影片
更多
2020-01-22
303 浏览
又係屋企無飯食既日子，所以收工約左朋友係荃灣西食個飯，諗住食完飯可以順便行下donki~去到荃灣西先6點鐘左右，好多選擇，因為時間比較早既關係，好多餐廳都未係好多人。而上次黎開呢頭，已經睇中呢間台灣野好想食，但當時lunch太多人既關係就無食到，今次終於可以試下。一入到去覺得小店好乾淨企理，雖然無乜特別裝修，但係簡簡單單，色調比較光猛，感覺都幾舒服。佢係採用好似canteen咁既流水式點菜方式，自己去開放式廚房既外圍依次揀飲品，兩款前菜，主菜，同埋飯，再去比錢。四款前菜都幾好食，全部都幾入味，而且有翻啲蔬菜類，感覺健康啲！我揀既係麻油雞，啲雞有皮，但唔肥，完全無骨，啖啖肉。肉質未算得上好嫩滑，但係一啲都唔會覺得鞋，比較紮實既感覺。湯底我覺得都略嫌唔夠濃郁，但係調味都ok足夠，唔會太濃味，清清地幾岩香港人。朋友既糖醋魚柳顏色好靚哈哈，我都試左幾塊，魚肉幾嫩滑。而且佢係魚柳同醬汁本身分開放，有人叫呢款先將醬汁倒上魚柳上面，咁樣可以令到魚柳keep住脆身，乾爽，唔錯！雖然醬汁呢家野好睇個人口味，但係我就勁鐘意佢個醬啦！因為夠酸！！超開胃又好送飯！！出面既糖醋魚柳啲汁通常都好甜，我就唔係好鐘意
去到荃灣西先6點鐘左右，好多選擇，因為時間比較早既關係，好多餐廳都未係好多人。而上次黎開呢頭，已經睇中呢間台灣野好想食，但當時lunch太多人既關係就無食到，今次終於可以試下。
一入到去覺得小店好乾淨企理，雖然無乜特別裝修，但係簡簡單單，色調比較光猛，感覺都幾舒服。佢係採用好似canteen咁既流水式點菜方式，自己去開放式廚房既外圍依次揀飲品，兩款前菜，主菜，同埋飯，再去比錢。
四款前菜都幾好食，全部都幾入味，而且有翻啲蔬菜類，感覺健康啲！
我揀既係麻油雞，啲雞有皮，但唔肥，完全無骨，啖啖肉。肉質未算得上好嫩滑，但係一啲都唔會覺得鞋，比較紮實既感覺。湯底我覺得都略嫌唔夠濃郁，但係調味都ok足夠，唔會太濃味，清清地幾岩香港人。
朋友既糖醋魚柳顏色好靚哈哈，我都試左幾塊，魚肉幾嫩滑。而且佢係魚柳同醬汁本身分開放，有人叫呢款先將醬汁倒上魚柳上面，咁樣可以令到魚柳keep住脆身，乾爽，唔錯！雖然醬汁呢家野好睇個人口味，但係我就勁鐘意佢個醬啦！因為夠酸！！超開胃又好送飯！！出面既糖醋魚柳啲汁通常都好甜，我就唔係好鐘意啦！
飯有三款揀，我地今次揀左十八穀米，又係感覺上健康啲哈哈！同埋我地驚食唔哂，所以叫店員裝少啲飯，咁就唔洗浪費啦！
最後飲品方面，我點既白桃烏龍茶唔會太甜，烏龍茶味幾濃，都唔錯。朋友既桂圓紅棗茶又係好好飲，一樣唔會太甜，濃度恰到好處，感覺幾養生哈哈！！
张贴
