韓正屋韓國料理 (海壩街)

营业中

休息中

天氣開始轉凍，真係好懷念去韓國嘅日子，所以去咗屋企附近一間韓國小食店買外賣返屋企。天氣涼咗，自然想食返啲熱野，所以叫咗個亂粒粒嘅人蔘雞湯！估唔到材料咁十足！隻雞好多肉而且仲好滑，打開隻雞，入邊竟然仲有糯米飯同紅棗、人蔘！拎到返屋企仲係熱辣辣！如果可以堂食一定更加正！個湯我一個人都飲咗大半！食韓國嘢又點少得炒粉絲，炒粉絲好彈牙，好好味！好有口感！而且估唔到佢材料都好多，蛋絲，菜，雲耳同肉，份量一d都唔少！韓式醬油炒魷魚，比較韌，但好惹味！有咬口，用來拌酒拌飯一流！最後尾呢個沙律都好開胃。蛋黃醬好香！分量多到食唔晒！

我經常都經過呢間韓正屋，今次有節日慶祝見到呢呢個吸引嘅四人套餐我便忍唔住試了一試，其實我一開始都預咗未必好味㗎啦，但係其實整體嚟講都係唔錯嘅，有時候食某一啲韓國嘢會好辣，今次嚟講都淨係得一啲魷魚洋蔥係好辣嘅，其他餸菜都好啱一家老小去食。我就叫咗個豪華四人餐嘅外賣，佢啲嘢都好齊全又有前菜又有沙律豆腐。啲牛仔骨又唔錯。最有特色嘅係佢個人參雞湯，係原隻嚟架，個人蔘藥味濃得呢由會令你覺得好好飲，入邊仲塞滿咗糯米。分量又多四人飲又綽綽有餘，個雞又幾好味喎。

經常都經過福來村附近，小小一個內街都有超過10間餐廳，好多選擇，今日趕住返屋企，見到佢哋外賣套餐幾吸引，所以買埋嘢食攞返屋企慢慢食。呢個豪華四人餐嘅外賣，佢啲嘢都算齊全。前菜有沙律豆腐，佢會畀多一兜嘅生菜蒜頭用來配搭肉類食用。啲牛仔骨味濃。最有特色嘅係佢個人參雞湯，係原隻嚟架，個人蔘藥味濃得呢感覺冇乜味精，入邊仲塞滿咗糯米。分量又夠四人飲，個雞又幾好味喎。平日我唔飲湯嘅都特登飲咗多碗。個粉絲都唔錯係好正宗嘅韓式粉絲，仲有野飲。未食過嘅人都可以一食

很久沒有出動去老友屋企附近荃灣海壩街的＂韓正屋＂十分掛念那麼親民價錢，分量又十足，味道地道啱晒我們相思之苦😋柚子蜜🍹絕不吝嗇柚子蜜果皮，甜絲絲大大杯透心涼，味道教得啱啱好👍🏻石頭雜錦牛肉飯🥄套餐$195石頭鍋飯熱氣騰騰，撈上韓式辣汁蛋汁很惹味，分量十足大胃王亦足夠前菜（菠菜，蓮藕）🥗其實每樣前菜都很出色，我們選擇了菠菜和蓮藕，菠菜柔嫩，蓮藕爽口BB辣，非常醒胃😋韓式煎海鮮蔥餅🍴海鮮煎蔥餅很香口，薄薄的一層，點少少韓式辣醬更加突顯味道炆牛肋骨煲🥘不得了這個炆牛肋骨煲，牛肋骨炆得肉汁豐腴，牛肉嫩滑牛筋煙韌不會鬆散，牛骨湯味濃郁，紅蘿蔔白蘿蔔吸盡牛肉精華，沒有花巧的配菜但盡顯用了很多時間熬製😋👏🏻👏🏻真的要多多支持小店🎉

三日假期過後，翻工已經有點疲累，所以決定放下煮飯婆一職，老公都知我辛苦，亦讚成食完先回家或者買回家食，近近地佢同事介紹間街坊韓國料理，車位附近都方面，差不多1945 先到達，入面都好多人，兩邊卡位都坐滿，我地隨便坐近門口中間，四人枱2個人坐還有點空間感。Menu 極吸引兼有細份選擇 啱晒兩個人輕嘗就叫左細份韓式無骨豬手一客 $68當豬手送上枱時竟然與圖片般，兼有齊新鮮生菜，泡菜，生蒜片同韓式麵醬，肥美啖啖肉，食到膠質重嘅豬皮，夾著每樣食材包著食，口感豐富有齊爽脆彈牙骨膠源，正呀！ 另外店員推介2人套餐 $220兩款前菜 係多款裡揀兩款海鮮豆腐湯 真係經濟又實惠，材料新鮮係重要，海鮮湯紅卜卜熱辣辣，初嘗一口比想像中無咁辣，韓式香辣，湯內滑豆腐超滑，而且材料豐富虾肉，蜆肉，八爪魚粒，還有脆肉瓜大蔥，好惹味。雞肉石窩飯 香味撲鼻熱辣辣，兼要撈埋韓式辣醬，健康之選，菠菜大豆芽紅蘿蔔絲雞肉生蛋芝麻伴飯，撈埋個醬搞均每樣食材，好好味係雞肉較淡味。鐵板牛仔骨 普普通通但食落覺得醃得好入味，份量不少，肉質軟淋但近骨邊位較有嚼頭，十分滋味，值得推介。自選兩杯跟餐嘅飲品 我揀左凍柚子茶同老公就揀左蜂蜜萍果

