風雲丸

营业中

休息中

星期六於尖沙咀逛街，午餐想吃拉麵，想起了風雲丸，一於跟朋友再來吃沾麵。重臨舊地，餐廳依舊環境光猛，有大片玻璃窗投入日光，裝修很日本風。豚骨魚介沾麵沾麵湯汁用石窩裝著，熱騰騰的，香氣撲鼻。拉麵屬於比較粗身的，很有口感，我選了溫拉麵，相當掛汁，湯汁一如以前好味，有豚骨的濃、魚的鮮味，相當濃郁。豚肉燒得很甘香，是一層層的五花腩，但燒過係不會太肥膩。辛辣豚骨魚介沾麵沾麵湯汁同樣熱騰騰，跟原味的基本是一樣，只是加了層惹味辣油，辣度剛好不會太超過。朋友選了冷的拉麵，沾上熱湯，拉麵更添爽口。野菜分量很足，滿滿的椰菜和芽菜，爽口又健康，正好一清肥膩。

本來想試下呢間新沾麵店，叫左個大麵配豚骨魚介沾麵，本來嘅汁已經少，加埋個石鍋不斷蒸發啲水份，食左2/3嘅麵已經唔夠汁，用到最後淨返少少，諗住叫職員加湯，點知黎到竟然係加熱水！？原本已經得返幾滴嘅沾面汁，變成透明啡色嘅湯水！我當場呆左！呢啲仲叫沾麵咩？我飲嗰啲湯水，都覺得好淡味！何況麵放入去完全沾唔起啲湯水！雖然我知道呢間鋪頭，有個沾麵文化，係食晒啲麵，假如啲汁仲有剩先再加水，但依家連食個麵都唔夠汁！叫你食滾水淥麵！你仲食唔食？有冇搞錯？依家個沾麵汁好貴咩？你碗麵都收我接近90蚊啦！最後我想話，間舖8成客人都係外國人，冇咩香港人食！大家唔好中伏！

因為趕着陪客戶購物沒來得切吃晚飯，又已經差不多晚上九時，決定簡單的吃碗拉麵，站在對面就看到門面吸引的 風雲丸。這裏以招牌沾麵作主打，款式多而且有不同口味，有辣有唔辣，份量足料而且價錢合理。《咖喱魚介沾麵》 $93我點了 咖喱魚介沾麵，特別一提如果你是大胃王的話可以免費加大面底，免費選擇 特盛 400g，分量真係有點像相撲手的食糧。麵跟石鍋湯是分開上的，夾著熱麵放進熱騰騰的石鍋咖喱湯汁中，石鍋盛湯可以保持熱度，沾麵精華慢慢吃也不會涼。粗身的沾麵很容易便掛上濃郁香辣的咖喱汁，惹味非常！麵條彈牙可口，入口有咬勁。配菜方面有味荀和肥美的豚肉，豚肉脂肪分布平均，一層肥一層瘦，入口軟滑，口感豐富肉質軟腍。《野菜》$20女生要吸收多一點纖維，大大碟野菜感覺健康。《唐掦炸雞 》$35酥脆可口，外脆內軟，肉汁滿滿的。《羽根燒餃子 》$35這裏的餃子正宗口味，就像天使之翼，沾上特製餃子汁更美味。《煎茶雪糕》$28最後在麵店還可以享受到完美的甜品，味道甘甜，一冷一熱刺激味蕾。《三矢蘇打》$20整體來說很喜歡石頭鍋沾麵的飲食體驗，店員服務細心到位，座位寬敞，下次會再來！

上幾次去風雲丸都賣晒佢地既seasonal special 😔 - “原隻龍蝦🦞味玉龍香沾麵”，今次去竟然有得食😭原隻龍蝦🦞勁大隻，玉子🥚好好味，湯底🍲很濃很鮮！一般拉麵會編軟一點，但沾麵不同，比較有嚼勁，麵仲可以揀份量200g或300g或400g👍🏻其實吃不到限定，其他豚肉沾麵都好高汁的，價錢大約～$90起☺️

