順德公漁村河鮮酒家

营业中

休息中

久不久都會專程過嚟佐敦食順德菜，佢哋D店員叔叔姐姐好好客，全程都笑容滿面，好有家的感覺👅每次食都唔會失望，無論係地道小炒定生猛海鮮，都係質素保證，個人非常推薦🔥🔥☑️西芹焗魚卜推介指數：⭐️⭐️⭐️⭐️⭐️貴為招牌菜之一，西芹焗魚卜真係唔係度度都有得食👀 魚卜處理得好好，好乾淨，又新鮮💦腍口帶點爽彈，而且好大一嚿，食落好過癮☑️芥蘭炒豬爽肉推介指數：⭐️⭐️⭐️⭐️豬爽肉口感無得頂，肥肉爽口唔油膩，厚薄均勻，唔會韌咬唔斷🐷 芥蘭都係出色，幼嫩無渣，芥蘭味都好突出，炒得又香又有鑊氣，嗌個白飯配住食，就係完美🍚雖然今日人唔多，只能嗌兩個餸，但食得好開心☑️☑️咁高質素，服務亦佳，每日食都唔會厭👍🏻👍🏻👍🏻

味道(5分)- 呢度嘅菜式用料新鮮，而且真系好有鑊氣，全部好明顯係即叫即做即上。唔點我真係非常滿意。-比較好的菜式有-梅菜蒸菜心，新鮮同會過淋，好香既梅菜味。-西芹焗魚卜，魚卜大大舊同腥，好索味。-天麻魚頭湯，藥材香味，又係完全唔腥，飲完好暖身。千島大蝦球，表皮脆香啖啖新鮮蝦。  環境(4分)- 中式裝修，大酒家風範。-大大張檯坐得舒服，見到仲有房可以提供。服務(5分)- 大部分女服務員都好到位，細心，會主動問使唔使幫幫手筆湯，要唔要食渣，換碟換得勤，有笑容，系香港少見。衛生(4分)- 正常，女廁乾淨衛生無異味，有洗手液有廁紙抹手紙。抵食(4分)- 食得出佢哋嘅食材全部新鮮同有質素，唔敢話係好平，但係性價比絕對高。

前日去咗佐敦探朋友，一齊食飯嘅時候就發掘咗一間酒家主打順德菜，食物嘅質素相當唔錯，價錢都合理，最緊要係款式選擇好多👍🏻❤️餐廳資料:順德公漁村河鮮酒家 📍地址: 佐敦衛理道8號地舖❤️太子成名脆皮咕嚕肉❤️呢個咕嚕肉真係私心推介，本身都已經好鍾意食咕嚕肉，但係呢間嘅咕嚕肉真係好出色！味道方面酸酸甜甜，咕嚕肉炸粉唔厚，而且都真係做到脆皮嘅效果。❤️千島大蝦球❤️除咗咕嚕肉，呢個酸酸甜甜嘅千島大蝦球好食，蝦肉都幾彈牙啊。❤️椒鹽鮮魷❤️最簡單又入味嘅椒鹽鮮魷，口感彈牙又有風味！❤️梅菜蒸菜心❤️梅菜用嚟蒸菜心又有另一番風味，菜心仲好甜。以上咁多款菜式我就最推介食❤️太子成名脆皮咕嚕肉❤️，其餘嘅菜式都水準之中，整體評分呢間餐廳都會有四星❤️

跟著爸爸去順德公漁村河鮮酒家食好西✨👍🏻，爸爸成日帶我地周圍食，今次呢間酒家仲好有驚喜呀！✨👍🏻天麻魚頭湯🐟？呢個天麻魚頭湯用足料去煲，大大個魚頭唔怪得咁入味。而且可以祛風散寒，人人都岩飲，每人啖D就飲哂，味道都唔錯😆太子成名脆皮咕嚕肉🐷 ？脆皮咕嚕肉真係出色呀，唔怪得會成名啦！咕嚕肉外皮好香脆，啲醬汁酸甜酸甜咁，另外仲有啲紅青黃椒、洋蔥、菠蘿🍍做配菜，呢啲點左汁都係好好味🤤✨西蘭花炒帶子王🥦帶子王真係好鬼大粒，好厚肉啊！西蘭花都好新鮮，而且份量又夠多！帶子都好多粒添呀！Yeahhhhhh~~~真係冇諗過呢間餐廳會咁好食，真係好有驚喜🥰，估唔到爸爸竟然咁識食，嚟緊下個月佢生日都會帶佢嚟呢間佢咁鍾意嘅餐廳再食返餐豐富嘅生日🎂大餐！

