頭啖湯

营业中

休息中

天氣又凍番啦，梗係打個邊爐啦。係銅鑼灣兜咗半日，搵到一間專食雞煲嘅邊爐店。個名叫頭啖湯又幾過癮。一入鋪頭已經有人招呼你，仲好貼心咁介紹有咩好食。黎之前都有做資料搜集，佢呢度嘅雞湯唔係濃湯寶嗰啲，真係雞肉雞骨煲出黎。有見及此，整番個椰子煲雞先，試試佢個頭啖湯。下次再黎嘅時候就試下佢個種慶雞煲，因為隔離檯個雞煲好鬼香，辣辣地，搞到流曬口水。到揀配料啦，食肥牛片就梗架啦，之後有啲特色嘅火鍋配料，咖哩薯波，手打墨魚丸，呢啲係必叫。另外我地仲叫咗啲普通嘅配料，例如，牛柏葉，呢個真係唔係間間有，娃娃菜，魚腐等等。仲叫咗一榨生果茶，幾消脂開胃。到個鍋黎到嘅時間，個椰子雞湯真係好清甜，店員都有叫我地飲咗湯先好開始打邊爐。啲雞肉真係超級滑。到我地清曬鍋入面嘅雞肉之後，店員開始加雞湯。之後就開始放開肚皮咁開餐了。值得推薦嘅一定係要試下個辣雞，相信下次會叫一大班人黎再食，重要嘅係佢嘅價錢唔係貴，多人嘅話全部食物叫大份真係好抵。

如果你覺得銅鑼灣太多人想搵個地方靜靜地又有好野食既話黎天后就岩喇睇到唔同既食評都對頭啖湯既湯底有好高既評價於是一早 book 定位一收工就過黎試下想去頭啖湯既朋友係天后地鐵站 Exit A 落車行幾分鐘就到地點好方便因為我地 book 左 6:30 p.m.時間尚早, 我地係第2台客店員建議我地可以先叫個湯底先咁我地今次就叫左半隻滋潤椰子雞煲除左湯同雞煲出名之外呢到仲有燉湯仲有泡飯同米線唔洗等好耐店員就送上湯底離遠已聞到陣陣椰子香氣因為想留肚食配料所以只係叫左半隻雞但份量都唔少架配料方面我地就叫左珊瑚蚌 + 貴妃妦 雙併牛肩胛食落新鮮重牛味皇帝菜乾淨無渣手打蝦丸誠意之作，爽口彈牙招牌水果茶大大杯好抵飲大家記得留意店內既隱藏 menu經openrice 訂位 8:00pm 前結帳及離座可享全單5折優惠大家記得訂位喇~

一整個12月、1月都沒有打邊爐，剛巧這天氣溫稍降，當然要打一打邊爐了。下班跟老公在港島區找了這間頗為隱蔽的小店，打算慢慢嘆個打邊爐晚餐。甫一進門想不到客人也不少，幸好仍被安排到卡位坐。店子小小，但打邊爐途中我發現原來後面位置還有房間，適合一大班人盡情不被騷擾地打邊爐。難得老公批准食辣，當然要來一個半隻重慶麻辣雞煲。半隻份量也不少，雞肉滑嫰入味，麻辣比例調得剛剛好，辣中帶麻，越吃越過癮。雞煲的配料如洋蔥味道亦很夠，想不到小辣而有這個效果。吃完雞煲加湯正式打邊爐，二人不敢點太多菜，就怕眼闊肚窄。手切牛肩胛共有八片，如相中所見，牛肉紋理清晰可見，不會太多油脂，而且肉味濃郁。建議不要滾太久，不然會影響口感。西班牙黑豚肉薄薄八片擺放得美美的，這個黑豚肉片較牛肩胛肥，但油脂很香而且不會覺得過膩，吃下去令人滿足。皇帝菜看得出新鮮，顏色翠綠。安格斯牛丸一整餐最欣賞這個牛丸，因為是安格斯牛丸，較一般牛丸更重牛肉味，而且咬開裡面油香四溢。雖然邪惡，但真的太好吃啦﹗稻庭烏冬烏冬屬幼身，配搭麻辣湯認真一流。水餃菜肉餃SIZE小小的，從麻辣湯撈上來有點似手油抄手，哈哈﹗橙汁打邊爐怎能不喝飲料，這個橙汁很新鮮，喝

