風雲丸

营业中

休息中

又去尖沙咀K11，附近風雲丸食碗麵先。要排咗一陣隊，但店主细心，在門口放置一壺茶，可以随便飲。裝修簡約，但係有特色。這店出名食沾麵，當然要食啦，沾麵可以揀熱食或冷食，而湯都係熱上，分別只在於個麵係凍上定熱上。我点咗豚骨魚介味玉沾麵，熱辣辣嘅煲裝滿著好香嘅魚介湯，冷麵有一塊厚切嘅豚肉和一隻温泉蛋，先將一著面擺落湯，好味，麵爽口彈牙，湯汁屬於濃味，食到一半，就覺得太濃味喇，喜歡清淡嘅我，這款湯底就唔係咁適合我啦。另一碗是辣骨魚介沾麵，一切同我碗麵一樣，分别只在於冇蛋及加辣湯底，辣味也適中，至於麵的份量有得揀，可以因應你的食量。地点在地鈇站出口，好方便，食物質數不錯，每人平均$90，值得再去。

羽根燒餃子(於The Gulu成為會員後優惠價$15)餃子有5隻，係菜肉餃，上枱既熱度唔似即煎，餃子邊位既皮好硬，影響口感。唔會再叫。(個人口味: 2.9+2.9/10)豚骨魚介味玉沾麵($93)+紫菜($12)濃郁既豬骨湯底，帶有少少微辣，沾麵配埋湯，好食，紫菜浸完湯都好正。流心蛋一咬落去有濃濃既流心蛋味，口感幾彈牙。豬肉煮得夠腍，唔un唔鞋口。“友人”覺得溫麵比冷麵好食。(個人口味: 4.1/5)辛辣豚骨魚介沾麵($93)爭扎於咖哩同辛辣，最後都揀左辛辣。湯底好紅，好似落左好多好多辣椒油，夠辣，刺激食慾，愈食愈想繼續食。但麵底偏硬，好似未淥熟咁(我揀左冷麵，溫麵麵質就好少少，但都係偏硬)，個人唔太鐘意尼隻麵質。大盛300g望落唔多，但食完都超飽。豬肉同“友人”既評價一樣，唔錯。雖然個人對辛辣湯底評價唔錯，不過都係覺得配豚骨湯底更加有沾麵既風味。(個人口味: 3.3/5)(麵底: 2.9/5)星期一沾麵買一碗第二碗半價，唔知優惠做到幾時。如果有優惠，都可以再試。因為點餐紙只有湯拉麵有得揀軟麵，或者可以試下落單時問下沾麵有冇得揀煮腍d。

#中意嘅請分享請點讚🍻----------😋石燒豚骨魚介味玉沾麵 $93魚介湯好濃鯷魚味，而石鍋好夠熱，食到最後仲可以保持湯嘅溫度。沾麵可以揀200g/300g/400g，係唔需要加錢，食量大嘅就岩哂。麵質比較彈牙，浸落沾麵都好排掛汁。叉燒好厚身好淋好大塊，因為有燒過所以幾香。糖心蛋煮到岩岩好，外層有濃濃嘅醬油味，入面有半熟流心蛋黃，唔會太生又唔會太熟。因為湯底好濃所以食到中途可以加檸檬汁中和下，食到最後就叫店員可以加湯。----------🔎風雲丸🚩尖沙咀麼地道30號Mody House地舖🚩灣仔軒尼詩道314-324號W Square地下B舖

真係好想去日本旅行呀！不過冇假期⋯⋯雖然去唔到，唯有去食拉麵補償一下啦！一蘭已經食過好幾次，而且又要排隊，我就行咗個隔離街嘅呢間拉麵店「風雲丸」。第一次食呢間拉麵店，見到個Menu竟然有沾面，仲要話200度熱辣辣送上你面前嘅石鍋，於是我就放棄左食拉麵嘅念頭，改為食呢個沾麵。不過我覺得沾面嘅醬汁真係太濃郁啦，味道濃到我好鬼口渴，於是我就再叫啲嘢飲啦。見到隔離有人飲抹茶味嘅汽水喎，相信應該係日本限定，所以我亦都好想試吓，抹茶味都幾重喎！