佐敦有一間順德菜餐廳🥳，朋友已經帶咗我去食幾次，仍然覺得質素唔錯，每次都大飽口福！首先，就要飲返碗靚湯先，飲多款湯入面大家都最想飲<螺頭燉雞湯😋>。雞湯真係好鮮甜，望到個煲就見到有好多材料，咁大隻雞擺落去煲，唔怪得知咁鮮甜。真係好少飲到酒家有啲咁好飲嘅湯。然後，賣相幾吸引嘅<子薑欖角啜魚咀🤩>，食落魚肉真係好滑捋捋！加咗啲薑去咗腥味，魚肉完全冇腥味。最重要係條魚好大條，份量十足。跟住，仲叫咗<蜆蚧鯪魚球😝>，鯪魚球魚肉好滑，整成鯪魚球食落仲好彈牙。最後，好似個名咁正嘅<極品魚皮😜>，魚皮食落好有口感，調味方面仲好入味添。如果鍾意食順德菜嘅朋友一定會愛上呢間餐廳，今次食嘅所有菜式都係比預期中更加好食，所以嚟緊會再同屋企人嚟食多幾次❤️👍🏻

已經係第3次嚟到呢一間順德公漁村河鮮酒家食飯啦，男朋友屋企人好鍾意呢間酒家，每次同佢哋食飯，佢哋都係首選呢間酒家😍開心share吓今次我哋食咗啲咩👍🏻第一樣☑排骨蒸陳村粉〰排骨蒸陳村粉簡簡單單，好岩老人家食，陳村粉好滑，排骨仲要啖啖肉，陳村粉真係好食過普通腸粉好多，就連我都好鍾意食！第二樣☑椒鹽鮮魷〰鑊氣十足嘅椒鹽炒鮮魷，鮮魷嘅份量都幾多，而且爽口彈牙！第三樣☑西蘭花炒帶子王第四樣☑芥蘭炒豬爽肉〰男朋友屋企人叫咗兩個菜食，西蘭花同芥蘭都係我鍾意食嘅，西蘭花炒帶子王嘅帶子都幾大粒。豬爽肉啖啖肉之餘，仲要又幾爽口。餐廳嘅價錢都合理，最緊要係食物好好味，性價比嚟講都算幾高CP值，係值得一試嘅酒家。

順德公漁村河鮮酒家位於佐敦，呢到就可以食到好正宗嘅順德菜😄香港食到咁正宗嘅順德菜餐廳真係數之極少🙂‍↕️今次我哋人少少就嗌咗三樣嘢，「極品魚皮」、「螺頭燉雞湯」同「千島大蝦球」，三樣嘢都好滿意🤪🥳極品魚皮✨真係好鍾意呢個魚皮嘅口感真係好Q彈，口感一流❤️雖然魚皮嘅賣相睇落有啲得人驚，不過當你食咗一次之後就會愛上！我就係咁樣愛上咗食魚皮啦。🥳螺頭燉雞湯✨每一次去呢到食飯一定會叫螺頭燉雞湯，燉湯鮮美十足，仲好滋補，又有螺頭夠養生👍🏻螺頭口感都幾煙韌有咬口！🥳千島大蝦球✨大蝦球食落蝦肉肉質鮮甜搭配上千島醬，呢一個配搭真係超級好食！酸酸甜甜嘅千島醬真係配搭啲乜嘢都咁好食。呢到嘅員工都幾親切，我哋問佢有咩好推介嘅時候都好熱情招待，成餐飯嘅體驗都相當之好😳

男朋友仔想食下啲中式菜，我地冇特別搵就是但搵左間近嘅順德公漁村河鮮酒家🫡入到去餐廳嘅環境都幾乾淨企理，餐廳嘅店員即刻過嚟帶位，當然都見到唔少街坊嚟食嘢。心水推介💗太子成名脆皮咕嚕肉！咕嚕肉真係我最愛，酸酸微微好適合餸飯！而且咕嚕肉外脆內軟，好快就食哂成碟😋健康美味💗西蘭花炒帶子王！我係一個健康主義者，食乜餐廳都一定要食菜！見到隔離枱碟西蘭花🥦幾靚仔！搞到我都整返碟，順便逼下男朋友食菜！仲有埋帶子添，正😘養生靚湯💗天麻魚頭湯！主打祛風止痛行氣活血，飲落魚味唔會好腥，啖啖湯都幾鮮甜🤩間唔中食下啲中菜又幾好，唔洗成日食埋啲炸雞薯條咁熱氣，下次想食中菜都會再嚟！特別係佢個咕嚕肉真係大愛😘

