風雲丸

营业中

休息中

尖沙咀咁多間拉麵，今次就試一試呢間沾麵啦，最特別當然係採用石鍋嘅湯底啦😝店鋪嘅裝潢都好有日式居酒屋風格，有bar枱都有平時嘅多人枱~《石燒咖哩豚骨魚介沾麵》💰 $93石燒沾麵套餐分別有好多選擇，由麵條嘅溫度，份量以及配料，都可以比客人自行填返適合嘅口味，十分體貼😊麵條嘅溫度可以揀冷或溫，份量就可以揀200/300G，食量小嘅朋友都唔驚浪費啦。如果大食嘅就可以加錢叫400/800G啦，配料就可以揀少蔥/走蔥/走筍啦。Order完大約15分鐘之後就送到，石鍋入面仲見到湯底起熱泡，冬天見到即刻暖曬呀。咖哩湯底分別食得出咖哩味以及魚介嘅味，十分濃郁，仲可以滴啲檸檬汁令到整體更fresh🍋而麵條就偏硬身，就算係湯底浸得耐都唔會變軟左呢。不過叉燒就略為失色，略瘦以及乾身~環境：⭐⭐⭐味道：⭐⭐⭐打卡：⭐⭐服務：⭐⭐⭐回頭率：⭐⭐⭐

想見多你幾麵所以去食拉麵🍜🤣🤣好老士但呢間風雲丸，小編已經幫襯過好幾次！佢既豚骨/豬骨魚介湯底都係濃厚入味😍麵條係粗身有咬口個隻👍叉燒肥瘦適中👍無論沾麵定拉麵都一樣咁好食😋是次光顧仲可以用優惠價$18兩粒燒汁唐揚炸雞🍗豚骨魚介沾麵💲8️⃣8️⃣豬骨魚介拉麵💲8️⃣8️⃣燒汁唐揚炸雞2件💲1️⃣8️⃣綠茶可樂💲2️⃣5️⃣

係openrice 見到好多好評，行開尖沙咀，就決定試吓！叫咗<辛肉爆彈野菜豚骨魚介沾麵>沾麵湯用石鍋滾住咁上，一直保持住足夠嘅熱度，值得一讚但係湯嘅濃度略嫌有點不足，只係食到辣味🤷🏻‍♀️ 至於沾麵係屬於粗麵，掛湯唔錯，亦都唔係好硬！另外，再加左五件辛口唐揚炸雞呢個炸雞反而有驚喜，炸粉唔係好厚，食落唔係好油膩值得一試！注意，淨係食到小辣嘅朋友千祈唔好叫，皆因連平時無辣不歡嘅我都覺得辣整體來講，沾麵普普通通，炸雞反而比主角來得出色！

行過打算食餐拉麵，咁之後就決定食好少食嘅風雲丸，石鍋沾麵最適合而家仲凍嘅環境。去到無乜人，都正常嘅，下午四點大家都未放工。咁我真係肚餓，就叫左個肉盛魚介沾麵。點知就十分失望啲麵唔知係唔係剩低嘅，散到咩咁，我無食過咁嘅沾麵，無特別原因應該都唔會再黎，可惜前檯幾好服務，俾個廚房搞到無癮

幾年前係尖沙咀附近返炒散，每次經過見到哩間店都好靚，所以今次就決定黎食哩間。店內裝修大部分以茶色木材為主，好有漁民家既風格，門口有掛住排燈籠，店內地方唔係好大，大約40個位左右，方枱比吧檯多🤔餐牌內主打係沾麵，而且係用石鍋裝沾麵汁，另外有兩款拉麵，幾款丼飯小食及飲品，仲有兒童餐添！叫兒童餐會送玩具，小朋友會好開心吧！😆最後我都係決定叫豚骨魚介拉麵，選揀硬麵少油，以及加$18既炸雞兩件。湯底係豚骨魚介，濃稠度有啲似粥水咁，唔會太鹹而有鹹香，後勁有鰹魚湯既甜味，我自己幾鍾意個湯底👍🏻但可惜個湯唔夠熱。拉麵係用中太麵，對我黎講選硬麵真係太硬，麵心食落好似未熟唒咁🙈硬麵比較適合細麵🤔另外個麵唔知係咪咁啱係啲頭尾位，夾起黎好短而且好易散，有一柱仲黐埋一嚿😐食個陣彈到啲湯周圍都係，我對個麵有啲失望😐配菜有厚切炙燒叉燒，九爪菜，京蔥粗粒，厚切竹筍。叉燒係五花腩制，我第一次食到咁厚既叉燒，有成1厘米厚，表面有用火槍燒過，肥瘦比例大約8：2左右，唔算太肥，食落唔會乾爭爭，係叉燒上面應該係落左少少山椒粉吧？但係味道唔太明顯🤔竹筍好厚，大約有1厘米厚吧？顏色睇落去有啲似煮牛根，食落冇竹筍個種怪味，而且仲有一

逢星期一叫沾麵 第二碗半價 勁便😍😍😍😍每次去都要排長隊 好彩今次唔洗排😂叫咗餃子 外表夠脆 點d汁 好味可以自選份量同麵嘅温度我叫咗冷 其實點返入沾都係熱😂沾麵汁夠濃厚 麵嘅質地又好好加上姨姨服務態度勁好 超好人😍😍😍

