風車

营业中

休息中

今次平日放工食飯，揀左去呢間《風車》餐廳食飯，店內枱櫈闊落舒適。我們是二人用餐，BAR & RESTAURANT燈光比較暗，方便不想讓對方看清自己樣子的人來用餐😛🔶香煎阿拉斯加蟹肉餅 $99(Alaska Crab Cake)蟹肉十分足料，另配上兩塊香脆的多士，是令人滿足的前菜。菜式上碟賣相與餐牌幾乎一樣。.🔶法式燴羊膝 $199(Braised Lamb Shank in French Style)羊膝賣相非常吸引，有配上薯蓉、蕃茄、蘆筍，色彩豐富。羊膝入味而且非常嫩，是完全沒有強烈的羶味，醬汁味道配合，吃不停口。連平時不吃羊的人亦大讚！.🔶波士頓龍蝦意大利粉 $179(Baked Boston Lobster Spaghetti)龍蝦意粉會令人流口水🤤 龍蝦上面配有芝士，炒意粉軟硬適中、入味。.🔶Mocktail 2杯（無酒精飲品）1️⃣Apple Mojito - 有薄荷、有氣2️⃣Strawberry Colada.

為左迎合我男朋友依隻食肉獸。都要搵定幾間有牛扒食既餐廳。今次就同佢去左大圍依間酒吧。去到大約8點幾，可能因為酒吧既關係，都唔算好多人。我同男朋友最中意係靜靜地既餐廳食嘢傾下計。蟹肉餅（$99）呢個係蟹肉餅真係幾唔錯，蟹咪濃之餘仲好juicy.一啲都唔乾。白酒煮蜆（$89）男朋友特別中意食海鮮，所以專登叫份白酒煮蜆比佢試下。酒味好香，蜆肉既熟度岩岩好。加埋用啲白汁點包食，真係好好味。講左係食肉獸，又點會少左牛扒呢。我地點左佢地最推介既厚切肉眼扒，足足有成14oz 咁大份。肉質鮮嫩，牛味濃👍🏻真係好正，食到男朋友話下次要再去食多次。

我們經常去大圍食飯，交通又方便，其中有幾條食街，食店又有特式，去到一間西餐的酒吧餐館，見到餐牌、紅酒和啤酒架都是比人一份興奮氣氛，一定要入去食飯。2個人拍拖食飯，最好叫2人套餐，很有浪漫感覺。 熱的龍蝦湯，濃縮了龍蝦的鮮味，像嘴裏吐出都是龍蝦香味，真想再飲多次。首先頭盤是意式田園沙律配煙薰鴨胸，清新的田園沙律，醬料配以沒有肥肉的鴨胸肉，都是我們喜愛的食物。紐西蘭肉眼扒配焦糖菠蘿，切開厚身的牛扒，肉質幼滑鎖住了肉汁，食住甜的糖菠蘿，實在食出豐富味道。波士頓龍蝦意大利粉，一手一腳起出厚身的波士頓龍蝦肉，看得出龍蝦肉是結實的，見到都流口水，放入咀內細細品嘗，意粉都有應有的水平，很快速食完碟意粉。食飽飯再坐著聽音樂，是很寫意。

雖然今日係年三十，但既然友人話想Lunch食西餐就帶左佢去依間係大圍都幾出名既風車Windmill。 去到既時候大概1點鐘唔算多人，一入到去就見到餐廳中間有頂大吊燈，仲有一個bar枱同兩部大電視，夜晚一睇就知係睇波之人既聚腳點。 Lunch既餐單主要係以麵包為主，有普通西餐既漢堡包，亦都有意大利同土耳其既三文治，算係夠特別。午餐可以揀湯或者沙津，成個餐加埋唔洗100蚊，都叫幾經濟。 友人話個日式煎雞扒脆豬睇落幾特別所以決定試下，我就普普通通叫左個比較傳統既煙肉芝士牛肉漢堡，穩穩陣陣。上菜個陣見到友人個脆豬睇落真係幾吸引。個包食落幾脆身同好重牛油味，雞扒個照燒醬甜甜地都唔錯，整體黎講算Okay。而我個牛肉漢堡都叫幾Juicy。另外值得一提既係佢d薯角好好食好大舊，依個其實都係我最滿意既地方😂飲品我地揀左熱咖啡同水果茶。水果茶真係唔錯，酸酸甜甜幾好入口，值得一試。 跟住我地仲叫左侍應哥哥拎個晚餐既餐牌黎睇下，睇落選擇都幾多，又有黑毛豬火腿、腸拼盤等等，平時除左可以黎閒閒地食個普通晚餐之外，星期六日仲可以叫埋班Friend黎睇波。 最後我同友人加埋都係食左唔洗200蚊，所以都叫不過不失啦。

