飲茶 (已結業)

《Yum Cha 尖沙咀 》食評昨天慕名一試，結果強差人意，總評：好睇唔好食（虛有其表）。價錢貴雖是意料之內，平均一籠點心三件要$60-＄80，但却完全不覺得好吃，比一般賣$25一籠的沒有分別。星期四4pm 去到，餐牌上有30%的東西都说sold out 沒有，大抵應該是沒有準備而不是sold out！鴨呑鳯梨，$59 三件，份量少得可憐，而且又不冷不熱，感覺就是一件普通乾乾的鳯梨酥餅，完全沒有即叫即弄的新鮮出爐感覺！雞絲粉皮 $59 同樣份量少，雞絲如髪絲，粉皮變粉條，粗幼不一，賣相醜爆！三色蝦餃，如果不告訴我那是蝦餃，吃起來根本不知道自己在吃蝦餃，沒有鮮味，只知是「三色」，所以其賣點是三色，不是蝦！服務也只是一般。總括來說，同樣$160 人頭費，我寧願去美心翠園或添好運，一定吃得飽兼好味。

上次去左旺角分店, 由於係food court隔離所以隔唔到油煙, 環境一般。今次去尖沙咀分店, 環境好好多, 雖然因為空間較細, 枱與枱之間都幾迫, 唔算坐得好舒服, 但起碼唔會好似旺角聞住隔離嘅鐵板油煙食飯。由於朋友第一次去, 所以緊係循例要食得意嘅點心。以下幾樣都好味, 睇得又食得, 最鍾意睇住流奶有好香咸蛋黃味~除左呢D預料之內嘅可愛點心, 估唔到最大驚喜竟然係睇落唔特別嘅野菌泡飯!!上菜時侍應先會將炸過嘅飯粒倒入口湯入面, 食落口感同味道都不得了。卜卜脆嘅飯粒配上清甜嘅什菌湯底好夾, 好好食。最特別嘅一定係口感, 因為一般泡飯都係普通軟淋淋嘅白飯, 係呢度嘅會炸過所以先咁好食。見到好多人推介, 係幾好食嘅。不過價錢就唔多值, 百幾蚊一碟菜, 都係試一次咁大把算了。果然健康係要付出代價...呢個醉雞我都好鐘意, 唔似外面食到嘅咁重酒味, 滑嫩雞肉配上醬料好易入口。粉皮彈牙, 口感唔錯。豆腐滑嫩, 睇落都好靚, 但同上面其他有特色又好食嘅菜式比較下就略為遜色。下次再食嘅話, 都一定會再叫野菌泡飯!因為呢個真係估唔到咁好食。

朋友約去尖沙咀飲茶, 說在瑞生尖沙咀酒店樓上。老實講香港應該無乜人識，好彩知道喺加連威老道，跟號數好易就搵到。呢間精品酒店裝潢好特別，忍唔住要影番幾張靚相😍去過中環分店，感覺這間較焗促。指定動作都係要點兩籠可愛點心開心吓。一籠八戒$49 - 义燒包雖然有啲豆皮但造型可愛，兼且熱辣辣同皮薄夠晒軟熟，好味👍🏼紅都面埋$49 - 飽面夠晒光滑，賣相靚靚。可惜飽嘅皮好厚，𥚃面係幾粒類似豬頸肉嘅饀，都幾乾吓，不推介✋🏼流口水雞$69 - 麻辣味好出，個人頗喜歡。留意此菜式並不是用上雞件而係類似大良野雞卷切成一片片嘅做法。辣蟻粉絲$79 - 好味版馬蟻上樹。上枱時還出晒煙感覺好有鑊氣。粉絲炒得乾身同時又有被上湯炆煮過嘅味道。加上少許辣肉碎，好惹味😬下次再戰中環分店🤗

地下係精品酒店入口，裝修型格，餐廳嘅地方幾大，佈置似西式Tea House，現場一播放爵士樂，變成西式環境中式飲茶，可能希望迎合後生仔女。5:00pm嚟到，人唔多，所以唔算太嘈，呢度最吸睛嘅點心莫過於與卡通造型嘅包點，我都叫咗一客一籠八戒嘅包包，其實係叉燒包。老實講呢度嘅點心價錢真係幾貴，如果當去中式茶樓飲茶咁計，就唔係幾化算，不過當係一個英式嘅下午茶咁樣，飲下食下傾吓計，咁比食一件西餅飲杯咖啡嚟得較為特別。

