風車

营业中

休息中

放假最好就係同朋友一齊去揾好野食，今次揀左係大圍既風車。 係大圍站A出口一出直行到尾轉左再行多陣就到，都好方便好易揾。入到去見到啲裝修都幾有心思，中間有個大吊燈，幾好feel。同朋友係到食野傾下計，環境幾chill。野食都幾多選擇，可以自選set dinner，2人餐，仲有其他散叫，總有一款啱食 。我同朋友都想食steak，所以就叫左個2人餐。Appetizer有鴨胸沙律，鴨胸好厚身下又唔咸，沙律菜好新鮮，配埋少少醋調味，幾開胃。Main就有N.Z ribeye steak同lobster spaghetti首先講下個ribeye先，個steak一黎到，我同朋友都wa左一聲，無諗過咁大塊連side dish都咁多！我同朋友都唔鐘意食太熟，所以叫左5成。食落啱啱好，幾juicy！重點要提一提個薯角，係啱啱整好即刻上碟，食落仲脆脆地！另外仲有菠蘿同菜，餐廳都幾細心，令客人可以中和下啲味，唔會太肥膩。至於個lobster spaghetti都好令我surprise。隻lobster都算大隻而且有好多膏，加埋少少Cheese幾好味。啲意粉好香蒜蓉味，加埋露荀同磨菇做配料。食哂所有之後，仲有個

今日夜晚同女朋友係大圍想食西餐，經過見呢間酒吧有西餐，望入去又算多人食緊，就入去試試。因為已經夜晚差唔多8點半，所以兩位唔洗等位。餐廳環境都幾舒服，好乾淨，又有d 英文歌聽。見餐牌個二人餐全部野都岩食，就叫左個二人餐。上菜都好快下，首先係前菜：意式田園沙律配煙鴨胸。個沙律好大份，d 沙律汁酸酸地，好開胃。而d 鴨胸係去左皮，冇左肥膏，好貼心。今日既餐湯係南瓜湯，南瓜味幾純，飲落有d 南瓜溶，不錯之後就係兩個主菜：先係波士頓龍蝦意大利粉，隻龍蝦好香芝士味，正！第二個主菜係紐西蘭肉眼扒配焦糖菠蘿，都好大塊，最突顯誠意既係d 配菜！個焦糖菠蘿好特別，有層薄薄地既脆焦糖係面，味覺上既享受！同埋d 菜係有好香既蒜蓉味，食到個碟好乾淨最後係餐飲同甜品，餐飲叫左一杯水果茶同檸茶，水果茶茶味好濃，相信係餐廳自己調，而非買現成既水果茶，值得一試！

Food hunting team arrived in Tai Wai today! 風車係都幾高評價係大圍~所以今日就去吃！吃！吃！！！由kcr行去都要10分鐘左右，不過就超易行，我個路痴朋友都搵到路🤣一轉個彎就好易見到個牌，就搵到！！！yeah!佢入面都幾西式裝修，個極大的吊燈好吸睛!!樓底好高，所以好有空間感！仲要啲位好闊，所以都坐得幾舒服，仲可以講秘密吾怕有人偷聽😂我地2丁友就揀左2人套餐，因為懶得諗!!!!Em...前菜鴨胸沙拉🥗啲菜都好新鮮下，仲要有啲醋調味！我朋友話鴨胸好正，吾咸！碟沙律吃極都食吾哂😂🤣好多下！個南瓜湯，我自把自為落左黑椒，因為我比較重口味☺️welllllll~~~係幾好味既加左黑椒！佢係比較稀的湯，食到入面有洋蔥粒~就還好啦~~~~main dish!!!!!!有龍蝦意粉🦞同NZ ribeye！個意粉無瑕可擊!!!!意粉係偏硬有咬口，同好Rich 🦞 味，仲要有露荀同菇~~~ highly recommended!!!!個扒就吾錯，話5成熟就5成，啱啱好！yummm!!! Perfect match with 🍍 pineapple!! 無禁肥個感覺h

