韓正屋韓國料理 (海壩街)

营业中

休息中

海壩街雖然感覺老舊，但卻有很多食肆，其中一家很好口碑的韓國餐廳-韓正屋，以抵食大份，味道不錯聞名，是附近街坊的飯堂。見到餐牌有豬手，最愛啖啖肉和骨膠原的我怎會錯過！點了細份的韓式無骨豬手$78,還有泡菜、麵豉醬、生蒜片、生菜等給你做生菜包呢！這個無骨豬手，炆得很入味，醬汁香濃，淨吃豬手會覺得肉質乾身和濃味，所以一定要用生菜包著蒜片、泡菜一起吃，蒜和泡菜的揮發性味道，微辣但清新，正好中和豬手的濃味，這道菜的精粹就是以清配濃！細份的份量其實也不少，$78值得一試。吃得開胃了，就來主菜吧！這裏有鐵板飯，選了新口味豬頸肉$49。估不到豬頸肉份量超多，食肉獸太喜歡了，而且味道很好，有肉汁又不會燒得乾身，味道鹹淡得宜；白飯配上紫菜，還有翠玉瓜、芽菜等給你拌飯吃，比起石頭鍋飯，多了鐵板的熱力，吃得更香！另一款主菜韓式蕎麥水冷麵$45，真的太懷念韓國菜了，有水冷麵就要吃！喜歡水冷麵酸酸的湯，天氣開始轉熱，吃冷面就最舒適了。蕎麥麵十分有彈性，浸在酸湯裏吃得很開胃。還有切片蘋果、青瓜絲、半隻雞蛋，吃得更清新；別忘了還有牛肉，煎香了，醬汁味道入味，是冷與熱的融合呢！意猶未盡，再來小食韓式炸雞$48,別以為份

之前食過一次晚市無諗過午市套餐咁抵食 仲要加$10-$20就有一款小食 食到勁飽 埋單二百都唔洗！🥢石頭芝士香辣豬肉飯 $65芝士份量都幾多 仲要有埋芝士拉絲好正呀！可以根據個人口味決定落幾多辣醬 撈埋都幾惹味 不過豬肉好鞋 加上個人中意牛肉多過豬肉 如果可以轉牛肉就好了🥺石頭鍋耐熱功能真係唔係講笑😂食到尾仲熱辣辣🥢韓式牛肉年糕湯麵(走辣) $54普普通通無咩特別 🥢韓式壽司 $28講唔出邊到好食😂但食唔停口😂唔點豉油會好食d🥢韓式炸泡菜餃子（+$10）皮好香脆！不過裡面配料好少🥢韓式炸雞（+$20）雞塊有d鞋同乾🤪🥢海帶餐湯食到飽晒先醒起仲有碗湯 飲第一啖已經覺得好鹹 所以放棄左🤪🥢凍檸茶 （+$3）整體黎講野食質素一般不過呢個價錢真係算係咁過到我想食韓國野再加港式飲品既口癮就夠😂😂

呢間韓國餐廳好耐架喇，價錢親民，不過就無免費前菜午市黎食，包左餐飲同湯大肚婆突然想食韓國飯卷，日本壽司就唔駛諗架喇，好彩都仲有個韓式飯卷可以代替下🙈即叫即包，紫菜仲係好脆口👍🏻鐵板燒魷魚，鐵板熱，所以魷魚就唔夠嫩口，好實韓式石頭鍋飯，零失手之選👍🏻海鮮煎餅，價錢平，雖然海鮮料唔算好多，但係味道唔錯！.餐廳服務都ok,本來坐左果張枱有風吹住，已落單，但大肚婆頂唔順想調位，店員都好好幫手搵另一張無對風口嘅枱比我地，無黑面

天氣凍凍地好想食辣野，諗起韓國嘅泡菜飯。😍咁啱喺附近經過就搵咗呢間喺荃灣嘅韓國餐廳。見佢價錢平平哋嘅一於試吓😂😂😂兩個人食都係食咗二百幾蚊叫咗佢哋嘅辣炒豬肉同埋雞肉嘅飯味道唔會好辣。份量好多😉😉😉抵食可以食多兩碗飯😁😁😁😁韓式炒粉絲，嚟到本身係冇辣味要自己加韓式辣醬啊。🤣🤣🤣🤣一定要加辣醬唔係差少少味另外再加左佢哋嘅豬手份量勁多,包埋生菜食韓式飯卷同埋韓式炸雞都唔錯👍🏻👍🏻

