風車

营业中

休息中

辛苦左成個禮拜，想食個靚扒慰勞下自己😉近近地去大圍，見呢間環境唔錯食扒幾出名就試一試～雖然唔係太餓不過又好想試吓d小食就叫埋個蝦多士🦐....無諗到隻蝦咁大隻👍🏻多士夠脆，個蒜蓉醬加左蔥油，好香，應該佐酒一流😄🍻後尾至睇到佢哋原來有happy hour,下次gathering可以黎呢度，仲可以試多幾款小食😋主菜當然係牛扒啦，叫左~肉眼扒配焦糖菠蘿，七成熟....剛剛好入面仲係有啲粉紅色，配菜都好吸引，脆薯夠多而且面好脆👍🏻上菜時已配埋茄汁，好貼心個焦糖菠蘿一上菜已經聞到好香，好juicy 而且令到成個主菜感覺好balance⋯⋯有肉又有配菜又有生果呢餐真係大滿足，連埋杯凍檸茶三百幾蚊，物有所值

同個麻甩fd 去開大圍，想揾個地方飲野吹水，又唔想去d 大品牌酒吧，見依到依間夠up dup 掂啦，一定少人。點知一入門口，哥哥話唔好意思先生，暫時無枱，不過有人埋左單，等多等。真係估你唔到，原來依間吧咁多人，仲要已經係星期四，唔係星期5，6。入到去，又再一次唔你唔到，以為會係麻甩場啦，點知入到去有幾枱OL look 既青春少艾係到開紅酒係到談心，攪到我都即刻坐返直d 唔好太hea.雖然係咁，係我係會理到隔離枱係到紅酒談心，都係叫左啤酒飲。又再一次估唔到，除左大品牌既啤酒，仲有香港手工啤飲，依一刻我無再猶豫，即叫。香港友手工啤唔該。（麻甩friend 即接： 兩杯）之後吖左羊膝同牛扒。兩樣都做得好好，個牛水準真心勁高，而只係二百幾蚊仲要勁大塊。除左啤酒仲有雞尾酒，個調酒師除左幾靚仔仲幾瀟灑。Sor, 太黑。仲有盞勁大吊燈，好鬼矚目。你睇我地叫即野好似唔多，但份量一d 都唔少。按依個環境，食物水準，同有禮貌既服務態度來講，每人二百幾，我都怕老闆會賺太少耐執粒。真心推介，去開大圍又想飲野，依間十分好！

有咩開心得過，可以見住小孩快快樂樂成長💕小孩上星期測完驗，去左屋企附近食左餐豐富嘅tea，等大家都可以鬆一鬆🥳 🍔 流心藍芝士牛肉漢堡烤牛肉熱溶藍芝士，牛肉汁流心芝士交錯，配合新鮮蔬菜🍅🥬 、香烤漢堡麵包，雙重滋味！ 🍝 肉醬意大利粉一碟滿佈芝士粉和肉醬的意大利粉，就讓我們來邪惡一下吧！簡單一個下午茶，已經可以洗滌大家的心靈，你今天會tea一tea嗎😋？ 餐廳中央有盞大吊燈，旁邊有吧台，亦有大電視可收看球賽⚽️

今晚朋友專登入大圍搵我食飯，個個都知呢頭好多野食，但我一般都係食小食多🤣🤣好少機會會坐定定係餐廳食，係冇乜idea之下，就上OpenRice 搵下附近有咩好嘢食😋😋 見到風車個樣望落都幾吸引，就決定去試吓🤩風車係近油站再行入多少少，真心平時好少會行入黎，去到驚覺入面full house，好彩等左10分鐘就有位🤩睇黎呢間小店都有好多fans呢！Menu 見到厚厚嘅rib eye 好吸引！同為同行朋友唔食紅肉，就冇試到啦🤪不過見到格離枱有order ，勁大份仲好香，下次再黎試下先！因為我哋2個女仔，所以都叫左d Light d嘅野share Parma Ham 露荀火腿卷火腿唔會太咸或咬唔開，露荀好清甜得黎一d渣都冇😚好正煙鴨胸田園沙律🥗本身想食Caesar salad 🥗, 可惜賣晒，店員推介左田園沙律🥗食落係柚子dressing ，好fresh ，沙律菜都好新鮮，冇介紹錯！白酒煮蜆配蒜蓉包 🧄 呢個真係好有驚喜，首先份量好多，粒粒蜆肉都漲卜卜同冇沙！味道好好😋😋蒜蓉包烤到好脆唔會太油，加埋d汁一齊食真係超正呀🥰🥰🥰Main dish我地叫左西班牙🇪🇸式原隻燒春雞 🐓雖然話係春雞，個唔會

