飯廳 (已結業)

尋日睇完各位既評語都幾好又加上搭車成日經過所以就去試下喇食物既質素都OK而且個石燒都幾好玩(石燒既所有食物都冇乜味, 但就足料兼新鮮,燒既過程最好玩)正如各位所講呢度既環境都唔錯, 不過服務真係差D囉尋晚7:30去到都唔駛等位但係明明側邊仲有好多位佢就偏偏帶我同我個FRIEND位餐廳中間既枱真係好唔明????所以我地就要求調枱咁佢地都肯調(算係咁啦)但係上菜既時候就唔知點解好似好趕咁放低就即刻走喇咁我地唔係熟客, 餐牌又未必有晒所有既相所以我地覺得佢應該介紹下個菜囉唔係上錯左個客又食左就唔好啦D 侍應同食客冇乜交流, 不單笑容欠奉埋單唔會有"多謝"走亦都唔會有"多謝"咁既服務態度, 今時今日係香港點得架??!

因為我成日想食o個個"大阪黑牛咖哩飯", 星期六25/6就來食晚飯。我和男友都鍾意食蠔, 所以叫左個日本蠔湯。非常好味!!佢唔係用那些硬baba的法包盛住D湯喎, 係用餐包呀! 本想食埋, 但我地叫左好多野, 要浪費lu。湯有兩隻OK大既蠔, 湯雖然係白色(似忌廉湯), 但出奇地有蠔味!! 接受佢賣$38。飯廳三文治:有三件圓形焗得脆脆既麵包, 分別有田螺, 蝦, 磨菇放在上面, 配唔同既汁料。當然呢個要襯熱食。黑牛咖哩飯: 有點失望, 咖哩太辣, 牛肉無乜味, 而且un麵豉汁炸軟殼蟹天使麵: 有好大隻既軟殼蟹o係麵上, D麵爽啦, 濕濕地, 有點麻油味, 清清地, 幾好。我地走時7:40 左右, 已有人排隊。呢度價錢合理, 又坐得舒服, 成為左我地既"飯堂"啊! 男友話要比唔粒星呀!

由初初新開我已經即刻幫襯，皆因t.w冇呢隻類型既餐廳，好記得第一次食完既感覺，餐廳裡面好舒服，食物質素好好，侍應好有禮貌、好親切，整體感覺好高級，但隔左一段時間冇黎，近排再黎既時候，環境食物幸好冇變，但侍應服務態度就已經變哂喇，已經冇左果種高級既感覺，有少少似茶餐廳feel，侍應冇乜笑容。我在此好想講下果位女侍應生，佢既制服唔同普通女仔，全身黑色，post好似高級少少，佢永遠都係黑口黑面，好冇禮貌，今晚發生左一件事，我地埋單比左錢佢，佢竟然一邊手拎住d錢，另一隻手執我地上面食完既碟、叉、杯，係咪好趕？可唔可以將d錢比番收錢果邊，找埋d錢比番我地先執呀？我以為佢諗住執哂佢啦！點知佢執左幾樣就算，找完錢佢冇繼續執囉，都唔知做乜，出門口既時候，發現冇人等位囉，不知所謂。本來好鐘意呢間餐廳，但諗起呢d服務員就唔想去，我成日都係咁同人講架，你選擇得做服務性行業，就唔能夠黑口黑面架。

(4/6/05) 好多期雜誌都有一頁"飯廳"廣告, 見到佢有個"大阪黑咖哩和牛", 想試好耐。這日來到荃灣, 一定要去啊!一入到去, 裝修幾靓, 感覺很舒服。下午茶餐選擇都有8款左右。有個high tea$70 for 二人, 其實好吸引, 但男友竟然話要食飯..! 所以另作選擇, 犀選下, 白汁雜菇燴年糕&三色西多士, 問左侍應, 三色即係果jam, 都好啦, 揀多士。多士有六件, 切成四方形。好喇! 三色"果醬"係...花生醬、原味(無野)、同果醬(一般占多的普通jam)。好被騙之嫌啦!! 色澤何來o羅!?男友那個焗豬排飯, 好出色啊!並唔係一般焗飯feel, 即焗到好似舖左層保鮮紙咁呢! 唔係呀! 佢個茄汁仲好濕, 仲有芝士絲tim 呀! 好味道!食完, 原來個餐飲可添飲, 但要同一款。都好!睇下menu, 其實呢度其他野都非常吸引/特別, 價錢又唔算貴, 要再來幫襯先!

