饞。台式食堂 (如心廣場二期) (已結業)

屋企附近商場開咗好多新餐廳，之前成日經過呢間台式美食嘅舖頭都好想試！今日放假瞓到自然醒同屋企人去左食lunch!餐廳店舖不大，裝修行簡約風，有落地玻璃，環境舒服地方乾淨！Lunch Set選擇唔算話好多但勝在簡約夠健康. 我哋都分別叫咗兩款一人套餐同埋小食加2杯飲品！一人套餐還包了一款開胃菜👍🏻屋企人叫左藥膳排骨套餐. 藥膳湯底未食已經聞到藥材的香氣！先喝一口藥膳湯非常足料，排骨數量也很多😱都算入味腍身而且啖啖肉，不柴口！天氣涼涼地食呢個真係岩哂，食完暖身👍🏻 飲品叫左熱紫米芋香奶茶，香芋味好濃郁呀，入面仲有好多紫米😍 好特別！而我就叫咗鹽水雞套餐加錢轉了貢丸米粉.米粉有米香口感爽，貢丸也非常彈牙，不錯！鹽水雞都好大份，而且雞件亦都好大件，肉質比較結實，啖啖肉充滿麻油香，再配上粟米芯同青瓜，係一個健康之選👍🏻 飲品配左仙草烏龍奶茶，烏龍配仙草個味道原來都幾夾，唔錯呀！另外叫咗一份台灣香腸小食，佢哋既台灣香腸烤得非常好吃，很正宗的台灣美道！外皮烤得香脆內裏很juicy甜甜地， 有驚喜！

人氣台式小店荃灣一向有好多唔同嘅食肆，尤其是荃灣西，因為好方便，又近西鐵站，連珠幾個大商場，如心廣場就係其中一個，如心廣場入面有一間台式小店經常好多人排隊，今日放大假，中午時間唔使排隊，即刻衝入去試試！店面雖然唔係好大，裝修簡單整潔，所有客人都要量體溫先可以進入，而且裝有好多透明甲板，可以安心食，餐牌種類選擇好多，總有一樣啱食。紅燒燉牛腩便當台式牛腩一直都非常出名，所以食台式野一定要點呢一個，果然不負所望，非常好食。牛腩炆得非常之林，而且好入味，牛肉味好濃，口感一流，配菜都不負所望，八蘿蔔好入味。唔好睇小過開胃前菜，非常之好味，問店員，原來呢一個開胃前菜係自家醃製，喺第二間舖頭係冇機會食到，淨係為咗呢一個前菜，都值得去食。台灣腸不嬲都非常鍾意食台灣腸，外面層皮好正，味道鹹得來又帶甜，肉質口感都好好食，所以一直都非常鍾意食台灣腸。竽香珍珠奶茶竽香味好香，珍珠好QQ，特登叫咗少甜，奶味都好香，唔錯。估唔到呢一間台灣餐廳會有驚喜，餐廳食物質素好好，而且食物都好地道，大家要來試試。

喺荃灣做完瑜伽行到嚟如心廣場見到呢間裝修文青嘅台式便當餐廳入面除咗有四人枱之外有啲好似自修室對版嘅座位啱晒一個人嚟食嘢門口有部水機如果唔揀選佢哋飲品嘅可以自己去拎職員帶我入去坐低之後就俾咗個Menu我揀間餐廳主打台式便當另外仲有啲台式小食同埋台式飲品提供返填好左單之後，俾左店員唔夠8 mins就已經上晒成個餐，好適合一啲勁趕時間嘅打工仔，係快速而又健康嘅食物我今次叫咗一人套餐系列入邊嘅鹽水雞另外會配開胃菜，米飯而揀鹽水雞可以再揀埋辣碟蒟蒻球白桃烏龍飲落去感覺非常清新白桃同烏龍嘅味好夾，加上晶球清爽十分不錯賣想不錯黃金泡菜好開胃，配飯食非常好食鹽水雞嘅份量都好多同埋全部都係冇骨，啖啖肉肉質比較結實，調味適中另外仲有青瓜同粟米筍個配菜

在網上看到這家店，感覺很正宗，小店裝修風格簡單類似日系，點了個炸滷大排，不如奧運家裡旁邊的一家店，還點了藥膳排骨，排骨算是軟爛，但是味道也不出眾，飲料點了個香芋紫米，還算滿意，紫米煮的軟軟爛爛，香芋奶茶味道也可

