食軒 (已結業)

早兩年都有同朋友黎呢間野食飯.但係唔知係純粹係改名,還是易手後.價錢加了不少,雖然只是三十多元至五六十元一碟.但相對以前的賣點,十元一碟加幅不少.不過這不是重點,重點是質素真係差了很多.我們一行四人叫了四個菜.麻辣雞丁 ( 唔記得係咪呢個名)蠔餅豉椒炒蜆鹵水紅腸墨魚先談談那個蠔餅及鹵水紅腸墨魚比較起來是較好吃及抵食的那個蠔餅吃起來可以與廟街的有得揮那個麻辣雞丁真係食到O曬咀 ..我差點以為自己叫錯了一碟辣椒成碟都係辣椒, 所謂既雞丁我數埋應該都有十多粒每粒一個手指尾頭咁大 仲要係連埋骨那個豉椒炒蜆 都係份量極少真係好懷念以往又平又好食既食軒

知道 Winnie 鍾意食辣嘢, 呢度實啱佢胃口, 所以特登帶佢嚟試!佢仲當慶祝搵到新屋, 請咗我食呢餐, 真係多謝晒呀!記得兩年前, 成日同鎗會班兄弟嚟幫襯既食店《食軒》,而家已經改名為《聚寶食軒》啦我哋叫咗好幾個菜, 首先有鑊仔辣酒煮大蜆 ($38), 都幾大鍋喎~ 都叫夠辣夠味, 當然唔及中山石岐佬既咁正, 但已經好食過好多香港食店啦!跟住係一碗蠔仔肉碎粥 ($25, 窩$45), 都好多蠔仔喎, 又夠味, 呢個真係得呀!!麻辣手撕雞 ($22), 呢個出奇地好味, 係多咗啲雞皮啫~ 但啲味道調效得幾好。韮菜辣豬紅 ($20), 啲豬紅都唔錯喎, 唔會太假, 又幾入味, OK~蒜蓉炒白菜仔($18), 份量少咗啲, 但都炒得幾香幾好味呀~吉列百花蟹鉗 ($18), 呢個都唔錯喎~ 即叫即炸, 唔會話唔夠熱囉!總括嚟講呢間嘢真係幾得, 我哋都見佢夜晚成十點幾都仲幾多客,而且好多人都鍾意嚟飲佢煲老火湯, 細煲 $20, 大煲 $30, 下次都試吓先!不過我哋食吓遇上一隻小小強呀!! 嚇到我哋兩個勁驚囉!雖然都知食市一定會有小強, 但最緊要係唔好畀我哋見到嘛!希望呢間嘢係衛生方面搞好啲

在沙士時期,以$10打冷在逆市打出名堂的食軒,今天已沒有$10一碟打冷了.最平的鹵水蛋,盛惠$12.其他以前賣$10的打冷菜式,大多加到$18一碟.雖然不再賣$10,每夜門外的人龍依然不絕.自打響名堂之後,店內食品漸趨向多元化,繼打冷之外,亦有幾十塊前的小菜供應.近期連泰式菜式也撈埋.有海南雞,燒豬髀等等.一支公踢住拖,無本事同一大班人逼,外賣一盒海南雞飯,回家慢慢吃.$39一客,跟例湯.其例湯是粟米蘿蔔冬瓜湯,都幾甜.但亦有點點味精反應.海南雞飯上的海南雞,雞皮不肥,吃落滑溜兼略帶點點脆口.皮下肉亦幾嫩滑,當然,沒有跑馬地大少爺吹得彈破的肉質.也不錯矣.雞油飯帶點光澤,較為乾身.但雞油味未算好濃,反而帶點點香茅味.這是泰式味道嘛.出奇地不俗的海南雞,照看其燒豬髀,應該不差.

今次唔需要等, 一來到便可以選菜, 今次以潮州菜為主, 有方魚粥, 鹵水豬頸肉, 大眼雞, 藥善醉雞鍋, 金銀菜煲豬骨方魚粥- 味道剛好鹵水豬頸肉- 肉片大片又爽又軟大眼雞- 夠滑夠新鮮藥善醉雞鍋- 湯夠濃, 雞的口感同味道剛好金銀菜煲豬骨- 清甜無乜味精呢道勝在碟頭細, 價錢合理, 可一次嘗多幾款菜式

小弟o係附近返學,lunch個陣同學好鍾意去呢間鋪頭,我都唔明點解..鋪頭黑媽媽,坐落留心少少,會有好多烏蠅飛黎飛去,有個比較肥既阿姐講野十分唔客氣,好似唔想做人生意咁既聲氣...價錢大約廿幾蚊,我食左個湯鍋+飯..要多杯凍檸茶少甜,少甜竟然會係一大杯糖水..大大話話都黎過lunch好多次,但係廢事掃同學興,只好頂硬上...

因為想食打冷,朋友就介紹左依間, 我地差一個人未到, 唔齊人唔比入, 無所謂啦, 响外面等, 但係當我地人齊同佢講, 佢就話要攞飛喎, 唔係化我响外面坐左成半個鐘,都無話要攞飛! 都算喇...之不過, 當我朋友問大概要等幾耐, 果個人就好無禮貌話:我點話比你聽呀! 真係十分不滿,咁既服務態度點得架, 當然無食就即刻走啦! 以後都唔會去呀!!!