好似話呢間野個老闆真係係日本人黎架！今日同個朋友黎個 Quick Lunch，又唔想食飯，所以去左食個拉麵，終於食到呢間成日經過既風雲丸拉麵！睇睇餐牌，佢主要分為兩類，沾麵及拉麵兩款，另外都仲會有炒飯及小食等，所以其實選擇都幾多，如果揀好咗，就係右邊嗰張落單紙度畫低，再比店員就可以啦由大門開始，成個環境裝潢都好日本架，搞到真係好想去日本囉！一開始先黎個小食，食個唐揚炸雞先！都幾正架，一碟有5大件，我地兩個人食，每人都有兩至三件我地揀左原味，雖然無其他醬汁，不過味道已經好夠，炸到外脆內軟既佢，咬開件雞，入面仍有肉汁架！值得一試先介紹呢個我朋友叫嘅，豚骨魚介味玉沾麵，呢個沾麵係餐廳其中一個主打嘅麵款之一，麵同醬汁分開，而且佢嘅醬汁仲用一個石頭鍋裝住，上枱嘅時候可見，非常滾熱辣，而且香氣撲鼻，非常吸引佢嘅特色就係當你食每啖麵嘅時候，將適量嘅麵放入右邊嘅石頭鍋醬汁入面，除咗可以食到佢嘅熱辣辣溫度之外，佢嘅味道亦都係最濃郁極為香濃嘅豚骨魚介醬汁，將軟硬度啱啱好嘅麵條放落去，麵條嘅掛湯能力非常高，所以完全食到呢個醬汁嘅精髓，非常出色而我就叫左呢個豬骨魚介拉麵，雖然佢冇沾麵咁有特色，但係佢呢個味道都

今天和男朋友到尖沙咀食飯大家都突然想吃日本拉麵最後選擇了這一間 — 風雲丸有沾麵亦有拉麵可以選擇這裡的沾麵麵有不同分量可以選擇400g以下都是免費豚骨魚介味玉沾麵豚骨厚厚一大片 入口軟綿 魚介湯汁上桌熱辣辣 味道濃濃 魚香味重400g麵條 粗身的麵條 掛汁效果好 沾滿湯汁冷暖選擇了溫麵 吃下去帶麥香 好味道這款有配溫泉蛋 吃拉麵必備呀豚肉魚介拉麵男朋友就喜歡吃拉麵 點了這一款拉麵麵條硬度選了適中 麵條別下去彈牙豚肉和沾麵的那款也是一樣的魚介湯底比沾麵的淡一點 味道清甜綿綿帶魚香海苔對我而言 海苔也是必點的點上湯汁和麵條一起吃 別有風味 正

之前同朋友行過風雲丸，覺得佢嘅外面好吸睛好有日本風，而朋友話哩間拉麵平時好多人排隊，於是今日咁岩喺尖沙咀，就入去試一試有幾好味。由於今日冇時間食lunch，餓到差不多5:15先有機會去食個麵，於是我就膽粗粗叫咗個䐁骨魚介味玉沾麵，仲要叫左個特盛size（有 400g嘅麵）。因為之前冇食過所以唔知道究竟唔同size嘅麵有幾多，今日試過之後真係好想講，千祈唔好咁貪心🤣，因為”特盛”真係好大碗。如果正常一個女仔嘅食量，”大盛”已經食到好飽！由於我叫咗又唔想浪費，所以迫於無奈都要食晒成碗麵，好彩我一向都係橡根肚，咁大碗都難唔到我。講返碗麵，其實麵質有啲似烏冬，而塊叉燒，肥嘅部份好肥，瘦嘅部份好瘦，係冇中間嘅！所以肥嘅部份一定要同麵一齊食，如果唔係就好膩。至於個湯底果然係精華所在，本身都好掛麵，食完之後我叫侍應加啲清湯再飲，真係弊傢火，湯有魚嘅味道，好飲到唔停得口，食咗咁大碗麵都仲可以飲到咁多湯，證明個湯真係唔簡單！

