風尚台灣小吃 (已結業)

自從上個月和彬彬遊玩台中後，一直很懷念台灣菜，今天爸爸說要吃晚飯，我一於帶他到風尚台灣小吃!一間十分傳統的老字號，風尚台灣小吃，雖則簡單，有一点台南的感覺!首先叫了凉拼小黃瓜，小黃瓜又清又爽口，口感一流!大餅牛肉卷，充滿肉汁，爸爸喜歡不己!蚵仔煎是我和彬彬常吃的小吃，蚵仔很鮮甜，也很多，很正宗!塔香炒蛤蜊滿滿熱辣辣，入口不辣，但很有鑊氣! 很香口!喝品也不太甜，凍茘枝玉露和凍金桔檸檬玉露透心凉，這間小店真不錯!

位於天后的「風尚台灣小食」不經不覺已經開業了數年，我還清楚記得我上一次光顧是某年的除夕晚上，當時餐廳是剛剛開業不久, 當晚坐滿客人，非常熱鬧。雖然我並不喜歡人多的地方，但在那晩心情是不一樣的。對於台灣的食物我一向感覺是麻麻地，感覺太油膩。而香港吃到的台灣菜已經加以改良，冇咁肥膩。以從往我每次到台灣旅遊一定會肥三、五、七磅返黎，唸起個心都離一離。 闊別多年風尚和台灣菜，今晚一個人來只想吃個滷肉飯。星期四晚上客人坐不夠半廳，餐廳已經變成了頗舊帶點殘的餐廳。看了餐牌一片安慰是它沒有被港式食物同化, 出售還是台式食物。二話不說點了「滷水鷄亦肉燥飯」$53（要加一）不要套餐沒有飲品, 只要吃一碗飽飯。果然迅間大大碗滷肉飯放在面前以份量而言是冇得投訴，但賣相認真麻麻 滷水鷄亦有四隻，雖則只是細size，算入味又有輕微的甘草香, 而滷水蛋亦可以接受。當然魯肉是這碗飯的靈魂所在，但甘香不足，因為採用了全瘦肉，正宗的魯肉飯是肥肉比例 6:4無疑以全瘦肉來製魯肉飯口感無疑輸了一個 ROUND , 欠油潤感但應該無咁肥 。以$58 吃一碗飯唔係平, 如果我以同等價錢去大X樂可以吃到個套餐, 質素可能比它更

在天后的一日課程結束，已是中午點，肚子呱呱叫，所以都唔過銅鑼灣，嗱嗱淋係附近搵間餐廳座低醫一醫肚先。華姐清湯腩門口大排長龍，我諗有十幾個人等緊，都係個句啦，得你幾好食，要耐等咁埋食乜都無味呀！係天后兜左個圈，發覺要普普通通搵一餐性價比高既晏仔都認易金唔係易事。最後見尚價錢公道，都算企理就入咗去，坐底，都有十零款午餐選擇，不過我眼見店內大部分係學生哥，都係保守Ｄ叫左個鹽酥雞飯。餐飲包珍珠茶同咖啡，反而檸檬茶同檸檬水要加錢，所以我只係嗌咗杯熱既珍珠奶茶。好快珍珠奶茶已到，味道剛剛好，有奶味，有茶味，不過唔滑身，基本上一飲就知係用粉開，不過水粉糖比例拿揑得幾好。而家香港地做飲食好困難，蝕少少都已經叫叻仔，咪話收支平衡。無計啦，租貴，人工仲貴，食材惟有慳返Ｄ，所以唔怪佢地，相反平料沖到咁既味道，其實都要花唔少心機。等左兩三個字，鹽酥雞飯上檯，以香港食肆嚟計，呢個上檯速度已經算慢，不過好彩唔係趕住返工，ＯＫ啦！上檯面既係魯肉飯，加大概五粒鹽酥雞，有半隻魯蛋，仲有少少前菜。前菜係洋蒽豆腐粒，都好明顯係下欄頭頭尾尾，不過都叫有多Ｄ嘢俾你食吖。味道少少辣，其實幾開胃，配返鹽酥雞仲幾襯添，可以去緊少少油

