風車

营业中

休息中

呢日午餐嚟到大圍呢間酒吧式嘅餐廳，同朋友度過咗一個好chill嘅晏晝。呢間餐廳離大圍站行幾分鐘左右，位置都幾方便同易搵，門口仲有好大塊牌寫住風車呢個鋪頭名，包你唔會miss咗。餐廳入面嘅裝飾都好精緻，有一個好大嘅水晶燈，如果夜晚嚟似嘢一定氣氛十足。嘢食方面嗌咗兩個lunch set，價錢方面都幾抵食。頭盤我地一個嗌咗沙律，一個嗌龍蝦湯。沙律配咗意大利黑醋，食落好fresh!龍蝦湯就真係好有驚喜，平時出去食嘢嗌龍蝦湯都係得個名，但呢間真係好有龍蝦嘅鮮甜，食得出有精心製作！主食嗌咗個紅酒燴牛腩同醬燒豬扒土耳其三文治share食。呢度嘅食物營養好平衡，伴碟嘅總會有埋菜。牛腩好腍好入味，跟嘅意粉硬度啱啱好，好啱我口味。個三文治豬扒好足料，配埋啲半溶嘅芝士，咬落口就好滿足☺️嘢飲嗌咗咗水果茶，鍾意佢唔係好甜。朋友嗌咗杯latte，試咗一啖好重奶味好好飲☺️下次夜晚可以再嚟試埋啤酒😋

大圍可謂隱世食店的集中地，只要花點時間瓹窿瓹罅，就會找到連鎖店以外的美食小店。發現這家風車餐廳裝潢雅致，評價不俗而且價錢合理，就決定在這裡落腳用餐裝修頗有情調，適合情侶拍拖撐檯腳。白酒煮蜆配蒜蓉包　$89甫上桌已經酒香四溢！蜆肉新鮮肥美，帶有陣陣海水味；醬汁酒味濃郁，每一口都是白酒和忌廉的混合滋味。蒜蓉包新鮮熱辣，外脆內軟，烤得恰到好處；蘸汁同吃，蒜香與白酒忌廉汁於口中完美融合，讓人停不下口韓式芝麻雞球　$75有驚喜香辣惹味的醬汁不會過厚，雞肉嫩滑爽口，非常入味！雖然這家餐廳主打西式料理，但這款韓式雞球比坊間許多韓式炸雞專門店做得更好吃！！法式燴羊膝　$179燴過的羊肉完全沒有羊膻味，肉質軟嫩細緻，肉汁滿瀉；伴碟的配菜用料新鮮，烤過的露筍、甘筍和小蕃茄風味絕佳，非常有誠意Strawberry Colada　$69由士多啤梨、菠蘿汁、椰子奶和牛奶混合而成的mocktail，果味濃郁，酸酸甜甜十分香滑Bay Breeze　$78朋友點的cocktail ，由vodka、菠蘿汁和酸果蔓汁調配而成。

今日到大圍買東西突然間發現好似好多年都冇行過過嚟呢一邊，所以都想坐低食下嘢周圍睇。然後見到有間餐廳幾得意喎個名叫做風車，而且入面啲炸雞好似幾吸引就拖埋女朋友入去坐低諗住慢慢食。店面整潔好坐，光線柔和，啱晒人世界傾計飲野地遠見到隔離枱啲炸雞好似好正咁，我哋都叫咗炸雞同埋一口牛。啲炸雞咬入口外脆內軟非常好食，比好多韓式炸雞店都做得好嘅。一口牛都好入味咬入口唔會太淋。其實我一直都覺得自己唔係太鍾意食炸雞，就算我去到韓國食炸雞，人定地話幾好食都好，其實我都好一般。因為我硬係覺得好似放入口全部都係啲炸粉，但今次竟然係香港見到呢一間啲炸雞可以又香又脆入面有咁軟滑，我認為佢畀韓國嘅炸雞做得更加好👍。所以如果去到大圍要搵地方食嘢嘅話呢一間餐廳都值得推介。

