養生糊甜品專門店 (已結業)

夜晚7pm去到糖水舖，本身想叫芝麻糊食，不過聽到前個食客想叫都已經賣哂😐，仲聽到個疑似老闆既人話今日煲左2次都已經賣哂😱，好搶手呀，下次要再早啲過黎買先得！.蓮子百合紅豆沙💲20🔸＋芋圓💲4好岩我飲，因爲冇咩陳皮味😆同埋紅豆沙唔會好甜，仲有好多紅豆沙蓉煮到係爛與唔爛之間👍🏼，加左一份芋圓再增加口感同份量😋。.腐竹薏米蛋💲20腐竹味好香濃😋，仲有勁多薏米沉係底，非常足料👍🏼。.合桃糊💲23🔸＋湯丸💲4合桃糊煮得好綿密，口感超順滑細膩，聞落去好香，食落去仲香😋，加埋湯丸煙煙韌韌，食落去口感即刻增強左勁多。

係北角食完飯，順便食個糖水～一嚟到呢間糖水舖就見到大排長龍，原來佢近嚟搬咗新鋪，之前做咗六七年，近排有傳媒採訪，今日仲要上咗新聞， 吸引咗好多新客同舊客嚟幫襯，老闆都忙到停唔到手🙈桑寄生蓮子蛋茶（$20）呢碗糖水甜甜地甘甘地，有紅棗同蓮子，仲有隻蛋，有少少中藥嘅感覺🤣適合女仔進補😂合桃糊（$23）好足料嘅合桃糊，好creamy嘅感覺，同埋好易入口薑汁芝麻湯圓（$20）薑味好重，有5粒芝麻湯圓，芝麻味幾濃👍🏻本來想試紅豆沙但係賣晒🙈平均一碗糖水$20～都係街坊價👍🏻

甜品店愈開愈多，但俯拾皆是西式甜點，難得遇見這間傳統中式糖水小店，一定要入去支持兼且滋潤一下。中式糖水的賣相雖然沒有西式的甜品那樣花巧，但平實的外表卻載滿著養生養身的效果，每一款材料都有著其食療的功用。小店不大，一眼睇哂，設有一張小圓枱及一張長木枱，𥚃面便是㕑房，當我望入去時，看到兩盤正凖備放入石磨的合桃，材料新鮮天然，是真正真材實料的養生糊。腰果糊（HK$23+$8 湯丸兩粒）👍👍👍👍👍腰果糊不是很多地方有得吃，當我看到這𥚃有腰果糊，我便眼也不回，直點了腰果糊加兩粒湯丸。淡淡的顏色卻充滿腰果的香氣，口感幼滑，甜度適中，湯丸的外皮軟滑，流心的芝麻饀流入糊內，令味道更添層次。芝麻糊（HK$23+$8 湯丸兩粒）👍👍👍👍👍黑漆漆的芝麻糊同樣是經人手炒香，放入石磨細磨再慢煮數小時而成，口感同樣幼滑，芝麻糊香氣四溢，配合流心芝麻湯丸就更相得益彰。總括而言：價錢平實，真材實料，用心製作，值得推介！門面內在環境餐牌

又到了北角傾生意，5點幾又未想食飯就獎勵自己食糖水，見到「養生」二字就吸引了中女的目光，果然不錯哦！店舖細細，兩公婆努力經營，糖水有凍有熱，都係主打傳統中式糖水，芝麻糊、核桃露、腰果露、木瓜雪耳等等，全部都係$20-23幾蚊，經濟實惠。睇住親手舀出來好有時代感。傾傾下居然比我入去喺門口見到呢個石磨，無論係芝麻、杏仁，都係喺呢度日日新鮮親手打磨架！係咪好有vintage感呢哈哈哈！到了我最愛的黑白配，上檯平平無奇，經我畫來畫去，就變左呢個「雲石」糖水啦☺️加湯圓都只係$4蚊（兩粒）仲有芋圓、蓮子、雞蛋可以加（全部都係加$4）飲完一碗已經飽飽了，因為店員分享芝麻糊加左米水，所以特別幼滑👍🏼👍🏼下次想再試下合桃露。

2020年6月3日 星期三今晚約咗個朋友出嚟食飯，食完飯之後仲想繼續傾吓計，於是就諗緊炮台山嗰頭有冇咩糖水店，可以一路食糖水一路繼續傾行行吓就見到呢一個餐牌，原來呢個位置新開左一間中式糖水店，仲有芋圓食添行到過去即刻已經見到舖頭，主要係做外賣，因為裡面唔算有太多位置入到去坐低咗再慢慢研究餐牌，發現原來每一款中式糖水都有寫低食材功效，而且仲可以加湯圓同芋圓添，價錢都好貼地朋友要咗凍椰汁西米露加芋圓，見到西米露好足料，而且芋圓都唔少，我都偷食咗幾粒，覺得好煙韌，都幾重芋頭味至於我就要左腐竹薏米蛋糖水加芝麻湯圓，見到腐竹已經煮到溶晒，就知道應該煲咗好耐，所以好夠味，而且湯圓一咬落去，芝麻餡已經流出黎，好好食，早知加多一份湯圓啦