從機場回到天后巴士站剛巧是十一點半。這家餐廳的午飯時間剛開始。雖然餐牌上的食物不怎麼吸引，不過大家拖著沉重的行李，也就選擇在這兒休息了。點菜后等了差不多20分鐘才有一碗A餐上場。肉燥面-一堆深色的炒豬肉，神奇地無味。有半只無味的魯蛋。這樣一碗面竟然收$42加一。。。。。。。。。。。。。。。然後我的雞扒拉麵。完全無寫到是鹽酥/ 炸（但其他有指明)收$44 不跟飲品結果上桌時只是微熱。加上那厚厚的一層粉實在令人乍舌。。。。。。。。

同朋友係維園踢完波 路經呢間小店見肚餓所以入黎試下先講店鋪環境鋪面好細好逼 通道又窄 唔方便食客同店員出入而且有好多烏繩飛黎飛去 比我既印象唔太好我同朋友分別點左個"鹽酥雞鹵肉飯"同"紅燒牛肉麵"隨餐附送既貢丸湯應落左好多味精 太過鹹粒貢丸冇乜特別鹽酥雞鹵肉飯：賣相一般 d雞塊可以擺得靚d不過味道確實唔錯 始終鹵肉飯唔會難食得去邊鹵肉汁夠甜 肉粒夠多 送飯食好好味鹽酥雞炸得好乾身 有d難入口 不過雞肉好滑整體味道唔錯紅燒牛肉麵：味道好一般湯底太淡 食唔出有咩味牛肉唔香 而且太un 好難入口麵質尚算唔錯 麵條夠滑 可惜湯底太差 拉底成碗麵既分數整體感覺一般鹵肉飯值得一試紅燒牛肉麵都算係經典台灣菜式 但整得真係一般價錢算平宜 應該做開學生生意店鋪衛生情況有待改善

食完團年飯, 行完年宵都已經12點幾, 年宵D野食太貴了, 所以出左去搵野食, 因為第2日要返工, 所以求其搵D野食算...行左去天后, 見呢間台灣餐廳未關門, 就入左去試下一坐底見到個MENU就咩都想試下, 我地有5個大人+1個BB, 台灣野唔係太大碟, 就叫左5樣野一齊SHARE食侍應姐姐都幾熱情, 推介左個招牌炒新竹米粉, 見佢寫得招牌, 姐姐又推介咪試下囉, 點知就中左服.....味道唔係好夠, 但個米粉都尚預乾身, 係絕對做唔到招牌菜既LEVEL....個米粉麻麻地, 咁叫個紅燒牛肉麵啦, 應該好D掛....點知仲衰....我明白, 牛肉麵真係唔係度度都好食, 尤其香港既牛肉麵同台灣既有唔同, 好多人都想迎合香港人既口味而令到台灣牛肉麵變左, 但佢完全唔係台灣牛肉麵, 亦唔係香港既牛肉麵, 只係"牛肉"+"麵", 個湯冇味, D牛肉亦都唔香另外叫左D小食, 鹵大腸, 賣相唔太差, 但係咸左D, 個醬汁好"杰" , D大腸入唔到味四式台灣腸, 味道唔係太好, 而且係凍凍地既...大餅牛肉卷, 賣相幾靚仔下, 個配搭都OK, 唯一係個醬太甜, 甜到有D難食, 如果冇咁甜既話應該都

是日年廿九，約齊男朋友一家行年宵。本來食完晚餐，但行到維園年宵市場，人多係預左，但真係逼到行吾到去攤位度睇，我個人比較實際，啲嘢買返去冇用就吾會買，而男朋友爸媽吾慣甘逼法，行吾夠第一條巷已經投降，過都逼左半個鐘，所以索性去食宵夜。行到去熟食檔個邊，轉去天后地鐵方向，有啲餐廳已經收哂，可能臨新年，有開既餐廳都塞滿哂人。辣妹姐一見到呢間嘢，已經諗定大家可以食啲咩。話說佢想減肥，但聽到侍應姐姐刻sale奶酥多士，原本坐隔離既我想飲杯嘢就算既時候，我決定陪佢食到底！我覺得幾日冇塊包到肚，梗係好似冇食幾日飯既感覺，我指感覺上。講真，我完全係因為個名先叫，塊多士一黎，完全冇後悔，離遠都聞到香味，甘當然係一隻手臂距離甘解。外表吾覺揸左好多牛油同糖，只係薄薄一層金黃色微焦，但食落甜度岩岩好，又夠脆，眼見辣妹姐食剩個包皮邊，真係有衝動執起食埋佢，當然眼看手勿動，保持左儀態，但真係好哂嘛佢又甘脆，口感又岩我！下次一定黎食返！呵呵！其實仲有叫其他嘢食，男朋友叫左蝦球炒飯，椒鹽雞翼，佢但求飽肚，冇咩要求。可能我一早俾多士吸收左，食其他嘢只覺一般，只可以話味道吾會太重，岩岩好，香味同鑊氣差左啲。

