頂好海鮮酒家

营业中

休息中

一行四人午膳飲茶, 一坐下就有人來介紹名人飯堂中介紹過的點心. 但沒有驚喜. 反而蝦籽柚皮值得一試, 很多地方已沒有, 沒有苦澀味, 很懷舊. 埋單$394, 連貼士共$400. 要求收條, 竟然都是寫$394, 部長有點兒失魂.

個晚家人由加拿大返港後, 星期六想搵地方食晚飯, 上來睇下有冇好介紹啦 ... 點知早一日定, 心怡的地方都滿晒 ... 咁 見到這間 ok wow ... 起嘛 無乜喊樣先. 位置有好.不過有點怕和一般老店一樣, 地方好舊, 又污糟... 點知裝修ok .. "光靜企理"... 光猛, 唔會太嘈雜, 員工服務親切, 食物有水準. 最緊要book 到位嘛 ...先講碟占前菜 - 酸薑皮蛋, 夠特別, 男女老少都啱, 開胃個晚特價推介 - 即燒化皮乳豬 半邊 特價 $200 到, 全體 好似特價要 $400 多. 我地9位要咗半邊 , 話俾你聽 ,,, 係 唔夠食既, 因個隻真係乳豬黎 .. 無騙你. 熱辣辣, 皮脆又唔肥. 每位都俾佢兩個手指公, 個個都唔夠喉.其他菜唔講太多, 如下:黃金蝦丸 (較失望, 無祈望咁彈牙)蒜蓉龍蝦魚翅蒸魚油雞 (試唔到其它雞, 老豆話要食油雞, 前世未食過咩 ... )等等... (已經飽到反肚, 唔知好唔好味, 不予評論)最緊要係 有 ... 壽飽 (家姐生日嘛) 又要走 啦 ... 今晚又訂咗位, 訂埋乳豬全體, 唔知今晚有冇特價呢. (p

朋友生日約在這裡食晚飯，因他和這裡相熟，決定特別煮一些特別的菜式來慶祝一下。乳豬全體 - 外皮很脆，肉質也嫩滑，只可惜肉比較上肥。龍蝦炒露笋 - 龍蝦彈牙肉質新鮮，加上鮮露笋，味道也是非常出色。濃墩佛跳牆 - 膠質很重、魚翅和海參也很夠料，味道出色又飽肚，實在非常好食，飲了二大碗，已經飽了一半。清蒸蘇眉 - 肉質嫩滑、魚味很好，加上食魚肉時感覺像滑入口一樣，實在很久沒有食過這樣出色的蒸魚了，非試不可。蒜茸炒介蘭心 - 蒜茸味很香、介蘭心很有口感，也是值得一試。南乳釣燒雞 - 外皮很脆、味道也適中，只可惜肥膏多了點，沒有雞味也是意料中事。龍蝦頭滾粥 - 粥煲得很綿、味道也很好，但龍蝦肉滾完後變韌、也是可以理解的，只是感覺有點可惜！銀芽肉絲麵 - 先把麵煎香、等上時才加上銀芽肉絲，令麵唔會變淋，口感和味道當然更加出色，也是值得一試。壽包 - 說真的，可能實在太飽，對這個又大又靚的壽包、實在唔多公平，感覺上皮比較偏厚和硬、內裡的蓮蓉餡偏小，好在蓮蓉味道都算幾好。多謝朋友的好介紹，這樣美味的一餐，令我實在非寫不可，很滿足的一晚！

小時候常常去飲茶,後來轉陣北海漁村;已經好十多年沒有去過,今次去吃晚飯,格局已經不同了!皮蛋子薑: 可惜皮蛋凝結了....! 很硬;薑不太辣,還可以南乳脆皮燒雞: 蘸的南乳汁甜甜的很可口! 皮也很脆,文飯一流 蟹肉冬蓉羹: 鮮味有點假,大概是「師傅駕到」;不是真正的海鮮鮮味金瑤帶子龍皇炒鮮奶: 一點也不滑口,簡直是變種賽螃蟹......裡面有粒粒蝦肉,帶子,但是似吃蛋白多過奶全場只有3個的金瑤腿絲白肉葡萄: 是上湯浸過的冬瓜波波, 但是上湯一定是味精湯, 不太有誠意; 2塊雕葉有點像壽桃,嘿嘿~海棠骨: 很肥,不過很稔,都是南乳汁,不錯拼盤: 乳豬剛燒起,所以十分脆口! 海蜇雪得不夠冷,不太有味道,只屬一般南瓜西米露: 頗濃,有嚼南瓜的口感,不錯 整體的份量都頗少,不過老酒樓真的有很多熟客,他們都會跟老板握手打招呼服務態度不錯

