飲茶 (已結業)

Went here because of the photo worthy food.As there were twelve of us we had to order a few portions so that we could have a dimsum each.One of the memorable ones was the birds in cage.I thought it was going to be savory was it wad chewy sweet pineapple in the middle.Quite a nice treat that tastes like those taiwanese pastries.

潮一潮聖近年好多餐廳酒樓都推出不同花款既點心不似舊式酒樓叉燒包只係白色麵包包住d叉燒e度既點心賣相都非常可愛以'小豬' '小鳥' '玫瑰花'造型來吸引當日好好彩唔洗排隊就有枱餐具很可愛,有條立體魚多數食物好睇但唔好食不過e間除外

考完CRE就約左男朋友去左尖沙咀間飲茶「飲茶」一上到去都幾多人食下，不過都有位坐，唔洗等坐左張靠牆既枱，唔錯，個牆仲印左大大個YUM CHA兩個字一如慣常都係叫左杭州白菊，呢隻茶白菊都係要浸下先出味。呢間飲茶既餐具都幾得意，有條魚係碗入面，好似係度游黎游去咁四周既環境都幾有空間感，都感覺幾乾淨。咪以為飲茶得點心食，其實佢都有湯飯小炒，似中菜館。今晚主要都係叫左幾個小菜為主。先黎左一碟娃娃菜，就咁食第一條，味道較淡，不過開左金華火腿，再浸落去啲湯同啲菜度，味道就濃返同入味左再上左礏松露炆伊，一黎就聞到好有鑊氣。一入口除左有鑊氣，仲有幾濃既松露味，伊麵同啲菇都好食，好夾今晚試多樣新野，炒蝦腸粉。啲蝦去左大部份殼，蝦同啲腸粉好入味，好有鑊氣黎呢度，我鐘意叫碗湯飲下，特別係叫椰子雞湯，個湯清清地，又幾香，少量湯揸。今晚唯一唔好既就係其中一位男侍應上菜果陣，撞到我地張枱，張枱既菊花茶倒左3分1杯出黎之後不顧而去，太差啦

餐廳環境: 地方非常舒服，不算迫和狹窄。食物: 豬仔包，原來是叉燒包，外型可愛，但味道一般，寧願食傳統茶樓的叉燒包。雞絲粉皮，沒有太大驚喜。口水雞，花生很香口鬆脆，青瓜亦得清脆。而主角雞亦好味，雞件滑，沒有碎骨，而且份量都不少。味道也十分夠，又不會太辣太嗆喉嚨，喜歡，值得推薦。雞棒, 醬汁完全包住雞肉，很濃，然後有新鮮菠蘿中和一下，剛好，否則會太膩。皮蛋，可能有其他較濃味的食物蓋過，顯得這道菜比較淡，而且兩人吃也太多皮蛋喇。個人就會選擇不會再點。另外很愛他們的菊花茶，很足菊花味，吃多了喝一口，馬上解掉飽膩感。整體來說，是非常新穎的中式菜，客人也比較多是年青的，有機會，下次試些點心吧。

和媽媽去完科學館的玩具展，飲茶去。此店雖以可愛點心聞名，但我和媽媽還是點了個海鮮蛋白炒飯 "近墨者黑"$109。用料豐富: 帶子、蝦、杞子，炒得香亦炒得爽！點心方面，一籠八戒$49：叉燒包皮薄餡靚，豬仔造型極為可愛。透明波波$49：黑松露餃也是皮薄餡靚，好香的黑松露味。鴿吞鳳梨$59：鳥籠內的鳳梨酥，更是上乘之作。比起平時吃到的鳳梨酥，這裡的更為皮薄。咬開香脆的外層，就是酸酸甜甜的菠蘿餡，真是隻完美的雀仔。總結: 雖然在這裡用饍相對昂貴，但食物造型可愛，而且質素有保證，睇得又食得!

飲茶唔一定係同屋企人上茶樓果種舊派選擇，同朋友去可以食間潮既、有創意既，例如尖沙咀既飲茶。卡通爆汁包好玩又好食，打卡呃like就岩啦。炸四季豆、炒羽衣甘藍係外面餐廳比較少見，味道都幾新鮮得意。炒飯很入味，條魚都係水準之作。冇話有某個菜式係必點，基本上每款質素都有保證，按個人喜好挑選就好。茶都幾好飲，環境優雅舒適，職員服務不錯。可惜價錢偏貴，晚餐埋單每人三百幾，但偶爾同朋友黎餐聚都不失為一個好選擇。

不少人都為了點心的精緻外貌而特意到訪「飲茶」，我和友人亦不例外。睇住流奶 $49作為流沙奶皇包控又怎可能不點他們甚為有名氣的「睇住流奶」，它的外貌趣緻就不用多說，包子亦做得鬆軟而且熱辣辣，輕輕的用筷子刺穿了包子，奶皇餡料並沒有想像中如泉湧出，反而要用點力才能擠出奶皇餡料，流沙程度還算可以。至於味道上跟一般吃到的流沙奶皇包無異，奶皇的香甜又帶點鹹蛋黃的鹹香，配上鬆軟的包子的確不錯。吉川奶子 $49「吉川奶子」跟「睇住流奶」一樣，包子做得鬆軟而熱辣辣，就連流沙程度都一樣，綠茶餡料沒有如泉湧出，但算是可以接受的程度。綠茶餡料甚為濃郁還帶點creamy的口感，跟包子一起吃有更上一層樓之感。蟹籽燒賣 $59蟹籽燒賣都用上不少的肥豬肉製成，但毫無膩口的感覺，反而更特顯其爽口的口感。味道亦見鮮甜可口，鮮甜味中還滲出微微的豬肉香，相當不俗。紅油抄手 $59紅油抄手皮薄餡多，餡料爽口而帶豬肉香，可是醬汁方面令我有點失望，辣味不夠之餘，麻麻的感覺又做得過重，失了平衡，未能奪得我的歡心。鴿吞鳳梨 $59鴿吞鳳梨的確做得精緻，鳳梨餡料多而不會過甜或過酸，但鴿子外層粉感有點過重，影響了整體的口感。龍鬚芥蘭 $8

