順興隆桂記荳品廠

营业中

休息中

星期日, 一早因為要找書, 美孚圖書館沒有, search到近近地, 保安道圖書館有. 便來呢頭找. 找到了, 反正近日食開豆腐. 順寧道有間靚豆腐, 當然要黎朝拜一下. 來到, 永遠是煎釀豆腐, 同 豆腐花一客. 釀豆腐, 濃郁的豆味, 食落完全感覺唔到水味. 點一點辣醬, 非常美味. 而且即叫即煎, 熱辣辣, 不過魚肉就厚了少少, 再薄一點就更好味. 辣醬, 食得出是自製的辣醬, 不是那些不知什麼牌子的樽裝辣醬.之後, 是豆腐花了, 天氣涼了點, 就要了碗熱的, 先不要加糖, 因為豆腐水本身已經帶甜. 先食下原味先, 豆腐果然夠滑, 豆味亦重. 帶甜味的水, 已經是叫你不要多加黃糖. 後來略加少許黃糖, 甜是更甜, 但蓋過了其豆味, 感覺不是太好, 都係就咁食好d. 食完豆腐, 再上路去, 入大埔, 會友.

去開長沙灣整d野阿媽話呢間荳花好正正過ssp 嗰間~~所以跟埋佢黎試下~~我自己本身鍾意食凍荳花但阿媽成日話熱geh滑勁多, 逼我要熱geh咁咪焗住食熱荳花真係滑過凍好多尤其呢間d荳花, 好滑><但豆香味就唔夠ssp 嗰間~~~有機會一定要再試!!!好掛住滑嘟嘟geh感覺!!!

最後一炮，就是在這豆品店內鳴響....若不是看到食友們的提醒，就真的不知道這間看上去歷史頗悠久的豆品專賣舖....跟龍城義香及公和一樣，除了豆花及豆漿外，還有煎釀豆腐及各式與豆有關的產物出售。吃過燴意粉及雞肶後，肚子是無論如何也裝不下一整碟釀豆腐了，唯有只能歎一句"無福消受"。能吃的，只有一小碗冰凍豆花....下了大量的黃糖粒，就算是與豆花拌勻來吃，吃至尾也是甜得要命。豆花本身挺滑口，但豆味不算很濃，起碼比起義香的絕對是有所不及，有點兒失望....這裡的豆花是有分大、中及小三個size的。要了一碗小的，份量也頗多，很值吃算是跟味道不足扯個平手啦.....

上次分享完於深水埗公和吃到沒有豆香且帶酸的差勁荳花後，食友FL即留言告知：這一帶的豆腐花，要到長沙灣順興隆才好吃。這天既然有機會大白天來到長沙灣，當然到此一遊。雖然順興隆不是甚麼名人推介的豆品廠，但絕對得到區內街坊極力推崇；未踏進店門，已看到一大堆師奶圍著店門，原來是要買豆腐回家做菜；出品的豆腐能有如此受歡迎，豆腐花應也不錯。要了一個小的豆腐花和煎釀豆腐。初把匙羹切進豆腐花時，感覺有些結實，但送進口，方發現質感比想像中滑溜得多；而且滑溜之餘，豆香也很豐富 - 雖然豆香的濃度不及九龍城義香，但豆香與滑溜感之間的平衡，順興隆是我吃過這許多店中，做得最出色的一家。煎釀豆腐也不錯，煎得很香，送上來熱辣辣的，鯪魚肉也夠鮮甜，豆腐夠企身兼企理；整碟煎釀豆腐，作料看似簡單，無論質感和味道都絲毫不見粗糙，反而非常細緻 - 只略嫌豆香去得不夠盡 - 但就那一點點不夠盡而已；平心而論，這道煎釀豆腐在云云荳品廠中，已屬前列位置。在深水埗區吃豆腐花，終於得了一個好選擇，多謝食友FL的推介！

黎過好多次, 每次都好滿意, 幾十年既老字號, 做豆腐一定有一手, 我不嬲都鍾意食凍野, 由其係甜品, 但我黎呢間食豆腐花一定會食熱既, 因為我發覺到, 熱既係比凍滑好多咖... 好好味, 所以我從來唔會去糖水舖食豆腐花, 因為我知道實無得比.豆漿都好有豆味, 唔會淡茂茂... 當然唔少得個煎豆腐啦...本人首席推介的豆腐花舖.只係環境同裝修欠奉, 不過本人又覺有另一番風味的.

吃罷滿足午餐,走到附近的碌碌邨(蘇屋邨)遊蕩一下,這裡又是兒時常來玩樂的地方;遊蕩完畢在順寧道路經這間老式豆品店,總覺得小時候應該有來過這裡,但印象又很模糊。一如其他有歷史的豆品店的門面,各種豆製品新鮮地展示在店前,最吸引還是那陣站在門口已嗅到的煎豆腐香味,只是當時真的沒法再容納幾件煎豆腐了,還是簡單來碗豆腐花吧。熱豆腐花熱得熨口,從表面上也看到那滑溜質感,用舌頭更能真正感到其滑溜感,難怪樓下食評形容為"可以用飲管食",滑不溜口的感覺跟我喜歡的廖同合那實在感很不同,輕軟感覺真的不俗,豆味也算相當濃郁,只是沒有我偏愛的焦香而已。 個人吃豆腐花喜歡少甜,因為這才能感到其豆香,這裡的糖水不太甜,個人而言是剛剛好。這裡的豆腐花可列入必試豆腐花三甲之內!有機會要試其香噴噴煎豆腐和豆漿!阿姐們禮貌不錯,月巴人找零錢付賬也不會黑面,還說"慢慢!!",讚!

