養心殿台式養生鍋 (已結業)

同屋企預先用「開飯」app訂位，連電話都唔洗打既訂枱方法值得一讚，去到只要show部電話就帶我地入坐，簡單訂枱方法絕對一讚。我地坐低點左個鴛鴦湯，分別係麻辣(中)同埋養心鍋，麻辣鍋除左跟湯鴨血豆腐之外，再送多份鴨血，又一絕讚。鴛鴦湯由川芎，魚頭，竹絲雞煲成，兩種湯底淨係材料都係一流享受。之後點左一堆火鍋會點嘅菜，小羔羊肉，黑毛豬梅花肉，牛肉粒，蝦滑，墨魚滑⋯⋯⋯而每一樣食材都新鮮，無雪氣味，肉類無出血水。可惜點水漣餃，水漣菜都無，而且叫咗個白飯，等左10分鐘先到，我哋已經食晒所有嘢，先至幫我地換第一次碟，店員俾我哋嘅感覺太鬆散。整體黎講，依家既火鍋店9成係坐「冇靠背木凳」，舒適度方面冇得要求，店員服務有待改善，泊車無優惠，但係食物絕對已經足夠值門票價，而且7點前與8點半前埋單分別有半價到7折，當然更好

約咗閨蜜一齊食好嘢，食到捧住個肚真係爽！首先講下個環境真係一流，好有古代感，增加咗氣氛。宮廷感覺嘅火鍋爐，食得好有feel。叫咗個薑母鴨鍋補身！滾起試啖湯先，勁重鴨肉同藥材味。而且勁多鴨肉，又大舊。抵食！重點係配咗黃色嘅腐乳醬，勁夾勁好味，好香腐乳味，絕對要點黎食，之後好多嘢食好自己就點咗黎食另外另叫咗炸午餐肉，夠哂厚身！一定要趁熱食！必食之選！另外有自助醬料吧。兩個人又想食多啲種類嘅嘢，餃子拼盤同肉丸拼盤真係fit哂！每人可以試哂每一個味道而餃子方面麻辣牛肉口味幾特別，肉丸方面推介黑松露墨魚丸！好香口，又彈牙最後叫咗台灣水蓮，一條條咁好爽口，係特別菜色，應該唔係周圍都有得食。白酒豬肉，本身淥滾熟咗真係以為冇咗啲酒味，點知又唔會喎。

自從食過一次養心殿，曰曰都記掛住佢嘅寧神養心鍋，今次再來當然要㨂返呢款啦！寧神養心鍋係用烏雞, 魚頭, 天麻,川芎等淆制, 味道鮮甜. 另外我地仲揀咗半邊麻辣鍋 ! 湯底好香, 好夠辣, 蜂巢豆腐吸曬麻辣湯嘅味，絕配，仲可以免費追加一份鴨血, 正！食物叫左炸響鈴, 淥一淥好快食得, 脆口不錯。極上雪花牛 , 個人較喜歡手切牛肉, 味道濃D同滑囗，前者肉質較薄, 炸午餐肉, 呢個好抵食, 好厚身, 皮脆, 上枱時熱辣辣可以即食! 韮菜水餃, 呢個就冇乜特別了. 兩個人七點前埋單仲有半價，好抵!下次一定要試埋酸菜白肉鍋

同老婆兩個人開開心心去養心殿，難得荃灣開左，好方便呀!店鋪採用宮庭式設計，古色古香。枱與枱之間闊落，而且每幾張枱就有屏風間格，感覺好有私隱，傾計大聲少少都唔驚嘈到隔離枱。好鍾意呢求既酸菜白肉麻辣鍋，除左鐘意食酸菜外，亦因為可以解麻辣既油膩，兩者真係絕配!!呢度既鮮蝦雲吞同韭菜餃子口感都好豐富，皮薄餡多。蝦肉爽口彈牙、瘦肉比肥肉多!! 正正子!即炸響鈴同老油條係麻辣火鍋既絕配，吸到麻辣味，好好食架~~~食火鍋一定要叫菜，呢度既蔬菜拼盤樣樣都有，菜都新鮮!!最後呢個酒香白肉都好正，有濃郁既酒香味，加麻辣一流!!

又係時候食養心鍋今次再到荃灣店一如既往簡簡單單的調味料今次我們四個人所以可以試更加多配料自家製極品水餃半份 $42一睇就知大大粒 脹卜卜一人一大大粒已夠雜錦蔬菜盆 $68有金菇，冬菇，粟米， 生菜新鮮乾淨炸午餐肉$58無論嚟幾多次，去邊間分店，都係本人必叫之選，厚切午餐肉在鍋內浸一，兩分鐘剛剛好，外脆內軟稻庭烏龍麵$48正中稻庭烏冬面手工丸類拼盤 $108雖然唔係大粒，但勝在料新鮮鮮蝦滑 $88撈埋蟹子， 正正極上雪花肥牛$188一睇就知呢碟牛是上等貨。寧神養心鍋 $168川芎，白芷，天麻，當歸，鮮雞，豬肉再配上鮮魚頭淆製而成的養心鍋。魚頭都給我們清埋呢！火鍋前記得先飲番兩碗養生湯，超保身， 暖粒粒炸脆響鈴$68一份有七件，抵！寬粉條 $38有點似粉絲，提議浸耐d, 入味d .一定會再來。