平時星期日例牌同爸爸伯父伯娘去街坊酒樓飲茶 食黎食去都係那幾味，其實真係唔係特別好食，但爸爸情意結鍾意冇辦法🙃飲茶由細飲到大，心態上都係諗住陪屋企人。最近同朋友去左尖沙咀「飲茶」🤤點心款色新穎之餘又好味。同傳統酒樓唔同😌--小吃併盤 $109 （三樣）🌟七彩茄子 🍆 正！🌟雞絲拉皮 味道一般，雞絲偏少🐥🌟流口水雞🐣🐔賣相味道正 去骨切片少少辣香口 💯-🌟一籠八戒 $49 入面係叉燒餡，賣相可愛🐷 包包好軟熟😋😋🌟鳳梨咕嚕 $89 酸酸甜甜好開胃🌟鴿吞鳳梨 $59 好鬆脆甜度適中賣相特別既鳳梨酥🤤-隔離台叫既野食都好吸引，仲有好多點心小菜都想試😋胃就得一個，下次會再去😍 -

3人行晚餐 一入座開左壺白茶 幾香一心為左d精緻點心去點知晚市某d點心係無供應 .... 而無供應個d都係我地想叫🤦🏽‍♀️叫左7樣食物 ，某d菜名已忘記😂 幫佢作左個名，希望睇完明白我講乜😂1 七彩茄子 （下圖）- 普通2 呷醋木耳（下圖）- 普通3 墨汁海鮮飯 （下圖）- 不錯4 鹽X驢魚 - 不錯5 可愛綠茶包（見下圖) - 貌相可愛已加分6 蝦 （見下圖）- 普通7 咸蛋四季豆 - 不錯，最好吃第一位🥇

新年既某一日小熊同小豬心血來潮想食下點心就決定去呢間飲茶餐具好可愛，有條魚仔玄米味好香，茶味頗清淡新年有特別菜牌，我地order左如魚得水其實佢係蝦餃蝦都算彈牙既，不過皮好厚同埋冇乜味粉皮滑亦夠彈麻醬個味夠濃，份量亦足夠去拌均不過雞絲得好少，似係麻醬粉皮多啲 我地覺得又睇得又食得就係呢籠🐷其實佢係叉燒包😆餡唔算好多，但勝在包都唔係好厚同帶點煙韌食完都唔會覺得好飽手抓餅好脆，不過略嫌太油不過真係好食！至於其餘嗰3樣就真係好麻麻腸粉聞落好香好惹味既不過食落就真係完全冇味以上2樣就......算啦建議大家唔好叫

2017年4月29日，我和友人共6人到了「飲茶」食午飯。那裡有幾點需要特別注意：1）要早2星期電話book位，否則會排好耐隊。2）有時限1.5小時3）點心頗貴（但很精緻）4）不要當正餐

I went to Yamcha after seeing photos from the internet. It was as cute as expected with passable taste. Good for a date and outing with friends. Try ordering all the cute stuff, cause the rest might not be worth it. As for the decor, the whole place looks super cool, best place for instagrammers.

提起飲茶，都會諗起同屋企人o係傳統茶樓，剔點心食～ 朋友提議食中餐，去「飲茶」，以為都係食開o個d，上左openrice 望下食評先知～又幾特別wor！由於google map 失靈，搵左段時間先搵倒間餐廳！係一個好有特色ge 大堂度搭lift上去～係o係一間酒店入面～一上到去勁多人等位，好彩有book定枱喳～個碟好特別～ 黎到又點可以唔點卡通造型ge 包呢～吉川奶子～流心綠茶包～  好濃郁ge 綠茶味湧出黎～睇住流奶入面係吉士，流～出黎一籠八戒咬開係叉燒包黎架哈哈～鴿吞鳳梨籠入面放左3隻鴿賣相攞滿分呀！熱烘烘好味道～另外仲有叫中餐但冇影到相，賣相同味道都一流呀～黎「飲茶」係一種享受同樂趣黎裝修好靚～都坐得好舒服～d茶都好好飲～如果有外國朋友黎會帶佢地黎食

味道一般比酒樓還差,賣相是可愛但根本跟普通酒樓點心無分別。價錢貴,是普通野包張公仔花紙而已。悲哀!還有很多傻仔幫襯,包括我！不明白憑這些為何可以在尖沙咀開門做生意!

同阿媽飲茶去慣懷舊酒樓。今日去間人🐉店。潮一潮聖。飲個🍵食個包鴿吞鳯梨～🐤鳳梨酥。賣相攞滿分唔捨得食。烘熱咗嘅鳳梨酥。熱辣辣。入口酥化。🐤同🐟游水個碗好精美。吉川奶子～有雙👀望住你。一咬綠茶醬湧出黎。綠茶味道唔太濃。小小甜。食多兩件唔會溜。睇住流奶～𥚃面係吉士奶黃餡。奶黃幼滑比較甜。下次帶埋阿爸細路黎。試多d點心先。