風雲丸

营业中

休息中

同朋友搵午餐時路過，去到入口，俾佢吸引嘅係星期一第二碗半價。入到去見到舖面環境乾淨。不過坐位比較窄。叫左豚骨魚介沾面大盛，仲可以揀熱面或者冷面。大盛唔駛加錢，食得比較多同餓嘅朋友可以試下叫大盛。上菜時間唔算慢。可能因為係熱湯，員工上菜時都都好小心。用燒熱左嘅石頭窩裝湯，令湯嘅溫度可以保持。食晒成碗，湯都未凍。非常好！！魚介湯夠濃味，沾上面之後令面條非常好食。腩肉多脂肪，沾湯後更好食。唔怕肥嘅朋友真係要試下。美中不足嘅係員工無教好似我呢啲第一次去嘅人點寫單，搞到好似唔知點咁。 不過有機會嘅我都會再去試其他湯底。

今日睇完醫生經過忍唔住再食佢嘅沾麵麵份量可選擇上次揀左並盛（200g）完全唔夠食今次就揀大盛！（題外話一個月前黎特盛唔洗加錢）唔洗等五分鐘就上熱辣辣石鍋沾汁味香吸引就咁飲偏重口無魚腥味反而有種好香既柴魚味加入檸汁味更鮮麵揀左冷麵麵質掛湯能力高麵粗度與沾汁的鹹度相合食落口岩岩好魚算好食，未到入口即融但沾湯都好配較弱係麵有少少碎雖然唔算大影響但都美中不足最後湯有剩低，可以加清湯當湯飲但由於太飽關係我無飲lol總結而言，幾適合愛重口人士，亦都岩想嚐鮮既人去食，都幾值得去食一食

呢間既沾麵我覺得暫時係食過最好食，侍應一攞到上嚟，熱辣辣嘅湯底，麵既質地彈牙、湯嘅濃度剛剛好，叉燒肥而不油膩，雖然位置唔夠寬躺，食完要好快就要走，但呢間野絕對推介。

這次又來到尖沙咀，看見這家風雲丸沾麵的賣相不錯，便去一探其真味，頭先按照慣例先評價一下些 side dishes。這裏的餐牌看似選擇很多，但其實當中的變化不大，只不過配菜有些微的分別，當下已經心生不安，但不要緊，很多小店只專注做某一類食物也能做得很出色。接着例牌有介紹沾麵吃法的貼紙，還算細心，店內環境尚可，可能由於入場時間較少人，感覺上能夠透過店內的大玻璃看着尖沙咀大街的感覺不錯，但店員質素便有待改善，幾位店員不斷在店中大聲交談，對顧客愛理不理，要求加湯時只儀式性地加一點，希望能分開結算也被無視。不過一間餐廳最重要的立店之本當然是食物，這家店的食物質素只能以尚可來形容，麵身過軟，雖然能夠成功掛湯，但完全浪費了其標榜的石鍋湯底，但這個湯底也不算出色，味道過鹹也不夠濃郁，令人大失所望。唯一能夠挽回些許劣勢的是這裏的豚肉和溏心蛋，豚肉甚有份量，而溏心蛋的而且確能做到美味的流心感覺，而身為另一種配菜的竹筍卻有一股奇怪的酸味，質素之差距令人咋舌。

“風雲丸 🌩” 🌟🌟🌟.5/5見之前都幾多人排住等🍜果日早左去到冇咩人就去食下😙🔻石燒濃厚豚骨魚介沾麵🍜 ($88)個湯果然濃厚🤩就咁飲頭啖湯好creamy但又膩😛重魚介味🤤偏咸dd 加左🍋汁就酸酸地冇咁膩😉麵 我揀左偏硬同冷麵 保留左麵既韌度🥰有兩塊豚肉 一為肥腩肉 一為肩胛肉腩肉炆得入味 肥膏滑但肉鞋😅相比下 肩胛肉軟淋又入味😋😋🔻唐揚炸雞 🍗 ($35)炸雞炸皮厚 好硬 食落似翻炸😟興幸肉質仲嫩滑 有肉汁😚💁🏻‍♀️沾麵本身就重口味 個人冇太大興趣🤔香港有太多更好既拉麵啦🙈