而家的星期日真係好難出到街，但無理由個個星期都係屋企等生菇😫但由於下午係樓下嘆完一盅兩件後太飽了，所以夜晚唔想食咁多，又唔想留係屋企，於是去左大圍的食街望下有咩好食😋行過見到呢個Bar最吸晴👀，再望下個menu 好似都唔錯，所以就入去試一試我入去坐底已經接近20:30，星期日夜晚黎講都有9成入座率，即係好多街坊黎幫襯，証明呢間餐廳的食物/服務唔會太差另外餐廳樓底好高，裝左水晶燈的Bar格外高貴，有波睇，又有歌聽，但又唔會好嘈，坐底傾計都幾舒服左邊 ～ Fruit punch $65 右邊 ～ Apple Mojito $69Fruit punch 濃得黎又唔會太甜Apple Mojito 唔太甜，略嫌唔夠Mint巴馬火腿露筍火箭卷 $89Parma ham 配露筍原來可以咁夾白酒煮蜆配蒜蓉包 $79蒜蓉包夠蒜味，如果塊包再脆D就更香口喇白酒煮蜆D汁夠多，每粒蜆都有汁包住，非常夠味，又唔會好鹹，份量都算多西班牙脆皮乳豬 配 彩椒汁橙色就係彩椒汁，其係係用三色椒blended 出黎的汁，食落口好有椒味，將乳豬皮部份點彩椒汁再食會無咁’漏’，乳豬肉的部份點正常乳豬醬一樣咁好食😋即炸的薯條一定

今日出左大圍搵朋友，搵左呢間隱世小店食野。鋪頭夜晚係一間bar，晏晝就好似一間西餐廳咁，有做d西式lunch set，選擇都幾多，有啲扒，意粉，漢堡等等。因為唔想食太飽，所以今次揀左煙肉芝士牛肉漢堡，同埋醬燒豬扒土耳其三文治。先黎跟餐既粟米湯同沙律。朋友話粟米湯略嫌唔夠咸，自己加左鹽好好多喎。沙律方面就好新鮮！牛肉雖然唔算好厚，但係有肉汁，仲有好香既牛味！加上佢既麵包好鬆軟，又搽左蒜蓉上去烘，為漢堡加多左層次感。煙肉煎得香，芝士溶左落塊包到好食！豬扒包好犀利！！入面有兩塊豬扒！！同樣都係芝士已經溶左落塊包到，好好食。再加上佢既醬汁（應該係燒汁？），同成個包好配合，唔會太甜太咸。配角既薯角都好似新鮮炸起咁，唔會覺得炸左好耐咁會有油膩感同唔脆。整體黎講，兩個set既cp值好高！飲品方面，普通既茶啡唔需要加錢，我就揀左加10蚊既爆谷味咖啡，因為貪佢新奇同未試過。咖啡調味都恰到好處，一上枱就聞到濃濃既爆谷味，當你以為佢咁香爆谷味應該好甜啦！佢又唔會喎！只係少少甜，仲飲到咖啡香味，唔會酸。仲有！！佢地用既鹽同黑椒都比人感覺好用心！本身仲話想唔食咁飽，點知呢兩個set都飽到飛起！

收工約埋約幾個friend 去大圍食飯，想搵個地方可以傾下計飲下野，就試左呢間酒吧西餐廳，呢到嘅格調好適合一班friend黎，有小食、扒、意粉、pizza好多選擇😌我地叫左兩個小食同兩個主菜，芝士肉醬焗薯皮好好味可以再encore😆😆 個面鋪左好多肉醬同芝士焗到好香脆，旁邊仲有啲脆脆煙肉粒伴碟，成碟食到一啲都冇淨😆主菜叫左墨西哥醬燒黑毛豬同紐西蘭肉眼配焦糖菠蘿。黑毛豬有驚喜，好香豬味同埋都算幾嫩，肥瘦適中，啲邊位仲要燒到燶燶地咁好焦香👍🏻👍🏻另外個sauce個味道都好特別，少少辣，好開胃，同埋佢切好晒一塊塊，啖啖肉，正呀👍🏻😋😋肉眼好似叫左4成熟，配薯角，個肉眼雖然唔算厚但都好大塊，煎到都剛剛好👍🏻仲配左塊燒菠蘿可以中和下肉嘅油脂野飲方面都有好多選擇，除左啤酒/cocktail, 仲有啲特色飲品，我叫左Apple Mojito，好fresh，啱晒食完咁多肉消下滯🤣👍🏻👍🏻