今日同女朋友兩個襯涼涼地就決定走黎大圍食野然後踩單車，由於時間尚早慢慢搵野食，最終就決定食呢間風車既lunch set 午餐餐牌都有幾多既選擇，all day breakfast、意粉、牛扒、漢堡都有。龍蝦湯配田園沙律龍蝦湯味道偏濃調教得好岩味，加上清新既田園沙律生菜、青瓜、紫椰菜，不錯既前菜配搭香煎老虎蝦配龍蝦汁燴意粉配水果茶有好多地方意粉會燴得好淡往往入唔到汁既味，但呢間餐廳佢既燴意粉做得相當入味，係越食越開胃，大蝦都彈牙爽口，證明食材新鮮！👍🏻流心藍芝士牛肉漢堡配荔枝梳打配有炸得香脆可口既薯角，牛肉漢堡好juicy, 而且漢堡包都好好食，脆脆地好正！配上特色既荔枝梳打相當有驚喜，而且唔駛加一，非常抵食！

今日同朋友行開大圍，平時好少黎到大圍，唔係好熟呢到，咁岩就路過呢間windmill風車，見門面幾靚，個名又幾得意，就入左去食，點知咁就有驚喜！入門環境氣氛都唔錯，燈光好舒服，令人好想飲飽食醉。望下menu，選擇都多，我地就揀左個二人餐，唔算好貴。首先黎既係前菜，煙鴨胸沙律，鴨胸味道唔錯，夠咸，好多地方食落去都係無乜味，呢到就整到岩岩好，沙律都唔會好dry，落左少少醋，酸酸地做前菜好開胃。跟住有龍蝦湯，飲落好鮮甜，抵讚！不過如果有龍蝦肉有多啲咬口就更好。呢個ribeye不得了，一黎擺盤好靚，望落已經好想食。一切開，牛扒好軟身，唔會過熟，入口即溶，好有牛味，好有質素，唔錯！呢個龍蝦意大利粉，一望落已經見到龍蝦大大舊肉，食落好鮮甜，完全唔似冰鮮左幾日既龍蝦咁，好有驚喜！最後仲有甜品，我最中意底層啲蛋糕，好軟熟，好有蛋糕，好食！埋單450，食到咁多好野，好滿足！

今日星期六咁岩行去大圍買啲嘢，時間黎到大概下晝2:00 ，朝早食咗嘢但冇食LUNCH，有啲唔三唔四，但有少少餓，就諗住都係食啲嘢先。行過見到呢度竟然唔知幾時開咗間新(?)西餐廳，店出面擺咗好多餐牌，好似都唔錯咁，就入咗去食啲嘢喇。唔好講笑雖然話已經差下晝2:00，但推門入去先發現入面竟然都仲差唔多有八九成滿，喺一條咁靜嘅街都算幾有趣，而且仲見到有外籍人士嚟幫襯添。坐低先望到成間餐廳個感覺係比較有格調，佢係算半BAR半西餐廳咁，天花吊左一盞好大嘅水晶燈，有種低調嘅奢華，算係幾落本嘅裝修，大圍後街街坊小店黎講有啲估佢唔到。店內有電視播直播球賽，夜晚黑應該幾適合一班人嚟睇波或者傾計。睇吓餐牌仲係serve緊午餐，因為唔係十分肚餓嘅關係，所以就叫咗一個全日早餐嚟試一試。午餐包沙律或者餐湯，再加餐飲，都係一百幾十蚊有交易。先來餐湯，是日餐湯係南瓜湯，夠熱，飲到有少少南瓜蓉，唔會太甜，亦都唔會係成口粉，唔錯。然後主菜全日早餐就上檯，一睇陣容都幾鼎盛。有德國香腸、松露炒蛋、燒蕃茄仔、牛角包仲有砌成好靚一朵花咁嘅煙三文魚。先試一試比較特別嘅黑松露炒蛋，一般來講我麻麻哋鍾意食坊間嘅松露乜乜乜，因為通常嗰