叫咗兩碗沾麵, 其中一碗既麵有d 一舊舊既硬塊, d 麵都重一舊舊, 街邊車仔麵既質素 沾麵湯又係無咪香味, 炸雞既沙律醬又唔好食, d 雞就一般被星期一買一送一吸引, 只可一 不可再....********唔夠字評分唯有不停講埋晒啲無聊野, 打多幾個字先儲夠200字有, 200字先可以評分呢個系統真係差, 如果我有咁多嘢講我就去咗寫書啦, 仲使乜喺度寫評論呀免費幫你去搵嘢食, 仲要評埋分仲要限我寫幾多字你有冇出糧俾我哋號? 終於都夠200字

今日同女朋友行完成日街就諗住去尖沙咀食D好嘢☺️咁就即刻坐言起行睇吓有咩好嘢食😛諗起好耐冇食個沾麵就search下😛見到呢間評價都唔錯就諗住不如試試佢。一入到裏邊有一種日本傳統拉麵店嘅感覺，燈光溫暖而又溫馨，咁肚餓當然睇一睇餐牌先，見到佢係石鍋沾麵又即刻加左分因為都幾特別下☺️係呢個時候我都忍唔住要落單。風雲丸用傳統手寫落單，我同女朋友都鍾意食辣野所以就不約而同叫左辛辣豚骨魚介沾麵☺️☺️呢度仲可以揀冷麵同熱麵，我哋選擇咗冷麵因為覺得會爽口彈牙啲！下面就可以加$12叫多個糖心蛋或者有人鍾意叫白飯都可以😛幾多配料嘅選擇溫馨小提示就係佢可以選擇面嘅份量😛普通女仔200 g已經足夠,上次我哋兩個都點左400g,我自問都算大食食完都飽到一個點🤣🤣落車之後話咁快野食就黎😚😚肚仔餓嘅我哋梗係即刻試吓，佢仲有溫馨提示就係首先將檸檬汁加咗落湯底入邊先，可能會令佢味道更豐富！之後就將啲面浸落湯底夾翻黎食😛第一啖嘅感覺係好清爽，因為冷麵佢仲有大少少冰冷嘅觸感，再加上濃郁嘅湯底令人食指大動！不過湯底都算幾辣下🔥如果唔係咁食得辣嘅人建議叫其他，我同女朋友仲一人叫咗一罐蘋果酒同梨酒黎飲☺️大滿足總括而言我覺得風雲丸無論環

第一次試，之前睇過啲評語有好有唔好分開幾方面講湯、麵、叉燒、蛋首先湯既味道唔錯，唔會太咸，但係湯既份量真係唔夠，我食400g既麵，食到淨返大約100g既時候已經冇咩湯喇，攪到好似就咁食麵咁，但係又冇得加湯（只係得魚介湯，加黎都冇咩意思）！其次講麵喇，麵質唔錯既，但係敗北在於啲麵太散，好似銀針粉既長度，太碎濕濕，用筷子好難夾，嚴重扣分！跟住塊叉燒，半肥瘦，入口鬆軟，但就唔係好覺得好入味，只係得一面搽左醬汁再輕輕燒一燒，但另一面就冇咩點處理！最後係隻蛋，做到糖沁既效果。整體黎講勉強合格既，值得一提既係佢用個熱石碗裝住啲湯，食到尾都仲有小小餘溫，但如果其他地方食就一早凍晒！但麵質方面就真係要改善！

一直好想知沾麵好唔好食😯見到有好多人推介風雲丸呢間餐廳🥢豚骨魚介沾麵(富士山盛)🍜豚骨魚介湯係用上大量日本豚骨同魚介粉煮成🇯🇵再用300度高溫石鍋盛載，上枱嘅時候仲滾緊，湯底魚介味非常濃郁🐟加入新鮮檸檬汁就更加清新💦麵條係每日自家新鮮製作🧑🏻‍🍳麵條較為粗身，入口彈牙，由於較為粗身，湯汁更容易掛麵👍🏻叉燒厚切肥美🐖入口嫩滑，亦有輕輕燒過🔥辛口唐揚炸雞🍗外皮好薄好香脆，雞肉熱辣辣仲好有肉汁😋食落有少少辣🌶日本紅茶雪糕🍦食落好似奶茶嘅味道🤤質感滑順