約了朋友在荃灣逛街，逛到千色附近，正想搵食肆晚餐，就見到前面一大堆派宣傳單張嘅姐姐大聲叫「有折，又好食，過嚟攞張睇吓」，好奇走過去攞咗一堆單張睇吓食咩好，之後就揀咗呢間~養心殿火鍋，其實之前都食過其他分店，對佢嘅質素從沒懷疑過，今次仲要有折頭，梗係要再試吓啦！今次同朋友食超開心，因為朋友食得辣，所以叫了一個中辣嘅麻辣鍋同酸菜鴛鴦鍋，一邊酸一邊辣，爽到爆。今次比較豪，叫了個大嘅手切牛肉，真的超有牛味同埋好新鮮。另外叫了黑栢葉，白頁豆腐同雙丸+水餃。埋單俾現金有7折，抵食又好味，必定要再試

友人話想試下養心殿便來試下，上到去唔洗等位直接入去。我地叫左一個養生鍋，鍋有烏雞半隻魚頭一個再加少許藥善。我地試飲湯底，味道有藥材味胡椒味都算ok。但烏雞唔似煲左好內，要好用力才可斯開食得比較麻煩，魚頭有啲醒味，因為未清理好。肥牛尚可但份量不多。什丸可以不試響零大件，但唔夠脆口鮮蝦雲吞大粒，唔似港式雲吞秋葵太老粗粉就好好味淨食呢幾樣要$870整體味道一般，用料普通。以這個價格可以去其他地方食仲好。所以試一次就好了

當天與好友們一起共晉開年開心晚飯。可能一早訂座，獲給予有間格的房間，並可欣賞𥦬外荃灣景色。由於想嘗試不同湯底，所以隨意選了兩款湯底，兩者款湯底都美味可口，湯料充足，而且很多食材都很新鮮，尤其海蝦更是生猛非常，可算是真材實料👍。唯美中不足的是我們其中一個電爐壞了，久久不滾起湯底，向工作人員表示電爐有問題，態度卻表現冷淡，還隨手用朋友的筷子搞拌湯底（不是公筷）😡，最後不理會和跟進👎，綜合：食物一流，但客服九流

與媽咪二人结伴到荃灣行街，經過大鴻辉中心媽咪被養心殿的廣告牌吸引住，原來她對這的湯底很感興趣，感'覺滋補養身！ 我和朋友來過多次了，也實在回味的！於是就和她去 品嚐一下這的; 台式養生鍋。 上到十七樓，時間七時半已經爆满人氣，幸好两位的還有少量，不用等位。 媽咪對這裡的裝修 讚嘆不已！而我又再次感受一下這裡的優雅環境，享受與媽咪的時光~夠氣派的鍋一出， 甚有睇頭！我們點了;寧神養心鍋 $ 168成份有;川芎，白芷，天麻，當歸， 鮮雞，豬肉，鮮魚(四小時精餚而成 )她说，這個湯很去頭風，平時有偏頭痛的飲了都很見效。湯一滚！蓋一揭！奶白色的湯底香氣四溢！最先 撲鼻而來的是川芎氣味，這是媽咪最愛的湯，今晚不是為火鍋而來，而是為鍋湯而來似的！哈哈！呈現眼前的除了烏鷄半只，還有两邊煎得金黄色的魚頭，湯底還有淮山，元肉，杞子，玉竹……等等。烏鷄肉還是嫩滑的！湯底鲜甜！湯的份量大用料足，二人食量不大所以只能叫少量火鍋配料，手切牛肉 ( 细 ) $ 238輕輕在湯上一灼，鲜嫩肉味濃~炸芋頭 $ 58比一般的厚切，吸收了湯的精華，香甜，軟绵~黑松露蝦丸 $ 48稻庭烏冬 $ 48滑

想試養心殿好耐，前排見佢地有優惠，午餐有半價，即刻拉埋老公去試下！揀左美人鍋同酸菜白肉鍋，無睇清楚原來酸菜白肉鍋可以免費追加一碟白肉，我地又叫一碟豬肉，攪到好多豬肉，都食唔哂。大家記得如果叫酸菜白肉鍋，就唔使另外叫豬肉啦！講番個湯底，美人鍋有半隻烏雞、桃膠、紅棗杞子等等，感覺好養顏，個湯都好好飲，好濃嘅藥材味，好足料👍🏼老公都話正，男人都啱食🤣🤣 個酸菜白肉鍋就酸酸地，幾惹味又開胃！美人鍋入面有好多桃膠，唔會煲到溶哂，仲可以食到原粒既桃膠。我老公勁同我爭啲桃膠囉！🤷🏻‍♀️呢碟手切肥牛真係不得了，油花均勻，食落入口即溶，真係好好味！靚既牛真係求其用滾水灼一灼都好食😝另外個手打丸都好味，粒粒都咁彈牙，推介芝士牛丸同墨魚丸👍🏼真係唔怪得咁多人推介養心殿，確實高質，不過係貴左啲，如果有discount黎食就抵好多，我地呢餐半價左都500，如果正價要成千我就覺得貴左啲。Overall都好正，不過服務就一般，啲侍應成日都搵唔到人，唔知去哂邊🤷🏻‍♀️