係禁晚市堂食同冇book位嘅情況下，好多餐廳都full咗，冇得walk-in ，經過見到呢間拉麵店仲有位，就即刻入咗去。.豚骨魚介沾麵 $88沾麵保存咗「熱汁冷麵」既傳統，麵條係自家製，偏冧，掛汁能力ok。沾麵嘅湯汁唔鹹，亦唔油，食完唔會口渴，味道唔錯，而且用咗熱鍋上，可以keep住溫度。不過，以沾麵嘅湯汁黎講，唔夠濃郁，如果可以濃味少少會更好。叉燒豬腩肉都幾入味，燒得夠冧，不過偏肥。.豚骨魚介拉麵 $88湯底一樣唔係好濃，麵質都係偏冧，但整體味道ok

有日經過尖沙咀呢間舖頭畀佢門口嘅下午茶menu吸引住，於是入去幫襯食下午茶，下午茶選擇唔算多，但價錢合理👍叫咗2個下午茶套餐，1)魚介醬油豚骨炙燒豚肉沾麵套餐，包小食唐揚炸雞2件，一罐可樂 。碗沾麵醬上枱時仲係大滾狀態，好吸引👍😋 啲麵掛曬d沾麵醬一齊食，好正，唔會太鹹，味道剛剛好。2) 香松海苔豚角味玉丼套餐， 包小食沙拉炸餃子2件及一罐可樂 。豚角稍為煮得過火咗少少，好柴，好難咬，又無乜肉味，似煲完湯嘅瘦肉👎下次都係食返沾麵穩陣啲。

好耐冇食嘅一間拉麵店而家只係剩返尖沙咀一間分店感覺水準好似下降左一啲.🍜豚骨魚介味玉沾麵 $93可以自選冷或熱🔥亦可自行選擇麵份量今次我選擇了大盛300G😌沾麵湯底依舊用熱鍋熱辣辣送上🔥😍豚骨魚介湯質地濃郁 不會過鹹食到一半個湯都仲係暖嘅值得一讚👍🏻🤤沾麵較為粗身 質感較為硬身 掛湯度一流加入檸檬汁更覺鮮味🍋但叉燒略嫌有點失色雖然份量夠大但比較厚身 質感並不算嫩滑🤔.🥟羽根餃子 $35餃子新鮮即煎熱辣辣皮薄多汁 咬下去仍能吃到肉汁肉餡裏亦有適量蔬菜不會太膩👍🏻👍🏻🤤

風雲丸在網路上的評價不錯，當然找時間來試試看！餐點部份選擇不少，有沾麵及拉麵的選擇，價位更比一般的平宜。這次試了豚骨魚介拉麵 (HKD88) 和石燒濃厚豚骨魚介味玉沾麵 (HKD93)，這裡的麵條較為粗身，泡在湯頭裡也不會變軟，吃到最後還保留著一定的硬度，還蠻對我的口味。湯頭絕對是精髓，夠濃厚又鮮香，而且掛麵度高！炙烤過的叉燒表層呈了些黑褐色，厚身又軟嫩，味道非常出色😋✨我還點了一份辛口沙拉羽根餃子 (HKD38)，餃子不算大顆，內餡算是中規中矩，個人建議你們來吃拉麵好了！

豚骨味魚介湯沾面🤣心癢癢想食沾面 女友就帶左我黎依間本身諗緊叫唔叫會特盛果個 好似貴三十蚊多兩塊肉但慳下錢都係放棄左本身諗住一塊會好少唔夠飽點知都幾大塊🤣🤣🤣

拉麵彈牙，溏心蛋流心，厚叉燒半肥瘦，炸雞夠脆，檸水任倒，座位夠闊。我覺得沾麵唔算好咸，恰到好處。如果有櫻花蝦俾我選擇，就更加好啦，哈哈其實係尖沙咀食野好方便呀！

實在太耐冇去過旅行，對日本嘅熱情從來冇減退，以懷念嘅心情去食一碗拉麵，正值tea time有tea set主食+小食+飲品, 最貴既沾麵都唔洗$100，只需要幾十蚊，落完order好快，就有沙拉炸餃子2隻同飲品放喺我面前，期間見到枱面上有2張stickers,一張係Original price拉麵可選麵份量，另外一張係教人點食沾麵，我而家先知沾麵原來係咁食，轉眼魚介醬油湯豚肉拉麵送上，湯底唔會太鹹，麵質有彈性有麥香，豚肉半肥瘦入口即溶，碗內無太多立雜野，比好多話正宗既好

疫情下的沾麵石燒肉盛豚骨魚介沾麵 - 加追香鬆飯呢個燒肉盛有400g 的叉燒，外層燒到好香，咬落口感軟腍，滿口油香拉麵本身算粗身，質感硬身，有咬口，掛湯度出色重點係個魚介湯，十分香濃，有魚湯的鮮甜味，唔會死咸，沾喺每一條拉麵上面食，正野菜豚角豚骨魚介沾麵 - 加追味玉呢個嗰魚介湯相對無咁濃，但就多咗野菜的甜味，而且野菜的份量都幾多最欣賞呢間拉麵店用嘅係石鍋，石鍋保溫能力強，啲湯送到時熱辣辣，到你食到一半都仲保持到個溫度，抵讚👍🏻👍🏻

These noodles were new to me and I had never had it before so had to text a friend when they arrived so he could tell me how to eat it. I certainly enjoyed everything though. I always love getting the bamboo shoots as extra because they go well with everything and taste good. The soup was really quite nice, bit salty, but I guess thats the style. The pork belly tasted good, but was just too little, would have liked a bigger piece, or another half piece or more to make it perfect. The noodles wer