中秋節的正日，例行活動是一家三口往維園看花燈。又係例牌要做的便是入場前先去醫醫肚....記起去年的用餐不快經驗 --- 天后一帶滿街都是人，差不多所有食肆內都有人滿之患。一向不喜等待的我囗中自然是念念有詞....最後在萬分不情願底下，走進了一間又貴又不值吃的老牌雲吞麵舖內，食了一碗到了現在我還記掛著的如此不抵食的雲吞麵....到了今年吸取了教訓，一到達便馬上跑到地鐵站附近，以最快的速度衝入到這裡。幸好在如此繁忙的時份店內竟還有位.....嗱嗱聲叫了幾味東西。心裡已不太講究食物是否有好水準了，只求不太難吃便可以....來了碟蒜茸A菜。從前每趟去台灣料理店時若要點菜蔬的話，A菜是必然的首選....菜稍微炒得過了火，是偏淰了；不過勝在下了超多的炸蒜茸及紅蔥頭進去伴炒，是十二分的惹味....要吃台式小炒家庭菜，怎能沒有經典的菜甫蛋 ?萬料不到這個蛋煎得漲卜卜之外又相當的夠澎鬆。蛋味及香之餘菜甫下得亦重手。只是不知為何掌勺的竟要在蛋漿內下了多餘的人工味....查實菜甫本身已可提供足夠的味道了，這那又何必要添味來整色整水呢 ?印象中眼前的這份"大餅牛肉卷"，好像從前在"馬家莊"也吃過相類的東西..

到這食肆，點了鹽酥雞飯。雞肉不錯，炸得乾身之餘又有肉汁，也不會太咸，餸飯一流。而肉燥也很好，軟軟的，甜甜的，很易入口。但很可惜的是它的飯，很硬，雖然不致於是生，但也真的較難入口！要改一下了。

公司同事每星期都食一次, 午市比較多,加上座位比較少 人要早去排隊鹽酥雞飯: 鹽酥雞十分香脆, 份量十足, 女同事每次都會少飯, 加上茶葉蛋, 配菜 , 個人十分推薦!紅燒牛肉麵: 麵只是一般的麵, 不像台灣麵, 份量比較少, 但牛肉尚好, 如食量不大, 可以一試

年廿九來到天后，準備入維園走一轉年宵，沒想到天后的食館原來數量多得很，在維園附近有華姐清湯腩，有生原創蛋包飯等等，未計大坑相信食店數量足以吃足三個月。雖然已經三時多但年近歲晚，每間店舖都排滿人，唯獨這一間風尚台灣麵一個排隊的人都沒有，沒有選擇下就走進去了。由於節日關係，沒有下午茶，只有午餐。看看價錢$44一個紅燒牛肉麵，應該要很美味吧。好了點一個再來一個朱古力奶茶。紅燒牛肉麵先說一下麵， 麵質不粗也不幼，味道只是很普通，麵底有點像肉骨茶，牛肉不是用牛腱，而是普通牛腩但跟牛肉麵不太配合。整體味道很一般，但份量少得只有三注麵，牛腩也只有三兩塊，還有半隻蛋，份量之少和味道簡本不值賣$44。至於朱古力奶茶味道不錯，一入口的味道真的想到有一點台灣的味道，可惜到尾段開始變淡加八元還可以。環境又窄又迫，枱與枱之間緊緊夠一條腿行，奇怪在播一播周杰倫和楊宗緯後竟然播WESTLIFE等的英文歌，要扮也應該要扮得好一點吧。一個麵賣$44再加一杯凍飲還要加一，合共接近$60，到一些平時覺得不算好吃的紅樹林或仙跡岩吃同樣的東西都不用這個價錢吧。而且服務很差，叫他們拿一杯水都要喚他們幾次先聽到，性價比低的程度實不

