順德公漁村河鮮酒家

营业中

休息中

秋風起，又和腩腩去食花錦鱔，是日來到佐敦的順德公吃，食店與地鐵站有一段距離，但泊車的話就方便。腩腩說花錦鱔的腩較美味，因為較少骨吃下去啖啖肉，師傅已經開了條鱔讓食客看，不像是腩，但師傅說是，那我們也沒有所謂吧，只要有鱔吃便好。正如人體一樣，腩的肉中間會見到有腸的空間，甚至見到係腸，但該塊肉沒有，腩腩說可能是一半是腩吧。花錦鱔煲熱辣辣，香噴噴的，內裏有鱔、臘肉、冬菇、蘿蔔、雞肝、洋蔥，味道香濃。鱔有骨，但都是幼幼細細的，要小心吃，炒得很爽，整體來說不錯。魚皮是前菜，頗滑，沾豉油芥末醬吃，少少辣但爽爽涼涼的。腩腩和我都愛吃大蝦球，因為又是沒有骨沒有殼啖啖肉！這道菜的蝦的大小尙可接受，不會太小，但沙律醬就有點多，伴有青瓜和菠蘿，都是罐頭吧，酸酸甜甜的頗開胃。甜品我們叫了雙皮奶，做得不錯，很滑，奶味濃但不會太甜。我們兩個人三道菜已經吃得很飽了，但在點菜時服務員一味只叫我們加點食物，沒有考慮到很大機會會吃剩做成廚餘，這點要扣分。

呢間順德公係一間比較細間嘅茶樓， 因為華員會就嚟重建， 驚冇得再去食第二次， 所以今日特登嚟到再食多次。經過洗手間出面都見到，華員會部分嘅設施已經拆掉。聽啲員工講話佢哋間酒樓重建咗會更加靚.... 叫我記得再去嗰度食嘢認識呢間餐廳係因為華員會， 華員會定期都會喺ewyp 出示呢間茶樓嘅資訊。每一碟炒野都好大碟，份量夠， 不過有時候大廚嘅質素好唔穩定， 明顯睇得出係兩個大廚，而且風格好唔同，一個大廚煮嘅野食比較偏鹹，另一個大廚煮嘢食質素就好好食。乾炒牛肉，雖然有啲油膩，同鹹咗少少，但係好夠鑊氣。 間酒樓用嘅食材都好大份，新鮮， 聽員工講乾炒牛河係呢度最出名嘅用料足又多，唔呃人。鹹魚雞粒炒飯葱花嘅香味全部帶曬出嚟， 炒飯粒粒分明，乾爽， 用菜心梗煮嘅炒飯咬落去又爽口，又脆。門口張貼嘅 資料 同ewyp一樣

所謂的時價就亂嚟，當你落單時查詢大約咩價錢，部長就會同我講大約4-500左右，😊當收費時就千多元，她就會話你嗰條係特別大啲！😳當我多次查詢時，她又話送糖水！我對已表明不是攞着數，是想搞清楚張單有冇亂收費，期間連隔離枱的人也眼望望我的手中的單，到最後佢只可以係減咗百多元，我哋都算數，只可以講冇下次.....嚟幫襯😓

呢間係位於佐敦政府華員會的分店，附近有個廢置的籃球場可以用來泊車，然後可以由餐廳後門直穿入店鋪。據聞太子爺做埋大廚，手勢好得，所以我們專程來試。一行六人喺工作日來食晚餐，只見座位並未坐滿，但上菜速度唔快。先上川弓白芷天麻燉魚頭湯，夠味夠火候👍，真材實料。第二道抵贊菜係咕嚕肉，脆皮而唔會過甜，太子爺出來介紹係佢親手主理。第三道則是珍珠鯽魚煲，好大份，魚肉好滑，配上米線简直完美。第四道👍係双皮奶，雖然是微波爐番熱，但依然好香好滑。

新年期間， 瞓到黃朝百晏， 整理完一切之後已經成點半， 提議去飲茶 ，位置又要有地方泊車， 想起華員會順德公好耐冇去，向目標出發。正式午市已過，都易搵位，侍應殷勤招呼， 新春期間大家利利是是。非常肚餓，立即落單梅菜皇牛肉腸粉碟頭夠大， 牛肉厚身，但腸粉皮唔夠滑和食唔到有梅菜指定特製靚燒賣個名好長，特別之處是多了一些髮菜，應節取其發財意頭 燒賣size 大了些， 啖啖肉有口感懷舊千層馬拉糕份量縮咗水， 味道似鬆糕， 鹹蛋容欠奉， 麻麻地鮮蝦菜苗餃 餡料蝦粒和菜苗夠多，但粉皮太黏口大上海叉燒包外型似上海菜肉飽， 怪不得個名叫大上海叉燒包， 餡料叉燒半肥瘦唔柴口， 蠔油汁味濃，好食雖然味道較以前失色，但比起其他酒樓，仍然可以再幫趁！

