養生糊甜品專門店 (已結業)

同朋友出街，咁夜先返屋企，返去前緊係要照顧下屋企班小朋友喇。行去搭車時經過北角蜆殼街見到糖水舖，入邊都係D中式既糖水就買左2碗返去俾佢地食。今次我叫左芋頭西米露（凍）既同埋芝麻糊（熱），西米露粒粒分明好咬口，加埋芋頭香味，真係好好食。芝麻糊，超香芝麻味，仲好軟滑，冇粒粒，又唔係死甜味，正👍呢間養生糊甜品專門店，仲有好多唔同既中式糖水，好似杏仁糊，腰果糊咁唔係度度都有得食架，下次要再黎試下其他先得。

愈黎愈多人中意去cafe食件cake、打個卡，諗落個消費其實都吾平😵一件cake、一杯latte都講緊要50蚊🧐仲要有啲個位置都幾偏僻或者幾遠。除咗新興嘅cafe同埋甜品店外，中式糖水店都喺香港佔咗一個重要嘅位置，芝麻糊、合桃露等種類深深咁刻喺香港人心中。我住附近吾系話冇中式糖水店嘅，不過戈間都食過幾次喇，得知炮台山戈邊都開咗間新嘅，都有啲興趣試試😁糖水款式都系好傳統戈啲款，中式糖水其中一個咁受歡迎嘅原因相信同價錢都有直接嘅關係，每碗都系講緊廿幾蚊左右，堅系平，加雞蛋、蓮子、湯圓、芋圓都系講緊加4蚊咋😆由細到大最中意食嘅中式糖水就系椰汁西米露，因為自己本身都幾中意椰汁，逢系加咗椰汁嘅糖水/ 甜品我都中意🤍呢碗嘅椰汁味相當濃😋又吾會話溝咗好多水，真材實料👍🏼西米嘅數量都好多啊，一路食西米加埋椰汁嘅味道好甜☺️然後叫咗個木瓜雪耳露，好似吾系度度都會有呢款糖水，其實自己整一啲都吾難，好多菜式都系咁，不過自己要整戈陣又吾想整😂喺度叫都未嘗不可。裡面嘅木瓜有幾舊，都好大舊吓，味道清甜。雪耳嘅數量都吾少，好中意佢真系夠足料😍雪耳索埋啲糖水清甜又有咬口。合桃糊真系好經典，逢親有嘅地方我都會叫。合桃糊嘅

之前睇過介紹話依間傳統中式糖水舖以前喺北角書局街開店，由店主兩夫婦一手一腳打理，不過因為雙手勞損而結業。而家喺炮台山重新開業，作為街坊當然要幫襯下啦！舖頭門面同出面都放咗有附圖嘅menu，清晰易睇，價錢相宜，更加有介紹每款糖水嘅食材功效，可以揀番碗啱自己嘅中式糖水。小店雖細但都有提供座位可以即場食。依排芋頭當造就嗌咗碗香芋椰汁西米露－老闆有問要唔要加奶，不過想試真啲個椰汁香就冇加到。芋頭軟綿好香，西米煮到透身，甜度適中，食完都幾飽肚。之後買咗碗芝麻糊同蛋白杏仁露返去同屋企人分享。芝麻糊係小店嘅招牌，到而家都堅持人手炒香用石磨生磨，絕對唔用粉開。芝麻糊香濃滑溜，低糖份夠健康，有黑髮、通便、潤膚嘅功效。好多人會怕杏仁陣味，但我就好鍾意（可能因為由細聽媽媽講飲杏仁茶對皮膚好）。蛋白杏仁露真材實料，味道好香而且入口順滑，滑捋捋嘅蛋白融入咗喺杏仁露入面，每啖都好滋味，食完真係有潤肺養顏嘅感覺。到而家仲有咁用心專心製作中式糖水嘅舖頭真係好難得，希望有更多人認識到依間小店支持下！

秋天係正嘅，涼風送爽，但伴隨就係乾燥。呢啲時候就特別想食滋潤嘅甜品...暖笠笠之餘，喉嚨仲會好舒服...是晚去「養生糊」買糖水...左諗右諗之下，先叫一碗 蛋白杏仁露 $23/碗！ Wow，lucky呀，買到最後一碗...即場食，非常夠熱！好好食！杏仁味濃厚，食落仲有微微沙沙地嘅口感...每一啖直到最後果啖都有蛋白碎！！好正！唔會太甜...(實在好好食，完全無玩任何ig effect，是是但但影咗一兩相就算數🤣 為食到不能 😏)呀！記住唔好大啖食，唔好心急(提自己🤔)...食完後，決定外賣多一碗 #合桃糊 返屋企，留待第二晚食。嘩！嘩！嘩！勁滑！合桃味又係好濃好濃，仲有焦香味，又係唔太甜！喂呀！I’m lovin’ it！定必encore！‼️ 食店有得堂食嘅，但門前有一級，坐輪椅嘅朋友入唔到去都唔緊要。大家可以選擇外賣。真心推介，非常好食！

