飯廳 (已結業)

29/9/2008 老公仔生 , 特意找一間餐廳有人唱歌 , 咁就可以唱生日歌比佢聽~~~食評如下:干邑龍蝦湯&香芒龍蝦湯：鹹左D蒜蓉包：方形的，好香很好味，浸落湯度中和到d鹹~ 正，不過多D會好D。龍蝦天使麪：第一啖~~~超好味 ，食到尾開始飽羅~~~但都一個字~~~正。自選扒類伴薯菜：牛柳和三文魚塊，牛柳D汁好濃，好味；但食唔慣熟既三文魚同用酒煮，感覺怪怪的。火焰雪山：好得意，不過我覺得太過多Cream~~~D服務員好好人 , 直得一讚~~~GOOD 走個陣重好Nice咁送我地走~~~ 但最衰我後面個枱班師奶講野講到鬼咁大聲~~~破壞曬咁好既環境~~~同班服務員講 , 佢地都話無辦法~~~所以我想講如果大家真係去呢個餐廳食野既話 , 唔該講野唔好咁大聲同埋尊重下唱歌的歌手!!!

很久之前來這裏試過一次，感覺不太好。今次再來，發覺有所改善。點了兩位用的龍蝦餐：1. 龍蝦湯：有芒果龍蝦湯和干邑龍蝦湯兩種，個人覺得後者較好，味較濃。2. 蒜蓉包：方形的，好香很好味，與湯很配合。3. 龍蝦天使麪：可以是芝士焗或者配香檳汁(即是白汁)，前者較濃味，後者較清，天使麪卻不濟，太乾太稠。4. 自選扒類伴薯菜：選了羊扒和三文魚塊，羊扒合格，沒有羶味；三文魚好像用了酒來煮，味道是有點怪的。5. 甜品是朱古力慕絲，很滑很重的奶味，個人覺得甜了一些，淡一點會較好。連餐飲四百多元，比較貴，但環境和服務也很好，是可以舒適的享用一頓晚饍的地方。

午餐終於又有番正方形蒜蓉包。之次牛油塗麵包，雖然吃得出牛油是上等貨，但係後生仔女當然喜歡脆口的蒜蓉包啦。問過侍應點解又轉返蒜蓉包，佢話因為好多客反映喎。見佢咁順從民意，低佢有生意既。以後又可多來吃午餐了。

我平時都有去開呢間餐館,最中意飲呢度o既忌廉湯,有d傑傑地,正呀!真係冇第二間俾得上!不過,呢度lunch d餐成日都變,想食返之前o個d餐都唔得~價錢都ok貴,但set lunch送埋野飲,餐包and湯,算係禁~(最便lunch好似都要$40)而且呢度環境,佈置都唔錯~幾好feel~

31/5/2008今天是媽媽新曆生辰，晚上轉轉口味，吃西餐。由於是媽媽生日的關係，所以也豪氣一點，點了一個佐賀和牛套餐，另外還選了一個二人套餐。先說說那佐賀和牛，感覺普普通通，但是這當然比二人套餐的牛肉好吃。所有的食物，全給我一個印象，就是很重很重的牛油味。(個人不太喜歡牛油味……) 我想對不太怕牛油味的人，這裏的食物是可以的，但是沒有驚喜。由前菜到主菜，再到甜品和飲品，都是普普通通……最喜愛這餐廳的，還是這裏的歌手。他還為我們獻唱了一首歌呢……頗有情調的一間餐廳。

o的set lunch 都不錯, 不過選擇不多, 日式便當就一般. 西湯+熱騰騰的蒜蓉包好好味!!食物味道不錯! 平均的水準...但有時坐在bar 枱附近會被水花彈到~而好o的的set 就略貴由$5x-7x...

係荃灣好難搵到間靚d既餐廳.機緣巧合下就黎左試.入面都算幾靚.燈光都佩合得好好.坐得幾舒服.食物方面都算做得唔錯.份量夠之外味道都唔錯.但係有d港式西餐既感覺...

