飯廳 (已結業)

由初初新開我已經即刻幫襯，皆因t.w冇呢隻類型既餐廳，好記得第一次食完既感覺，餐廳裡面好舒服，食物質素好好，侍應好有禮貌、好親切，整體感覺好高級，但隔左一段時間冇黎，近排再黎既時候，環境食物幸好冇變，但侍應服務態度就已經變哂喇，已經冇左果種高級既感覺，有少少似茶餐廳feel，侍應冇乜笑容。我在此好想講下果位女侍應生，佢既制服唔同普通女仔，全身黑色，post好似高級少少，佢永遠都係黑口黑面，好冇禮貌，今晚發生左一件事，我地埋單比左錢佢，佢竟然一邊手拎住d錢，另一隻手執我地上面食完既碟、叉、杯，係咪好趕？可唔可以將d錢比番收錢果邊，找埋d錢比番我地先執呀？我以為佢諗住執哂佢啦！點知佢執左幾樣就算，找完錢佢冇繼續執囉，都唔知做乜，出門口既時候，發現冇人等位囉，不知所謂。本來好鐘意呢間餐廳，但諗起呢d服務員就唔想去，我成日都係咁同人講架，你選擇得做服務性行業，就唔能夠黑口黑面架。