣。之前都唔關自己事咁咪算囉。反正經過食花生啫。今次諗吾到食乜，米打算試下。點知今次到自己！我叫左野食，個餐到左之後，張個餐牌放係枱面諗住一邊食一邊睇下有冇野加，個呀叔衝埋黎話餐牌吾係拎黎墊枱！之後一野拎曬啲餐牌，我心諗，睇下都吾得？我又唔係用嚟墊住碗嘢，你個牌矜貴米鬼擺出黎囉真係唔怪得知越嚟越冇人食，甘燥其實可以唔使做生意個喎！

6:45去到諗住堂食，要等位無問題，本身叫我坐門口包外賣張枱，阿姐即刻行出黎廚房叫我等第二枱走，點知去到7:10咁岩又有客堂食，個男人叫左個客坐低，我就同返個男人講我等位先，阿姐即刻出黎同佢講係我等先，點知個男人叫我：你咪坐包外賣張枱囉，頭先都叫你坐呢到（如果係無問題阿姐都唔會叫我等第二張枱啦，下話）仲要講我點知你地邊個先邊個後，唔知都可以問下掛，其實等左20分鐘，你比左個位人地先都唔緊要，一句唔好意思都無，仲講話坐呢到無問題，大佬你d外賣成枱都係，碗野都無位擺，仲要近住商場門口冇冷氣，係咁出外賣拎外賣，我係黎食野，唔係你d員工係鋪頭食飯，其實咁辛咪唔好做堂食囉，一路食野聽住d客都係問下等左半個鐘個外賣有未，佢就答返係要等咁耐架喎，你睇唔睇到我好多單？到左會叫你架啦，人地都係問下姐，又唔係吹你，未有咪轉頭再黎囉，你門口又唔係大，唔通個個企哂係你門口等咩，一句總括，態度惡劣，生意好唔好都唔係應該咁嘅態度囉，想嗌交去食就啱㗎啦

本身幫過呢間餃子店係OpenRice 寫過好評，都幫襯左10幾次但係今次真係好嬲！😡😡😡😡😡😡服務真係差到一個頂點😡😡😡今日諗住買一打餃子返去，點知落單個男人發晒脾四，話買之前要講係生餃定係熟餃，唔講即係唔識落order，唔識落order就唔好學人買wo! 係呢度買咗咁多次外賣都冇試過俾人哋咁鬧，啲服務咁差，心情唔好就亂鬧客仔，非常不知所謂！決定以後唔會再幫襯，如果想受氣先好幫襯呢間餐廳