影片
招牌菜
早两年都有同朋友黎呢间野食饭.但系唔知系纯粹系改名,还是易手后.价钱加了不少,虽然只是三十多元至五六十元一碟.但相对以前的卖点,十元一碟加幅不少.不过这不是重点,重点是质素真系差了很多.我们一行四人叫了四个菜.麻辣鸡丁 ( 唔记得系咪呢个名)蚝饼豉椒炒蚬卤水红肠墨鱼先谈谈那个蚝饼及卤水红肠墨鱼比较起来是较好吃及抵食的那个蚝饼吃起来可以与庙街的有得挥那个麻辣鸡丁真系食到O晒咀 ..我差点以为自己叫错了一碟辣椒成碟都系辣椒, 所谓既鸡丁我数埋应该都有十多粒每粒一个手指尾头咁大 仲要系连埋骨那个豉椒炒蚬 都系份量极少真系好怀念以往又平又好食既食轩
继续阅读
知道 Winnie 钟意食辣嘢, 呢度实啱佢胃口, 所以特登带佢嚟试!佢仲当庆祝揾到新屋, 请咗我食呢餐, 真系多谢晒呀!记得两年前, 成日同鎗会班兄弟嚟帮衬既食店《食轩》,而家已经改名为《聚宝食轩》啦我哋叫咗好几个菜, 首先有镬仔辣酒煮大蚬 ($38), 都几大锅㖞~ 都叫够辣够味, 当然唔及中山石岐佬既咁正, 但已经好食过好多香港食店啦!跟住系一碗蚝仔肉碎粥 ($25, 窝$45), 都好多蚝仔㖞, 又够味, 呢个真系得呀!!麻辣手撕鸡 ($22), 呢个出奇地好味, 系多咗啲鸡皮啫~ 但啲味道调效得几好。韮菜辣猪红 ($20), 啲猪红都唔错㖞, 唔会太假, 又几入味, OK~蒜蓉炒白菜仔($18), 份量少咗啲, 但都炒得几香几好味呀~吉列百花蟹钳 ($18), 呢个都唔错㖞~ 即叫即炸, 唔会话唔够热啰!总括嚟讲呢间嘢真系几得, 我哋都见佢夜晚成十点几都仲几多客,而且好多人都钟意嚟饮佢煲老火汤, 细煲 $20, 大煲 $30, 下次都试吓先!不过我哋食吓遇上一只小小强呀!! 吓到我哋两个劲惊啰!虽然都知食市一定会有小强, 但最紧要系唔好畀我哋见到嘛!希望呢间嘢系卫生方面搞好啲啦! 如果唔系就浪费咗佢哋既美食喇!更详细资料及图片请看 : http://hk.myblog.yahoo.com/joycewai616/article?mid=11538
继续阅读
在沙士时期,以$10打冷在逆市打出名堂的食轩,今天已没有$10一碟打冷了.最平的卤水蛋,盛惠$12.其他以前卖$10的打冷菜式,大多加到$18一碟.虽然不再卖$10,每夜门外的人龙依然不绝.自打响名堂之后,店内食品渐趋向多元化,继打冷之外,亦有几十块前的小菜供应.近期连泰式菜式也捞埋.有海南鸡,烧猪髀等等.一支公踢住拖,无本事同一大班人逼,外卖一盒海南鸡饭,回家慢慢吃.$39一客,跟例汤.其例汤是粟米萝卜冬瓜汤,都几甜.但亦有点点味精反应.海南鸡饭上的海南鸡,鸡皮不肥,吃落滑溜兼略带点点脆口.皮下肉亦几嫩滑,当然,没有跑马地大少爷吹得弹破的肉质.也不错矣.鸡油饭带点光泽,较为干身.但鸡油味未算好浓,反而带点点香茅味.这是泰式味道嘛.出奇地不俗的海南鸡,照看其烧猪髀,应该不差.
继续阅读
今次唔需要等, 一来到便可以选菜, 今次以潮州菜为主, 有方鱼粥, 卤水猪颈肉, 大眼鸡, 药善醉鸡锅, 金银菜煲猪骨方鱼粥- 味道刚好卤水猪颈肉- 肉片大片又爽又软大眼鸡- 够滑够新鲜药善醉鸡锅- 汤够浓, 鸡的口感同味道刚好金银菜煲猪骨- 清甜无乜味精呢道胜在碟头细, 价钱合理, 可一次尝多几款菜式
继续阅读
小弟o系附近返学,lunch个阵同学好钟意去呢间铺头,我都唔明点解..铺头黑妈妈,坐落留心少少,会有好多乌蝇飞黎飞去,有个比较肥既阿姐讲野十分唔客气,好似唔想做人生意咁既声气...价钱大约廿几蚊,我食左个汤锅+饭..要多杯冻柠茶少甜,少甜竟然会系一大杯糖水..大大话话都黎过lunch好多次,但系废事扫同学兴,只好顶硬上...
继续阅读