已經不是第一次聽別人介紹風雲丸，每次經過食店都會發現外面大排長龍。其實這裡除了有拉面外，也還有沾面可供選擇。由於這裡有名的是沾面當然要試試沾面了。跟其他拉面店一樣，你可以選擇自己口味的沾面組合，葱同筍的份量都可以自己選擇。特別之處是這裡可供選擇面條的分量，並且分為幾個層次包括並盛（200g）、大盛（300g）、特盛（400g）同富士山盛（800g）。身分男孩子，當然選最大的份量了。期待已久的沾麵來了，是用石鍋盛載，湯頭送到桌上的時候是熱燙燙的並不停在鍋內滾著。沸騰的狀態維持了良久，將湯的溫度保持住。點了個魚介湯底，帶有濃濃的魚味，很濃，但又會太咸太膩。面條彈牙有咬口，更可以掛到到湯。沾麵中的兩大塊炙燒豚肉，肥瘦相間，入口即融，十分邪惡。平肖拉面店都是吃薄薄的差燒，這裡的炙燒豚肉十分有驚喜。跟其他拉面店一樣，台上有蒜，七味粉等調味料去添加調味。另外，餐廳每個位置都會有一張卡片指引去講介怎樣吃沾麵，十分貼心。

一碗好食嘅沾麵，最緊要係有一碗熱辣辣嘅石鍋，盛載住濃郁嘅沾麵湯。風雲丸既沾麵夠彈牙，沾落滾既湯底好好食。湯底魚介味濃郁，又夠濃厚。叉燒梗係佢嘅亮點，厚五花，仲係燒過既！

同朋友促進完香港經濟後，食埋晚飯完成當晚最後的經濟活動。行行下發現一間門面好QQ既鋪頭，被它吸引而入去。可能是餐牌圖片吸引關係，揭幾下餐牌好快鎖定已自己食咩。辣豚骨魚介拉麵湯底：偏辣，不過辣得黎好過癮，會愈食愈快。店鋪提供免費水可以俾客人降下火。豚骨：呢碗麵只有兩件，我朋友既沾麵會有四件+選擇盛量（麵既份量）。老實講，我覺得兩件份量剛剛好，可以望到件肉好厚身，而且好黏韌，口感十足。尖沙咀地區食晚飯，又唔算太貴。

拉麵就食得多，沾麵就淨係食過銅鑼灣嘅三田。點了熱湯、熱拉麵，職員遞上食物時，湯還在霧煙，一副急不及待被吃光的樣子。湯是最簡單的豬骨湯，味道夠濃郁，把麵沾入湯時，才發覺湯較稀，未能夠痴實拉麵。而豚肉夠軟身，只是邊邊的肥肉，實在太肥美，吃不消。個人來說，較喜歡吃鹹的，所以，三田才是我的選擇。另外，還點了辛味炸雞的 (忘記了拍照)，它入口比較乾身，且比較辣，下次還是點回原味，或不用點。整體來說，性價比是可以的，若果不用排隊的話。

媽咪話未試過沾麵，唔知係咩黎既，近近地就帶佢去試下。地點很方便，就在K11對面。環境舒適，裝修像日本拉麵店。餐牌石燒濃厚豚骨魚介味玉沾麵 - 蛋是溫泉蛋，流心的，肉燒過一面，帶香亦很淋。麵可選400g, 300g 或更少，我們點了400g ，最後吃剩了一點，建議女仕可以選少份量的。熱熱的濃湯，充滿鮮味，喜歡用石鍋盛著，不會冷下來。石燒肉盛豚骨魚介沾麵 - 有4大片肉，喜歡吃肉的朋友不容錯過。濃郁的湯底配上溫麵，十分滿足，喜歡濃湯的話一定要試。 羽根餃子 - 煎得很香脆

上枱嘅時候石鍋熱氣騰騰，還有泡泡不斷冒出來，店員都叮囑我們要注意石鍋，以免燙傷。濃厚魚介味玉沾麵，選擇左冷麵，因為冷面口感較彈牙。魚介湯味道好濃厚，配埋冷面一齊食味道岩岩好。叉燒燒得幾大塊而味玉雞蛋都做到流心。這裡的沾麵可選200， 300， 400g， 而800克就要加$45羽根燒餃子香口，餃子裡面料都好多菜嘅餃子岩晒我唐揚炸雞即叫即炸，香脆口感，肉質嫩滑。甜品好味道，淡淡嘅清香同濃濃魚介湯形成一個強烈嘅對比。提子梳打幾好飲