今晚約左好姐妹放工後食飯談天，身住大圍既小妹，聽聞過風車既食物，飲品，環境質素都唔錯， 適合談心+食飯， 所以呢一晚辛苦工作一整天後，就book左風車 門口睇落，心估餐廳的情調也不錯。入內環境的確舒適，冷氣適中，燈光柔和好姐妹同我一樣係海鮮控，當然要試下白酒煮硯上枱熱燙燙的，硯好大隻勁鮮甜， 無沙新鮮， 配合埋香燶既白汁，夾食哂d硯後，仲有d白汁， 白汁沾埋蒜蓉包食，間直係絕配。少少汁都沒得剩。既然係海鮮控，當然要試埋佢既焗石斑2大件焗石斑柳，非常厚身， 入口完全大滿足，啖啖魚肉， 焗得非常juice , 唔乾身。 除左石斑，廚師調配左特別既醬汁配合薯蓉，令到薯蓉味道非一般平凡。 感覺到餐廳對煮食物既誠意薯蓉同石斑既味道非常夾，食得好滿足另外好姐妹同我，心思思試黑毛豬扒廚師一樣擺靚靚上枱，不禁令人相機食先大大件黑毛豬扒， 厚厚的，但肉竟然是嫩嫩的。 好姐妹同我都一樣出乎意料之外，心心眼了完全沒雪味，肉質鮮嫩有口感， 唔會太熟， very good 2道主菜都配合左醃制蕃茄仔，令到胃口大增，食得好舒服滿意。話明吹水談天夜， 當然要選擇1杯飲品，第2日仲要返工，都係揀1返杯mocktail

去書展逼到頭都大，好不容易走出嚟，點知會場出面仍然係人山人海，周圍啲餐廳堆滿晒人，睇怕灣仔鬧饑荒㗎喇，都係移師去大圍啦，weekend嚟㗎嘛，無謂食得仲辛苦過返工啦過西班牙式嘅下午，胃民相當識歎，點返杯cappuccino好梳乎肉醬相當足料，食晒啲意粉，仲有好多肉醬慢慢食話晒啱先衝完書展，攰過隻狗，大量水分流失，嗌返杯梳打回返氣（白色嗰粒係荔枝，都幾大粒，多幾粒就好喇）酷愛芝士嘅大胃，挑戰藍芝士，果然幾流心，芝士味好濃郁，不過胃民就唔太好藍芝士歎完西班牙式的下午，係時候帶住戰利品返屋企嚕

朋友住在大埔 跟她食飯只好找個中間點 所以就找了一間在大圍 開飯頗多好評的西餐廳點了個二人套餐 $369 包頭盤 湯 主菜 甜品 飲品 感覺划算意式田園沙律配煙燻鴨胸🥬沙律菜新鮮爽口 毫無澀味 配上酸酸的醬汁頗開胃 🍖鴨胸不會過鹹 味道剛好栗米湯 龍蝦湯 +$15🦞有龍蝦肉在湯中 很足料 若然湯更稠 會更喜歡紐西蘭肉眼扒配焦糖菠蘿🥩肉眼扒切開是粉嫩的紅色 生熟調較得剛好 入口不韌 🍍菠蘿面有一片薄薄的焦糖 酸酸甜甜的菠蘿 解肉的膩 🥔伴碟的薯角外脆內軟 🥦更有西蘭花椰菜花 感覺很健康波士頓龍蝦配意大利粉🦞龍蝦佈滿芝士 質地結實 🍝意大利粉炒得乾身 很香 調味剛好不會過鹹 🍄菇 蘆筍 令口感更豐富是日甜品是芒果芝士蛋糕 細細件 正常質素 適合吃飽又想過口癮的朋友飲品有水果茶 吃飽很解膩餐廳環境暗暗的有氣氛 很適合情侶朋友 店員的服務態度也很好 性價比中上