去完大圍想係呢頭食，又上openrice 搵到呢間評價唔錯嘅，重點係可以泊低架車，就碌咗入黎食。 呢間餐廳係酒吧mix 西餐格局，燈光比較昏暗，樓底都高，而且有好大盞吊燈，好有舊式歐陸風。 睇返有咩食，有單點同個人set 同2人set，2人set 嘅野係相對上抵食啲嘅，又唔洗諗，就佢啦。 先上鴨胸沙律，就咁影相睇唔出，其實個沙律分量唔算細，2人分咗三次先食晒，沙律係配醋汁，醒胃～ 跟住就係湯，一個係磨菇湯，一個加$15 蚊轉龍蝦湯，就咁望好似無乜特別咁，但磨菇湯啲菇磨咗蓉好香菇味，有少少咬口之餘味道亦好rich，龍蝦湯比較特別嘅係真係有龍蝦肉係入面。 再黎就上主菜，龍蝦有足半隻，而且係滿滿龍蝦籽，意粉就有蘆筍洋葱，好滿足。 肉眼扒店員係order 嘅時間都有問要幾成熟，雖然無講份量，不過都幾大塊，而牛扒上面都放咗有焦糖嘅菠蘿，牛扒加菠蘿嘅味道都幾夾，配菜都係大大份而且薯角係非常新鮮香脆，送啤酒嘅超一流，可惜揸車無得飲。 最尾上甜品，係Tiramisu黎，其實已經好飽，好在份量都係啱啱好，味道唔係得齋甜，反而有浸過咖啡嘅Lady finger 呢下傳統做法加分。 整體上呢度唔係sell

同男朋友去完睇完出門酒店經過大圍打算醫肚一間唔錯嘅餐廳個set都幾吸引 平均唔洗$100所以入咗去試😌🍔日式照燒雞肉脆豬 $76塊雞扒都幾大塊而且肉質好滑一啲都唔老最重要係個包好脆嘅食落簡直口感一流😌🍔流心藍芝士牛肉漢堡 $76個漢堡一上枱超香超大陣芝士味🧀搞到我流哂口水佢特別個位係芝士係喺牛肉入面😳一咬啲芝士流晒出嚟好鬼正❤️❤️❤️好似係第一次食流心芝士漢堡🙈🙈好邪惡👻👻👻👻👻

一向都知大圍多好野食，呢日老公放假又唔想煮，一於落嚟食個lunch～行行下去到油站附近，見到呢間風車，環境暗暗地幾舒服咁就坐低啦！餐廳入面有個超大電視，睇波應該一流，野食以呢個價錢嚟講都不錯！我地一人order左一個lunch set嚟 share！每個set都包前菜、主食、飲品，前菜可以揀是日餐湯/沙律，飲品可以揀咖啡/茶/水果茶，或者加錢轉特飲/啤酒～主食我揀左日式照燒雞肉脆豬 $76 - 估唔到賣相幾吸引，同餐牌圖片一樣😂雞扒好厚冇偷工減料，脆豬真的脆唔係淋，夾埋溶溶地芝士、fresh既蕃茄生菜，咬落去好滿足☺️配埋又熱又脆既薯角，清清地沙律菜，真係食T字漢堡快餐店都唔止呢個價👍🏻老公揀左牛脷炒意粉$54-牛脷爽，夾住洋蔥、蘆筍、菇，唔油膩，整體感覺唔錯😋飲品方面，加$10點左爆谷味咖啡，同加$12點左荔枝梳打～咖啡真係有爆谷味幾得意，荔枝梳打清清地不錯～老公一路食仲一路話下次可以約朋友嚟吹水睇波飲酒🤣

呢間餐廳起油站附近，雖然地點唔起眼，入到去發覺原來係酒吧style既西餐廳估唔到入面地方都幾大，昏暗既環境配有大大既水晶吊燈，幾有情調野食方面都唔差，前菜叫左咸牛肉配煙三文魚同芝士焗肉醬薯皮前者攞嚟送酒一流，後者mix埋煙肉蘑菇，上面仲鋪左好多芝士，焗得好好味墨西哥醬燒黑毛豬扒本身豬扒已經煮到好淋又入味，而且仲keep到咁嫰滑，唔配醬都已經好好食，好juicy,而配墨西哥醬就有另一種味道，墨西哥醬辣辣地，用嚟送黑毛豬就更加惹味，最貼心嘅係廚師已經將一塊塊豬切好，唔使自己郁手就食得！紐西蘭肉眼扒配焦糖菠蘿本身好怕d牛熟得滯，會好韌，所以朋友差d想叫三成熟，但最後waiter suggest我地試五成熟，上到嚟又真係啱啱好，切出嚟入面仲係粉紅色，唔韌又juicy,不錯！塊菠蘿都燒得好好食，開胃又多汁！咁岩餐廳仲做緊啤酒紅白酒買一送一，真係好岩同朋友摸住酒杯傾下計