一入到餐廳已經沒有侍應帶位，入去裡面叫人無人應，淨係叫我等等，d枱埋哂單冇人執抬，最後我兩位都等左4個字先執好張枱，個肥妹侍應先施施然帶我地入去，之後落單問個瘦哥哥侍應關於食物，佢好似未訓醒反工甘，全程遊雲🙄 之後泥左d點心，茶都未有人拎泥，d茶泥到，d水係凍既！😱😱😱😱然後又同個女仔講再沖過，去‘飲茶’用凍水沖真係第一次聽😅！我甜左個棉花糖甜品吾知點解個甜品泥先過星洲米，個哥哥仔放低個甜品又吾比叉，最後又再等叉用，個棉花糖最後溶哂乜相影吾到！個流心飽幾好味👍🏻其他點心一般。總結：唔夠人手，侍應遊雲做野慢，全程踢一踢先做野。好吾掂！去一次吾洗再泥！

呢間我第一次食，見到一間又一間分店，心諗應該唔差，可惜......其實點心好飽肚，唔應該叫咁多，如果好食我一定同你掃晒佢，但我做唔到，特別個近墨者黑，唔係上左色就有味架，咁都拎得出黎個咕嚕肉真係好食，份量又多，好好，但你會專登黎食咕嚕肉嗎？茶錢位位$16喎⋯⋯我地七點入，入完之後都唔多人入，八點已經得番半場人，大家都知咩事啦，我覺得呢間野頗貴，連特色菜都唔好食，佢d分店唔知做唔做得住，我相信朋友以前食一定好好多

飲茶for the people like me was an activity for retired people, to kill time and enjoy the cost-effective lunch. And the food was always just the same, either 叉燒包 or 蝦餃燒賣. But since the 'yum cha' launched, it gave me an insight of how come retire activity became so cute and gorgeous. The appearance of the food is replaced by the animal face like pig(shrimp pork bun), or some cute face(creamt custard bun). They both have the origins like cha siu and custard, but the outlook is much better. The taste

今日星期六，難得放假。就陪下2個寶貝，老爺奶奶去尖沙咀行下九龍公園，去放電之前，緊係要食飽飽啦，即上openeice睇，不如試下呢間“飲茶“啦估唔到1點正，完全唔使等位，我地3大2細，好快就被安排入座點左。。。。太子麻菜，菠菜上面放左蟹子伴麻醬皮蛋豆腐，正常雞絲拉皮，雞絲粉皮內只有3條幼幼的雞絲，要食雞絲既朋友真係要落足眼力南乳金國，與鹹水角相似，南乳味紅都面埋，麻辣肉包辣椒腸粉，完全無辣味，建議大家配合辣醬食櫻花蝦飯，最正常，不過真係好淡講真呢個價錢，呢個質素，真係無可能再食，亦都唔想大家中伏，即刻開左個aaccount,一路食一路upload 真心真心無下次，連老爺奶奶平時無乜要求既，都話水準差。。。唉～一心想同佢地試下新菜，點知勁失望而回：(ps:賣相真係幾靚，如果淨係想打咭，適合 可能叫錯曬D中伏食物

朋友們一早去跑步，約佢地下午黎飲茶飲茶其實無論呢間定其他分店都曾經食過好幾次，今次4個人食，食多d，咁就寫個食評啦！#佢地有d食物名比較特別，有d唔係好記得，看圖識別醉雞我幾鐘意呢道的醉雞，佢係雞卷，所以無骨，唔怕有碎骨的問題，但係我自己就覺得酒味可以重返少少(都係個句，口味的野個個唔同)，食得醉品，都好想品嚐到佢的酒香味黑松露素伊麵黑松露味道好濃，一上枱已經好香！食落仲有好重的黑松露的味道，喜歡黑松露的朋友可以試一試！炸魷魚呢個好食，d粉好薄！調味好香，食到有魷魚香味，都好大條，份量都唔會少！推介牛肉球呢個牛肉球有供應時段限制，平常都沒吃，今次一於試下先！牛肉底下無左平常酒家食的腐皮，取而代之的係一種沙律菜，我唔知個菜名，因為平常食會有苦味同青味，我唔會食，但今日食呢個令我改觀，完全無以上講的味道，同牛肉球仲要幾夾！係因為煮左定係新鮮度所以有分別？下次要再叫，試清楚先得！蝦餃入面的蝦都幾大粒，皮中規中矩，偏薄，幾好！黑松露水晶餃，呢個無試到。朋友都係話呢個個黑松露個味好濃，落口就好大陣黑松露的味爆出黎去飲茶點會唔食燒賣！燒賣大大隻蝦係入面！好食的！綠色的皮食唔到同平常有乜大分別。炸雲