💗養生之道💗😍蛋白杏仁露 ($23)功效:美顏、平氣止咳一打開蓋已聞到好香嘅杏仁味！白滑細緻，食得出杏仁係研磨，吾係溝杏仁粉。一點苦味也沒有，南北杏的比例控制得好！另外，食到一絲絲的蛋白！🥰桑寄生蓮子蛋茶($20)功效:安神/益肝腎/緩經痛飲完好舒服，好滋潤，而且暖烘烘，親身體驗到係生理期飲，真係可以舒緩不適~本身蓮子係得番幾粒，當時已經9:00pm，點知員工都會refill ，絕對不會偷工減料！讚👍🏻😍合桃糊($23)功效:抗衰老/益腦護心相比之下，呢款比較簡單，沒有蛋、蓮子、豆等等，只靠濃濃嘅合桃味取勝！我估有做過濾，所以係冇渣，非常滑溜！如果覺得太過單調，我建議可以加湯圓😋😋😋🥰香芋椰汁喳咋($20)功效: 改善膽固醇、血糖、血脂呢款係易拉架上面冇嘅，應該係近期先推出！呢碗係不但止抵食，仲要係回曬本！喜歡食豆嘅人，包你一試難忘！ 紅豆、綠豆、眉豆、西米，數之不盡！質地夠稠，啲豆都算稔身，加左椰奶，更加馨香濃郁~外賣回家食，都仲夠熱。食材都會雪住，以保持新鮮。座位吾算多，希望佢遲啲會擴展間舖😋😋😋

十一期間和朋友一起去看虎豹別墅，順路來這邊食糖水，有看到推薦，但是味道我覺得都不算很出眾，而且芝麻糊拼核桃竟然有姜味，應該是湯圓的味道，銀耳木瓜味道也不算太好，下次不會再去啦

糖水鋪位處內街，若不是附近食店林立，產生協同效應，否則是不會想到碩果僅存的傳統中式糖水舖坐落於此。店舖雖然很小，有少量座位以供堂食，但乾淨企理。糖水清一色是中式糖水，可配雞蛋、湯圓及芋圓。點了腐竹薏米及腰果露，另配芝麻湯圓。腐竹煲得夠稀爛，很有豆味，極像濃厚的豆漿；不多糖水店有做腰果露，這店的腰果炒得很香，糖水質地不會像糊一樣，口感順滑，最緊要是甜度恰當。芝麻湯圓很大粒，芝麻餡很香，看得出此店的出品既有誠意又用心，價錢超值！

好羨慕住北角嘅人，可以成日食呢間港式糖水店🥺小編不嬲好鍾意食甜野，但又鍾意懶健康，所以港式糖水都幾啱我😻最鍾意食芝麻糊不過通常唔係專做傳統糖水嗰啲舖頭都係用粉整，好稀好爛食🤔之前食松X稀到好似飲水咁，自此冇再係岀面叫過芝麻糊黎食🤮難得今次經過北角，聽人講呢間好岀名，100%生磨唔用粉，即刻衝去買😂.🥣生磨芝麻糊果然名不虛傳，好耐冇食過啲咁高汁嘅傳統糖水🥺好香濃芝麻味，口感好滑🤤本身冇湯圓嘅，要加就$4一粒，佢啲湯圖好大粒，飯後甜品嘅話一粒夠曬🤣.🥣芋頭椰汁西米露加咗芋圓，講真芋圓大家真係可以唔使加，佢係就咁煮淋返冇任何調味😭幾足料，好多舊芋頭，又係食到好飽😂好鍾意佢唔會靠甜令人地鍾意食，而係用真材實料取勝(盡量講到隻feel岀黎😂).🍽味道: 3.5/5🏙環境: 2/5‍👨🏼‍🍳服務: 4/5💧衛生: 3/5💰價錢: 3/5

在家抗疫咁苦悶偶然都要甜一甜🍬之前喺附近食拉麵🍜見到有間新開嘅中式糖水舖主打好似係食糊🀄️今次放工就順便去甜一甜—————————————————坊間好似好少見蛋白杏仁露二話不說就揀左呢個純白無雜質嘅杏仁露❤️好香滑仲真係睇到有蛋白感覺好滋潤 好似食多啲就會白啲咁😂本身都好想試佢地啲糊但係啲糊要熱先好食我拎到番屋企一定凍曬所以等下次有機會先再食另外仲叫個西米露溝咋喳勁足料好有椰汁味佢地仲用左大細西米去煲增加口感平民價食到高質中式糖水👍🏻—————————————————◂ 蛋白杏仁露 $23◂ 香芋椰汁西米露+咋喳 $20