順德公漁村河鮮酒家天氣凍凍地，夜晚同屋企人去左順德公到食晚飯，我地9個人叫左8餸1羹個個都食到飽住走，整體黎講味道好傳統，服務態度亦不過不失。煎釀三太公即係鲮魚球+煎藕餅+釀尖椒。蓮藕好爽、尖椒唔辣釀埋魚肉好好味、個鲮魚球炸到好脆又唔腥涼伴魚皮係用鯇魚皮+薑蔥切絲整成，魚皮好爽又冇腥味，带少少辣好開胃蝦醬魚卜有濃烈蝦醬再加埋魚鰾西芹去炒，個口感煙煙韌韌夠晒入味少林檀香骨係用煲仔熱辣辣咁上，香口得黎肉多唔肥炸魚咀岩岩炸起上碟，好脆口再加埋個汁調得唔錯條鲮魚兩食，因為新鮮撈起黎整，所以食落唔差，不過不失成晚最敗筆係個黃金千屠糕，太乾同埋唔夠煙韌，一D都唔好食

名為蛇餐，第一味係炒蛇絲，但主要係鸡絲，蛇絲既比例係十比一，但蛇絲比較幼，重量計20比1, 蛇羹係碗仔翅加少蛇絲，味係欠的，跟住有大蛇丸，好食呀，不過你當花枝丸好啦，细過尤鱼絲的蛇絲撈入去就把花枝丸改名，的確有生意頭腦，到鲩鱼啦，如果未食過好既，大條既鲩鱼，係ok既，即是用料方面已经輸晒，点整都唔會好，鲩鱼又唔係好貴，唔洗再用细鱼啦，失望。魽鱼煲，ok的，但同行有一半人唔食，覺得湦，最后只有糯米饭可以，只是合格，我唔覺好食，其它人覺得好，可能其它野。。。。。。记住要洗杯洗碗，你明的

🐷🐽雙皮奶 $2x好味指數🌟🌟🌟🌟🌟/5👧🏻 原本系買ticket 去澳門食順德菜，不過怕book左位都未必食到雙皮奶，結果搵左香港幾出名嘅店去試下~ 重點：滿足食慾😂果然不出所料，睇得多資料系無死xd 堅好食，見咁近以後改放假黎尼到飲茶🤘🏻明顯食出尼到嘅雙皮奶用奶粉整~聽聞咁先系傳統順德做法😍 香滑、濃郁，味道偏甜而不膩👍🏻好中意

今日lunch時間特意回來舊公司和老婆及幾位舊同事午餐小聚。他們只有一小時吃飯時間所以不能去太遠，唯有選舊公司附近的〈順德公漁村河鮮酒家〉。煎釀尖椒，魚肉都幾彈牙而且豐富厚身，釀入尖椒後稍稍煎炸非常好吃。同樣釀入了彈牙魚肉的藕餅表面煎得夠乾身爽脆。燒買從來都不是我杯茶郤是老婆的摯愛，她說鮮蝦爽口彈牙，而且豬肉不肥膩。豆苗餃的是清新之選，皮很薄而且q彈，包著內裡的鮮蝦和菜苗深得老婆喜愛。福建炒飯炒得乾爽粒粒分明後淋上濃厚的芡汁和配料，濕濕的幾好吃。馬拉糕唔算太甜而且蒸得好鬆軟，幾位女同事都好喜歡。不過點都唔夠雙皮奶受歡迎！很滑而且奶味很重，不過稍稍甜了一些，如果可以減一點甜就更好。價錢合理而且食物味道不錯仲要咁近，所以相信大部分食客都是公司各部門的同事

再次來到衛理道顺德公，剛坐定，突然有一股香醇薬材味涌出来，原來是天麻鱼头湯，这个汤又醇厚又香浓，用大量的天麻豬展加上大魚頭经过很长时间熬出来的，味道濃郁，香遠益精。跟着上是煎釀三太公，这些鲮魚球，釀青椒及炸得金黄香酥藕餅，吃起来清脆爽口，香味由球形的鱼球散发出来，热腾腾的浓郁甘醇，绝对没错，这正是年前吃到的美味，不负再來之机。回味之間，白雪尋龍上桌，龙虾加上疍白，如波涛般席卷而来的气派，应该是充分吸取日月精华的佳餚，龍蝦鮮甜，疍白甘香太棒了，实在是无法形容....最后上桌是枱面魚，簡单的説只是上湯加上大頭魚，像火煱般上桌，但効果只能説鮮，香，甜三字，不消一刻己全報消

