飯廳 (已結業)

無論服務及態度，都十分之差，尤其係個所謂既女經理，我一定會打電話去投訴佢d野食又凍又唔好食，杯凍檸茶有不明既物體(似曱甴腳既野)所以我唔會再去食又貴又唔好食，不如去老麥好過!!!!!!!!!!!!!!!!

記得新開張不久時曾去過一次，那時有一味麵包忌廉湯至今仍十分回味，可惜今次去已經沒有這食品。其他食品也好不及初開時好，不過也算中規中矩。叫了一個二人套餐，沒什麼可以評價，不算好好味，但也絕不難吃，食物份量也很足夠。服務還算熱誠有禮，不過明顯人手不足，叫人收碟和要熱水都要等一排才找到人。

以前午餐，下午茶，晚餐，而家半年先一餐，午餐還可以，下午茶一加加十蚊，晚餐套餐還可以，但都係冇選擇．加上個singer唱嚟唱去都嗰幾首，點air supply又唔唱，以後都係食午餐先再去．

(＠銅鑼灣店)可能係我既問題，但我並沒有想像到這餐飯會是這樣的．首先我印象中Dinning Room這餐廳是食焗飯之類的食物，唔知幾時轉型做西餐．呢晚我其實係想食d簡單野，在Times Square唔知去邊之際見到對面有這餐廳，心想應該是間高級茶餐廳，好啦，試下．去到門口，有位態度非常隨便的先生問"幾個?"(茶餐廳right?無問題)．入到去，ok，其實裝修係無問題，menu內有app, salad, soup, entree, side, ect，價錢十分大眾化，言而，旁邊突然有位女士走出來唱歌彈結他．．．怪異的感覺開始釋放，問題係，所有野都好唔協調，講緊係．．．$150一個扒餐我唔會expect有呢d野亦唔欣賞．我覺得呢間餐廳完全唔知想點定位亦定唔到．想係食物方面加分都唔得，因為都係惡劣．牛柳弄至十成熟，menu上的羊架拼xx變了吉烈羊肉，menu如此含糊，點會咁架～

(1/6/07)同老公回味"飯廳",原來夜晚有人彈結他,係咁椅唱下歌既,坐入面情調更濃。用積分換,龍蝦汁牛油紙焗大蝦E麵,E麵水汪汪,又入唔到龍蝦汁味,魷魚、蜆、蟹肉都係無味,整碟都淡口非常!晚餐:白酒唔錯。磨菇忌廉湯,湯白色,唔杰亦唔漏。墨西哥牛肉薄餅卷,煙煙韌韌,好味可一吃。爬太平洋大蝦拼三文魚龍蝦香草汁,蝦一般,魚ok,薯蓉,唔該唔好開薯粉啦,食淨晒o羅!甜品原先話係蜜瓜布甸,來到竟然.......在餅櫃拎出丁屎咁細的,唔知咩芝士cake,橫切面成舊鳳梨酥咁,餡係椰蓉嗎??外層的芝士,好似食橡筯咁,好難食呀!唔知點解,又送一件丁屎栗子泡夫,嘩,雪到mun乾左,係又甜又韌皮又唔新鮮既「甜品」。即磨咖啡卻ok 噃。總之呢度真係越來越唔好食,我仍然寄望,覺得湯好飲,尤其是蠔麵包湯。

放假梗係好，hea左大半日，之後去打波，然後再去食飯。原本的目標是八太郎，但原來內部裝修，於是轉戰樓下的飯廳。環境挺舒服的，也不會太嘈雜，頗享受！仔細睇睇餐牌，有黑咖喱系列，孤陋寡聞的我以前從未試過。我會朋友就分別要黑咖喱牛和魚的套餐。先上餐湯，熱、濃、材料也足，幾好！餐飽是蒜茸飽，切成方形，飽不是太硬，頗鬆軟的，味香。主菜的黑咖喱果真是黑漆漆的，分不開那碟是牛那碟是魚。黑咖喱汁味道不太辣，是偏咸，送飯還可。黑牛肉切粒狀，略"韌"，不肉牛肉幾有味。還有大量的蔬菜伴碟，中和口味。吃擺大家都想再要點甜品，人要Bread Pudding我就要朱古力心太軟。麵包布丁先到，我也試了一點。不太漏，也焗得香香，很不錯。反而我的心太軟只是一般，外層不夠鬆化，切開後朱古力醬也沒有溜出來，好在仲夠熱。食物中規中矩，環境不錯，都可以係一個選擇！