略為淡左些小，冇咩蕃茄味，本身豆腐已經冇咩味，肉片可能又冇咩醃過，就連個蕃茄湯都唔夠農，就有D 強差人意，再者個鐵板燒牛肉確實野味，煮到個牛肉金金黃黃， 淨係聞到個味都想食，兩個分別太大，只怪我叫錯左野食，之前晚市好食好多， 牛肉鍋泡菜餅都係超好食，冇唸過lunch差咁遠依個一上菜就要食，熱熱地食都仲可以接受，但凍左之後就唔知自己食緊咩雞件上面已經有好多芥末醬， 但店員好細心仲會問你需唔需要茄汁（ 其實我都只係食三件雞）

韓正屋應該好多荃灣街坊都食過啦，價錢非常親民雖然只係小店，但餐牌選擇都好豐富，有石頭鍋飯、鐵板燒、部隊鍋、湯飯、年糕、小食等等，仲唔收加一，非常抵食人蔘雞湯($95)最啱冬天食，食完個人暖笠笠夠哂補，雞肉好鮮嫩，糯米吸收晒湯嘅精華，湯頭清徹唔濁，而且人蔘味出得嚟又唔會苦韓式無骨豬手(小)($68)份量一啲都唔少，兩個人都爭啲食唔哂，豬手肉質鬆軟，皮煙韌得嚟又唔會咬唔斷，仲可以包埋生菜、蒜片、泡菜同麵豉醬一齊食韓式海鮮煎餅($38)屋企都有陣時會自己整煎餅食，呢個海鮮煎餅好有家既感覺，價錢平得嚟仲好足料，粉漿比例啱啱好，外脆內軟，口感豐富

We went to tsuen wan for dinner tonight and we decided to have some Korean food This restaurant is quite near the V Walk and there’s queue outside at 6 already! So we went for a try. We order 2 dishes including the korean pork , Toufu soup and some small dishes. The taste is not very good but it’s with acceptable price I saw that the price for lunch is not more than 70 hkd which is quite cheap nowadays Therefore I think this restaurant is good for those who does not care much about the quality

經過一間近愉景新城既韓國餐廳，見到入面都幾多人食緊，價錢又唔貴就去試下啦😆見到佢既2人餐份量都幾多，前菜之外仲有2個正餐加一個湯，但呢日驚食唔曬就都係散叫啦。韓式泡菜一個開胃前菜😳沙律配炸餃子🥟沙律菜新鮮， 餃子都炸得好香👍🏻炸醬麵咁耐冇得去旅行都好掛住韓國既炸醬面😭 見到叫到呢有就即刻叫黎試下！啲色水都幾似既，味道就冇韓國既咁甜，都唔錯。鐵板燒牛肉牛肉份量外，味道都夠重，偏向濃味，令人食唔停😂😂韓式炸雞🍗皮薄，味道唔錯～呢間餐廳性價比唔錯，食物味道中上，價錢合理～

天氣凍凍地又係時候食下辣野取暖路過呢間韓式餐廳人流不絕有好多人買外賣 堂食亦都唔少人一於入去試吓見到佢Menu性價比高主食都係大概$50-$60好值得一試唔想諗嘅仲可以嗌套餐價錢亦都十分之抵而我就嗌左A餐再加一個韓式炒年糕小食原來前菜都可以喺Menu度任揀兩個好開心可以嗌到我最鍾意嘅菠菜同海帶菠菜好香麻油味 海帶酸酸地好開胃之後就上左石鍋傳統豬肉飯佢係跟埋韓式辣醬要自己撈嘅怕辣嘅人就可以按返自己需要嘅份量加落去不過加晒佢都韓式辣醬個飯都唔會太辣要趁熱攪勻個飯同醬配料好足夠 每一啖飯都會有蔬菜或者豬肉佢用嘅咪係韓式珍珠米 真材實料之後就係韓式煎海鮮蔥餅入邊有蔥蟹柳八爪魚煎餅比較厚身對於鍾意食煙韌感覺嘅人來講就好正啦 煎餅唔會太油 餅面煎得金香 去韓國餐廳一定要試吓韓式炒年糕年糕唔會煮得太淋 亦冇散冇糊而且仲有魚糕做配菜雖然望落紅噹噹 但係唔會係好辣個汁亦都調得好綢身好掛得起年糕度最後炆牛肋骨煲牛肋骨炆得超林完全唔使咬入口即溶而且份量非常之多每一舊都啖啖肉個湯係濃濃嘅牛骨湯味再連埋碗白飯跟埋 係一個好好味嘅湯飯基本上一個二人set就已經夠飽今次口痕加咗個小食係非常之飽好彩跟餐仲有個餐茶可以