今日突然間有靈感，想買一張六合彩彩票。 這裏投注站附近有很多餐廳，於是就隨便找了間酒吧吃晚飯。這裏旺中帶靜，餐廳環境有格調，很舒服。老公發板點了兩款小食，一個主菜及兩杯飲品。小食是香煎鵝肝配焦糖蘋果，鵝肝煎得很香，入口充滿油脂，下面夾著脆脆的多士，最底是用焦糖煎香的蘋果。蘋果有幾塊，切得薄薄，味道甜甜的帶點酸，整體感覺很好。另一款小食是蒜香大蝦多士，這款小食蒜蓉味比較濃，多士香脆，大蝦爽口，是一個很好的頭盤。主菜是西班牙脆皮乳豬配彩椒汁， 旁邊有一些沙律菜及粗薯條。沙律菜感覺新鮮，粗薯條很香口，乳豬的皮炸得很脆，配上彩椒汁一起吃感覺特別，好味。我點了一杯mocktail叫 strawberry Colada，顏色很美，它是用士多啤梨，菠蘿汁，椰子奶及牛奶組成。味道是甜甜的，有士多啤梨的味道，奶味亦比較重，我覺得好飲。老公想飲cocktail，他點了Bay Breeze，是由伏特加，菠蘿汁及小紅莓汁組成。這杯酒味比較重，甜甜地，他很喜歡。放工後飲兩杯，這間酒吧是一個不錯的選擇，食物味道好，環境不錯，經過會再去的。

呢間西式餐廳有localisation，竟然有部大電視，要追劇嘅朋友吾洗驚錯過電視情節啊！午餐叫左2個set粟米湯，食到粟米磨到好碎，有口感，而且非常creamy~沙律，好多火箭菜，本身火箭菜係高級食材所以啲餐廳唔會比好多你但係呢間就俾咗好多火箭菜所以我覺得食個沙律已經物超所值！豬扒包，真係好厚肉，佢有豬味，一咬即刻可以扯開，好夠冧身！份量大個我隻手掌🖐️三文魚蕃茄包，佢啲三文魚係有啲涷。不過，好多塊，基本上每一口都可以食到三文魚，吾會得中間有，側邊就空空如也！兩者嘅麵包都有啲蒜蓉醬，所以食落吾會好單調。薯角炸得好脆，入面係薯仔蓉，好rich!不過，如果去左皮，會更好！環境浪漫🌹拍拖打卡好地方！用到電話冇電，吾緊要，可以免費借充電寶，非常貼心，留意顧客的需要！兩杯飲品:爆谷咖啡同荔枝soda 都各有特色！值得一試！

筆者甚少吃西餐，對它的印象大概還停留在鋸扒喝忌廉湯的階段。現在很多茶餐廳和冰室都有質素不錯的扒吃了，那麼西餐店又出現了什麼變化呢？和朋友到大圍的這家風車西餐廳嘗嘗新口味。店面的環境有點像格調較高的清吧，有柔和舒服的燈光和沙發凳，和精心挑選的悅耳歌曲。看到Menu和擺得整齊的餐具就有西餐的感覺了。Menu的菜式都很特別，多數都是流行的食材，即使是傳統的扒也會有富特色的配菜。當然不能少了一杯獨特的餐飲。這邊是獨家的雞尾酒和特飲。想啤啤佢或者配紅白酒都可以。我和朋友點了巴馬火腿露筍火箭卷、香煎鵝肝和西班牙脆皮乳豬配彩椒汁。另外加StrawBerry Colada和 Cool Mint。火腿卷是鹹香可口的巴瑪火腿卷著清新的蔬菜。火腿的油香和蔬菜的青澀能互相補足，捲在一起是有理由的。露筍也是很健康且流行的食材。然後是香煎鵝肝，是鵝肝、多士和冰糖雪梨（朋友說是蜜桃）的配搭。鵝肝面頭的油芳香撲鼻，鵝肝獨有的香味真是很邪惡。鵝肝濃郁醇厚，入口即溶，整個口腔都充滿香氣和味道。下面的多士吸收到煎出來的精華油分，也變得非常香口，而且烘得恰到好處，帶來和鵝肝軟綿滑溜不同的爽脆口感。如擔心太油可以吃回冰糖雪梨，