6. 好豐富嘅大餐😆✨上星期去咗呢一間順德菜餐廳食咗一個好豐富嘅大餐😆👍🏻💛💛今次就叫咗一個湯同埋四個菜式💛💛💛螺頭燉雞湯評分:👅👅👅👅👅/5真係好少飲到咁鮮甜嘅雞湯，雞湯真係好濃郁，而且加咗啲螺頭，好似令到雞湯更加鮮甜，好味到我忍唔住飲多碗。推薦大家嚟呢間餐廳一定要試吓呢碗靚湯！💛椒鹽鮮魷評分:👅👅👅👅👅/5今餐想食海鮮，但係又唔想食鮮蝦，就叫咗呢一個好惹味嘅椒鹽鮮魷，簡單嘅椒鹽已經炒到鮮魷好好食，唔需要要太多調味先食到魷魚嘅鮮味。想食海鮮推薦一定要叫呢一個椒鹽鮮魷。💛 子薑欖角啜魚咀評分:👅👅👅👅/5啜魚真係好少食，原來佢係縮骨魚，頭大身細，不過魚肉真係好滑！唔鍾意食魚嘅我都食咗成¼。💛蜆蚧鯪魚球💛千島大蝦球評分:👅👅👅👅/5鯪魚球魚味好突出，大蝦球就大人小朋友都鍾意，因為加咗千島醬，酸酸甜甜好開胃！

佐敦想食順德菜👅，朋友就帶咗我去順德公漁村河鮮酒家！順德菜我唔係好熟，但朋友大力推薦下就想嚟試一試！今次我同朋友就叫咗四個菜式:✅椒鹽鮮魷 ✅排骨蒸陳村粉 ✅芥蘭炒豬爽肉 ✅螺頭燉雞湯💯椒鹽鮮魷 椒鹽鮮魷真係夠晒鑊氣，而且都幾入味，椒鹽帶出到鮮魷嘅鮮味，鮮魷亦都非常之彈牙新鮮。💯排骨蒸陳村粉呢度嘅陳村粉真係特別好食，陳村粉非常之滑，加少少豉油落去就已經好好味，排骨食落啖啖肉！💯芥蘭炒豬爽肉咁多款菜入面最鍾意食芥蘭，芥蘭都好清甜，食完冇渣，唔錯！💯螺頭燉雞湯呢一碗雞湯真係好清甜，非常之濃郁嘅雞湯鮮味。

今日同朋友係華南會打完波有d肚餓，諗住睇下附近有咩好食🤭上網見到附近有間順德菜就嚟試下la😛一行五人行過嚟5分鐘就到la..肚仔餓餓就叫左4個餸😋子薑欖角啜魚咀 推薦指數:⭐️⭐️⭐️⭐️啜魚咀好滑，加左薑之後完全唔腥。欖角陣陣甘香味。西蘭花炒帶子王 推薦指數:⭐️⭐️⭐️⭐️⭐️呢道餸整得好靚。西蘭花夠新鮮，但最要讚既係個帶子，有帶子濃之餘仲非常滑溜溜。蜆蚧鯪魚球 推薦指數:⭐️⭐️⭐️⭐️⭐️鐘意食炸嘢一定要嗌😍外面脆卜卜，入面軟淋淋，仲有好香既魚味，送上黎個時熱辣辣好惹味😋辣親咀😆😆西芹焗魚卜 推薦指數:⭐️⭐️⭐️⭐️西芹👍🏻健康野，搭魚卜真係第一次食😁因為自己屋企完全唔識搞個魚卜。但呢度食落去真係正，仲要煲仔咁上真係好驚喜，超級惹味😋😋呢度既菜真係好特別，平時係出面食唔到。最重要係呢度既餸全部即時即整，所以全部拎上嚟個時都係熱辣辣好有火喉。雖然係咁，但等餸上黎都唔會太耐。想同朋友吹下水傾下計呢度好適合。因為大部分都係大枱。今次平日過嚟而且我無撞正食飯時間，walk-in 就有位la。建議如果自己嚟最好book定位la😙呢間嘢正呀😋會再有下次

前幾日同爸爸媽媽去左佐敦食飯，上OpenRice比佢哋揀揀想食咩餐廳，佢哋就揀咗呢間順德公漁村河鮮酒家食飯。呢到嘅菜式選擇都幾多，而且睇落都幾啱爸爸媽媽食。成家人都岩食嘅就係呢個芥蘭炒豬爽肉。芥蘭真係好爽脆，大大碟夠晒健康，配埋豬爽肉炒，肉質鮮嫩，簡單又好味！媽媽推介呢個天麻魚頭湯，佢話聽人講天麻魚頭湯功效好好，最岩舒緩頭痛，熱熱飲完的確幾舒服。爸爸私心叫左呢個蜆蚧鯪魚球，本身唔鍾意食魚嘅，我見到佢變咗做鯪魚球都試吓，點知一啖一粒又幾好食喎！整體嚟講，呢一間餐廳都幾啱我屋企人同我嘅口味，好食得黎價錢又唔貴，遲啲都會再同屋企人返嚟呢到食嘢。