好一段時間沒有寫食評了﹗新的板面不太習慣呢﹗﹗星期六晚上，師弟妹約了恩師晚飯聚會，小朋友們早上告訴我訂了fat angelo，對於我這幾年回歸了中菜的人來說，立即縐了縐眉，再打電話到鹿鳴春和另外幾間京川菜館訂位，但都滿了.......沒辦法，唯有忍耐一下。七點，在港鐵站等，恩師知道了要到fat angelo 又有抗議，大家的目光放到我身上，「師姐，有冇好介紹呀？」壓力大到不得了，星期六、七點半、尖沙咀、十個人、無訂位......實在有點為難......最後靈機一閃，之前ling 姐介紹的「頂好」，雖然未試過晚飯，但實在算是一個穩陣的選擇。一行十人，進店後，大堂沒有幾枱客，待應帶了我們進廳房，見有外國朋友食蟶子，又有人飲黃酒，幾枱都是三四人的飯局，不會是一般酒樓的「大熱鬧」，感覺不錯。前菜是皮蛋酸薑，皮蛋全都是溏心，薑沒有被染到粉紅色，我喜歡。點了十來個菜，最有印象的是山東雞和炸蝦丸。都是手工菜，山東手撕雞上有粉皮等等的材料，醬汁惹味而不太鹹，好﹗而炸蝦丸則是彈牙有口感，微炸、香口而不油膩，叫了中牌也沒有剩，相當受歡迎﹗而其他菜的水準也不錯的。菜牌上有很多不同的選擇，有貴價的海鮮，也有中

5th January 2008 7:00-9:00pm Very happy to meet with and chat with ex-colleagues. Many common topics that we could share with. 6 of us plus a spouse of 1 ex-colleague had a good time in this traditional restaurant. 2 of my ex-colleagues tried this restaurant many years ago. In fact, it\'s a good experience that I could share their collective memory. We ordered the followings :蒜茸蒸中蝦x 1 翠塘豆腐x 1 羅定豆豉雞x 1 豆苗x 1 海皇雜菜煲x 1 壽飽x 6 pcs. 豆沙鍋餅x 1 My ex-colleagues told me that the restaurant must be rennova

唔知點解突然好想食大閘蟹，於是同朋友做完GYM就o向尖沙咀搵o下邊樹有大閘蟹食，但由於太肚餓，所以當我見到酒樓門口掛左張大閘蟹poster就膽粗粗咁走左入去試o勒~o的侍應服務態度唔錯架，我問其中一個部長大閘蟹幾多錢一隻，佢話要$188，跟住我諗我個樣話比佢聽我覺得有o的貴掛，於是個部長好好，好主動咁話左兩隻蟹比我睇o下先決定，佢話佢o地o的大閘蟹好肥美好好食叫我考慮試o下，結果我o地就叫左兩隻大閘蟹。當o的蟹上枱 時確實冇令我失望，兩隻蟹都有好多美味既蟹膏，因為今次食既係蟹公，所以o的膏食落會覺得好rich，差o的攪到我o地想encore，不過.....一o黎我怕肥，二o黎我怕膽固醇超標，所以都係適可宜止好o的。跟住我o地叫左三個餸 ，一個金銀蛋波菜，o的菜炒得好靚，又唔會太油，幾適合要求健康既我。另一個係日本芥娧 炒牛柳粒，我對牛興趣不大，不過炒出o黎既牛柳粒有陣陣芥娧 味，好唔錯幾好食，最後一個係乳豬件，乳豬都唔算肥，o的皮好脆好好味，三樣餸 菜都不賴，而且應該冇乜味精，因為食完冇係咁飲水。埋單兩個人係六百幾蚊，價錢算合理啦。

雖然我未去過呢度飲茶,但我耐不耐都會來買佢樓上的外買點心,但佢可能是針對附近返工的人,所以只由8時多供應至十時多,早d遲d都買唔到我最鍾意食雞包仔,$7一籠有三個,個餡仲有虾的,好味又抵食糯米包又係$7籠有三個,d糯米有d臘味,糯米唔會太干或糊口,好味，奶奶最愛腸粉$10一碟有三條,食過牛腸同叉燒腸,牛腸幾好,但叉燒就鞋d,同埋佢d皮唔算薄,不過都幾抵其他大中小點都是$9.9都係ｄ普通點心，ｏｋ咁啦,不過最唔抵的是燒賣王,要$15,但唔覺有咩特別，唔值呢個價都見有好多返工的排隊買來做早餐，生意幾好喎！

同事聯歡會，提議o黎呢到食中式buffet，因為同事係熟客，所以可以request 中式buffet，有二十四個菜，仲有o野飲。雖然唔係好貴、好特別的菜，但係都做得幾好，唔係太行。我鍾意o既有瑞士雞翼、腐皮卷、桂花糕、味道唔會太鹹。唯一有意見o既就係炸物太多﹗因為係自置鋪頭，唔洗捱貴租，好多o野都有得傾，伙記服務好得很，好到你可以估到個老闆係好好人o個種。好喜歡這種食店，人情味好，服務自然好﹗但香港只有老店能做到這點，幾值得探討o既問題﹗