早排同家人出TST食野有朋友介紹我地食呢間朋友之前話食過灣仔分店果間話味道非常好👍燒汁羽根餃子餃子煎得好香淋左燒汁同加左d芝麻味道提升不少唐揚炸雞炸到金黃色好靚炸得香脆yummy豚骨魚介味玉沾麵最期待係個汁好香濃d麵超彈牙原隻龍蝦味玉沾麵流心蛋好香滑啊龍蝦有好多膏蝦肉有彈性同好鮮味第一次食米雪糕真係有o米係入面味道清新好特別ps叫原隻龍蝦味玉沾麵有雪糕送抵啊peach soda唔錯唔會太甜整體感覺唔錯呢度環景幾靚位置近K11都幾方便

自從上年年頭係日本WH完返香港之後，就好似冇食過日式拉麵。 今日突然好想食日式餃子，又醒起風雲丸係開店初期送餃子做promotion，估計佢既餃子應該唔差，所以就黎試下。一坐低就揀野食，揀左個豚骨魚介沾麵，同當然要order 餃子啦。 落單前咁岩睇到，用apps做佢地既會員，可以用$15加一份餃子，慳成$20緊係花下時間整啦。落完單無耐好快個沾麵就到左，可能因為當時成間鋪得我一個呱🙊🙊其實我以前對沾麵冇咩好感，因為食完三田製麵所果個沾麵，咸到痴線，之後就唔係幾敢食。 之後係日本食小店既沾麵先慢慢有返d信心去食🤣風雲丸既沾麵係岩我唔味既，掛唔掛到湯，呢d個唔識食。 但至少我個麵沾完湯食落口唔會太咸，但又食到魚介湯既味道。 麵質睇落去幾似烏冬，反而又唔係好似拉麵🤣🤣因為我唔係好肚餓加上又叫多左份餃子所以唔敢叫咁多麵，只叫左200g。 但估唔到原來200g真係好少，得2啖到。 真係好彩我本身唔肚餓😂 下次去會叫返大份d，唔係好似食＝冇食當個沾麵食左一半，餃子終於到。 我經已即刻食第一個，可惜佢既溫泉已經係微微暖，差少少到室溫既程度。 涵入面菜肉既比例應該係菜多d，只食到菜味，食唔到肉味，亦

這間位於尖沙咀的風雲丸，以日式沾麵為主，款式不算太多，但勝在質素比同行高，價錢亦都算合理，所以每日午市都全場爆滿。石燒濃厚豚骨魚介沾麵沾麵要了正宗冷麵，麵質煙韌有咬口，軟硬適中，魚介湯以石鍋盛上，上枱時湯還滾，湯底鮮味而且濃郁，豚肉厚切大片，表面燒至有焦香，肉腍帶油脂香。石燒牛油玉子豚角飯原個石鍋飯熱辣辣送上枱，表面舖滿了豚肉粒及流心蛋，一邊攪拌一邊聽到吱吱聲，飯底有層香脆的飯焦，豚肉粒半肥瘦十分juicy。唐揚炸雞炸雞保留了雞肉肉汁，不會太乾太硬，而且表面粉漿又落又脆。

成日經過都有很多人排隊，就去試試係唔係真係咁好食!首先叫了人氣沾麵石燒豚骨沾麵沾麵比較失色，麵質無彈性，"1 pat pat咁" 係我形容食咁多不同日本沾麵來計最差的一次豚肉非常入味質地淋身容易入口， 另外沾面湯底都非常之嘢味唯獨是沾麵比較失色原味炸雞加配有味飯這個配搭令我非常驚喜 炸雞外脆內軟非常juicy， 在家配有料飯非常配合果汁汽水提子味感覺很像日本的有氣果汁啤酒幸好炸雞非常惹味，否則白排一趟希望沾麵有代改進