呢間叫風車嘅餐廳雖然係一間酒吧，但日間就好似普通一間西式餐廳咁，有lunch set供應。呢度嘅座位都算坐得舒服，裡面有2部大電視，如果夜晚嚟睇波，絕對一流。Lunch set個餐牌有好多選擇，大致分為包類及飯麵類，每個種類都有6-8項選擇，而且包埋餐湯/沙律，同一杯飲品。我同友人都比較鍾意食包類，所以分別點咗「煙肉芝士牛肉漢堡」同「醬燒豬扒土耳其三文治」嚟一齊食。先嚟咗跟餐嘅餐湯同沙律，是日餐湯係我至愛嘅南瓜湯，味道唔錯，唔會太稀，而沙律都新鮮。「煙肉芝士牛肉漢堡」我特別鍾意佢個煙肉煎得幾脆口，幾好食，牛肉食落有肉汁鎖住，唔會乾身「醬燒豬扒土耳其三文治」賣相幾討好，見到芝士溶化喺三文治個包上面，裡面夾著2塊豬扒，冇錯，係2塊！配合埋個醬汁，好夾好好味。飲品方面，我同友人都升級做特飲，友人點咗杯爆谷咖啡，而我點咗杯荔枝梳打。爆谷咖啡友人話幾好飲，而我杯荔枝梳打有粒荔枝喺入面，都唔錯。

食店：風車 Windmill✨張梁點餐👦🏻🧒🏻1）$78《Bay Breeze》評分（10分滿分）：8⃣食評💬：成份有Vodka、Pineapple juice & Cranberry juice，甜甜地好易入口，飲唔慣酒嘅話可以試下～2）$69《Cool mint》評分（10分滿分）：7⃣食評💬：呢杯係無酒精嘅，飲落似七喜😝成份有Lychee、Mint、Ginger Ale & Soda～3）$85 《鴨胸沙律》評分（10分滿分）：7⃣食評💬：沙律菜新鮮爽口，鴨胸量都唔少👍🏻幾好！4）$209 《西班牙式燒原隻春雞》評分（10分滿分）：8⃣食評💬：春雞肉質好嫩，有椰菜墊底，春雞隔離亦有椰菜沙律，味道幾得意，仲有多粒番茄仔，唔洗擔心～兩個人都可以食得晒成隻架！5）$129 《炸魚薯條》評分（10分滿分）：8⃣食評💬：薄薄地一層炸粉，炸得魚柳好juicy而且一啲都唔腥😍肉質又嫩，再配埋茄汁同sour cream sauce黎食，簡直錦上添花～風車 (大圍)📍大圍積存街50號葵偉樓地舖👉🏼港鐵大圍站A出口行7分鐘👈🏼

呢間位於大圍火車站附近嘅西式餐廳，裝修幾有氣氛，環境昏暗，好似有酒吧嘅感覺午餐嘅set有好多選擇，淨係包類就已經有幾款，如果係扒類，仲可以選擇配白飯意粉或者薯菜，啱晒啲無飯不歡嘅朋友。呢個流藍芝士牛肉漢堡，味道唔錯，上下層麵包谷到脆卜卜，但係塊牛肉就份量有啲細，藍芝士嘅部份就更加少。另外仲叫咗吉列豬扒意粉，豬扒外層嘅咋皮做得幾好，好鬆脆唔會硬，但係份量就比較少。蘑菇湯非常之真材實料，仲食到一粒粒嘅蘑菇係入面，質感唔似湯，似一碗蘑菇粥。

之前經過積存街見到原來仲有間餐廳未食過，星期六諗唔到食咩就過黎試下～我地叫左個蒜香大蝦多士，好香蒜蓉味，我本身好鍾意食蒜蓉，所以好滿意，另外多士就好乾身但好彩有蝦油沾染左個面。主菜方面，我地揀左墨西哥醬燒黑毛豬扒，見到餐牌張相覺得好特別，感覺有d似泰式前菜，所以就試下，豬扒已經切好一件件，豬扒好淋，但算薄切同有d乾身，反而個個醬汁有驚喜，微辣有香料味，感覺真係似香葉肉碎既味，點黎食層次升級左。另外仲揀左肉眼扒配焦糖菠蘿，仲有埋薯角同菜，燒過既菠蘿真係好甜又解膩，牛扒只有少量筋，我好怕食好多筋既牛扒，所以都唔錯。平時對伴菜冇咩期望，但呢度既西蘭花同椰菜花有輕輕炒過有少少蒜蓉味。飲品我地揀左一杯Mojito, 一杯dark rum既cocktail，中規中矩。環境黎講，呢度以restaurant&bar做定位，所以燈光會昏暗少少，而呢度有部超級大電視可以睇波，唔錯～