呢派天氣變化多多，年初一熱到著短袖衫，而今天成日冇太陽，感覺天氣有啲啲凍，怕凍嘅朋友要著薄羽绒先抵得住凍，咁嘅天氣啱晒打邊爐囉。有意無意中喺銅鑼灣搵到呢間名叫頭啖湯嘅舖頭，有意即係話之前有朋友推薦過呢間，話嗰個椰子鷄煲超好味，咁一於試吓係唔係真？既然有人介紹，咁就試椰子雞煲啦，一上場就見個湯非常濃郁，呈奶白色狀，拔開入面有秀珍菇，竹笙，黑木耳，京葱，蟲草花，杞子，哇，絕對真材實料。而查實椰子雞煲係廣東一帶的名菜，屬於粵菜養生火鍋及滋潤湯品。老闆介紹話間店採用印度椰子及新鮮雞熬咗3個鐘頭而製成，所以特别清甜及健康，非一般食肆的冰鮮雞可比。新鮮雞件是這樣的，半隻好大份，我哋兩人吃多咗D，其實3個人都够吃吖我哋仲叫咗脆卟卟的炸魚皮及安格斯牛丸廣島蠔仲有好多食肆都没有但又健康的羽衣甘藍新鮮水果茶(内有柚子，蘋果，奇異果，檸檬等)雙拼桂花蚌及珊瑚蚌Grace，多謝妳嘅推介，我哋就咁度過咗一個溫暖的人日夜晚

行年宵前決定醫飽個肚先有力入去逼😤呢間火煱近天后站，行一陣就到。我地兩個人就揀咗半隻滋潤椰子🥥雞煲湯未煲前的樣子，奶白色嘅湯，愈滾椰子味愈香😍材料絕不馬虎，養生材料夠足料，有杞子、蟲草花、雲耳、紅棗等等，大概水滾等8分鐘就岩岩好飲得話明叫頭啖湯，滾咗先去一去雞油就可以飲得，雞湯果然鮮甜🤩配上濃濃椰香🤤沒有加味精，我同朋友全程都唔覺得口湯🤤雞十分肥美同大隻，雞油十分多🤩代表雞嘅質素挺高🤔雞肉比較嫩，雞皮較厚，怕肥可去掉食完半隻雞都飽飽地再加其他食物，韭菜水餃🥟🤤入面材料挺飽滿，有唔同口感叫咗一個特色推介嘅芥末魚籽丸，幾特別，岀面冇食過，芥末味唔會話大重，味道適中，值得一試手切安格斯雪花肥牛❄️色澤十分靚可以雙拼桂花蚌同珊瑚蚌，挺新鮮最後加多兩隻廣島蠔😎十分豐盛一餐，上菜速度都幾快，店員有禮6點鐘去都已經好多枱，所以可以預早bk定穩陣d

好多人都喺國內食過椰子雞煲, 但原來香港都有個地方有椰子雞煲, 去到嘅時候店員推介佢哋個椰子雞同一般嘅唔同一般嘅只係椰青水加雞，但係佢哋係用印度椰子，打成椰漿之後再放落去煲湯，由於想個湯底更滋潤，所以加咗蟲草花，紅棗，竹笙等等，湯底到左先飲湯，啖湯真係非常之甜，入口有陣陣椰子嘅清香，我哋要左半隻雞，佢哋嘅雞非常之大隻，雖然係半隻但係份量非常之多 手切安格斯雪花肥牛 手切牛肩胛🥩🥩因為想食多啲款式所以兩款都叫咗，各有千秋，雪花肥牛嘅脂肪分佈均勻，入口即溶，牛肩胛有咬口墨魚滑🍡🍡呢度個墨魚滑真係要試一試裏面有一粒粒嘅墨魚，口感豐富，必食蟹子院🦀🍡入口時係一股魚肉嘅香甜，深一層就係蟹嘅香甜水果茶😋😋甜度適中，配火鍋非常清新