性價比高的沾麵可以揀麵的分麵﹐冷麵或溫麵上。味道湯很濃郁十分之美味。在尖沙咀中可謂最抵食的沾麵﹐又平又好吃。做了會員還可儲績分換取食物或現金卷。吃了很多很多次﹐味道都沒有大變

<香港·尖沙咀>辛辣豚骨魚介拉麵口淡淡時最想食番啖重口味🤤食沾麵就最好不過🙊揀左300g溫麵，夾一注麵沾一下湯汁...你睇！每條麵都掛滿橙紅色！辛辣得黎仲食到魚介味，好過癮😆👍🏻.🏑 風雲丸 (尖沙咀)尖沙咀麼地道30號Mody House地舖#風雲丸 #沾麵 #tst #k11

從來對拉麵興趣不大的我，點知就食左碗好正的麵。之後喺香港曾經食過近似的，但可惜已結業，最近見到呢間風雲丸，好似幾像樣，心想又有好沾麵食店面幾大，很像置身日本小店的感覺，環境清靜，坐位不會感覺太迫。小編不喜歡太擠迫的環境下吃飯，特別是晚餐麵條有不同份量選擇，食幾多點幾多，唔浪費，不錯👍豚骨魚介味玉沾麵   麵條粗身彈牙，沾麵的湯上枱時熱辣辣仲滾到起泡，湯底濃郁而且不會感覺很膩。

到了宵夜時間，餓著肚子想吃一碗熱騰騰的沾麵，這裡是個不錯的選擇！店開得較晚，旁邊的餐廳都關上大門，就只有這間店在黑夜中燈火通明，店內坐位不算太多，但此時仍然人流不絕，和朋友趕快點了個沾麵，他們點了魚介而我則點了咖哩口味，嚐了嚐味道，大概是魚介湯底加了咖哩粉，本身的魚味已經十分濃郁，再加了惹味咖哩香，甜中帶點辣，非常可口，在冷洌的天氣下，湯底在石鍋中翻滾沸騰，加上嚼勁十足的拉麵🍜厚度足足有手指尾般粗！和湯底是完美的配合。 叉燒入口即溶，十分嫰滑

豚骨魚介拉麵|$88=====今次已經係第二次嚟幫襯。上次嚟試咗佢地大大力推薦嘅招牌沾麵，不過個湯醎到一個點，口渴咗成日🤦🏼‍♀️今次因為朋友話想試，所以又再俾多次機會佢啦。今次選擇咗拉麵，估唔到個湯底竟然冇咁醎，濃厚得嚟易入口；拉麵就係佢地自家製嘅，都幾彈牙，掛湯能力同個湯底都幾配，算係有啲驚喜啦😂不過配料/佐料就得嚿麻麻地好食嘅豚肉同幾嚿筍😕我諗咁嘅價錢應該搵到更好嘅選擇嘅～所以真係冇下次lu🙃

今次約左朋友去尖沙咀食飯，感受到這間餐廳的和式裝修，於是便來嘗嘗吧。這天晚上客人都坐滿了，想必食物質素還是有保證呢。和式燈籠很吸睛，很有特色。我們點了豚骨魚介味玉沾麵和豬骨魚介拉麵。叉燒肥美厚實，令人感到滿足。湯底濃郁而且溫熱，視覺效果一流呢。麵量十分足夠，和朋友分享剛好。味玉亦都有水準，流心相當香甜。另外的拉麵湯底更香濃，叉燒更是燒得焦香。筍條也是很新鮮呀，我平時不太吃的，都忍不住吃光光。總括而言，想來沾一沾日本的味道，這間餐廳是一個不錯的選擇呢，特別推薦給一些喜愛香濃湯底的朋友。