約左朋友飯聚，想搵間餐廳坐下傾下偈，就book左呢間風車。係大圍火車站行去10分鐘左右，都算易搵，不過原來佢exact location係車房果邊，早知揸車去泊出面，仲方便。野食方面餐廳會安排一道一道咁上，感覺服務幾好。當晚2個人，order左salad, 白酒煮蜆，乳豬同大蝦pizza，份量剛好，全部野食清哂。最impressed係白酒煮蜆，酒味好濃好香但唔會苦又唔會醉，啱哂我呢啲滴酒不沾嘅人食，可以過下酒癮。碟乳豬就唔算好大，2人份量當fine dining咁試下都ok, pizza就係薄身脆口果款，鍾意食厚底pizza嘅要留意啦。drink list方面都好多嘢揀，雖然佢係bar & restaurant, 但non alcoholic 嘅 beverages 都有唔少，我唔飲酒，就order左 strawberry colada, 同行朋友無酒不歡所以就嗌左杯黑啤，兩者都竟然有驚喜，無中伏。strawberry colada mix左 菠蘿汁，士多啤梨汁同椰汁，飲落係堅果汁味，唔假唔似藥水，而杯黑啤就聽個fd講易入口，女仔都啱飲。2杯野飲都勁大杯，我地傾左成晚，到臨走仲飲緊。

風車🎀Environment: ★★★★☆Service: ★★★★★Taste: ★★★★★位於大圍的風車餐廳位置方便，由港鐵站只須步行約十分鐘左右的路程即可到達。今天我就和大家分享我於風車餐廳的用餐經驗吧。香煎鵝肝配焦糖蘋果 $139:鵝肝十分肥美，入口有鵝香和油香，配上麵包和蘋果來吃，入口不會過膩。蒜香大蝦多士 $79:大蝦十分鮮味，蝦肉彈牙，配上蒜蓉等等十分好吃。蒜蓉多士方面很香脆，蒜香味很濃郁。墨西哥醬燒橡棵級黑毛豬扒 $199:黑毛豬扒很淋，脂肪不會過多。調味方面，墨西哥醬入口十分野味。Strawberry Colada $69:飲品方面，有很濃的士多啤梨味，配上牛奶等等，很好喝。總結:餐廳的選料不錯，飲品亦很特別。🔛🏃‍♀️🏃‍♀️🏃‍♀️風車大圍積存街50號葵偉樓地舖

星期六去大圍做野， 放工後同男朋友去附近搵野食， 係街尾被街頭既一個白色大招牌吸引， 原來係一間西餐廳， 入面燈光暗， 好有西餐廳chill 既情調， 咁岩想食意粉， 於是就入去食午餐。入面裝修走時尚modern 風， 環境一d 都唔焗促。 晏晝係有set lunch , 種類好多元化兼有特色， 唔係單單既意粉 或漢堡， 有唔同既食材同煮法做fusion , 值得比like! 我地第一眼就被藍芝士流心漢堡吸引， 再加多個南瓜汁蟹肉意粉。頭盤：餐湯及沙律是日餐湯係粟米湯， 好creamy, 粟米味都濃沙律一般般鋪頭都有講究， 會提供粉紅鹽係枱面， 雖然我冇叫到扒， 但係都欣賞用料。荔枝梳打， 夠香甜， 夠大杯。先上南瓜汁蟹肉意粉， 超多蟹肉汁係底， 愈撈愈creamy , 撈勻更美味， 有淡淡既南瓜忌廉汁， 意粉都好有口感， 唔淋patpat加埋爽口蘆筍， 好快已經ko等多一陣間到漢堡上場， 一望到真係哇一聲， 好巨型既牛肉扒， 一切開， 滿滿既流心芝士散發住藍芝士既香味。大塊到要就咁食， 漢堡烤得好香， 外脆內軟。 薯角都好脆暫時漢堡係我top10 list 之一， 下次會再為食漢堡e