今日約左個fd係荃灣，行左好耐都諗唔到食咩，咁啱去到路德圍就見到呢間價錢合理又幾抵食既韓國菜就入去試試佢喇，見佢推介呢個石頭芝士香辣豬肉飯就叫左佢黎試下，呢個飯真係好香同啖啖芝士依佢個豬肉都醃得好入味，攪拌後好同個飯好配搭，正第二樣我就叫左炆牛骨煲，佢另外亦配左個白飯，一黎到佢個牛骨真係炆得好淋，以個湯都好有牛肉味，好入味同好抵食最後就叫左個海鮮煎餅🥞，呢個煎得香口又唔油膩，亦好足了 佢加左魷魚同蝦 食落去好有口感，值得推介我誠意推介呢一間韓國菜比大家，抵食味道也不錯 👍🏻，大家不妨一試

難得捱到放假緊係要行下街、食下嘢～今日就去荃灣睇聖誕禮物同去咗探屋企老人家，突然想食韓國菜，諗住出返去商場睇下，原來係屋邨都有間韓國菜，行到攰攰地唔想再行返去商場就試下。舖頭坐滿人加上keep住有人拎/送外賣都好旺場下，職員都忙到一頭煙但落單態度良好，會自動介紹下餐單迷你部隊鍋：本身想食部隊鍋，但朋友又想食石鍋飯，部隊鍋咁大個我一個人食唔哂，原來依間韓國餐廳有迷你部隊鍋，份量啱哂一個人食，落足料㗎：司華力腸、美國香腸、午餐肉、金針菇、洋蔥、翠玉瓜、豆腐、泡菜，不過有d美中不足嘅係無辛辣麵，依到迷你部隊鍋係配白飯石頭芝士香辣豬肉飯一放低石頭鍋已經聞到好香芝士味！芝士攪拌後變成拉絲覆蓋整個石頭鍋飯，豬肉辣辣地加上濃濃芝士味真係無得輸，飯量十足，男士無得投訴唔夠飽la！隨飯餐會配一碗海帶湯，清新海帶湯中和味蕾，油膩感盡消韓式泡菜煎餅去到韓國餐廳一定會食泡菜煎餅，依間餐廳嘅泡菜煎餅有種媽媽的味道，味道唔會太濃味，香辣味剛好，好似媽媽煎餅比自己食果種家的味道韓式壽司原本諗住以為食得哂先叫埋壽司食，不過最後都係食唔哂打包走，係餐廳即場食咗2件，味道主要來自本身食材，沒有添加醬汁，平淡健康之選

今日開ot所以買個外賣自取，家人想食韓國餐，所以去左韓正屋叫左個四人豪華餐。四人豪華餐有人蔘雞，牛仔骨，石頭芝士香辣豬肉飯，鐵板燒辣炒魷魚鬚，韓式無骨豬手，韓式炒粉絲，沙律配豆腐，仲有前菜同提子汁。人蔘雞：成隻雞，有人蔘同飯。湯既味道夠濃好味道。牛仔骨：幾香口有牛味道。石頭芝士香辣豬肉飯：有紫菜，芝士唔算太濃味，加上豬肉連辣醬都唔錯。鐵板燒辣炒魷魚鬚：味道好好，魷魚鬚唔會太硬或太軟。配合起蒜片加生菜醬汁就非常開胃。韓式無骨豬手：啖啖肉，又唔會太肥，味道不錯。韓式炒粉絲：味道不錯，粉絲軟硬適中。沙律配豆腐：豆腐都幾滑身，沙律菜都不錯。前菜：芽豆，波菜都正常。泡菜夠辣。