吃過晚飯，覺得意猶未盡，經過炮台山蜆殼街，就決定買個糖水食。店內售賣嘅係傳統中式手工甜湯，做街坊生意，舖頭感覺懷舊同帶有人情味。由於疫情的關係，就買幾碗返屋企同屋企人慢慢嘆。芋頭椰汁西米露$20好香嘅椰香，又唔會太甜。西米露同芋頭都好足料，下次要加埋芋圓先得。芝麻糊$23媽媽就整左碗可以烏髮嘅芝麻糊個芝麻糊好滑好香，稀稠度又適中。蛋白杏仁露 $23我就揀左最岩女士可以養顏嘅蛋白杏仁露，飲入口感受到淡淡杏仁清香，蛋白嫩滑，甜度適中不會過高，好滋潤。

前身為書局街王記 一聽到佢重開已經好想幫襯現在以小舖形式養生糊捲土重來🦾今日試左依然無得彈 正正正腰果合桃糊 又香又滑又唔太甜😋會繼續支持港式小店🤩大家食中式糖水推介🤓

🔸芝麻糊 +湯圓 +芋圓 $31🔸香芋椰西 + 芋圓 $24🔸木瓜雪耳 + 蛋 $24-政府又限制晚上六點後唔准堂食，唯有買外賣返屋企啦，細妹放咗工就買咗佢公司附近嘅糖水返屋企一齊食～～好耐冇食過中式甜品，同埋近排食得太熱氣，今次就叫咗木瓜雪耳糖水，希望潤一潤啦。雪耳同木瓜嘅份量都幾多，而且糖水唔會太甜，食完有種滋潤嘅感覺～～另外屋企人叫嘅芝麻糊同椰西，佢哋都話好味，又平又抵，下次可以再試埋其他中式糖水啊～～

疫情關係，好耐都冇同朋友出街食糖水啦，比起西式我更鍾意食中式糖水，所以今日去左養生糊買糖水食，鍾意佢真材實料，真係自家製自家磨嫁~雖然望落細細碗，但份量其實已經好夠。腰果合桃糊好滑，第一淡入口腰果味香過合桃味，但食到後期合桃味又多返，我有好好撈勻嫁，不過可能兩隻味太似，未必分得好清楚，但兩隻味好夾，又唔太甜，我覺得幾滋潤。香芋椰汁西米露係佢特別推介，所以我又試下，夏天食到涼涼既西米露真係好爽，椰汁味濃過香芋味，D西米好多好大粒。店主會問你加唔加淡奶，落完就更滑了。雖然糖水款式一眼睇晒就係個十幾款，但其實可以mix & match，雙拼都係同價嫁! 每款都有提到有咩功效，同埋我覺得真係要支持一下小店，聽聞老闆係因為雙手做到勞損先執左以前係北角既店，近期係炮台山開返。佢個位開得有D入，但其實都係方便，就係地鐵站對面既巴士站，再行到銀行個個街口轉入去行到差唔多尾就係啦!係附近既白領都可以好方便就食到養生既中式糖水!

依家好多不同種類的甜品店，好多都係食不同的新式甜品，反而一D傳統的中式港式糖水就冇咩人做。個日行過呢家養生糊，想起父親大人好喜歡呢D既糖水，但我地又唔識整，所以就一於外賣兩碗，等佢老人家開心下。先要左配凍芝麻糊，因為我記得老豆好LIKE呢個甜品，買既時候就已經聞到好香既芝麻味，真係好耐都冇試過買到咁好味既芝麻糊。呢到有冷同熱，都係$23一碗。食落好滑又好香，食得出佢既芝麻打得好幼，唔會有一粒粒。而且用料都好足，真係一碗食到有滿滿幸福慼的糖水呀~~睇個樣都知好滑喔另一碗我就買左椰汁渣咋$20，因為我好LIKE椰汁既甜品，加上天氣熱又可以雪凍佢先食，同埋我相信呢D糖水比起食雪糕健康得多，所以整多碗同家人一齊食~椰汁好香呢~~而且同樣好多料，加D花奶更帶出甜品的美味，呢D港式糖水真係冇可代替~正

其實一直都覺得新式糖水做唔到傳統糖水既感覺。因為疫情關係，大部份食店都只接受外賣，當我經過呢間小店，覺得好有細個去飲茶，車仔裝住一桶桶既湯水個個畫面。忍唔住買左2碗合桃溝腰果糊，好香又滑，但唔係好甜，兩溝當中都仍然食到2種口味，超正....因為我好怕食完會將住個嘴既感覺。老闆一開蓋已經聞到好大陣合桃既味道，好耐無聞過啦同埋好多鋪頭已經無左呢類舊式糖水，一定要好好保護呢個傳統食物～下次經過一定會再幫襯。