呢間酒樓幾特別。樓上是做外賣點心，每朝都會見到不少人來買早餐；樓下就是堂食。是晚因為有人結婚擺酒，座位都幾緊張，幸好有預先訂位。是晚我和幾位舊同事食飯，大家好耐冇見，所以都只係掛住傾計，叫好少餸。點了三個菜，分別是侍應推介的炸子雞、仲有豆腐煲和煎銀雪魚。白飯汽水當然唔少得。炸子雞的皮係好脆口，亦唔會好"鞋"，但鮮味欠奉，不過都算合格啦。豆腐煲反而不錯，豆腐好入味，仲有好多菜，幾正！銀雪魚亦有水準，煎得夠脆，點沙律醬食的確係唔錯。埋單都係每人$80，在尖沙咀地區都算係咁！題外話：看見鄰檯的兩位中年夫婦正用刀叉食大大隻既鮑魚，仲有花膠。心想，平日食飯唔係食得咁豪呀？！　

昨晚和朋友及辣椒女一行六人,來這裡食晚飯,慶祝我快將生日.我們叫了杏汁菜膽炖潤肺湯- 杏汁味唔夠濃,味道還可以,比校友會差得遠了.百花釀竹笙- 都唔錯,但沒有什麼特別.蒜蓉炒豆苗- 相信忘記了落鹽,沒有什麼味道,只有少少豆苗味.珍珠鮑魚滑雞煲- 也算Ok.味道一般.翠塘蒸豆腐- 豆腐很滑,鮮蝦很美味,唔錯.炭燒烤肉- 最好味的一個,只是肥了少少.大良煎藕餅- 味道一般.蟠桃壽飽一打- 賣相好一般,味道也是一般.今次晚飯比上次差得遠了,大部份也只是一般.但和朋友談得好開心,也值回票價了.

今晚和朋友一行五人到這裡吃晚飯.先來了一碟子薑皮蛋- 蛋黃糖心,但可惜唔夠皮蛋香,但都算唔錯.而我們叫了乳豬半隻- 好脆,唔肥.幾好味,正!螺頭湯- 好鮮味,又多料,唔錯!蝦子柚皮- 唔夠蝦子,柚皮好腍,但不是太入味.比差得遠了.白粥(包鹹蛋一隻) - 白粥底好綿,鹹蛋流曬油,唔錯,可以一試.XO 醬脆炸豆腐- 好脆,唔多辣,好味!送酒一流.菠蘿咕嚕肉- 唔夠脆,酸甜汁須然好開胃,但唔夠味;味道只是麻麻,口感也麻麻.(可以不叫)炸子雞- 皮好脆,可惜雞肉太,麻麻地.(相信因是雪雞,所以沒有雞味,唔新鮮.)上湯豆苗- 很香豆苗味,可惜上湯唔多夠味,如果唔係,就很好了.食物都算ok,價錢也不貴;如要求不高,也是一個唔錯的地方.最後還有抽獎,下次來送你一個小菜,這就要看看大家的彩數了.

蝦餃-睇黎而家都揾唔倒邊間酒樓仲將蝦餃當中點賣.抵到爛!蝦餃size啱啱好一口一粒,而且有筍尖,不是淨蝦肉及肥肉.山賊醬雞翼-甜甜地辣辣地,醬汁超惹味.魷魚鬚-熱辣辣,脆漿蛋味香濃楊枝金露-芒果味香濃,選用紅柚肉,比松記更佳咸肉粽-雖然冇乜料,但因糯米及綠豆用料靚,好香好棉P.S.坐房(非吸煙區)有碟子薑皮蛋比你(但會收$13醬芥),皮蛋白晶瑩,蛋黃糖心,不俗.初初以為佢响正老尖彌敦道實好貴,但又唔係喎.星期六2:00下午茶同屋企人食就至抵

本來唔會講廣東菜,因為呢排飯局多,食得太多廣東菜,所以真係好食先推介比大家我地個日叫左乳豬全體,翡翠碧綠(上湯菜心),蒜爆蝦碌,蒜蓉"勝"子,雞湯翅(推介),東星(足兩斤)(推介),炸子雞(推介)甜品就叫左高力豆沙+湯丸,同埋預約既時候記住叫佢留佢地最出名既皮蛋"蘇"(推介).壽包方面就差左D,只係得蓮蓉.冇豆蓉同早蓉揀.......同埋唔知係咪我屋企人同佢地熟.我覺得佢地既SERVICE幾好.親自同我地影全家福