就快新年，約左個朋友去行維園，咁啱佢係電氣道148返工，佢話有一間食開lunch，雖然佢食開泡湯米線，但佢話湯底好好味，所以叫我一齊去食火鍋。店舖係佢公司再轉入去，不過因為係啲車行的街到，平時都唔易留意到，唔係個朋友係呢頭，都未必會咁易揾到呢間舖頭。我地叫左半隻招牌滋潤椰子雞煲，再加了手切安格斯雪花牛、五花腩肉、三拼丸(芝士丸、墨魚丸、黑椒牛筋丸)、蝦滑和乳酸梳打特飲。先講雞煲先，個煲本身已經有好多配料，包括有好多菇、雲耳、蟲草花、竹笙等，已經比一般雞煲多了重享受，再加上個湯真係好鮮甜，飲湯都可以飲左一個煲，而且加湯主動且速度快。食晒雞同享受夠湯之後，我地開始淥食物，雪花牛係淥的一瞬間就脂肪和牛混和，入口自然不會太韌。五花腩肉方面，相對未有牛肉和雞肉般好味，但如果大家鍾意食五花腩，它也可以最一個選擇。三拼丸方法，我最建議墨魚丸，因為墨魚丸入面真係食到墨丸，其次推薦黑椒牛筋丸，彈牙同好味，相反芝士丸對比起來比較普通。不過最正的推介係鮮蝦滑，佢有兩支，每次大約可分到六粒，但呢個蝦滑真係起滑同彈牙，又鮮味，勁好食，有機會都想試埋墨魚滑，不過餐廳暫時mean未見有鴛鴦配，但就算一客兩支都一定食

同朋友好耐冇見，當然就要搵返間坐得舒服又好食既打邊爐，慢慢坐慢慢傾計！呢間人食椰子雞煲好出名既頭啖湯當然就係不二之選！呢度有四款湯底，我諗都唔洗諗就揀左呢度既招牌菜-滋潤椰子雞煲！我地兩個人，所以就揀左半隻雞，不過睇落去都好多。椰子雞煲滾起左之後可以聞到濃濃既椰香味。煲一陣之後，啲雞就可以食，呢個時候食係最好既，雞好嫩滑，記得唔好煲咁耐。食完雞之後，就可以開始食其他配料啦！😆我地叫左半份手切安格斯雪花牛肉，啲肉真係靚料，睇顏色就知好新鮮，仲有好多雪花紋，食落去好香！另外，呢個手打蝦丸亦都好值得推介，蝦肉彈牙又香！打邊爐當然要飲野啦，呢度既水果茶係必試既，佢有好多唔同既水果，仲有奇亞籽，飲落去唔會好死甜，係感覺到係天然水果既甜味！呢餐真係食得好飽，我地仲有叫左其他唔同既野食。

打邊爐湯底好重要 見呢間有特別嘅湯底就拉埋個朋友一齊嚟試湯底揀咗滋潤椰子雞煲(半隻雞) 滾咗之後一揭開蓋就聞到勁濃沃嘅椰香 而且半隻雞真係有好多件雞 食極都仲有 未落配料之前嘆咗兩大碗椰子雞湯味道好鮮甜,個湯好足料 唔係靠味精帶味出嚟 而係真材實料飲完個湯就落配料 啲配料價錢都唔算貴 而且份量都好足夠我哋兩個人嗌咗八樣配料啲配料全部都好新鮮好靚 特別係啲菜同埋菇新鮮嘅菜同埋菇菌類吸收咗濃濃嘅椰子雞湯 超級好味道墨魚滑亦都夠好鮮甜同埋好有口感牛肩肉胛味道很不錯 脂肪唔多唔會搞到成煲湯都係油仲有鮮榨橙汁,充滿果肉,又新鮮又有口感成晚坐咗兩個鐘都好舒服,座位同溫度都好舒適而且服務好好 落單加湯都好快手,絕對值得再嚟食!