好多人去到大圍都只係知道佢嘅小食、打冷，「風車」望落去同普通西餐廳無異，但其實稈冚珍珠，「風車」係我食過其中一間不論做功還是烹調方法，非常出色嘅一間西餐廳。位置遠離大街，所以好多人都唔知道「風車」嘅存在，或者有好多人經過都以為佢只係可以飲酒！事實上，餐廳嘅外牆一早已經貼上唔同嘅餐牌。餐廳食物選擇好多，市面上嘅西餐廳有嘅食物佢都有，其他餐廳冇嘅食物，「風車」都有！例如：鵝肝（仲要係好食的）1. 西班牙番茄麵包呢個組合真係第一次嘗試。麵包脆脆的，配上鮮甜的西班牙蕃茄！我係第一次食，但係完全覺得係一個新鮮嘅體驗！2. 鹹牛肉配煙三文魚呢個頭盤係極之有派頭，又唔會覺得悶！除咗一定會食到嘅沙律之外，將沙律菜配上鹹牛肉或者煙三文魚，兩種食物嘅味道唔會因為對方而失去；反而因為大家嘅存在而更加突出自己嘅味道！我係第一次將沙律菜配上鹹牛肉，但係呢種食法非常之有趣，我諗之後我都會咁樣配搭我係第一次將沙律菜配上鹹牛肉，但係呢種食法非常之有趣，我諗之後我都會咁樣配搭！3. 法國鵝肝對上一次食鵝肝已經係好耐嘅事，印象之中鵝肝係非常之油膩！出奇地，今次呢個鵝肝肥美而不過份油膩，配上魚類，更食得出鵝肝嘅味道！朋友唔

今日下午同個同事入大圍，見完個客跟住就可以放工，喺附近揾地方吹下水飲嘢，食個早啲嘅晚餐。食店嘅名字都好特別~風車。食店出面有些位置可以泊車，店內環境好有氣氛，最啱同朋友傾計。飲品有好多選擇，多款啤酒，多款特色飲品，仲有好多美食。我們點了一個前菜及一個 pasta，每人一杯飲品。朋友喜歡紅酒，我試咗個 Cool Mint，朋友話支紅酒都air夠，味道大路，唔錯。我杯 Cool Mint 係荔枝味梳打特飲，唔會太甜，我鍾意。意式咸牛肉拼煙三文魚，大大塊黑椒烤牛肉片，好香口；煙三文魚厚身，啖啖肉，呢個前菜嘅份量都唔細。店員介紹，點咗個軟殼蟹意粉，成隻軟殼蟹放面，賣相都非常吸引，軟殼蟹炸得香脆可口，意粉炒得爽口，加入蘆筍、蘑菇及洋蔥，更美味。見有一些街坊幫襯，牛扒都多人試，下次叫多啲朋友嚟可以試其他美食。

我成日都覺得大圍其實有好多餐廳，只要你肯行多幾步睇下，一定都會認同我這個看法～今次行到這條街，看到這間風車，門口看只為是一間酒bar，但仔細看門口放了餐牌，看到有很多選擇就入咗去食lu~叫左個二人餐包括頭盤、主菜、甜品及餐飲。哇哇.....二人同行價都只係$338。都好抵呀～頭盤就係有凱撒沙律同龍蝦湯沙律的擺放好細心，看得出有用心去擺，中間有粒番茄🍅之後煙肉放到好似花花咁～蔬菜好新鮮喔！龍蝦湯就要加多$15，入面有龍蝦肉的🤤好足料呀主菜係紐西蘭肉眼扒配焦糖菠蘿和波士頓龍蝦意大利粉🔷紐西蘭肉眼扒配焦糖菠蘿賣相好吸引又豐富🤤因為塊肉眼扒好大份之外，還有很多配菜～叫左5成熟，肉質好嫩滑，切開後看看紅色的，又唔會有血水流出👍🏽個焦糖菠蘿🍍大大條，面頭用火槍燒過下d焦糖，正～配菜既西蘭花同薯角都有見多，健康得來又有啲邪惡😏薯角keep住都好脆，而且勁大條～🔷波士頓龍蝦意大利粉龍蝦鋪滿了芝士，食到芝士味之餘又唔會掩蓋左龍蝦嘅味道😌龍蝦啲肉好彈牙，而且個龍蝦頭有勁多膏蟹籽啊🤤🤤超開心