大圍越開越多不同款式及種類的餐廳，但「風車」是我少有會食過番尋味的餐廳。今日叫了流心藍芝士牛肉漢堡餐($74) ，前菜選了餐湯，餐飲選了熱水果茶。餐湯並非每次一樣，雖然今次我選了蘑菇湯，但有時會是粟米湯/ 南瓜湯等款式，如果不想飲湯的話，沙律亦是一個選擇。今次的牛肉漢堡較乾身，可能煎的時候長了一點，但裡面的藍芝士味道很重，所以還不錯。另外在漢堡旁邊的薯條很香脆，很好吃。雖然整個餐看起來份量好像不太多，但其實吃完後會很飽。總的來說，這間餐廳的服務非常好，上菜速度快，食物質素高，加上環境舒適，因此非常推薦這餐廳！

來到大圍最多嘢食就係依條街有好多麻甩野，打冷舖，雞粥，乳鴿。但我哋女仔人家唔想同麻甩佬一齊坐。繼續行行吓竟然遇到依間西餐，成間酒吧咁啱晒我一齊過嚟飲吓嘢傾吓計食吓飯。我哋四個女仔叫咗個煙三文魚沙律，蝦多士，34安士肉眼扒，燒豬，雞翼。 煙三文魚Caesar salad，四大塊超大塊，四個人剛剛好。蝦多士真係用咗原粒鮮蝦正👍🏼勁多芝士熱辣辣餅底脆口多芝士雞翼好大隻而且上碟點噴煙夠晒熱外層嘅醬汁好濃好夜味。呢個牛扒有特價真係必點。唔好睇小上面嗰塊菠蘿。佢啲菠蘿汁嘅果香心晒落下面嗰塊牛扒度而且牛扒煎得剛剛好入邊好juicy嘅肉汁一啲都唔似平價嘅牛扒。呢個價錢真係物超所值媲美五星級嘅酒店級數。你睇裏面靚到呢真係未食已經流口水。但係呢個豬真是不得了。超級推介👍🏼如果你嚟到必要叫乳豬。擺碟已經非常靚。上面薄薄一層嘅乳豬皮好脆口配埋下面果層軟淋入味嘅豬肉，豬肉比想像中更Juicy ，乳豬皮比想像中更薄更脆。加上特製醬汁，簡直係一再回味。

今日老婆話唔想煮飯，咁就落街睇下有咩好嘢食，行到大圍積存街見到一間西餐廳入邊裝修好似幾靚咁就入去睇吓有咩食。蒜香大蝦多士，蝦好鮮甜，蒜蓉包都整得好脆口。大蝦真係好大完全足料，勁厚肉。煙三文魚凱撒沙律，煙三文魚好新鮮，沙律菜好新鮮唔會放左好耐，加埋蒜蓉包粒同凱撒沙律汁非常好味仲有啲煙肉。西班牙辣肉腸大蝦薄餅，辣肉腸非常惹味，大蝦好新鮮Pizza整得好脆口，唔會好硬，好食過出面啲Pizza鋪頭。BBQ黑椒雞翼， BBQ醬汁非常好味，唔會太咸，配上厚肉雞翼簡直絕配，雞翼好大隻。肉眼扒，超級大塊,五成熟整得非常好唔會好un啲肉, 薯條整得好脆口，夠熱，菠蘿好新鮮鮮甜。燒乳豬配薯條，乳豬非常好食，肉好嫩口，配上特製辣汁超級好味。