男友心水來潮話要來這裏食飯, 我無異議, 反正未食過嘛.七點半左右到, 卡位及窗邊位都坐滿晒人, 起初我地被安排去剩低的唯一一張窗邊位, 可惜滴水, 唯有轉檯(唔怪得無人坐><\").我鍾意食蝦, 所以晚餐\揀了扒雙大蝦煙三文魚南瓜田螺, 另加一客黑咖喱雞扒飯同埋小食--燒豬仔腿. 晚餐的餐前飲品(可揀紅/白酒, 啤酒, 芒果特飲)揀了芒果特飲, 點知只係普通一杯芒果汁加點梳打水, 無特別. 餐湯的粟米海皇湯就熱辣辣, 略稍胡椒粉味重了, 但跟湯的"四四方方"蒜蓉包粒就非常唔錯. 主菜份量都幾大, 兩隻大頭蝦, 一件三文魚扒, 兩粒田螺肉, 再配意粉. 兩隻蝦都有唔少份量的膏, 蝦肉唔霉, 正!! 煙三文魚扒就普通, 好彩唔腥, 意粉煮得軟硬剛好, 但味道好淡, 最後係要撈黑咖喱汁先食得晒.至於個黑咖喱賣相就真的黑炆炆, 但味道就同普通的無分別, 只係調較得辣辣地, 幾對我口胃^^另外隻豬仔腿就幾得男友歡心, 香草味剛剛好, 肉質幾嫩, 一碟兩隻唔多夠, XD呢間餐廳的裝修, 氣氛都唔錯, 全程都播著經典的英文歌, 無論係三五知己或是二人世界都係唔錯的選擇.

荃灣區很少有這類型的餐廳，環境一流，座位寛敞，給三五知己可以談天說地的好地方，價錢尚可，服務親切。當是星期六我朋友吃飯，雖然客人不是太多，侍應生也不多，而且本人對某類型食物有敏感反應，但他們也一一為你介紹來營合你要求，的確唔錯！

2月22日看完不太好看的韓城攻略,(如果不是東京攻略不錯,再加上有梁朝偉的話,我絕不會去看)看畢也屆晚飯時間了,荃灣廣場和附近的選擇不多,於是來了這裡用膳.這處和八太郎一樣,樓底十分高,縱使四方八面坐了其他客人,但似乎也不會太嘈雜.晚餐分了晚餐和精選晚餐兩類,由五十多元至二百元不等,選擇多達差不多有二十款,可說是豐儉由人,沒有太在意兩類套餐有啥分別,只是按喜惡來選擇想吃的.餐前可算紅/白酒或什果賓治,要了賓治,雖是淡淡的,但總好過一味的死甜.餐湯分別要了忌廉粟米湯,是母親喝的,我沒試,所以不能評,我喝的是蟹肉羹,清清地並熱呼呼,都幾好味,不過唔見蟹肉,唔通煲到溶晒?餐飽是以四方型的蒜蓉包,蒜蓉味都幾勁,可惜的是麵包不夠香脆,硬了點啊!母親吃的是大蝦拼牛柳(五成熟)跟飯,大蝦的肉質較腍,略遜,牛柳處理得較好,鬆化之餘,還有少許肉汁,跟隨的飯夠熱,並且軟硬適中,唔錯!我就叫了燒羊架(七成熟)跟飯,羊架也是不賴,肉質嫩滑,很易咀嚼,只嫌肥的部份多了一點點.甜品是超迷你的西洋糕點,分別是草莓餅和香橙芝士餅(其正確名字不詳,只是吃完後,自行猜測的),前者的餅很脆,後者的芝士味都幾濃烈,接受與否是

今日lunch 黎到荃灣, 就試呢間. 裝修可以, 但客人唔算多. set lunch 有湯, 蒜蓉包, 主菜, 咖啡或茶. 三十幾蚊, 好平. 但lunch 主菜好似唔係好得, 所以叫左一個set lunch, 另外再散嗌左個田螺麵包球, 軟殼蟹沙拉, 飯廳三文治. 個蒜蓉包真係唔錯, set lunch 個主菜青口天使麵就好稀, 好似煮熟麵就倒料落去咁, 好求其. 田螺麵包球田螺不過不失, 個麵包球幾好食, 裏面有麵但就完全冇味, 要落黑椒落鹽. 個軟殼蟹凱撒沙拉味道幾好, 值得推介. 個三文治普通, 唔值得試. menu 裏面菜試都幾吸引, 黎得咁既餐廳就唔好貪平食埋cheap 野. 建議唔好食set.

