韓正屋韓國料理 (海壩街)

营业中

休息中

平時好少去荃灣，今日難得探住喺荃灣嘅朋友，佢帶我去咗係屋村入面嘅呢間韓正屋，鋪位唔算好大，但係啲座位都好舒服，好闊落。食物同飲品嘅選擇都幾多，而且全部都好平。鐵板燒雙拼我哋嗌左雞肉拼豬肉，份量超級多，而且仲配埋一碗白飯。雞肉夠嫩滑，豬肉有少少辣，好過癮。白飯睇落似係珍珠米，好香口。韓式炸雞配芥末沙律醬炸雞大概有五至六件，同韓式嗰種係有少少分別，但係外皮都炸得好脆卜卜，雞肉本身都好滑。個人最鍾意嘅係佢個芥末沙律醬，同個炸雞真係好夾，好好食。韓式泡菜湯年糕韓式泡菜湯年糕份量都好多，入面有好多泡菜同埋年糕，仲有金菇同蛋。個湯有少少辣，好暖胃。年糕唔會好似自己買嗰啲咁厚，都幾煙韌，又飽肚。蘋果茶嗌咗一杯凍嘅一杯熱嘅，兩杯入面都有好多好甜嘅蘋果粒，個人認為凍嘅同啲嘢食比較夾。而家嘢食又平又大份嘅餐廳真係好少見，下次有機會嘅話就想試吓佢嘅部隊鍋啦。