來北角探朋友，吃完午飯，去蜆殼街餅店買蛋撻。望到街尾有間新開甜品店，走近一看，原來店舖主打養生糊，另外亦有不少中式糖水供應，見價錢都幾經濟，而且仲可以另加配料，每款都只係 $4，好抵食，一於外賣幾碗回家慢慢品嚐。揀咗蛋白杏仁露、芝麻湯圓同合桃腰果糊。蛋白杏仁露+雞蛋 ($27)：打開蓋已經聞到好濃郁的杏仁香味。呷吃一口，味道果然唔錯，杏香中略帶甘，而且還帶有一陣淡然隱約、不屬於糖的天然甜味，加上蛋白增添咗杏仁露的滑度，配埋大大隻雞蛋吃，健康又滋潤。據說這款甜品可潤肺健脾、養心安神。另外呢碗薑汁芝麻湯圓 ($28)  都好有水準，因為加多咗兩粒湯圓，所以望落去非常大碗，幾乎滿瀉。湯圓好大粒、外皮唔算好薄，但就夠曬煙韌，而且最重要就是內餡夠豐富，芝麻餡有流心效果，咬下去時非常澎湃！薑湯亦值得一讚，薑味夠辣、夠香濃。至於呢碗合桃腰果糊 ($23)  就係店員推介的，一次過可以嚐到兩種唔同的味道。店員話佢哋嘅養生糊全部都是經人手炒香，放入石磨中細磨再經慢煮而成，唔怪得之食落咁滑溜，絕對係真材實料！講真，腰果糊唔係度度都有得食，個人覺得比花生糊更香更好味，即使同合桃糊混埋一齊，依然分辨得出，兩種

食完飯，但總是差一些什麼？剛剛就比我見到有間新開的糖水舖 - 養生糊，原來就是你飯後甜品。主打手工中式養生甜品，當中還有較小見到的腰果露，價錢又好親民，一於買回家再開餐。香芋椰汁喳咋 - $20香芋椰汁喳咋看起來非常足料，而且聞到濃濃的椰香味，真是絕不欺場。喳咋軟綿爽口，香甜味美，令人有滿腹的感覺。腰果露 - $23一打開蓋就傳嚟好香腰果味，入口腰果味道香濃，唔會覺得好膩，味道甘香細滑。蛋白杏仁露 - $23入口順滑有清香杏仁味，且甜度適中。

飯後突然間想食甜品，剛好見到附近開咗間新嘅糖水店，售賣中式糖水為主。每碗都係大約20蚊，真係平通街。呢間小店專做街坊生意，食緊嘢時候都見到唔少人嚟買外賣，店員都幾有人情味㗎。我同囡囡叫咗碗木瓜雪耳糖水加芋圓 糖水有家嘅味道，唔會太甜，非常滋補養顏。另外叫咗兩碗返屋企慢慢歎，有合桃果拼腰果糊，同埋腐竹薏米蛋。合桃腰果糊好香，雙拼都係同價錢，可以試多個味道🤤🤤🤤腐竹薏米蛋好好食，腐竹溶曬， 薏米都幾多好足料。

晚飯後最好來一點甜今天放工經過這裏看見有一間新開的自家製養生甜品專門店 各種甜品放在當眼處上 看起來相當吸引聽老闆說全部甜品都是人手炒香 放入石磨中 再慢煮而成看來相當吸引 就要了一碗芝麻糊 $23 一碗蛋白杏仁露 $23 回家吃 芝麻糊味道超級香 吃下去很順口好吃 而且芝麻糊的好處也很多，不但可以護膚美髮，還能夠補血降血壓~另外蛋白杏仁露真的會有一絲絲蛋白在甜品裏來增添味道和口感杏仁很香不會苦 淡淡清香滲出非常好吃值得推薦的甜品店呢

放工經過呢間傳統糖水店 見到新開同埋望落光猛乾淨就埋去睇下 價錢好吸引 多數都係$20 我就買左兩碗返屋企同阿媽食～主要做外賣生意 有網上外賣平台 堂食座位有5-6個到每打開一格都好香！渣渣糖水好多料 不過我早幾日先食完 冇簡到老闆話呢隻腰果糊唔係周圍都食到我簡左我既最愛 芝麻糊加湯圓 湯圓大粒到嚇親！似係芝麻花生餡 似糖不甩 好正芝麻糊都好食 好滑好rich 好耐冇食過有水準既芝麻糊！阿媽食桑寄生蓮子蛋茶 佢話甜度剛剛好 好滋潤～佢今日捐完血 呢個有補血功效 岩曬佢下次再試其他糊！