冇點探索過新界地區聽講大圍都係一個美食遍地既好地方咁岩尼附近諗住踩下單車就腳決定順便尼覓食一番尼間西餐廳係openrice都算幾有好評咁位置亦離東鐵站不遠於是同朋友決定毅然一試Menu可以揀食burger/sandwich又或者扒/意粉Set lunch仲跟餐湯或沙律 同一杯餐飲同朋友揀左一個豬扒土耳其三文治配薯角一個紅酒牛肋條意粉前菜加左少少錢揀左煙三文魚沙律餐飲就嗌左水果茶水果茶雖然冇真生果係入面 但味道唔假應該係真材實料 唔係用糖漿溝出尼沙律擺盤好有心思 用三文魚擺左朵玫瑰花值得一讚至於主菜既部份 土耳其三文治比較出彩一尼冇試過土耳其三文治用既個種麵包有股香草既味道 烘過既包質感都唔會太乾夾住兩大塊juicy 既豬扒 仲有bacon同cheese 個sauce亦到恰到好處老闆仲好好人咁知道我同fd要share幫我地將個包切開一人一半 好貼心總括而言係性價比不俗既西餐廳環境亦寧靜有格調 各位尼到大圍既話都不妨一試

好耐冇食西餐，又唔想洗咁多錢，上網search 見到呢間係大圍既cafe 都幾唔錯，所以就約左朋友weekend入黎試下門面冇咩特別，但入到去發現有驚喜，裝飾燈光都幾有情調，相信夜晚食會更正原本諗住叫個肉眼扒，不過見到餐牌有個紅酒牛肋條好似都幾正，而且平一半，所以最後轉軚要左牛肋條份量都幾夠，牛肋條唔會太韌，送意粉一流我仲登特落左d 芝士粉，不過其實意粉本身已經好夠味，可以唔落既不過最驚喜係頭盤，我地要左三文魚沙拉，到左發現廚師好有心思咁將三文魚捲成玫瑰花形仲點左個土耳其豬肉三文治，覺得既特別，三文治食過，但未食過土耳其版既黎到發現好大份啊！餐廳好貼心咁幫我地切開一半，估唔到又幾好食，入面既醬爆豬扒夠哂惹味個包都烘得幾脆但唔會話太硬，薯角就熱辣辣食到我唔停口野飲方面叫水果茶，味道就一般般啦，本身expect 會見到果肉個隻，所以有小小失望，不過野食係幾出色，連頭盤主菜所有野加埋兩個set 唔過二百，抵啊！ 

慶祝生日飯，由於地點都要在沙田區或附近，沙田新城市人又多，食店都差不多試晒冇乜嘢特別，而大圍比較少去揾食，所以就選了大圍《風車》。我們一行二人，分別叫了兩個自選晚餐：頭盤有西班牙式脆香釀薯棒（味道ok,夠脆口）、意式辣肉腸炒大蝦（小小辣，蝦都夠爽口，味道ok);套餐包一個西式餐湯（味道OK）；主菜分別叫：紐西蘭肉眼扒配焦糖菠蘿 - 肉眼扒夠諗、味道較淡，菠蘿好夠甜👍🏻）；波士頓龍蝦意大粉 - 龍蝦只有半隻，意粉味道都OK，口感適中不會太諗）；甜品方面套餐包一件Tiramisu 蛋糕仔（味道一般）。整體而言：合理價錢，環境適合傾計（由於係晚飯時間而這餐廳係一間酒吧，所以傾計都比較方便又唔會太嘈）

