影片
更多
2012-07-11
61 浏览
5月12日, 又係用我地嘅團購卷時間, 不少得就係要喺數日前book定, 仲要講埋個團購編號~ 但係是晚星期六, book咗位嚟到都竟然full咗, 要喺出面兜下圈先有位, 等咗十分鐘就有得坐~ 團購餐$38包一個小食、飯同飲品, 話平唔平但係當然對比呢度嘅正價野係平好多~::: 田園青瓜 :::小食我地各要咗一款, 呢個青瓜賣相都真係幾求其下… 青瓜切完粒就咁放喺塊生菜度, 亦都冇乜汁, 乾下乾下咁… 雖然係喺雪櫃拎出嚟, 不過係幾新鮮嘅, 咬落都有青瓜清新嘅味道. 可惜都係份量太少, 冇乜味.::: 風味雞翼 :::呢個小食比起青瓜會感覺好d, 點睇都好似好食d同吸引d~ 個風味其實咪就係滷水汁, 雞翼都幾入味, 雞肉嫩滑, 唔算大隻不過總比青瓜好~::: 五香鹽酥雞肉燥飯 :::鹽酥雞份量都幾多~ 粒粒外皮都佈滿鹽酥炸粉, 咬落係夠脆, 不過脆得嚟係有少少硬. 內裡雞肉雖然唔夠juicy, 但肉質都頗嫩~ 味道方面就唔好expect有d咩雞味喇, 鹽酥味亦爭少少鹹… 肉燥碎濕濕, 勝在味道唔錯~ 隻滷蛋就一d都唔入味… 飯粒又有d爛patpat…::: 酥炸排骨肉燥飯 :::個酥
::: 田園青瓜 :::
小食我地各要咗一款, 呢個青瓜賣相都真係幾求其下… 青瓜切完粒就咁放喺塊生菜度, 亦都冇乜汁, 乾下乾下咁… 雖然係喺雪櫃拎出嚟, 不過係幾新鮮嘅, 咬落都有青瓜清新嘅味道. 可惜都係份量太少, 冇乜味.
::: 風味雞翼 :::
呢個小食比起青瓜會感覺好d, 點睇都好似好食d同吸引d~ 個風味其實咪就係滷水汁, 雞翼都幾入味, 雞肉嫩滑, 唔算大隻不過總比青瓜好~
::: 五香鹽酥雞肉燥飯 :::
鹽酥雞份量都幾多~ 粒粒外皮都佈滿鹽酥炸粉, 咬落係夠脆, 不過脆得嚟係有少少硬. 內裡雞肉雖然唔夠juicy, 但肉質都頗嫩~ 味道方面就唔好expect有d咩雞味喇, 鹽酥味亦爭少少鹹… 肉燥碎濕濕, 勝在味道唔錯~ 隻滷蛋就一d都唔入味… 飯粒又有d爛patpat…
::: 酥炸排骨肉燥飯 :::
個酥炸排骨其實表面同雞肉係一樣嘅, 因為同樣都係用鹽酥粉去炸~ 但係佢嘅味道遠比雞肉遜色, 排骨十分嘅乾瘦, 肉質粗嚡又冇豬味, 只係食到面頭嗰層淡淡鹽酥味. 肉燥都算合格, 同附近一間台灣野嘅肉燥用料差唔多, 但係人地$30多元就有個餐, 呢度價錢貴d但係都係用同等貨…
::: 黑糖奶茶 :::
黑糖奶茶茶味唔重, 黑糖味亦唔特別. 如果當佢係一杯普通台式奶茶, 只能算係不過不失. 臨尾d冰溶晒就似奶水…
::: 朱古力奶茶 :::
朱古力奶茶夠冰凍, 不過普通, 周街都飲到嗰隻… 如果唔係食團購餐有飲品, 我地會食完再去對面買大杯裝奶茶.
講真, 呢度嘅台灣野不論賣相、味道都水準以下, 同價格明顯不成正比. 但係可能呢到都近旺區, 星期六夜晚都竟然咁full, 仲大部份係自由行, 亦好少人用團購卷. 佢地嘅質素, 吸引新客或者遊客都得嘅, 但係要翻兜應該冇乜可能… 人地唔係唔俾機會你, 但係你要知道你地有乜做得唔好先啦.
张贴