荃灣一向都係人所共知嘅美食綠洲，聽聞如心廣場近排翻新左，亦有唔少新食店進駐，今日行開呢邊就諗住嚟試吓啦。心大心細就揀咗呢間「饞。台式幸福食堂」食個午餐先再去Donki 掃貨。店員幫手量體溫之後就安排入座，呢度嘅餐牌雖然得一張紙，但已經有超過10款美食同台式飲料可以揀。我同友人分別叫咗一個台式便當同一人套餐。我就揀咗鹽酥雞便當，呢個套餐已經包左一杯紅茶或者綠茶，都只係$52咋。鹽酥雞炸到卜卜脆，亦都仲同係台灣夜市食到嘅一模一樣，外皮炸得香脆但入邊唔會乾爭爭，便當仲配上帶有鹹香嘅菜圃，好惹味。友人就揀咗鳳梨蝦球一人套餐，套餐包左開胃小菜，所以我哋跟餐加咗一杯紫米芋香奶茶。鳳梨蝦球份量都唔少，而且食得出係用原隻新鮮蝦嚟整嘅。仲有第一次飲嘅紫米芋香奶茶，煮到軟綿綿嘅紫米加埋香濃嘅香芋奶茶，簡直係絕配。

荃灣一向都係美食集中地，性價比高嘅高質小店更加係多不勝數。今日小妹約咗好姊妹入嚟荃灣嘅don don donki 掃貨，經過最近先返新過嘅如心廣場見有好多文青小店進駐，就諗住係掃貨之前先補充體力。饞。台式幸福食堂裝潢甚有台灣文青嘅味道，尤其係食店有一排高腳bar 台再加上一整片大玻璃窗，令店內空間感大增，柔和嘅光線令人有種溫暖嘅感覺。講番重點嘢食先，我同友人分別叫咗一個午餐，哩到除咗有台式便當之外都仲有好多唔同嘅選擇。鹽酥雞便當 $62- 哩度嘅鹽酥雞一定要大讚，必試推介，即叫即炸，上台仲熱辣辣脆卜卜嫁，唔知係咪用咁台式秘製炸漿，薄薄一層炸皮包住仲好juicy 嘅雞粒，完全有去咗轉台灣嘅感覺，便當仲有其他配菜-蒜蓉炒椰菜，有菜有肉無咁有罪惡感。鳳梨蝦球 $78 哩個係一人午餐set 嚟嘅，已經包咗前菜同一客飯，或者可以加錢轉魯肉飯或者貢丸米粉。鳳梨蝦球同鹽酥雞完全唔同，前者似天婦羅🍤，但出奇地唔係脆身嘅天婦羅，都幾得意😎

突然好想食鹽酥雞既關係，今日同友人闖入如心廣場二期既饞·幸福食堂一解台灣美食癮午市時段已經坐滿哂客人疫情期間餐廳依然做足環境衛生，對座用隔板分開，所有職員均戴好口罩😷、用手套傳菜，另外仲有自助洗手液機，顧客食得放心提提大家飲用水都係自助式喔台灣出名既小菜+開胃菜&白飯作一人套餐就係店內主食主打，當然唔少得台灣必備小食如炸花枝丸、滷味拼盤、台灣香腸等飲品方面有港人至愛既仙草奶茶系列鹽酥雞套餐（配滷肉飯）開胃菜：味道似韓式泡菜，但無咁辣，偏酸，幾開胃滷肉飯：滷肉粒夠入味，如果size再cut 細做肉碎就更好主角鹽酥雞聞落咸香味好出色炸粉平均佈滿雞粉，唔會太厚粉，如果再味道咸d就更好鳳梨蝦球配蓬萊飯套餐蓬萊米：有別於一般白飯，飯質較黏主角蝦球炸到金黃色，份量有12隻咁多，配上蛋黃醬好似食緊台式天富羅咁底層就放左酸酸甜甜既三色椒同菠蘿粒，好開胃呀呢餐台式午餐絕對係一解我對台灣美食既思念鍾意食台灣野既朋友千萬唔好錯過呀