今日同屋企人黎左呢度食飯，其實之前係因為有同事帶路過黎食過1次，試過唔錯，仲要九龍區有新鮮海鮮食就難上加難。呢度搭車都尚算方便，加上啲位夠闊落，所以坐得舒服唔使迫（依家都幾難搵，所以每次屋企聚會都有啲頭痛邊度食飯好）呢度嗌既餸都夠晒大碟。上次食完今次再嗌既有西芹焗魚卜同川麻魚頭湯。其實我本身唔好食魚卜，但呢度既魚卜係成功令我改觀左，個廚師整得唔腥之餘仲好好食，西芹爽脆，魚卜淋得黎之餘夠入味。但最最最正係個燉湯（諗起又想飲🤤）因為魚頭我覺得都幾難自己煲唔腥。呢度一拎上黎就睇到勁足料，而且成煲咁上，我同屋企人一人一碗飲完仲有淨（最後打包左返屋企繼續飲🤭），講真係九龍區好難搵到咁新鮮既海鮮食，坐得闊落之餘最緊要係可以慢慢坐，我地大大話話坐左成2個幾鐘都無催過。今次一共叫左7個餸，呢道既餸真係幾大碟所以食唔晒😅😅下次我會再黎呀，因為食左2次都未食晒佢地既菜式🤭

見到牆上面貼住好多獎項 。就知大廚一定有料到。 今次兩圍枱食飯。所以好豐富。食得好開心。蟲草花天嫲魚頭湯，燉湯超級足料，好夠火喉 。飲咗三大碗。順德家鄉煎釀三寶。 鯪魚球配蜆蚧，味道真係一絕。 最喜歡係蓮藕餅。蓮藕好香好爽。尖椒就太辣，我直接放棄了。一向唔係好鍾意食魚嘅我。竟然食咗好多味魚嘅餸都覺得好好食。首先一人一個魚頭 ‘’ 瓦罉煎焗魚嘴 ‘’蚊得好香好入味。我竟然食清光。蒜子生扣花錦鱔 ～～用砂鍋爆炒鱔球。鱔啖啖肉好厚身。配合蒜爆得好香。最正其實係塊魚皮。好厚。感覺好似好多骨膠原。第一次食薑葱蚊魚扣。估唔到完全冇腥味。仲要咁爽脆有口感。食左幾舊唔停口。順德豉汁釀鯪魚， 鯪魚肉都好彈牙。呢味冇特別。食一件試下就夠。金牌得獎銅盤蒸污糟雞。 雞肉好嫩滑好多汁。特色籠仔梅菜蒸菜心 ～～冇諗過梅菜蒸菜心。蒸出嚟個菜心會咁甜咁好食。掂啊。黃金糕有兩款：椰汁黃金糕同黑糖黃金糕 ，唔錯啊。唔係太甜又煙韌。黑糖比較好味。

最近睇YouTube介紹順德菜，好奇心下就特登去佐敦試吓。🙂‍↔️餐廳位置其實幾隔涉，要喺柯士甸站出，幸好穿過隧道後都好快到。😎⭕️順德首創極品魚皮 $68🐟魚皮極爽滑彈牙，香蔥全部爆香過，落咗少少Wasabi吊味，連埋調咗味嘅豉油，好好食。魚皮真係好大塊，彈牙得來既滑又唔會太腍，好有咬口，超正。係我食過最好食嘅魚皮。🥇⭕️金漆招牌大生翅（足二兩，每位計） $248而家去飲已經冇得食翅，今次見呢間話係招牌菜，就唔環保咁試一試啦。😬🙏🏻🙏🏻魚翅非常足料，啖啖翅，而且湯底濃郁，出色，而呢個價錢非常抵食。🫣（不過始終破壞生態，好口痕先食一次就算啦）😬🐟🐟🐟野生大桂花魚兩食（每兩$18 ）🐟🐟🐟職員推介呢款小菜，一魚兩食，果然唔錯。⭕️荷芹炒球條桂花魚都幾大條，啖啖肉，冇骨，好好口感。而且煎得好香，側邊睇都好厚肉，好好食。⭕️煎焗頭腩呢個主要係煎桂花魚頭，肉唔算多，但係有好多香蔥等配菜，焗得幾香，鍾意吮骨嘅會好喜歡。⭕️籠仔梅菜蒸菜心軟 $118菜心配合埋甜甜地嘅梅菜一齊蒸，菜式既保留到菜心本身嘅鮮甜味，又有少少梅菜香，而且冇乜油，健康又好食。