食軒 (已結業)

媽子話上次經過好多人排隊，佢話不如試下，可能有驚喜喎！見兩間的食物都唔係太大分別，咁就聽媽子話入黎“食軒food plaza”試一次。入到去唔係咁多人，好有家庭式經營的feel，大人細路樣樣齊。佢地俾左d餐牌我地，但我見好似仲有一張未俾我地，咁我咪問佢係咪仲有另一張，咁個肥女人就飛個張餐牌係我地的枱上面，都唔知咩態度！我地叫兩個set，跟一杯野飲，先來兩杯野，估唔到杯熱飲都幾大杯，嘩，飲一啖我杯熱好立刻克後，咁水架！水多過料好多，好難飲呀！試左一啖媽子的熱奶茶，嘩仲唔掂呀！苦到咩咁，叫佢地加d奶俾我地，加左都好唔掂，因為太水，完全唔香濃，都唔知自己係度飲繄奶茶呀！我的白汁雞肉闊麵先到，唔熱，又唔好食，麵好明顯係乾那隻麵條淥的，爽身但唔好食，仲以為係意大利闊麵，俾佢誤導左！而媽子那個泰式南乳雞翼我冇試，但試左一啖飯，好硬呀！而個雞翼媽子話麻麻地喎！但見其他人多數叫餸食飯，唔通呢度抄餸水準好d？如果佢地唔改下d服務態度同埋d食物質素，尤其係d飲品，真係未飲過咁差架，我估都好難叫我再幫襯呀！