養心殿台式養生鍋 (已結業)

約了朋友在荃灣逛街，逛到千色附近，正想搵食肆晚餐，就見到前面一大堆派宣傳單張嘅姐姐大聲叫「有折，又好食，過嚟攞張睇吓」，好奇走過去攞咗一堆單張睇吓食咩好，之後就揀咗呢間~養心殿火鍋，其實之前都食過其他分店，對佢嘅質素從沒懷疑過，今次仲要有折頭，梗係要再試吓啦！今次同朋友食超開心，因為朋友食得辣，所以叫了一個中辣嘅麻辣鍋同酸菜鴛鴦鍋，一邊酸一邊辣，爽到爆。今次比較豪，叫了個大嘅手切牛肉，真的超有牛味同埋好新鮮。另外叫了黑栢葉，白頁豆腐同雙丸+水餃。埋單俾現金有7折，抵食又好味，必定要再試