影片
更多
2016-01-23
158 浏览
在天后的一日課程結束，已是中午點，肚子呱呱叫，所以都唔過銅鑼灣，嗱嗱淋係附近搵間餐廳座低醫一醫肚先。華姐清湯腩門口大排長龍，我諗有十幾個人等緊，都係個句啦，得你幾好食，要耐等咁埋食乜都無味呀！係天后兜左個圈，發覺要普普通通搵一餐性價比高既晏仔都認易金唔係易事。最後見尚價錢公道，都算企理就入咗去，坐底，都有十零款午餐選擇，不過我眼見店內大部分係學生哥，都係保守Ｄ叫左個鹽酥雞飯。餐飲包珍珠茶同咖啡，反而檸檬茶同檸檬水要加錢，所以我只係嗌咗杯熱既珍珠奶茶。好快珍珠奶茶已到，味道剛剛好，有奶味，有茶味，不過唔滑身，基本上一飲就知係用粉開，不過水粉糖比例拿揑得幾好。而家香港地做飲食好困難，蝕少少都已經叫叻仔，咪話收支平衡。無計啦，租貴，人工仲貴，食材惟有慳返Ｄ，所以唔怪佢地，相反平料沖到咁既味道，其實都要花唔少心機。等左兩三個字，鹽酥雞飯上檯，以香港食肆嚟計，呢個上檯速度已經算慢，不過好彩唔係趕住返工，ＯＫ啦！上檯面既係魯肉飯，加大概五粒鹽酥雞，有半隻魯蛋，仲有少少前菜。前菜係洋蒽豆腐粒，都好明顯係下欄頭頭尾尾，不過都叫有多Ｄ嘢俾你食吖。味道少少辣，其實幾開胃，配返鹽酥雞仲幾襯添，可以去緊少少油
華姐清湯腩門口大排長龍，我諗有十幾個人等緊，都係個句啦，得你幾好食，要耐等咁埋食乜都無味呀！
係天后兜左個圈，發覺要普普通通搵一餐性價比高既晏仔都認易金唔係易事。
最後見尚價錢公道，都算企理就入咗去，坐底，都有十零款午餐選擇，不過我眼見店內大部分係學生哥，都係保守Ｄ叫左個鹽酥雞飯。餐飲包珍珠茶同咖啡，反而檸檬茶同檸檬水要加錢，所以我只係嗌咗杯熱既珍珠奶茶。
好快珍珠奶茶已到，味道剛剛好，有奶味，有茶味，不過唔滑身，基本上一飲就知係用粉開，不過水粉糖比例拿揑得幾好。而家香港地做飲食好困難，蝕少少都已經叫叻仔，咪話收支平衡。無計啦，租貴，人工仲貴，食材惟有慳返Ｄ，所以唔怪佢地，相反平料沖到咁既味道，其實都要花唔少心機。
等左兩三個字，鹽酥雞飯上檯，以香港食肆嚟計，呢個上檯速度已經算慢，不過好彩唔係趕住返工，ＯＫ啦！上檯面既係魯肉飯，加大概五粒鹽酥雞，有半隻魯蛋，仲有少少前菜。
前菜係洋蒽豆腐粒，都好明顯係下欄頭頭尾尾，不過都叫有多Ｄ嘢俾你食吖。味道少少辣，其實幾開胃，配返鹽酥雞仲幾襯添，可以去緊少少油膩感。
魯肉飯，魯肉其實唔算少，夠撈成個飯，味道很有台灣風味，惟獨飯唔太夠熱，缺少左熱辣辣的飯香幸福感。魯蛋不過不失，可以做得更入味會更好。
至於主角鹽酥雞，鹽味甚香，咸香味夠，雞肉肉質亦炸得尚滑，以小店來說，這道鹽酥雞已經拿到高分了。粉不厚，吃下去有整體感，不會甩皮甩骨，當然吃得出有少許化學調味，不過這個價錢已經不能要求太多。
一個午餐埋單48蚊，像茶餐廳一樣要到收銀處埋單，但要有加一服務費，這有一點不太合理，扣了點分。
张贴