今日放工就約埋D朋友去土瓜灣食飯．．見到呢一間話好多都係１２蚊一碟既打冷．．．就打算不如試下啦．．點知．．D 餸多油唔在講．．．重唔抵食．．佢雖然話好多都１２蚊．．不過．．佢１２蚊就等於出面買到價值三十幾蚊既４分１既分量．．咁咪等於重貴左．．而且入面有個肥女人既待應個服務態度簡直惡劣．．．我唔會再去第２次呀．

真係不知所謂...每次行過都見到有人排隊。好奇，今次入去一試，望吓餐牌，原來都係因一個"平"字...特價小菜只係賣十蚊雞，簡直係跳樓價，反通漲..但邊有咁大隻蛤乸隨街跳ar...碟碟嘢都好似落咗成斤油去煮，油淋淋，超級恐佈....件頭細就預咗la，咁平仲想點?但都唔使咁油ma...生炒骨好似人哋食淨嗰D餸頭餸尾咁，倒胃...門口仲有咁多人排隊，有冇攪錯?每人俾幾十大洋食堆垃圾，咁我情願真係食垃圾...攞D錢去食十碗魚蛋粉好過la...

好多時見人多都費事等位, 但咁既價錢又真係好吸引, 二人食左口水雞/炒飯/蠔仔粥/茄子等, 味道真係幾好, 咁既價錢, 真係唔明佢點做我地坐近門口位, 間鋪又細, 等位人又多, 真係食得唔多安樂, 急急食完就走人了, ..!

我食左呢間野2次.....次次都實食滷水鴨....因為真係好好味......不過真係幾細....坐得唔係咁舒服...每次都係同個fd叫4樣野就夠~~岩岩好

幫襯了食軒很久了... 初初被門口貼的雜誌食評吸引,見到十元碟都咁多選擇,又不收茶錢又沒有加一,咁抵?唔,真係ok,我常食的有蠔仔粥,炆伊麵,鹵墨魚,鹵水鵝,炒菜; 貴少少的有大眼雞,煮蜆,鵝片食潮洲鹵味,食軒當然平些,不過每碟份量不多而唔好的地方是偏鹹,有時還會過鹹!另外炒牛肉常常都過硬,雞冷冰冰店舖細亦令等位等好耐,繁忙時段會見到北帝街有一堆黑壓壓的人群在等位,那便是食軒門口了

10 點前黎既話實要等..所以黎親都比較夜..可能係12 點或打後咁~去咁多次叫既野食都係咁上下2~4 人組合去係最好既!!人一多, 細細碟都食唔到d 咩....service 唔講啦老公同佢班frd 係熟客同親佢黎都唔覺service 有咩問題有樣野好多人都唔知因為呢間野冇酒牌食客係可以係隔離7仔/超市買啤酒入去的然後再叫碟酥炸雞軟骨吃吃喝喝太正了=]

今次冇乜心血來潮，因為貪平就入去$22 學生餐\：台式醬汁鴨胸炸豬扒飯汁：都幾鹹，鹹過頭鴨胸：頗嫩炸豬扒：墨守烹調法食物普遍沒什麼問題，服務好唔掂阿嬸行過黎收起筷子&匙羹，甘我地覺驚奇，阿嬸不客氣說：「下！乜你地用羹筷食架？！」唔再去lu~~

今晚第2次黎食軒，因為好肚餓好想叫１大臺送！！自己又貪心想食多幾味，６點多來到好多小菜選擇，我同大肥叫左７個送加１個飯：＊麵醬黃鱔茄子煲（＄２０）：ｏｈ！！意外的好吃入味，很香，送飯超級好吃＊泰式炒金邊枌（＄１０）：有好多炒乜炒物，這個平平凡凡，似乎炒飯較好＊ｘｘ玉子豆腐（＄１０）：炸過的豆腐回燴上香菇火腿等獻汁，又是出奇的好吃＊金菇炒牛肉（＄１０）：送飯的＊潮式韭菜豬紅（＄１０）：很多豬紅，不辣但入味＊芝麻雞（＄１０）：．．．上次的口水雞令人驚喜，可是這個芝麻雞沒有味=_="＊麵醬油蜜菜（＄１０）２人捧著肚子離開，也不過是８５個大洋～很想叫蠔餅（＄３０），臺臺都有，可是太大塊怕吃不消很適合倆口子的小店，不用去大排檔了^o^（兩個人頂多只可叫３樣）ｕｍ．．．同意其他食家所說，鹵味唔好味．．

數到土瓜灣北帝街人氣最旺的食店,非"食軒"莫屬,全因價錢平,$10打冷小菜,就憑這個條件,導致每夜食店門口,等位人龍不絕.同對面大漠,形成強烈對比.三個人竟然在某夜直行直入,有人請客,當然睇送食飯,$10打冷小菜,差不多點左四五味.其他再叫寫蠔餅,炒飯等等,加埋也不是天文數字.新派平價潮洲菜館,一樣有廣東老火湯供應,一小煲夠三個人分.花生眉豆雞腳,未到火喉.唔夠清甜,純粹飲湯.鹵水菜式如鵝片唔夠鵝味,肉質頗齦,豬紅,墨魚等鹵水菜式,水準平平,全因個鹵水唔夠力.別無其他,一間開設三年左右的平價打冷,何來幾十年陳年鹵水?海鮮炒飯幾夠鑊氣,材料就落得吝嗇,此味不是$10區別.蠔餅炸到散收收.此做法並不是小弟杯茶.店內細細,流量很大,食客一走,即番兩番,下一個食客入座.薄利多銷,計落應該仲有利的.以經營方針來講,此店非常成功,整條北帝街,甚至方圓數百米的區域,同類競爭者極少,加上$10打冷招徠.真係打遍天下無敵手.平還平,總要吃得過才能過關,否則貼錢也難受.平心而論,也吃得過.但如果荷包充裕少少的話,北上樂富聯合興會吃得更盡慶.計落條數,後者都係貴三,四十蚊.在新派同舊派之中取舍,點都會選擇後