收工去尖沙咀行街 看到這家燈光閃爍的拉麵店門口有牌寫著星期一第二碗半價 就試下選擇都多 有沾麵 有拉麵我和老公都叫了沾麵 還有一份枝豆貼心的準備了多一個碟放枝豆皮上菜的時間不久 很快就有 座位旁邊有教學教沾麵的食法沾麵分了麵和湯 夾起麵沾湯吃湯底很濃 麵條彈牙 將麵輕輕沾一沾湯都很夠味原來他們的秘制叉燒用了上等豚肉，低溫慢火浸煮超過十小時，肉很淋，也夠大塊 另外 溏心蛋煮得剛剛好 是一整顆 不像其他麵店只有一半 不會太熟 最後order了兩份雪糕 米味和紅茶味 很特別 米味內有米粒 很有趣的口感 整體很滿意這家店

星期日出尖沙咀行街, 喺K11附近行過見到有間食沾麵嘅叫風雲丸, 喺出邊望入去覺得幾靚同埋價錢都幾大眾化就入咗去試吓 😛 我哋兩個人叫咗一個原味既豚骨魚介味玉沾麵同一個辛辣味嘅沾麵，仲叫咗一份小食（辛辣唐揚炸雞）~呢度叫嘅面，可以揀唔同嘅份量，我哋兩碗都揀咗300 gram大盛~ 味道方面，原味個份個湯好濃，亦比起辛辣嗰份多咗一隻溫泉蛋個面質感幾好, 有少少似烏冬~ 有個熱石鍋裝住嘅湯，味道唔錯至於辛辣味左份就真係幾辣, 搞到我一路食一路狂飲冰水! 兩碗面都配有一件大燒豚肉, 食落去唔算太油, 非常香口 ~ 熱辣辣咁食真係唔錯，冬天食應該更有風味至於個炸雞味道都相當唔錯, 亦都係比較辣, 好似我咁唔食風太辣嘅話個人建議食原味會好啲。整體來講，風雲丸既食物都唔錯, 加埋平民化嘅價錢，CP值相當高

經常經過風雲丸都會見到門外排了一條長長的人龍 見咁啱今日唔係食飯時間唔使等位 一於入去試試 睇下係咪真係咁好食先無論店外店內都充滿日式風格 猶如置身在日本當地 店內設有半開放式廚房 可以一睹廚師炮製美食的風采沾麵和拉麵是餐廳的主打食物 亦有小食及飲品提供 圖文並茂相當吸引揀好咗心選食物之後 在餐紙上落order 揀選自己喜歡嘅麵質軟硬度 走蔥 小油 走荀……相當貼心豚骨魚介拉麵$88先品嚐一口湯底 湯底非常濃郁 充滿豬骨香味及魚介的鮮味滑滑捋捋有嚼勁的麵條 口感爽滑而且彈牙 有豐富嘅麥香味瀨戶內海優質鰯魚製成之魚介粉 充滿魚嘅鮮甜味道 令整個湯底變得濃郁 叉燒又厚又軟熟 肥瘦適中 有種入口即溶嘅感覺豚骨魚介沾麵$88湯底夠濃夠張力之外 亦有片極大的叉燒及蔥花 是極之香口惹味的選擇熱騰騰的石鍋盛著沾麵醬汁 溫度相當高 湯底耗費超過十小時熬煮的豚骨湯底 基本上是汁而不是湯的感覺沾麵湯底非常濃厚 精髓都落在湯底之中 掛麵程度令人滿意 極粗的麵身口感極好 用來吃濃厚湯汁最配 令人大有滿腹之感

這天朋友在尖沙咀收工，就相約在附近晚飯，選了這間就在K11附近的日本麵店，之前在灣仔試過不錯，今次主要想試試拉麵及梅酒。裝飾佈置都很有日本🇯🇵風味。拉麵🍜 $88 - 拉麵口感適中，加上湯帶點濃稠及肥美嫩滑的豚肉，很實在的感覺枝豆 $20 - 翠綠新鮮野菜 $20 - 份量頗多，主要是芽菜及椰菜，健康好味燒汁羽根餃子🥟 $38 - 餃子饀料有菜及肉，配上燒汁十分滋味中野梅酒$38 - 味道清甜易入口中野梅酒 $38 - 第一次飲梅酒，清清甜甜的感覺很易入口幸好我們都早到，吃飽出到門口已大排長龍😝