大假前夕 莫名興奮惟週六 最後一日眾人搶閘先放吃不到的檸檬 酸上加酸心有不甘 韓風一番中和心情 再上班海壩韓食小角落韓正屋 正宗韓食經濟價 更貼地例行前菜先行爽口麻香芽菜微辣辛口泡菜 開開胃😆芝香嫩豬熔岩炒飯石鍋上 留住溫度 拉芝力強 芝蛋合壁 每口邪惡 風味依然大塊小呷嫩豬片滿滿紫菜絲 拌勻 口感一流呷一口 微辣泡菜飯粒刺激味蕾再呷一口 濃郁芝香口中散發🤤🧀口癢 添份韓風炸雞🐔甜酸開胃醬汁拌食啖啖肉 滋味更甚😋🐔滿足☺️

呢家韓國餐廳勁抵食！晚餐平平哋四十幾蚊就食到韓式拉麵、板燒飯...份量又夠多，認真高CP值！而且菜式好多元化，睇到心花怒放呀🤩🧀石頭芝士香辣豬肉飯（$65）呢個石鍋飯勁大碗！面頭鋪滿芝士粒&紫菜，極邪惡呢！趁熱撈勻，芝士拉成絲😍入口幾芝士味香濃炒飯帶微辣，非常惹味！香辣豬肉份量適中，飯量超多再附送埋韓國海帶湯...整個套餐絕對係足料又大份相信大食嘅男生都會夠飽呀！🥩鐵板燒牛仔骨（$102）牛仔骨以鐵板上每塊都長過塊鐵板喔😲牛仔骨牛味香濃近骨位部分會有筋，口感有啲韌但都可以接受嘅👌🏻 再附上一大碗白飯，認真滿足呀😋🥤人蔘茶 （+$7跟餐）人蔘味唔算濃味道甘甜解渴🥤蜂蜜紅棗茶（+$7跟餐）飲落食到有紅棗粒，夠哂真材實料味道唔太甜，值得加分💕

餐廳係正愉景新城附近，行完街去食就岩岩好。🍕韓式泡菜煎餅 - $38吾算好辣，仲甜甜地，煙煙韌韌幾好食。🥗沙律配豆腐 - $38個份量都幾足，上面仲有啲柚子汁，酸甜的，夾埋比較淡味既豆腐幾fresh。🥣海鮮純豆腐湯 - $59睇個顏色以為好辣，個食落又吾覺。飯撈湯真係不知不覺食晒碗飯。🦑鐵板燒辣炒魷魚鬚 - $75夠晒熱立立，個醬好特別，又係有少少甜。可能因為入面有洋蔥。魷魚鬚爽口，幾入味。🍹蜂蜜蘋果茶 - 跟餐+$10

最近搵到呢間街坊食肆嘅韓國餐廳，決定搵朋友嚟陪我試吓。我哋兩個人，叫咗小食同兩個主食：沙律配炸餃子，海鮮煎餅，泡菜炒蓮藕，韓式壽司，石頭鍋泡菜炒飯同埋炸醬麵。雖然我哋好大食，叫咗好多嘢食，但係埋單都只不過係每人大約$100，街坊價十分抵食。啲餃子脆到好趣，配埋沙律醬，酸酸甜甜咁，好開胃。個海鮮煎餅有八爪魚，蝦同埋蟹柳，唔會話太多粉漿，好厚粉，所以我好鍾意。至於個泡菜炒蓮藕，我就好欣賞佢，原因係我本身唔太鍾意食蓮藕，覺得有陣奇怪嘅味，但係原來加咗泡菜落去炒會令到冇晒浸蓮藕味，就算係唔鍾意食菜嘅小朋友都可以呃到佢哋食菜。至於個韓式壽司，就係我食完差啲想encore，但係太飽就無喇。佢啲紫菜唔會話稔晒，點埋落去佢特製嘅醬油汁嗰度，帶到晒啲青瓜蛋同蘿蔔嘅甜味出嚟，真係越食越開胃呀。炸醬麵就比較偏甜，但係醬汁夠晒多，每一條麵都可以掛到炸醬，就唔會話食到底嘅時候得返啲面咁寡啦。另外個石鍋泡菜炒飯，我最鍾意就係佢有少少飯焦，食落口多啲口感，食到停唔到口。另外舖頭仲好好，送咗兩杯麥茶同埋海帶湯俾我哋飲，海帶湯清清地，我就覺得用嚟配石頭鍋泡菜炒飯就一流啦。