五月一日事源由數天前公司內經理貼出來的報紙看到這間店鋪的豆腐花,令自己吸引去看看豆腐製品如何滋味呢.看著每一處仍是殘舊.才顯露那多年的歷史.坐在一旁先叫一碗豆腐花.當然天氣熱莫過於要一碗凍的.刀削豆腐不是一個簡單的枝巧,很講功夫.這裏看著她正在削豆腐,看來枝巧來得有點不穏定,凍的自動地落下少許糖,放進口中.那份冰凍的感覺從豆腐花揮發出來,凍的水準早早收貨,還算滑溜給一種易入口的提示.但因豆味同樣略為淡口了一點.豆腐花和那糖水比例顯得有點不平均.但不失為一碗好的豆腐花.六元五角又不算貴.再接著叫一客煎讓鯪魚豆腐,一客則四小件,看似沒有什麼特別,其實熱燙逼人.一口一件有點困難,鯪魚用上手打,用豆腐有如一對姐妹,情感永遠分不開,煎豆腐比豆腐花更為美味,滑溜之剩,還帶那種豆味,其實不添加豉油也可以沒有難度.十三元五角其實不貴了,看著老闆正在看著馬經,其實一天就這樣過去.放下金錢後走過去穌屋村,

之前食過呢間荳品廠既豆腐花一試難忘，琴日終於的起心肝再去食過，不過發現同我之前食既時候有ｄ分別，因為我之前去食都已經係兩年前既事喇！　豆腐花！其實佢今日既整法已經唔可以講話滑，而係稀得滯，令ｄ豆腐花一撥就散晒！輕輕撥一下就已經變成咗醬狀，真係有ｄ失望，不過仍然係比起出面好多荳品廠都做得出色．．．　煎豆腐！魚肉既味道做得唔錯，不過豆腐就唔夠滑，不過不失．．．．未食過既都可以去試一下，但係就唔會食完會掛住要專程再去食！講到暫時真係滑既豆腐花，做得最好既依然係川龍村瑞記茶莊既山水豆腐花

行左好遠去呢間店食豆花，個感覺好得意，豆花好滑，唔散，但豆味無公和咁勁。一入口，真係入口即融，一堆似豆漿的東西滑過喉嚨，無影無踪。好快食完，但真係好似無野食過，感覺幾正哈。

D豆腐花真係好點!! 好似有D似入口即溶....個煎豆腐熱laklak..... D魚肉唔腥.... 仲要有少少burn入口先夠香... the lady next to me 仲要打孖上!! 証明係好食!

D豆腐花真係好點!! 好似有D似入口即溶....個煎豆腐熱laklak..... 宜家香港好少呢D店舖..... 一定要去多D.

打完波有點肚餓，之後又有下場，找個地方吃點小食，吃豆腐花都不錯呢！身處保安道，要吃好的豆腐花，似乎別無他選，很自然地往順興隆的方向走去。煎豆腐一碟四件，頗企身的。剛煎起，咬下仍是燙口的，上面的鯪魚肉煎得好又香，魚肉味又濃，下面的豆腐豆味重，也不失口感，非常不錯。有人加甜醬食，有人加辣醬，也有人加豉油，但我反而覺得什麼也不要加，原汁原味是最好的；另要凍豆花，同樣是豆香味十足，也極之滑溜，加一匙黃糖調一調味，效果更佳。咁有水準的荳品類食品，只會愈食愈想食。又細食到大，食左廿幾年，質素依然有保証，難怪店子舊舊，也人流不絕。

我成日都嚟呢間店，最愛呢度ge煎豆腐同熱豆花，豆花夠豆味又夠滑，最緊要平，不過嚟得呢度要預咗無mud服務同地方唔太清潔，因為佢係前舖後廠咁ge

當日主人與奴隸獸為何會去了蘇屋邨，已經忘記了，但卻沒有忘記這間豆品店，想當年，在長沙灣工作，偶然會專程來幫襯一碗豆花或一杯豆漿。店舖依舊，沒有多大改變。我們點了：1. 凍豆花（HK$6.5）：豆花夠滑，豆味濃郁。2. 煎豆腐（HK$7.0）：夠香口，魚滑彈牙，而且魚味濃郁，奴隸獸見一婆婆連掃兩碟，而面不改容，失敬。3. 凍無糖豆漿（HK$5.0）：無糖豆漿不是每間豆品店都有得供應，就算有都是熱的，凍無糖豆漿是絕無僅有，此店有得供應，令奴隸獸感到實在非常意外。因為沒有加糖，味道會淡了一些（熱的味道應該會比較濃吧），但豆味已唔錯。價錢實惠（可以話好抵食），味道正，怪不得顧客絡繹不絕。

完成蘇屋村一日遊，感慨但總算了左個心願，應該以一個甜品作為總結。 煎釀豆腐 ($7) - 豆腐企身豆味濃，煎得香口，鯪魚肉新鮮彈牙。 熱豆腐花 ($6.5) - 豆腐花滑而且豆味濃，糖水份量岩岩好。 街坊價，老字號，人頭湧湧，值得推介。