放工於尖沙咀做完身體護理，預鬆了時間，剛好就到了男友放工的時間，他說BOOK了一間西餐廳，待他放工後就接我去食！我初時有點埋怨地點比較入，不太近火車站，但還好大圍不算很大，慢慢行就6分鐘左右到。只是地點的確有點僻~~原本對位置觀感不太好，但進去後竟然令我180度改變~~~可能不是太多人認識，我覺得這酒吧要是不睇波的日子，其實滿有情調，而且很清淨，很適合想坐得舒服又想慢慢談心的朋友們。我們點了我們點了幾款一齊吃。蕃茄toast： 點餐後店員先送碟蕃茄toast給我們，幾香脆，我特別喜歡上面的蕃茄醬粒，好新鮮！西班牙式脆香釀薯棒： 這個外脆內軟！加上少少肉腸味，好得！ 我覺得這個都是有少少包肚感，所以我吃了一條，餘下的2條就交給男友了。芒果蟹肉他他配黑魚子： 其實我第一次吃黑魚子，鹹鹹的令我很開胃。芒果蟹肉他他是不是即是沙律之類？我覺得很好味！！清香而蟹肉味豐富！14 Oz肉眼扒 (五成熟)：來到我就嘩一聲~~好厚好大份！易切少筋，坦白說不算很入味，我認為是因為廚房不想破壞肉眼扒的原味！我建議大家可以落黑胡椒和海鹽調味！令味道去了另一個層次！另外，配菜的車厘茄好特別，份量都好多。薯條的薯心

2019年7月3日 BOOK了一間西餐廳 放工後就接女朋友放工然後就直接去食， 點解BOOK呢間， 就係貪呢度夠靜， 地方又靚， 可以同女朋友慢慢偵下計飲下野食下野咁， 好寫意。 我們點了幾款SHARE食： 芒果蟹肉他他配黑魚子 西班牙式脆香釀薯棒 重量級14OZ肉眼扒 以及兩杯MOCKTAIL： COOL MINT APPLE MOJITO 這是點餐一定會上的蕃茄蓉法包 法包好香脆， 上面的蕃茄蓉帶有少少酸， 好易入口， 不錯的開胃小食。 芒果蟹肉他他配黑魚子 蒜蓉包上有一抹黑魚子， 非常好的配搭， 兩樣的味道不會互相被搶， 芒果蟹肉他他的蟹肉好有鮮味， 加入芒果， 感覺更加清新。 西班牙式脆香釀薯棒 薯蓉好軟綿細滑， 內裡釀入了香腸的料理， 外脆內暖又有兼顧口感， 唔點茄汁都可以。 重量級14OZ肉眼扒 很大一塊肉眼扒， 份量十足， 5成熟食得到肉眼扒當中的爆滿的肉汁， 餐廳每枱都有提供海鹽和黑椒給客人自己調配口味， 以及切扒用的刀都足夠鋒利， 相當細心。 配菜的車厘茄和薯條都有落足功夫， 相當好食

踏入7月 工作開始無咁忙碌😌終於唔洗快食同趕住返屋企💤來到大圍慢慢品嚐一頓晚餐✨.🍎香煎鵝肝配焦糖蘋果嫩嫩既鵝肝好厚身 鵝肝既油脂味同蘋果既清新 幾夾幾好味💁🏻‍♀️重點係晚市跟套餐只要$59值得試一件😋.🍶白酒都蜆配蒜蓉包忌廉加落白酒煮蜆入面感覺西式一點🧔🏼又唔會搶左蜆肉既海水味🤗.🐷西班牙黑毛豬鞍烤肉鞍將豬肉汁鎖住係肉肉到一啲都唔鞋口🙅🏻‍♀️👞而且配菜又好好食 串茄係爆汁嫁🍅有啲唔夠喉🥺.🍸Cool Mint 薄荷味出左啲仲有cocktail 可以揀💁🏻‍♀️.Happy Friday 同朋友慢慢食下吹下水 都既舒服💆🏼‍♀️.人均消費：$250指介指數：👅👅👅👅👅👅👅😋（7.5/10）Encore指數：🤙🏻🤙🏻🤙🏻🤙🏻🤙🏻🤙🏻🤙🏻(7/10)