冇得去旅行，就來食下韓國野食滿足下自己🤪呢間舖頭比較近民居，位於屋邨入面，荃灣地鐵站出大約行10己分鐘左右，不會近民居，對於附近嘅居民確實係好方便嘅😋講番食物方面，我地叫左個二人餐，諗住有送嘢飲又有三樣食物應該剛剛號夠我地兩日人食，原來份量係好大的，我地兩個食到捧住肚子行出餐廳☺️超抵食超實惠💯二人餐包埋兩杯嘢飲同一個石鍋飯+一個鐵板燒料理+人參雞湯我地揀左石鍋雜錦牛肉飯，好足料，感覺已營養均衡好多，有菜又有肉！好味！另外鐵板燒牛肉都比想像中大分，又入味，不知不覺食左好多😋人參雞湯冇得彈，係一隻雞！入面釀左一條條的人參同d糯米，超級入味！高質！必食系列！

見食評不錯，途經荃灣便去試下。😜雖然飯卷🍙沒有什麼特別，但呢個價錢，真係要去首爾才可食到😉。很多人食完也說沒有麻油味，其實如果唔足夠，請店員提供💁🏻‍♀️，他們是十分樂意給你的。😊豬手🍖也不錯，小份剛夠二人享用。石頭飯🍲也是一般，下次要試他的部隊鍋了🥘。份量足夠。可以一試。人流也不多，可能我地6:00鐘去食，未有人潮吧。見他們在密密外買多呢。而且如果怕太大份，也有些叫餐後加20蚊食炸雞🍗呢⋯⋯

今日搵到一間非常抵食嘅韓國菜，二百幾蚊已經可以食到一個二人套餐。二人套餐包括人蔘雞湯、鐵板燒肉、前菜、石頭鍋飯同埋飲品。拎住個外賣袋，重量十足，好唔容易先拎到返屋企開餐。當中我覺得最出色嘅就係人蔘雞湯，份量慷慨，雞湯嘅人蔘味唔算重，飲落係好舒服嘅味道，令人忍唔住一口接一口。而雞肉唔會鞋口，口感都算香滑。石頭鍋飯亦都唔遜色，店員好細心咁幫我撈勻左飯同配料，加埋韓式辣醬，味道絲毫唔會有單調之感，加埋爽口既蔬菜，更加豐富嘅味道層次。食埋個鐵板雞肉，極有飽肚感。可以一次過選擇兩款前菜，泡菜香辣，蓮藕爽口帶少少酸，十分開胃。總括嚟講，味道相當不錯，店員亦都親切有禮，二人套餐好抵食😋

行行吓肚餓，又想食韓國野，咁岩見到韓正屋，又入座率幾高，所以就入去試下。今次叫左個部隊麵、泡菜炒飯、豬手、海鮮煎餅。 部隊麵味道濃郁，配料充足，有韓國🇰🇷的味道，一碗就可以好飽。然後炮菜炒飯，鑊氣夠，粒粒飯都有泡菜醬，配上一塊流心煎蛋，蛋漿同飯交既淡淡甜味，作為午餐一流。最後係豬手，肉味濃、豬皮嫩，配合附送既大醬，包埋生菜、大蒜片、泡菜夾黎食，送飯一流。今次叫左咁多樣野，埋單都係200零蚊，又食到飽飽，認真平！

平時好少去荃灣，今日難得探住喺荃灣嘅朋友，佢帶我去咗係屋村入面嘅呢間韓正屋，鋪位唔算好大，但係啲座位都好舒服，好闊落。食物同飲品嘅選擇都幾多，而且全部都好平。鐵板燒雙拼我哋嗌左雞肉拼豬肉，份量超級多，而且仲配埋一碗白飯。雞肉夠嫩滑，豬肉有少少辣，好過癮。白飯睇落似係珍珠米，好香口。韓式炸雞配芥末沙律醬炸雞大概有五至六件，同韓式嗰種係有少少分別，但係外皮都炸得好脆卜卜，雞肉本身都好滑。個人最鍾意嘅係佢個芥末沙律醬，同個炸雞真係好夾，好好食。韓式泡菜湯年糕韓式泡菜湯年糕份量都好多，入面有好多泡菜同埋年糕，仲有金菇同蛋。個湯有少少辣，好暖胃。年糕唔會好似自己買嗰啲咁厚，都幾煙韌，又飽肚。蘋果茶嗌咗一杯凍嘅一杯熱嘅，兩杯入面都有好多好甜嘅蘋果粒，個人認為凍嘅同啲嘢食比較夾。而家嘢食又平又大份嘅餐廳真係好少見，下次有機會嘅話就想試吓佢嘅部隊鍋啦。

有一日我非常之想食韓國菜 於是我去咗荃灣試呢一間韓國試試佢手勢 我叫咗一個牛肉石頭鍋飯 豆腐泡菜湯 同埋飯卷 仲有少量炸雞 佢嘅石頭鍋飯都算夠熱 但係唔算太有驚喜 佢個泡菜湯都係咁 而且唔算夠辣 炸雞同飯卷都算唔差 可以一戰 當然我覺得始終唔同價位有唔同水準 我覺得以佢嘅價位嚟講 都算係一間唔錯嘅餐廳 budget 有限係ok嘅 大家可以去荃灣試一試