同老友風花雪月0既夜晚，揀左飯廳相聚。每次搭車經過時，都見到食客排隊等位。睇埋版友評價，似係不俗之選。拍版有得食之餘，一於坐佢耐一d，談天說地。點了幾款菜式，分別係煙三文魚沙律、黑椒火焰牛柳跟薯菜。加上友人的coupon，送了一客田螺麵包球，多付每人$20，跟餐的西湯和餐飲，飽。談個東南西北時，貪心地要多一客酒煮士多啤利梳乎厘，飽飽飽。先上餐包和湯。我點左羅宋菜湯，湯0既酸度足，少油面，唔濃，好好飲;不過當中有幾條碎意粉，有d怪，所以冇食到。麵包佢係蒜蓉包，似蒜蓉包方粒，熱度唔足。不過咬落去煙韌，索左湯後，沖淡左蒜蓉味，一般好食，熱d會更佳。之後有三文魚，沙律菜係火箭菜，仲有生洋蔥，配上檸檬汁。三文魚上有少少香草點綴，入口鮮香。一直以為生洋蔥辣口;食時竟然冇此問題，仲有點甜味，少許意外。接著係主菜田螺同埋牛柳，田螺配在圓球麵包中，此外，還有意粉。明顯地，田螺和意粉由牛油調味，焗出黎0既。田螺汁只有少少，亦被牛油蓋過。所以食時有點滯。田螺有芝士包住焗，所以夾出來食時，唔韌，帶爽，幾好食。食外圍0既麵包時，對於我呢個包怪黎講，意外。麵包好食，焗出黎時唔係硬豬0甘實；而係鬆軟，貼住田螺一層吸

It is recommended by my firends...as they will usually have tea lunch on every sunday.Yesterday, i visited this cafe for tea time as well..$30-$40 tea set with several different choices. Most of them are very good.besides, u can choose to add $15-18 to additional order some snacks...(highly recommend big fired potato chips) if u order this potato chips, pls remember to ask the waiter to give u the salad source...it is a perfect match with potato chips.One more...they now offer free 1 drink more

男朋友鍾意食羊，見呢到o既皇冠羊架幾得意，環境又幾舒服就o黎試試。環境幾靜，人不太多，但係又有電視睇個喎，我諗佢地都係serve一d好似我地住係附近又懶煮o既人啦﹗﹗要了一個烤皇冠羊架套餐，二人份有兩杯紅酒、餐湯和甜品，我們還加了個沙律。羊架上枱，十分有睇頭，但味道就鹹了點和太多鬆羊粉，沒有羊味。但其他都算不錯的﹗下次會試o下其他的﹗

第一次到dining room 吃晚飲。食物不錯,上菜亦頗快。餐前贈送的蒜蓉包很好吃呢^^ 但略嫌咖哩雞麵包球有點乾，若醬汁多一點會較好。環境不錯,有歌手彈結他唱歌,也有小丑即場扭氣球。小丑哥哥為我們每人造了一隻花花氣球手鐲,很可愛!