春節期間, 優惠繼續, 大讚!除了果汁, 海鮮類, 茶芥醬油等沒半價外，所以湯底和餐牌火煱配料全部有半價. 湯底介紹，至愛魚頭湯底，有半個魚頭, 半隻烏雞第二愛係養生湯底，湯底有鋒巢荳腐清酒白肉啖啖酒味，白肉偏肥黑柏葉難咬開，食唔晒。細的手切肥牛細碟，二人食份量剛好牛肉雪花靚，厚薄適中半份蝦丸不過不失，不算彈牙半份雲吞超級勁大粒，差不多山竹牛肉咁大粒好食手打墨魚滑彈牙，好味！打邊爐喜歡來養生殿，一來有湯飲，二來地方闊落，是頗有私人空間的火煱店店內有大圓枱的獨立房，一大班人啱晒

久仰了這間火鍋店的的大名，終於找到時間和媽媽去嘗試。去到先點了湯底，點了最愛的麻辣湯底，湯底有不同的藥材，帶有麻香又不算太辣。麻辣湯底本身有蜂巢豆腐和鴨血，之後再送半份鴨血，又好吃，又可以省下點其他的材料。我們還點了美人湯底，湯底鮮味清甜,而且有原隻烏雞，用料十足火鍋用料亦很重要，全部都十分新鮮。雞件用上嘉美雞，份量亦多。黑松露蝦丸亦有驚喜，十分配搭。當日fb 讚好附送飲品，最後亦有芋圓糖水，是一次滿載而歸的台灣之旅！

情人節檔期！電梯要排隊，這是沒辦法的（19:30booked）reception 核對資料快速，好快就可以安排入座！店員服務細心，當晚細心觀察客人需要！2人坐4人枱，唔洗跟人share，呢個係我覺得好既方面👍🏻當晚仲要被安排窗邊位，望下夜景咁都好既（情人節）👍🏻👍🏻食物質素：不錯、鍋底可選1煲2味🤝冇時間限制，打足3個鐘，而又坐得舒服！唯一不足：啤酒選擇缺乏、茶水壺（第一壺）暖茶、唔夠熱！可以改善就很好～

今日去開大鴻輝附近，喺openrice睇倒養心殿半價咁抵，即刻book位去試一試實力先。兩個人叫左鴛鴦鍋，一邊酸菜白肉鍋，一邊係麻辣鍋，麻辣鍋跟嘅鴨血都好滑😋配料有雪花牛，都幾有牛味，手打雜錦丸，每款都好彈牙，冰菜，打邊爐焯一焯即食真心正，雲吞都大粒有蝦同埋彈牙，烏冬，一份有好多，不過半價左都好似要$24，如果正價未必會叫佢😂 仲叫左3枝Asahi,買2送1真心講，食物質素唔差，但食完成餐再隊左三枝大啤，之後我地兩公婆都可以口渴左一整天，係啲味精多到我之後再隊左一大枝水同一枝雀檸再加一大杯豆漿先解倒渴😡唔好話食麻辣火鍋一定有味精，至少我地喺台北食完無老鍋係冇口渴過嘅！有半價我都未必會再去食第二次

成幢大鴻輝(荃灣)中心都係火鍋店, 間間都爆, 係呢間唔洗等有位, 咁就試下呢間.叫左個美人鍋, 同埋痳辣鍋. 本身想叫小辣, 之後唔夠辣先加辣, 但店員話之後無得加, 咁就叫左中辣.個美人鍋有竹絲雞, 桃膠等等. 係幾岩女仔食, 滋陰養顏, 同埋好甜, 不過果種味係應該落左味, 唔係天然.個痳辣鍋真係辣到HIHI,  要不番D辣出黎.  好普通, 無特別.叫左支啤酒飲, 店員話買2送1, 我話要住一支先. 隔左陣我再加多支, 佢話分開叫無買2送1, 但落單時又無講.叫左6, 7樣野, 漏左2樣, 有D無貨又無講, 要追問要講. D丸係幾好食, 值得叫, 其他火鍋料真係平平無奇. 值得一提係有牛胸爽食, 必點.食食下去洗手間, 個洗手間仲衰過D任食場, 個場有大量積水, D野又咁放, 個馬桶污糟到一個點, 好多積, 無洗過.食完埋單送左個糖水, 好食2個人食左9百蚊度, 真係唔值呢個價, D料唔係得別好, 大部份都普通, 個衛生衛生程度差.食緊又俾D收碗車撞背, 一埋單又趕住幫你執台, 我仲坐緊呀.佢收呢個價錢但俾唔到呢個價錢既質素.