朋友返黎香港，緊係一齊打個靚邊爐！ 睇咗openrice啲評價唔錯，黎到果然無失望一黎就有不同醬料揀叫了椰子雞煲，鮮甜好味道，非常足料 (真係半隻雞！) 雞都好正，啖啖肉又新鮮！叫咗細碟安格斯牛仲有手打墨丸 (原味加芝士) 好好食啊！牛好嫩滑！ 手打墨丸幾有咬口，我最愛有芝士係入面，熱辣辣嘅拉絲啊係~蔬菜拼盤都幾多種類，同埋幾靚啲菜，又新鮮 呢度仲有好多其他款丸選擇牛丸都好掂！飲品我地叫咗乳酸，我覺得巨峰乳酸真心幾正，下次再黎會encore總括黎講呢餐都好滿足

味道還可以但態度非常差食個飯食到好似打仗咁老闆娘不斷催你加單 野食一次過上曬 逼客人不斷倒野落個火鍋度 老闆娘更加上菜時直接係未經客人同意下倒曬所有配料落個爐度 全程語氣態度行為完全無尊重過客人成件事好似係比錢受苦 老闆娘係完完全全無尊重客人 無論係態度 言語定行為更加會命令客人做呢樣做個樣 加湯要客人自己加 加水要客人自己加 客人考慮點咩配料時 係旁邊不斷催促同埋怨廚房不夠人手 令我地完全無辦法享受整個過程 環境非常擠逼 根本係受氣 價錢亦偏貴 每日400左右

呢排真係食咗好多火鍋🤯 台式又有 粥底火鍋又有 今日試呢間就係相對港式嘅頭啖湯😋 早幾日見朋友係IG story post咗呢間嘅椰子雞煲 見幾好就諗住去試下 點知原來都幾難搵㗎喎 有架無開嘅巴士停正係佢門口 想試嘅朋友要留意返唔好睇漏眼喇 😂舖頭係茶餐廳格局但感覺乾淨 一入門口就聞到好大陣椰子味 唔使諗 就要$138(半隻)嘅椰子雞煲啦😝 叫完好快就上 但要等15-20分鐘先有得食 因為店員係將啲材料拎出嚟 係我哋面前煮熟😯😯😯 $138真係良心價 因為個煲本身就已經超足料 有雞有菇有紅棗有雲耳有京葱 細食火少真係叫一兩款配料已經飽等嘅期間我哋叫咗一jar橙汁同手拍小黃瓜($16) 小黃瓜夠凍又唔會太辣 好開胃😛 橙汁又真係鮮榨 無添加 正🤤有得食嚟 成個濃湯奶白色好靚 椰子味聞落超香 落咗紅棗更加提升咗湯嘅甜味 啖啖都係精華😚 雞件都好滑 感覺幾有誠意配料嘅價錢都相當抵 五花腩肉片成十塊先$58 手切牛肩胛又只係$98 連午餐肉都成十塊一碟🙊 我哋今日戰鬥力唔錯 叫咗呢兩款肉同午餐肉 加響鈴 芝士腸 雙拼肉丸同菜😂 五花腩肉片幾爽 好有豬味 牛肩胛嘅油脂分佈都唔錯 其他配料都正常發