平時傳統酒樓去得多啦! 今次和朋友去尖沙咀食創意的點心。好多人等候，一早book定位先。環境又大又靚，連擺設都滿滿的驚喜。碗內有隻錦鯉可愛點心出爐啦!引人瘋狂地打卡。晤捨得食~睇住流奶其實係奶黄流沙包，好搞笑。。一籠八戒豬仔造型好cute ，味道像叉燒包。紅到面埋好粉紅，有少少辣味，像菜肉包。布拉叉腸粉腸粉好好食，皮薄又多料。香茅牛肉球比較普通，但都一樣好食有色蝦蛟好靚，好像金魚咁，蝦肉好大又彈牙!櫻花蝦飯炒飯粒粒爽口又香~又有菜粒和蝦仁，大量櫻花蝦舖面。安格牛河好像干炒牛河，河粉不纏繞，好好食

有朋友從外國來香港旅遊，所以我要好好招待他們，哈哈。點了4人套餐，雖然每一碟看起來都是小小的，但一邊吃一邊聊天，到最後覺得剛剛好。小食拼盤選了沙薑蔥雞，七彩茄子，雞絲拉皮。小炒選了鳳梨咕嚕，羽衣甘藍。飯麵則選了松露炆伊。基本上全部都不錯吃，奶黃包要記得馬上吃，裡面的奶黃是流心的，甜甜的，很好吃。羽衣甘藍我很少吃，有一點不太習慣，好想吃雜草一樣燉湯也好喝，但沒有湯料，如果加一些會更好。

呢間野呢，黎食真係唔好期待有任何服務，由進入餐廳開始，你要預備自己做晒所有野，黎飲茶梗係要茶架啦，問佢又話寫係張點心紙到就會黎，咁寫左啦，佢就淨落點心唔無落茶，咁等左20分鐘都唔見有茶，幾經辛苦叫左個侍應話無未茶，佢話茶係耐架啦，你等下啦，咁等到d點心黎晒都未有，就好辛苦咁搵到個會俾反應你既侍應，咁就過左5分鐘，終於有茶飲，真係屋邨茶樓都好過佢⋯⋯加茶都要自己加⋯⋯因爲叫極都唔會有人俾反應你講番正題點心，除左造型特別之外，一無是處！

見到電視賣好似幾得意，所以襯小朋友生日帶佢來食lunch。早一日打去訂位，訂左1pm。早左10分鐘到達，同門口既staff講訂左1點姓x，佢好無貌咁答“未夠鐘唔會有位”。我地唯有喺門口等，門口勁多人塞住晒，又迫，等到1點20分終於有位。其間不斷有其他人投訴，有啲人等左20分鐘都冇人埋單，有啲等左半個鐘都冇野食到。我地坐底左都心知不妙，即刻落單驚有排等。點知都要等左50分鐘先有野食到，其間追左2次，第一次個waitress是但復我話整緊，第二次再追又話原來未落單。。。最得意係隔離張張枱都係咁追同等，成件事一個字，亂！本來想走但小朋友好想食個公仔包，唯有再等。我地3個人食左4樣野差唔多 $300埋單，小朋友3歲未夠都要收$16位茶錢。最重要係食物完全冇特別，唔係特別好食，其實公仔包旺角新x紀上面個food court都食到。總括來講: 完全不值得去！

Limited to 90min per seating and spent close to half an hour waiting for bill. After which I wasn’t even given time to check my bill before I was SHOVED out of the restaurant. Waitress pretended not knowing how to speak Cantonese and didn’t allow me to claim asia Miles. Will not visit again.

英語を話せる店員さんがほとんどいなかった。写真付きのメニューもあり、それとは別の公式ホームページからダウンロードできる、番号がふってあるメニューの左の四角のところに個数を書き、それを店員さんに渡して注文する仕組み。会計の際は席を立ちレジに向かうのではなく、会計をお願いしますと言うとその場(自分たちが食べていたテーブル)で会計をする。カードもok。テーブルに着くとお茶はどれにするかと聞かれるが、大きめの急須にそのお茶のティーバッグとお湯が並々に入っている。それが自分たちの急須になる。