第一次來飯廳食午餐,Order左一個前菜及二個set lunch~牛油蒜蓉焗田螺- 好味!夠牛油!夠蒜!我鍾意!煙肉野菌火腿偏意粉- OK,煙肉唔錯!但門口show個sample係比我果碟多20倍的餸!芝士焗海鮮飯- OK,海鮮夠新鮮!忌廉湯- OK方形蒜蓉包- 好味!最鍾意係五邊都有蒜味,好香!都係我的最愛!即磨咖啡- 好味!比一般茶記/餐廳好好多!由上第一道菜開始,侍應每碟都會叫我地小心熱,我仲比個碟熱親二次,冇錯好熱,不過係隻碟好熱!好奇怪!碗內-碟內-杯內的食物都只是和暖,一d都唔熱辣辣,我食野比較快,所以唔覺唔夠熱,但朋友食野速度正常,所以佢未食到一半己經凍晒!這是美中不足的地方!

呢度的cube形蒜蓉包出名好食, 四面都塗有蒜蓉, 新鮮時很好食,可惜放耐了會很硬....另外值得一讚是餐具設計顯心思,環境舒適,清潔

約朋友去荃灣食飯，唔知食咩。坐車經過中染大廈有間西餐廳，外面望埋去，唔錯，即刻call個朋友行去(因為約左佢響City Landmark等)。叫左個幾得意既麵包球，唔錯，麵包將d汁吸曬，細細個，剛剛好。餐廳仲有菲律賓歌手唱歌，氣氛唔錯，情侶拍拖都幾好。

上星期四約咗舊同事食lunch，有人提議去Dining Room。平日意見多多既我，個日又冇乜胃口，咁就是但啦！我見冇胃口，就點了個沙律。先飲咗個羅宋湯，個湯稀咗d，另跟湯上既包唔夠熱。到個沙律上場，見到已令我食指大動！顏色都幾吸引。唔記得咗個沙律叫咩名(我叫咗汁另上)，入面有南瓜、雪耳、沙律菜。d南瓜唔會太冧或太硬，雪耳好爽口，沙律菜都爽口，不過有d菜葉黃黃地、好似爛咁，應該唔好俾客食，同埋會破壞咗個賣相！最後點埋餐飲，飽晒！總括來說，呢個沙律係好食既，係一個好清既沙律，適合冇乜胃口或者想清清腸胃既人仕。

公司在附近, 間中會來lunch, 越覺此餐\廳的質數每況愈下, 員工亦未見專業, 在晚上期間見過有數位員工在客人面前互相玩樂.心唸\"我係度食緊野, 你係旁邊玩, 唔係下麻.\" 感覺很不好近來的一次牛柳煮至十成熟, 肉很鞋很老, 吃得有點吃力, 很乾, 煎/烤牛柳不是如此難以控制水準吧, 簡單一句就是明顯已煮過熟後再放凍了的一件老牛柳....另外應該改善下, 就是食具的清潔, 盤上的3/4把刀, 有2把明顯還有未完全清潔好.....這方面真的要不得.唔知定位想點, 想行高格調一點的路線, 食物水準未到合格水平, 員工有待改善質數,(禮貌上是ok的).

星期六約個Friend食飯，佢住荃灣，又鬼死咁遲先起身，人地都出下午茶啦! 無所謂啦，咪叫個軟殼蟹卷沙律同窩夫Share。幾好呀，軟殼蟹都幾脆，入面跟蛋沙律，幾好，無咁膩。窩夫係有個counter 即刻做，好新鮮同香。算佢啦，好在D野食都好味，下次佢再遲起身都可以再黎呢度!

已經好耐冇去食過晚餐了,今次因為哥哥係會員,一行四人再嚟喇!點知真係差唒,湯好喊,包好硬,似翻叮,沙律要問佢比沙律醬,明明意粉改咗天使麵,佢又嚟翻意粉,不過媽咪話算數,費事再等過,到啲扒,雞扒一陣雪味,豬扒又鞋又冇味,牛扒乸到冇牛味,羊扒一陣騷味,總之就過一排先會再去!

今日去荃灣飯廳食飯,於是問一問仲可唔可以續會,因為他們開始續會時本人又不在香港,咪唯有博一博點知一問之下竟然仲可以繼續續會仲延遲到今年十月三十一號,不過本人諗都無諗就即刻續會,雖然今年優惠無得換食物,但今年可以用積分當Cash dollar使用,最多仲可以用2000分當100蚊,仲可以將舊積分帶落新咭,跟住仲要送多7張價值500蚊現金券,雖然有4張50蚊要去指定分店使用,但都唔緊要啦,所以整體上我覺得唔錯.