養心殿台式養生鍋 (已結業)

自從食過一次養心殿，曰曰都記掛住佢嘅寧神養心鍋，今次再來當然要㨂返呢款啦！寧神養心鍋係用烏雞, 魚頭, 天麻,川芎等淆制, 味道鮮甜. 另外我地仲揀咗半邊麻辣鍋 ! 湯底好香, 好夠辣, 蜂巢豆腐吸曬麻辣湯嘅味，絕配，仲可以免費追加一份鴨血, 正！食物叫左炸響鈴, 淥一淥好快食得, 脆口不錯。極上雪花牛 , 個人較喜歡手切牛肉, 味道濃D同滑囗，前者肉質較薄, 炸午餐肉, 呢個好抵食, 好厚身, 皮脆, 上枱時熱辣辣可以即食! 韮菜水餃, 呢個就冇乜特別了. 兩個人七點前埋單仲有半價，好抵!下次一定要試埋酸菜白肉鍋