前幾日經過大圍，發現原來有間西餐廳🤔比佢個裝修吸引左 ，就同朋友走左入去食😂晚市都唔算太貴入面個氣氛幾好，又有個mini bar，有唔同cocktail飲下～頭盤叫左三文魚Caesar煙三文魚好大件都厚，捲成玫瑰花形狀，又美觀又好食沙律菜都新鮮爽脆！白酒煮蜆配蒜蓉包個蜆好creamy!個汁有好香既酒同奶味，至於個包烘風好夠脆，有濃濃既蒜蓉味原隻燒春雞配菜隻雞燒得啱啱好！夠曬嫩口又多汁，又唔會太熟～而且一拎上來已經聞到好香！啖啖肉，加埋隔離酸酸地既配菜，中和返成件事。Strawberry mocktail好鍾意呢杯野❤️無酒精得來又有濃濃士多啤梨味，酸甜酸甜，而且入口好creamy~Lychee lime soda氣好足～飲落口都好清新

咁啱今日踩單車，所以就停咗喺大圍呢一間西餐廳食lunch感覺入面裝修得幾靚Lunch set 有burger 或者沙律之外, 亦都有啲意粉同埋焗飯今次我哋就叫咗兩包餐，而每個餐會配埋田園沙津或者餐湯沙津個汁係黑醋汁，味道酸酸的好入口另外菜都好新鮮同埋洗得好乾淨而個餐湯就係蘑菇湯蘑菇味好濃郁，亦都食到有一粒粒嘅蘑菇碎粒煙肉芝士牛肉漢堡餐個賣相好靚除咗有個包之外仲配返沙律同埋薯角薯角炸得非常之香脆可口個包入面亦都非常之足料個包睇得出亦都有花過心思亦都係入面有查過香草牛油同整到個包好脆食落去味道唔錯，牛肉質地中上另一個就叫咗日式照燒雞扒脆豬呢個包無論係包皮又或者雞扒方面都做得十分之出色雞扒燒得非常之靚同原本塊雞扒亦都非常之飽滿而最重要係佢塊雞扒嘅肉質係非常之嫩滑同埋多汁加埋本身包入邊嘅配菜味道非常之夾另外亦都加咗錢轉左特飲呢個荔枝梳打非常之好飲完全唔似出面加咗糖水

想喺大圍搵間有情調又可以飲酒嘅西餐廳，睇openrice介紹後覺得佢都幾多好評，就訂左呢間餐廳餐廳內部裝修得好靚，播住唔同嘅英文歌，好有氣氛餐牌有好多嘢食揀，我地兩個人就叫左兩個小食同埋一個主菜，仲叫咗兩杯野飲chill下呢杯mocktail 有甜甜的荔枝香味，仲有淡淡地嘅薄荷味，成杯野好fresh解油膩一流我就叫左杯cocktail，主要係菠蘿汁同埋紅苺汁，溝埋vodka。甜得來帶少少甘味，平時少飲酒嘅我都飲得到用嚟送小食真係蟹肉份量仲多過塊蒜蓉包啖啖蟹肉入口好香，仲帶有鹹鹹地嘅海鮮味，配埋蒜蓉包，又香又脆另外仲有少少千島醬，可以中和下個鹹味，送酒一流仲叫左呢個薯餅棒，蒜蓉餅入邊仲有洋蔥碎同煙肉粒，夠晒鹹香。食落口又夠熱夠脆，又係一樣送酒佳品主菜來啦！平時食牛就食得多啦，今次特別啲試吓呢個黑毛豬份量唔係好多，黑毛豬扒係切開咗做6、7條。燒得好香，好有豬味配埋個墨西哥醬，有小小辣味，好惹味不過覺得淋啲會好食啲另外燒蕃茄有驚喜！應該係用左牛油燒？食落去夠香又夠熱，好好食呀氣氛好正，食物又幾高質，成班friend嚟傾計飲酒就最啱下次會再嚟！

喺馬鞍山附近，夜晚想同朋友飲吓嘢但係又唔想出返去旺角，於是就喺OpenRice度搵到呢一間有西班牙小食，又有嘢飲嘅餐廳。首先我同佢就叫咗一杯青蘋果味嘅梳打，同埋一杯士多啤梨椰子奶。其實都係平時想同朋友聚下，飲飲下，就覺得開始肚餓，就叫咗啲小食。首先就叫咗個西班牙火腿菜卷，因為我好鍾意食有鹹香嘅火腿，呢個菜卷上面有啲黑醋，食落好開胃於是又再嗌多幾樣小食。又叫咗一個肉醬薯皮，個薯片焗得好脆好香口， 一啲都唔油， 配上邪惡嘅芝士肉醬， 真係好好味。 傾下傾下， 又開始覺得餓， 最後叫多個乳豬。 同係酒樓食嘅乳豬唔同， 呢度個乳豬再淋啲， 入味啲。 但係個皮都係好卜卜脆， 佢配嘅醬都有啲似酒樓嘅乳豬醬。 食完咁多野， 帶住個好飽嘅肚返屋企。