今日搵外賣食，黎左呢到叫左個招牌燒雞炒飯，因為係餐廳推介黎，寫住小辣，咁個職員就叫我等兩三分中就有嫁啦返到屋企打開，原來發泡膠盒入面再包錫紙，係咪可以再保溫啲呢？呢個方法幾新穎，加上可能免吸取發泡膠因遇熱而放出的毒素。好啦入正題,個炒飯炒得好食，啲汁好味，雞肉亦都好多，應該係醃過，隻味好好食！辣味適中，唔會搶左啲汁味，值得一食，值錢亦唔算貴

係香港飲咗吟多珍珠奶茶comebuy.日出.貢茶 ...唯一呢間係令我再三回味每次行過都被佢地奶茶香吸引 上次嚟食過牛肉麵覺得d麵一般d麵唔係吟爽彈今日唔太餓只想吃小食我人生第一次吃呢d鹽蘇雞排係台灣士林夜巿係完整一大塊仲大塊過我塊面但就覺味道太濃.太咸大堆黑椒味唔特別有好感我份人好奇就算第一次經驗唔好唔代表下一次所以我仍然會試喎我覺呢個雞變咗雞粒之後非常好再者我覺得呢個係 fusion 版鹽蘇雞當中有日式炸海苔再配泰式甜酸醬呢度d雞又唔係吟咸又唔會大堆黑椒味中間d雞係juicy外脆內軟差唔多食完侍者仲主動問我要否添醬料充滿台灣人親切除咗珍珠奶茶呢度仲多咗雞粒令我回味好想下個周末又嚟呢度tea 過

5月12日, 又係用我地嘅團購卷時間, 不少得就係要喺數日前book定, 仲要講埋個團購編號~ 但係是晚星期六, book咗位嚟到都竟然full咗, 要喺出面兜下圈先有位, 等咗十分鐘就有得坐~ 團購餐$38包一個小食、飯同飲品, 話平唔平但係當然對比呢度嘅正價野係平好多~::: 田園青瓜 :::小食我地各要咗一款, 呢個青瓜賣相都真係幾求其下… 青瓜切完粒就咁放喺塊生菜度, 亦都冇乜汁, 乾下乾下咁… 雖然係喺雪櫃拎出嚟, 不過係幾新鮮嘅, 咬落都有青瓜清新嘅味道. 可惜都係份量太少, 冇乜味.::: 風味雞翼 :::呢個小食比起青瓜會感覺好d, 點睇都好似好食d同吸引d~ 個風味其實咪就係滷水汁, 雞翼都幾入味, 雞肉嫩滑, 唔算大隻不過總比青瓜好~::: 五香鹽酥雞肉燥飯 :::鹽酥雞份量都幾多~ 粒粒外皮都佈滿鹽酥炸粉, 咬落係夠脆, 不過脆得嚟係有少少硬. 內裡雞肉雖然唔夠juicy, 但肉質都頗嫩~ 味道方面就唔好expect有d咩雞味喇, 鹽酥味亦爭少少鹹… 肉燥碎濕濕, 勝在味道唔錯~ 隻滷蛋就一d都唔入味… 飯粒又有d爛patpat…::: 酥炸排骨肉燥飯 :::個酥

第一次食台灣牛肉麵嚮好多年前既銅鑼灣總統戲院附近食, 食完就愛上左, 但係已經執左笠, 都食過幾間店舖既台灣牛肉麵, 但水準都係一般, 估唔到比我遇到一間好難食既台灣牛肉麵:碗麵遞理黎果陣, 望到個湯底好深色好似好濃味咁, 仲以為好入味好好味, 用湯匙筆左一啖黎飲, 點知竟然係無味, 好失望, 夾左D麵放入口, D麵質好淋, 一D彈性都無, D味仲要怪怪地咁, 唔知點形容, 總之就係唔好食, 我只係食左D牛腩, 但D牛腩既味道都係麻麻。 我諗我都應該唔會再幫襯.......................我比門口既生果日報推介呃左入去.....