一行二人看到幸福二字就充滿幻想地走進餐廳。我們點了藥膳排骨套餐、鹽酥雞便當，和一客甜不辣。甜不辣是三大塊魚餅，表面灑上少許椒鹽提味，彈牙的口感令人忍不住一口接一口把甜不辣吃光光，感覺真材實料的魚餅帶微微葱香，令人回味無窮。藥膳排骨套餐味道不錯，雖然等侯的時間有點長，但一看到熱騰騰的湯端上就令等待的苦悶心情被忘卻了。排骨肉質稱不上嫩滑，但絕對非乾柴，反而是鬆軟的口感，味道完全吸收了湯的藥材香氣。從觀察可見，湯底由多於四種藥材熬製，充滿濃濃的藥膳精華，實為用心之作，湯喝下去整個人都變得暖暖的。套餐配有一個白飯，麻醬伴菠菜，還附有一碟味似腐乳的醬汁，排骨沾上醬汁有另一番風味。而菠菜則令菜餚變得更清爽，在連續喝下濃湯中得到一口歇息。另外的鹽酥雞便當，雞肉調味適中，外脆內軟，椒鹽香氣撲鼻，飯上還有少量蔬菜，味道普通，菜甫佐飯的味道則不錯。泡沫紅茶，茶香微甜，完美襯托主食。整體而言，餐廳食物味道非如一般台式料理般重口味，入口清新舒服，香氣濃郁而味道偏清淡，用餐後更不會有口渴的感覺，果然能帶來飽足幸福感。

今日同老公去完荃灣Donki買嘢😊，順便諗住食埋飯先返屋企，正煩惱究竟食咩好，就俾我見到有間叫饞台式幸福食堂，門口menu仲有我超鐘意嘅藥膳排骨便當，見堂食又唔算太多人，入去試試🙆🏻‍♀️我好鐘意間食堂裝修簡約，有一種回到家中舒服嘅感覺，同埋好貼心，坐位間都設有USB充電既位置，啱曬長期電話都冇電既我用😂另外店員也是快手快腳的，年青有活力，讚👍我哋分別叫了藥膳排骨同滷肉飯，整體性價極高，野食好味之餘份量又多，連大胃王老公都話好夠飽😝✨開胃菜-係我最愛既泡菜，但同平時韓國d泡菜唔同味，佢係唔辣偏甜，個人認為更適合大眾口味，好味👏✨藥膳排骨-藥材味濃，加上排骨好入味，每一舊都啖啖肉，真的有台灣風味耶🤣推介✨滷肉飯-用左半肥瘦豬肉，所以做到入口即溶既感覺，加上甜甜地既醬汁，送飯一流✨蒟蒻球百果果綠茶-依個好飲，啖啖都食到d蒟蒻，不過略嫌偏甜，下次要小甜就好了😌整體滿意，下次會再幫襯🥰

荃灣如心廣場翻新完開左咁耐一直都未去過，今日難得放假就約埋朋友一齊行下呢到，睇下有咩新搞作。行到餓，自然就想搵野食！如心廣場啲餐廳普遍都好吸引，門面又裝修到靚一靚，不過靚係有代價，係呢到食野都唔平，想搵間平民啲既都難。不過呢間「饞．食堂 」價錢就好ok啦！主打台式食品，餐廳亦裝修得大方得體，一啲都唔輸蝕比其他貴價餐廳。入面都裝修得好有styles，坐得巧c伏。套餐選擇唔算多，都係普遍既台式食物，不過貴精不貴多！我就叫左個鹽酥雞滷肉飯，套餐包前菜同飯。前菜係腌菜，酸酸甜甜好開胃。鹽酥雞係椒鹽味，外脆內軟，keep到入面啲雞既肉汁，而且份量一啲都唔少。如果有其他調味粉比我地自己揀就更好！滷肉都唔差，夠晒咸，好岩送飯。友人叫左鳳梨蝦球，同樣大大份，上面有啲蛋黃醬，蝦球用左面包屑黎炸，脆卜卜。入面係大大隻鮮蝦，連蝦尾都炸得好脆，可以食埋落肚。味道好有層次，先係蛋黃醬既咸，再到炸面包屑既香脆，最後係蝦鮮味，認真抵讚！最後埋單兩個人158，大大份都算ok抵食。

太耐冇出國，突然想吃台式美食。正好經過一間台式便當🍱店，就去試試。我和朋友點了兩個set lunch，包括滷水雞腿🍗便當和鹽酥雞塊便當，還有仙草奶綠和香芋紫米奶茶。鹽酥雞塊🐓便當：鹽酥雞食落有驚喜，外酥內軟，毫無粗糙鞋口的感覺👍🏻。滷水雞腿🍗便當：雞腿超大隻，非常豐滿🤩。雞腿皮下脂肪薄薄地，食落唔會好油。便當其他配料：有珍珠米、滷水雞蛋🥚、椰菜、炸菜粒仙草奶綠：茉莉花茶面仙草，清香花味紫米香芋奶茶：紫米份量多，是濃郁香芋味服務態度：一入場，職員主動打招呼和安排座位，遞上菜單，很有禮貌，令人感覺良好。裝修：店鋪主打白色、黃色，座位是膠櫈。開放式廚房令食客食得安心，當然廚房和座位間也是乾淨俐落的。