是日到海壩街韓正屋外賣個四人豪華餐回家與家人開餐。最初點普通四人餐，不過再望一望四人豪華餐更加正。沙律配豆腐加入醬更有層次感，豆腐都好香豆味道。前菜加泡菜都ok.牛仔骨-肉質不俗，牛味完全溶入口中。石頭芝士香辣豬肉飯-份量都正常，倒埋辣醬混合起來吃更加醒胃可口。人蔘雞都算足料，一隻雞入面釀入人蔘及飯。連湯去吃更為可口。生菜做裝鐵板燒辣魷魚鬚每到入口更有層次感。魷魚鬚洋蔥好味道，加上生菜將其盛裝一起吃更加有菜鮮味。韓式無骨豬手免除成隻要慢慢切的煩惱。肉質不俗，重骨膠原對皮膚也好。韓式炒粉絲上色平均，粉絲岩岩好，不會淋成漿糊咁也不會任何人做主。仲有4罐白提汁有果粒唔太甜都ok.

星期五約了朋友，在荃灣一聚朋友提議到這間位於荃灣海壩街的「韓正屋韓國料理」，他說這裏性價比高質素也十分高，既然大家都喜歡食韓式料理一於 Go Go Go。我們大約 18:00 到，餐廳大約已經坐了七成人餐廳員工安排我們坐下不久，門口已經開始有人在排隊。我們選了一個二人套餐套餐包括前菜涼拌菠菜、泡菜炒蓮藕涼拌菠菜未食已經聞到一陣麻油香，入口清新麻油味濃郁、泡菜炒蓮藕蓮藕爽脆加上韓式泡菜的辣味非常開胃。石頭傳統雜錦牛肉飯這個石頭傳統雜錦牛肉飯材料十足紅蘿蔔絲、大豆芽菜、菠菜、牛肉、雞蛋，石頭鍋熱辣辣的，上枱的時候還聽到吱吱咋咋的聲音，食的時候加上韓式辣醬拌勻十分香口惹味，食到底層還有薄薄的飯焦這個時候再加韓式辣醬撈勻實在冇得彈。韓式煎海鮮蔥餅這個韓式煎海鮮蔥餅，厚薄適中每邊也煎到金黃色非常香口，入口感覺外脆內軟加上海鮮鮮味和香蔥的味道，令到這個煎餅更為完美。炆牛肋骨煲炆牛肋骨煲，絕對是這個套餐的重點湯頭入口清純甜美，牛味濃郁加上清甜的蘿蔔已經攞滿分，牛肋骨入口爽脆有咬口但絕不黐牙，一咬便離骨絕對高水準個人覺得如果不叫套餐，這個亦應散叫絕對抵食。兩杯凍韓國柚子茶二人套餐跟兩杯凍韓國柚子茶，其

之前在這裡吃過午餐都覺得十分大份而價錢都十分超值，所以今日再和朋友一起來這裡吃晚餐。來到因比較早不多人，見到有幾款二人餐價錢$220仲要不用加一好抵食就叫了這個。首先來的是前菜，可以選二款，我就要了蕨菜和蓮藕，辣度夠又清新開胃。之後等了不久熱食就來到了。沒想到鐵板燒牛仔骨份量會十分多而且好新鮮，好香又惹味。肉質都幾淋身但保持到口感，醬汁入味又香送飯十分適合。另一個煲海鮮純豆腐湯來到原來仲有一個白飯，湯味道都夠辣好香但不會太咸配飯或飲都岩岩好，入面的豆腐都好滑身，材料都不少。最後就是一個幾大鍋的石鍋傳統雜錦豬肉，豬肉好入味，混一些辣醬食更好，除了豬肉外仲有不少配菜在裡面，其中有一隻半熟蛋混一起食就令到飯更滑身。最後再飲杯凍檸檬茶，大大杯又夠酸不錯，講真最後我們都吃不完，如三個人一起食會更好。