中學時代經常去嘅地區之一大圍有好多朋友都住呢區。有顯徑、雲疊、田心、隆亨、新翠。。。昨晚就約咗住大圍嘅朋友食飯發覺風車喺大圍原來都幾多人食喎好慚愧🙈周不時經過今次都係第一次嚟今次有機會品嘗呢度嘅美食😋女店員招呼周到好快安排坐位👍🏻👍🏻👍🏻還推介幾款菜式意式薄片刺生帶子頭盤先黎新鮮嘅帶子😮入口好鮮甜👍🏻上面仲啲炸菜粒調味香脆南瓜蓉焗石班呢道菜式特別好食👍🏻皮脆肉嫩好有咬口🤤點上南瓜蓉帶出魚嘅鮮味西班牙黑毛豬鞍一向都好鍾意食黑毛豬😋肉質嘅質感比較嫩又夠肉味👍🏻一切開D肉汁出晒嚟🤤見到都流口水FruitPunch我無飲到😄但我朋友飲咗一啖都讚好飲StrawberryColada呢杯打蓉咗嘅草莓加入鮮奶😋夠冰凍又唔太甜好適合夏天品嚐嘅特飲風車 - 除咗係一間餐廳之外仲係一間有⚽️足球賽事睇嘅酒吧🍻隔離幾枱客都係一邊飲酒一邊Mon住電視睇球賽

Happy Friday 放工後約朋友食下好西，今次揀咗喺大圍嘅呢間cafe n bar, 距離大圍站有少少距離，腳程10分鐘左右因為早放工，黎到餐廳六點左右，晚市未算多人住。餐廳環境一流，座位之間有足夠空間，啱晒朋友仔摸杯底傾計野食方面我地叫咗Parma ham蘆筍捲、黑松露意粉、西班牙乳豬仔。Parma ham 蘆筍捲Parma ham 咸香，配蘆筍幾夾，但有火箭菜，略有澀味黑松露意粉味道正常，意粉掛汁度剛好，每啖意粉都掛到香濃的白汁西班牙乳豬最期待的一道菜，乳豬外皮香脆，底下的乳豬肉好嫩好淋，加上中間的油脂，口感多有層次。小可惜的係土佢係一大塊上，無幫客人切好。另外，對於女仔黎講油脂略嫌太多，瘦返啲更佳飲品叫咗兩杯cocktail, 味道唔錯，好飲

大圍比較遠離市區，今日就去一間西餐小店享受下兩個人小寧靜既時間🥳🥳餐廳既燈光比較昏暗，好似去左Jazz Bar咁，莫名有種浪漫既氛圍💋💋餐牌選擇並不算多，但係基本上都有前菜、小食、扒類、意粉比你㨂🥗🥩🍝酒精類飲品都幾多，好適合情侶同朋友黎小酌幾杯，傾下心事🤭🤭小食方面，我地就揀左白酒煮蜆配蒜蓉包😻😻蒜蓉包配上白酒汁既味道好夾，加上D蜆一D都唔腥，一口接住一口，好快就比我地KO左🤡🤡跟住仲叫左個肉醬焗薯皮，薯皮焗得幾香脆，肉醬既蕃茄味好濃🍅🍅芝士都算落得幾多🧀🧀如果份量再多少少就好啦🤩🤩主食方面，一向鍾意食乳豬既我就揀左西班牙脆皮乳豬配彩椒汁，一上枱就有好香既味道，同平時食既中式乳豬不一樣，西班牙乳豬既皮比較薄，而且肉質更加嫩滑、入味🐷🐷加上彩椒汁既配搭比較特別，減輕左乳豬本身既重油感，食落清新D😋😋配菜仲有永遠不敗既薯角，粗身既薯角熱辣辣食最好味🍟🍟整體而言，係呢度食下野傾下計既感覺好輕鬆👻可以黎試下佢😏😏

朋友見我咁苦惱有咩好食，叫我過黎大圍呢頭搵食。過到黎又真係十幾萬間野食咁滯，行左一大圈，簡左呢間風車餐廳。呢間半bar半餐廳，入到黎個氣氛好舒服，播住Taylor Swift, One Republic ,Ed Sheeran 等等的流行歐美音樂。微暗既燈光修飾你的輪廓，配合一杯whiskey sour /Draught Asahi 就係最適合同女伴共進晚餐的地方。可惜今晚我只係一隻單身狗，汪汪。言歸正傳，頭盤叫左香煎阿拉斯加蟹肉，多士配合蟹肉，即使唔係天衣無縫都經已無懈可擊。多士夠薄夠脆。之後叫左隻西班牙乳豬，呢隻可能係我出世到而家食過最好食既乳豬。你難以想像佢可以咁脆之餘仲可以咁嫩口，回味無窮。本身想叫杯啤酒，但係諗諗下自己好似無點試過mocktail ，叫左杯strawberry colada，都係水準之上。