最近生活充滿負能量同壓力，大家記得放工之後要去放鬆下，最好嘅方法緊係約朋友食飯飲野傾訴下🗣難得入左大圍接朋友放工順便係附近食飯，發現左一間都唔錯嘅西餐廳🤩今次我地試左1個小食2個main dish同2杯酒🍻〰️👉🏻香煎阿拉斯加蟹肉餅 $89 🦀👉🏻紙酥皮野菌三文魚卷 $249 🐟👉🏻墨西哥醬燒黑毛豬扒 $269 🐖👉🏻Pina Colada $78 🍸👉🏻1664 Draught Beer $95🍺食物價錢定價稍貴不過食物質素唔錯😗最推薦嘅係香煎蟹肉餅同埋酥皮三文魚卷👍🏻蟹肉餅好足料，兩塊多士中間夾住勁多蟹肉，而且煎得好香口🤤三文魚卷個酥皮好香脆，包住一大舊三文魚扒，加埋忌廉汁真係好好食🥰黑毛豬扒係半肥瘦所以唔會好乾好硬，但我怕肥肉所以唔太岩口味🤫另外酒精飲品比平時大杯同重酒味，唔係好飲得嘅朋友要就住喇🤪總結係好有特色嘅西班牙菜酒吧，不過平日晚市都滿座，大家記得book定位～

行到邊食到邊～大圍。-難🉐️約會好朋友在大圍吃午餐，想吃一點特別的食物。尋覓中發現風車餐廳可以吃土耳其包，便坐入去試一試。-HK$74煙肉芝士牛肉漢堡午餐～先説番茄忌廉湯-呷一口湯便吃到粒粒番茄，是真材實料又濃郁🍅。🍔一咬下去已經肉汁爆瀉，牛肉味濃，煙肉煎至脆邊，份外香口配上車打芝士😋番茄及生菜減低油膩感。伴碟還有沙律菜吃，可以做到均衡營養😉-HK$74醬燒豬扒土耳其三文治～土耳其烘熱後軟綿綿，🐷扒挺厚，兩塊🐷扒搽🈵️醬燒汁又不太鹹，肉質鮮嫩彈🈶️汁👍🏻😃配上車打芝士更加惹味。伴隨之厚切薯角炸至香脆，吃一條後便停不下來🤪。-餐飲～水果茶是荔枝味。好濃荔枝又甜好特別☺️。-環境舒適又坐位寛敞，侍應非常有禮。午餐不需要加一，午餐份量大，吃完午餐後不用吃晚飯了。又多一個與朋友吃飯及傾談心事的好地方👍🏻-🍔:Windmill Restaurant & Bar 風車📮：大圍積存街50號葵偉樓地下

趁放假同朋友入大圍搵食，以前只係知道大圍雞粥出名，原來係大圍站附近已經開咗唔少西餐。經過門口見到大大個招牌，有點酒吧feel嘅西餐吸引咗我，雖然差唔多過lunch時間，都仲坐了8成客人，應該有唔少附近熟客。我點了兩份lunch set，都算幾抵吃，$74包餐湯同嘢飲。是日餐湯係番茄湯，有新鮮番茄味道，好滑，唔會成口茄膏味。日式照燒雞漢堡，雞扒都算大塊，燒汁好膿味，雞肉嫩滑。醬燒豬扒土耳其三文治，兩大塊豬扒，好足料，麵包用了意大利拖鞋包，麵包邊有少少脆，配埋甜甜哋嘅醬汁、新鮮大番茄、車打芝士同生菜，味道好夾，一口咬落去好滿足。配菜有薯角，炸得好香脆，夠厚身，正!餐飲除了一般的咖啡奶茶之外，仲可以揀水果茶，有淡淡水蜜桃味道，味道唔錯。