今日放假唔使返工， 去咗天后等朋友放工食晚飯凍凍哋想打邊爐， 又唔想趕頭趕命食啲任食限時嘅火鍋，佢就介紹左我去佢公司附近既呢間小店打邊爐， 個名叫頭啖湯呢度舖仔細細， 成間舖大約有十張枱左右， 我哋兩個人佢畀咗個卡位我哋一入到去就聞到好大陣椰子嘅香味， 所以我諗都冇諗我哋就叫咗個招牌滋潤椰子雞煲半隻 hkd 138蚊， 呢半隻雞都有超多嚿仲要大大嚿既， 我哋一開始就飲咗碗湯好清甜。。。 椰子雞煲裏面仲要有竹笙， 雜菇， 紅棗 ， 蘿蔔，蟲草花，木耳， 大蔥。。。 真係超足料跟住我哋兩個大食怪， 仲叫咗羽衣甘藍hkd38, 響鈴hkd38, 粟米hkd18, 手切安格斯雪花肥牛hkd138, 西班牙黑豚肉hkd98, 芥末魚籽丸hkd42， 同兩杯綜合水果茶 hkd36 杯呢度嘅所有嘢食都好新鮮， 用羽衣甘藍黎打邊爐真係好特別， 呢種菜煮好耐都會仲好爽脆， 第一次用來打邊爐真係覺得好好食， 呢度嘅牛肉都好好味好有牛味最令我驚喜嘅係呢杯水果茶， 裏面有好多蘋果， 柚子，檸檬， 火龍果 ， 蘭香子，橙。。。。 好有水果味同茶味， 打邊爐真係唔一定要飲可樂嘅

凍冰冰嘅天氣真係好想搵間餐廳坐到夠先走，可以慢慢食吾洗心急。打邊爐係個好選擇～一於試下新開無幾耐嘅頭啖湯😁睇個名就知道係同養生有關，餐廳係主打火鍋同老火湯！每日新鮮製造😮環境雖然吾大，但好乾淨同闊落！調味料係自己鍾意拎幾多就幾多種類都好多好貼心。聽完店員推介佢地嘅招牌椰子雞湯底，真係好想試下😋湯底一上枱，已經聞到陣陣椰子雞香味，料都好足，有好多雞件，紅棗、木耳蟲、草花同大蔥等，好吸引！雞件除咗份量多外，仲好嫩滑好新鮮！湯底飲落好清甜滋潤🤩好重椰子🥥香，好啱冬天！火鍋配料：手切牛肩胛好香濃嘅牛肉味，手切得好整齊，吾會切得太薄，滾完都仲大大塊，好有口感！安格斯牛丸呢個係必試呀！同樣好香嘅牛肉味，咬落完全無雪味，仲好彈牙同埋一咬嘅時候係有汁架，吾係湯底嘅味，而係牛丸本身嘅牛肉汁！Size大大粒，推薦👍🏻👍🏻羽衣甘藍好少有嘅火鍋配料！營養價值好高嘅食物，洗得好乾淨，好新鮮！原來要嚟打邊爐咁正，索晒啲湯底嘅味真係好正。黑松露手打墨魚丸店員極力推介！又真係好正！墨魚味出，黑松露味滲透晒入墨魚丸到，兩種味道都好夾！夠彈牙，就算吾洗調味都已經好好食！韭菜餃韭菜分量多，都係新新鮮無雪味！餃子好鮮甜同埋餃

呢排冷風吹襲港，好朋友相約去天后一間馳名遠近嘅火鍋店，食滋潤椰子雞鍋補身養生。交通放便，係天后或炮台山地鐡站都啱，只係行10分鐘都唔洗就到達。地方唔算大，佈置簡單，店舖老闆注重食材方面多一點。真材實料滋潤椰子🐔煲，有半隻黃油新鮮鷄；加理蟲草花、木耳、蟹味菇、白玉丹、竹苼、紅棗、杞子、京蔥同埋主角之一印度椰子，炮製而成，滾起陣陣椰子香味四溢，雞件肉質鮮嫩。手切牛肩胛，色澤鮮豔，放湯拖兩吓入口淋滑甘香。廣島蠔肥美鮮味。雙拼蚌有桂花同珊湖蚌兩種，入口新鮮爽口。店舖其中出名之一係雙拼手打墨魚丸，一種原味墨丸，；另一種有芝士做餡墨丸，兩種味都同樣爽口彈牙。切到一片片薄薄嘅脆鯇片，肉質爽嫩。咁正，下次要帶埋老媽子嚟補身養顔。