我同細妹約左個uncle食飯，我揀地方，就揀左呢間未試過o既餐廳~ 飯廳serve西式o既lunch set，即係有餐湯餐飽＋主菜＋飲品o既set~ 我地要左一個和風豬扒飯set、一個白汁忌廉雞肉意粉set & 一個茄汁蜆肉天使麵。餐湯有蟹子羹同忌廉湯揀，我兩隻都試左少少，都唔錯o既~ 餐飽係要讚o既，因為裝佢o既籃非常之特別同靚~ 主菜就average啦，如我o既白汁忌廉雞肉意粉就淡左少少，搞到要係咁落鹽~ 最後餐飲好大杯呀，飲完都飽哂lu~講真飯廳味唔算特別好，不過環境同餐具都好靚，幾抵食呀~ 大家睇相：http://community.webshots.com/album/270957339BAKOSc?746

其實我係12月時去食架喇~ 而家補返個食評先, o個晚我同老公去撐檯腳, 一人叫左一個set dinner, 個set dinner menu都唔錯, 有平有貴, 唔會迫人食貴野啦, 起碼~ 哈哈~~ 我唔記得食品o既名稱, 我只係記得我係食左一個海鮮天使麵, d麵係放o係個麵包到, 另外有幾隻豬仔脾肉, 都唔錯, esp個豬仔脾~~ 我老公就食牛~~ 都唔錯~~我會再去多一次o既~ ^^

同個朋友食晚餐, 要左兩個set din, 一個西蘭花墨柳飯, 一個火陷牛柳. 墨柳飯係一個巨大既麵包, 裏面裝住個西蘭花墨柳, 好特別, d 汁好香甜. 而我朋友話火陷牛柳就差d, 而且份量好少. 佢個餐有兩杯野飲, 仲有甜品, 不過就成舊幾水.

之前飯廳剛開張時已經想試不過就冇機會尋日要在荃灣吃晚飯又見多數食完的食家都係讚的因此就與女朋友到此一食看看是否真的不錯大約7時20分到達，餐廳前半就有8成客(後半就冇客)哩度的卡位好正，是馬蹄形的，眼見兩個人都肯俾你坐的可惜因為俾人坐晒，我就要坐普通的四方形桌餐廳的裝修給人一種很好的感覺，整間店分了好幾個不同的區域餐具的擺法和放餐包的籃都很特別水是放了在桌上的，可自己隨意添加食物方物好抵，set dinner最平的是$68，但包一杯餐前飲品(紅/白酒/雜果賓治)，餐湯，餐包，主菜，甜品和餐飲我們兩人order了一個$88的石燒牛肉窩set，散叫了一個$38的焗田螺包和一客$58的鵝肝(但食落似鴨肝)除了甜品的size細得令我驚訝之外，其他都好滿意特別是餐包是熱熱的，四方形蒜蓉多士，很香口另外店內任何職員都好得沒話可說(但奇怪的total有5~6個人serve過我張table)因為我掛住玩同影相搞到塊石唔夠熱，要求換一塊都完全沒有因為黑口黑面，繼續是笑容滿面，真係非常之好後悔order了鵝肝，如果將那58玩拿去叫甜品，這餐就完美了因為時間關係叫不到的甜品的價格：NY cheesecake

我很久以前已經想去試... 因為每次搭車都會經過佢門口, 見到0個個內藏田螺既麵包真係好吸引, 咁啱同男朋友去開荃灣, 於是去試吓。我地兩個叫咗一個dinner set, 係海鮮天使麵麵包球(唔記得個名), 同埋另外叫咗一個田螺麵包球, 個set 包一杯餐前飲品, 一個湯, 主菜, 甜品同埋餐飲。跟湯上個個蒜茸包好得意... 係立方體, 五面塗上厚厚既蒜茸, 好好味... 跟住上既係田螺麵包球, 原來裏面除咗田螺, 仲有意粉架... 好好味... 因為啲汁唔水, 所以個麵包仲好乾身... 我地係度切個麵包... 好好玩。跟住上既係海鮮天使麵麵包球, 個麵包比頭先個個大個d, 由於唔想整淋個包既關係(我估), 所以啲麵比較乾身, 不過都幾好味, 都有好多海鮮, 我自己就比較鍾意田螺個個多d~~~本來唔想食太多, 所以只係叫仲一個set, 另加一個麵包球... 但最後發覺原來都好鬼飽... 好好味... 個甜品整得好靚... 仲以為係set ($68) 會好求其... 所以個set好抵食。下次要再去過。

food is so so. not recommended

我和朋友來吃晚飯，佢叫照燒雞石頭鍋飯，個侍應從廚房拿個飯出來，一路噴好大煙，仲以為餐廳火燭！但最搞笑係個侍應行行下俾個鍋燙親手指，之後佢將飯放在我們面前，我朋友都唔敢開始食，等五分鐘後先食。味道方面當然十分十分普通，茶餐廳都好食d。石頭鍋飯有冇可能真係整到咁熱？侍應和客人都受罪。我自己就叫白汁海鮮焗飯，我都唔期望係新鮮的海鮮，但d海鮮又硬、又有很大雪味、帶子還帶苦味，d 飯係睇到是炒飯，但食落似白飯。這種餐廳我不會再來。