今天跟男友到尖沙咀約會，所以我們一同來到我們最愛的風雲丸吃拉麵先來了小食辛辣炸雞，炸雞上可以清楚看到辣粉雞肉一絲絲的，炸完後一點也不乾，肉質依然嫩滑餃子一共有五隻，餡料以菜和肉為主，全部即叫即做，所以非常燙口橙紅色的辛辣拉麵終於來到了，由於是豚骨魚介湯底所以口感是非常creamy，而底部還有一些辛辣的肉粒我額外還加$12要了一隻味玉男友則選了豚骨魚介沾面豚骨魚介湯底以石鍋盛載，湯底的溫度得以保存，所以送到桌上的時候是熱燙燙的 男友選了特盛的size，所以沾面的份量是比較多的

日本過江龍拉麵所近年係香港十分盛行，當中的風雲丸是很早的一批，今日同朋友食的是位於尖沙咀的分店。地理位置相當好，地鐵站行出大約3分鐘便到，而且相當接近K11商場，我地就係當日行完K11後，用Openrice找到這間拉麵所。我點的是豚骨魚介味玉沾麵，下單後大約用了10分鐘便上菜，上菜時沾麵的濃湯仍是熱氣騰騰，加上用了相當保溫的石鍋，我食到最後時，仍然可以食到相當熱的湯，溫度大約是最初的八成，保溫的工作做得相當出色。拉麵的份量可以自由選擇，當日我選的是免費加大的400g，麵條很有嚼感，而且彈牙，味道都幾出色。結帳時人均$100，以日式拉麵而言，是合理的價格。

同屋主在家開派對，其實她很好，有邀請埋我，但我卻.....怕陌生人，可能有社交恐懼，所以還是為自己安排一連串節目，先去facial，再晚餐、返church 和嘆咖啡，待差不多時間才回家吧！Facial後便四處逛逛，竟然發現「風雲丸」，以為只在灣仔有店，原來尖沙咀也有分店。門面設計吸引，採用富動感的字體、掛上日式布簾和一排排紅白燈籠，而招牌就用了多個閃亮的燈泡圍着，在大街中顯得特別搶眼。店內的裝潢更具特色，色彩繽紛的牆身圖畫、多句日語、店頂懸掛繩網等等，都很吸晴。長方形格局，座位不少，泊牆設有一排長椅配二至四人枱，而中間則有兩排長枱，最入端有設計成居酒屋的吧枱座，可看到師傅正忙過不停。看看枱上的物品，放齊餐具、紙巾、檸檬水、調味料、餐牌和點菜紙，都算幾齊備，而調味料分別有餃子汁、黑椒粉、蒜粉和一味料，但今日就未需要用上。雖主打沾麵，但亦有拉麵， 還有子供套餐、羽根餃子、唐揚炸雞、追加配料、石燒飯、丼物、小食、甜品和飲品，還有一款期間限定，就馬上取張點菜紙剔出自己所需。*****************熱辣辣，香噴噴的石燒野菜豚角豚骨魚介沾麵 Tsukemen with vegetable

真係超難得我成碗放低最多我只會話麻麻地 唔好食好難有野我會去到話難食嘅地部叫左 豚肉魚介拉麵，辛辣豚肉沾麵塊豚肉得個厚字 又冇味又鞋又偏乾 煲湯肉咩辛辣果麵個實在辣到食一啖食唔落個汁就一味淨係得個辣字 冇其他味諗住湯拉麵可能會好食啲又係冇味架就好似滾水加麵加白淖瘦肉成碗麵最好食兩條筍個口食過啲麵之後 腥味長留口腔難食到成碗放低一肚氣走左得個樣 裝潢賣相我比100分 成碗麵負一萬分完全black list 早知食第二間

又落雨🌧又有d餓🤷🏻‍♀️咁岩又有間風雲丸係隔離🌀就入去食🤩之前都有食過🙈不過係銅鑼灣👻好耐無食過既沾麵👍🏻叫左個豚骨魚介沾麵🍜個湯真係無得頂🤪撈麵一流啊魚介味好香 好濃但又唔會太鹹🤘🏻又Keep到熱度👍🏻要讚啊麵可以選擇溫定凍 份量都有得選擇並盛 中盛 大盛 特盛仲要係免費架😎如果都覺得唔夠食 可以選擇富士山富士山成盛😂要加錢🙈$45🙊唔夠餸都可以再加想食流心蛋 海苔 野菜 粟米粒都可以加不過呢個要收錢🤣食沾麵識揀一定係揀風雲丸❤️