日日食lunch都係個幾間，唉，真係食到有點悶，好彩今日終於都等到我期待已久的～～呢度既肉醬意粉特別好味，雖然好多地方都會有呢款lunch，但係我食過好多西餐廳，始終都係覺得呢間最好．夠芝士，肉醬同汁的份量配合得恰到好處，一ｄ都唔覺”漏”，唔係我誇張，你地試過就會知～～

這裡午市通常都人頭湧湧, 特別是鹹豬手出現的一天, 至少, 我必定是捧場客這裡的鹹豬手餐份量十足, 真的非常抵食, 並不是每位女士的能有超強的戰鬥力把整隻鹹豬手完全消滅...如果你怕肥的話, 那就非常可惜, 吃豬手一定要連皮吃的, 這一刻, 請放下所謂的"卡路里", 盡情享受這隻鹹豬手吧, 記得要叫"多汁", 鹹豬手+黑椒汁簡直是絕配當然, 除了鹹豬手外, 這裡還有很多選擇, 只是個人對鹹豬手情有獨鍾而已可能, 這是因為, 想當年...在德國沒錢吃那隻肥美的鹹豬手的原因吧吃不到的葡萄總是最甜的

那天同朋友食飯, 起初想吃日本菜, 但找來找去都不合心水, 最後決定吃西餐, 我們就來到飯廳來了!我們三個人, 我們起初想每人叫三個主菜, 加$15有飲品及餐湯!但朋友左看右看, 覺得叫個四人餐會更化算, 不想太多, 拍板叫了個四人餐!先來餐湯, 都是例牌的「紅白」二選一, 加四粒的骰的方型蒜蓉包, 可餐湯卻不算行貨, 忌廉湯味道不錯, 濃淡度適中, 雜菜湯卻較辣!我們頭盤有肉醬配墨西哥脆片& 黑椒薈雜菌, 朋友說脆片俍味不錯, 我主要吃雜菌, 食味OK, 但始終配黑椒汁有點怪怪的感覺!!鴨胸沙律, 算相當大盤, 沙律的菜夠新鮮, 味道調配不俗!主菜分別有茄汁蜆肉天使麵及日式烤豬頸肉飯, 茄汁天使麵其實整體不錯, 唯本人始終覺得蜆肉等配上白汁會更味美, 豬頸肉飯味道很好, 豬頸肉夠多, 汁帶甜, 幾開胃!其實吃擺這飯麵後, 我們已是半飽, 但原來這個餐還有一個燒烤大雜薈, 包括有雞, 牛, 羊架及紅腸, 看上去真的份量十足!我沒怎麼吃過, 朋友對拼盤感覺滿意, 食味不錯!到最後還有一開四的Chocolate Browine做甜品, Browine味道不錯, 很香濃的朱古力味!!當然餐亦

好耐都無去DINING ROOM 食Lunch，今日再去，發覺佢地ｄ野食好味左．．．之前食既豬手飯，豬手配埋個汁好香，豬手又好稔，本來諗住食豬手好麻煩，因為好多骨好難咬，但係原來可以叫佢地去骨．．．好surprise 呀!好細心既service～～好可惜今日set lunch 無豬手飯，所以叫左一個泰式香葉羊肉片炒飯，都ｏｋ喎，估唔到喺西餐廳食既泰式飯都有呢個水準．羊肉唔酥，個炒飯夠乾身～幾好！我仲試埋個熱黑豆玄米綠茶，都幾香～幾廿蚊一個set lunch，間唔中一次都ｏｋ丫．

收工之後同女朋友去食，之前一路都有去開dining room食o野．．．今次就食o左一個龍蝦二人套餐~前菜感覺只係一般．．．而主菜就係龍蝦+一款肉類，龍蝦可以揀點煮，例如上湯浸、芝士焗又或者係燒龍蝦etc.，最後就揀o左芝士焗，另外肉類就揀o左配雞扒同埋牛柳．．．芝士焗龍蝦感覺就淡味o左一o的，不過都算係唔錯．．．雞扒就煎得乾身o左o的，而牛柳o既味道就幾好．．．主菜之外仲有一份白汁什菌意粉，不過可能因為我同女朋友都主要係咁食個主菜，o的意粉都凍o左o的．．．所以感覺上味道只係一般~XD最後仲有兩件cake做甜品，味道都ok~今次呢個set total $37x，感覺上可以接受ba．．．另外值得一提o既就係o的職員o既服務態度幾好的說~