今晚想來個簡單晚餐，選了如心廣場二期這家吃台式便當。入座後，待應給一張雙面餐單給客人，只需在上面打剔後交回待應，點的餐就會送上。上周才吃過台式牛肉麵，所以今晚選鹽酥雞 $70，含一小碟開胃菜，其實是麻醬菠菜，配貢丸米粉 +$12，熱桂圓紅棗茶 +$15，雖然有待應送餐，但沒有加一服務費，合共$97。雞的份量不少，顏色稍深，熱騰騰，香脆的表面，調味粉不過多，中規中矩。一粒大大的貢丸，肉質爽脆，幼細的新竹米粉，伴有芹菜粒，清清淡淡，用來配濃味的鹽酥雞合適不過。桂圓紅棗茶用料足，真材實料。如果想吃個簡餐，不介意價格比連鎖快餐店略貴，這裡是個不錯的選擇。

黎海之戀Don Don Don Donki🎶行完街，係附近搵地方食午餐，揀左隔離商場如心廣場的饞•台式幸福食堂。餐廳燈光好光猛，行簡約路線。餐廳應該係新開冇幾耐嘅，周圍都好新淨！望到廚師煮野食👩🏻‍🍳都好多套餐選擇，可以選台式餸菜，跟開胃菜、白飯或者揀便當。我同朋友都揀咗便當，加錢要埋台式飲品🥤我要左個鹽酥雞便當$62超級大碗飯，配菜有滷水蛋、榨菜、炒椰菜。強烈推介鹽酥雞，炸得好香脆，粉漿唔算多，而且有好多舊，落咗椒鹽粉，好香！好有台灣夜市食到既感覺😍另外佢啲椰菜都有用蒜蓉炒過，一啲都唔馬虎，食落好香蒜香味，唔係求其烚一烚個種 。便當本身送凍泡沫紅茶或者莉香綠茶，我加左$10轉特飲— 紫米芋香奶茶，我驚飲唔晒，所以要求轉外賣杯👍🏻芋香味好濃郁，底下面既紫米都好多，有少少似食緊糖水咁！😛特別一提，好鍾意食佢嘅榨菜，用來拌飯很好吃😋朋友要咗一個滷雞腿便當，加$10仙草奶綠，超大隻雞腿🍗😱😱佢話味道都OK！啲飯嘅份量多到佢食唔晒，搞到要打包🤣女仔嚟食嘅話可以叫少飯😝好食嘅台灣野，令人諗起上年台灣之旅😭希望疫情快啲完，可以快閃一轉台灣啦🥺

荃灣行完Don Don Donki之後經過如心廣場二期見到呢間台式飯店又新正又光猛企理，所以入去是旦食。坐低之後發現有獨立USB插頭位，咁即係可以义電啦，正！自己填紙仔落單，我就梗係揀咗紅燒燉牛腩嘅一人套餐($80)，已經包埋一碗白飯，同埋一份前菜，加$IO蚊仲可以轉滷肉飯，不過我就冇轉到。雖然個套餐冇包飲品，如果好似我咁唔想另外叫飲品，可以去自助形式嘅水機斟水㗎。好快趣侍應就將個套餐放咗喺我面前，個開胃菜都有好多芝麻醬，夠香口！牛腩都唔少份量，同埋燘得都夠諗，至緊要係夠入味，同埋嗰啲牛腩湯汁都算清甜得嚟有牛肉味，要嚟撈飯啱晒😋，白飯份量唔多，上面加左少少芝麻，一啖牛腩湯汁飯，一啖夠諗又入味嘅牛腩，正!

諗住食個早午餐，附近搵到呢間有開門就試下。點咗藥善排骨湯有藥材味，但比較淡口，同台灣的排骨湯有有一段距離，排骨又唔夠淋。佢有個醬汁點嚟食，可惜救唔到排骨嘅鞋口。另外的鳳梨蝦球炸粉太淋身，但份量不算少，蝦也算爽口彈牙，不過不失。前菜無乜特別。鹵肉飯反而幾好，鹵肉碎肥瘦適中，送飯一流。飲品方面叫咗伯雀茶仙草奶茶，還好不太甜也清香。另一杯百香果茶也正正常常，跟餐加錢就可以有。不過整體睇嚟佢評價冇想像中好。