由於主角想在該店開餐，我們一行十多人便點了多款點心小菜。這餐主菜中牛筋值得一試，入味軟淋；楊洲炒飯都可以，配料有蝦米、义燒粒、蛋絲和翠玉瓜粒，炒得有點香氣，用來填肚是個好選擇。菜心米綾魚粥窩可以，不過菜心米不是用菜梗切粒，而是用菜葉的薄梗切粒，我個人認為這是菜心之中最不好吃的部份。薄罉煎得邊邊香脆；蝦餃及燒賣味道都可以。排骨陳村粉的排骨頗肥，味道麻麻至一般，試不試都頗個人口味。 另外比較差的有蝦米腸是用油浸住，莫非當地正宗的蝦米腸是這樣多油還是這間廚師的問題?看見那麼多油，我不敢吃。菜苗蝦餃和蝦腸的皮很削，口感不合格，味道則可以。最後在這裏必點雙皮奶，據聞是用正宗的水牛奶做，特別香醇，我在這裏吃過3次午餐，只有今次有雙皮奶點，之前總是因各種原因沒有水牛奶，所以不供應雙皮奶，今次終於有機會品嘗，這裏的雙皮奶表面是淡黃色，我覺得比一般多些油份及香些，值得一試。

屋企人BIRTHDAY 訂左7點係佐敦的順德公漁村河鮮酒家, 雖然第一次食,但覺得唔錯,會再去光顧推介~~順德金牌銅盤蒸污糟雞1隻 (hk$ AROUND 250)最重要係上枱後店員先會界開個錫紙面有好香酒味,真係幾惹味雞肉都唔錯,肉質好滑而且新鮮

咁岩呢到有蛇宴食, 家庭聚會分開2張枱, 一張蛇宴, 另一張普通晚飯小菜, 叫咗6款小菜, 被安排坐門口位既2張大枱, 店內環境都比較擠逼, 上菜都唔會太慢, 而家每款小菜都好燙口蜆介鯪魚球 - 賣相唔算太差, 外脆內軟, 味道都不錯金果鮮腐竹浸勝瓜 - 比較清淡既菜式, 勝瓜都好鮮甜薑蔥煲仔焗魚腸 - 有少許燶底, 要即場撈一撈佢, 味道都可以, 但感覺偏油金牌污槽雞 - 好多蔥喺面, 雞肉都算嫩身, 味道還可以雲腿玉簪炒帶子皇 -  西蘭花都好爽口, 帶子新鮮, 份量唔算太多花膠鮑片扣玉掌 - 花膠軟熟入味, 鮑片得兩三片左右, 玉掌都好軟熟而家夠味, 不錯總結 - 食物都係一般, 唔會太特出, 普通酒樓小菜而已

服務超差，一口氣。奉勸不用去為妙 😈😈😈本身打算一家人開開心心食下飯，明明一早訂位，去到就話得一張門口位，唔開冷氣，又局，空氣又唔流通，同經理講要求轉台，但佢完全沒有回覆就行左去，能唔能夠轉都講聲呀。如果唔係又老又幼咁，真係立即走人。全場大小台得十幾張，有最少5至7個員工，都好似冇人理咁， 隔離枱叫開冷氣都叫咗兩次，最後頂唔住，要惡先行去開返個冷氣。 唔叫都唔識拎BB椅（坐左15分鍾）。最好笑的是，問條魚幾錢，要先落單後量魚，但有好多魚都冇寫明幾錢两，落左單先講。基本上是佢講曬。去咁多次食海鮮，被人撳住嚟搶都係第一次。所謂老店就會養懶啲員工（樓面）咪就係這間囉。好在廚房煮野食都ok，如果唔係可能又一間老店要結業。不過唔會再去第二次。

原本約左朋友食飯，不過臨放工先取消...所以知道老公約左同事食飯就跟住去！老公佢地訂左7點半係佐敦的順德公漁村河鮮酒家，我6點幾已經去到佐敦行過去，但我沿住條衛理道行都唔見，google又話我行過左，之後行到華員會，Google 顯示係依度，我都見唔到！之後我打電問間酒家，佢話我我已經到，原間酒家係華員會裡面😏之後老公同d同事到左，林住叫海鮮食，但因為大家都未試過叫段秤既海鮮，所以無所適從。我話我見人地平時會走去d大魚缸前面揀，岩口味、岩重量先會落單。所以佢地有2個同事出去揀，但揀左好耐都未返，所以老公出去睇下。之後佢地3人返黎話唔食海鮮，原因係2位同事揀左d游緊既魚，但酒家既人不停叫佢地揀切開左一份份既魚，同事想揀新鮮游緊個d,但酒家既人唔理！😡😡我地叫左幾個小菜，第一碟上杏枱既係魚皮，好爽，好滑，但因為佢加左芥末，我個人食唔得多😝第2碟上既係鯪魚球,個面好脆口，魚肉味都有，不過唔夠多重。再黎污糟雞，隻雞調得好入味，而且配菜既菇菇吸晒d雞味，仲好食😋之後個排骨陳村粉，排骨冇咩特別，但陳村粉幾滑，加埋d汁都唔錯！大良鮮奶帶子蝦粒，d帶子蝦粒都ok, 對我黎講睇功夫就睇d鮮奶炒得好唔好，