韓正屋韓國料理 (海壩街)

营业中

休息中

今晚收工去左荃灣交收, 順便食少少野先番屋企, 經過見到E間韓式餐廳坐滿哂人, 於是就望下有咩食, 見到個二人餐好似幾抵食咁就入去試下! 🌟蜂蜜蘋果🍎🌟柚子蜜🌟人蔘雞湯🐔雞味重, 湯汁味道清清地, 雞同糯米份量幾多🌟鐵板燒牛🐂鐵板燒可以揀牛, 豬或者雞, 小妹揀左牛牛🤣, E個餸仲會跟多個飯🍚, 醬汁甜甜地食落幾惹味, 牛肉亦幾軟腍, 味道唔錯🌟石頭傳統雜錦同樣有牛雞豬可以揀, 今次小妹揀左豬, 石鍋飯熱辣辣幾足料, 味道正常發揮

👦🏻🧒🏻近幾個月工作都非常忙碌😭 總算可以忙裡偷閒過2人世界撐下檯腳🥰 特登揀左食韓國菜🇰🇷回憶一下對上一次去旅行嘅時光🥺 韓正屋價錢幾經濟實惠, 餐牌款式選擇都唔少, 佢仲有套餐揀添架! 如果好似👦🏻🧒🏻咁唔想諗野, 揀2人餐就啱曬XDDD 味道真係幾驚喜😳 性價比唔錯👍🏻1️⃣ 2人套餐C 💰$220(鐵板燒牛仔骨x 海鮮純豆腐湯x 石鍋傳統雜錦飯)2人套餐都有3款, 👦🏻🧒🏻揀左包括勁多人推薦嘅鐵板燒牛仔骨呢款 除左幾款主食同湯之外仲包埋冷熱飲品添架👍🏻～二色前菜 (泡菜x海帶)泡菜微辣好開胃🤤 海帶好鮮甜好好味😋～鐵板燒牛仔骨總共3大件😳 份量遮擋曬成塊鐵板🙈 配埋鐵板上嘅醬汁真係勁惹味🤤 食落口真係有驚喜😳 純粹個人口味👉🏻多d瘦肉就更正😝～海鮮純豆腐湯 湯底望落好紅不過放心只係略帶微辣😉 入面d料好豐富, 豆腐, 金菇, 大蔥, 蜆肉, 魷魚仔🦑仲有蝦🦐添, 拎埋碗跟餐白飯撈飯一流👍🏻～石鍋傳統雜錦飯(雞肉)熱辣辣♨️ 擺左一陣都仲好夠熱～底部仲有一層飯蕉添😆 除左配雞肉🐔仲可以揀牛/辣豬肉😉 記住趁熱撈勻曬d醬同肉呀～

Korean Food🥢 Pork Knuckle🐽💕..荃灣一家韓正屋🇰🇷，家庭式經營，價錢親民，食物有種家的味道，你懂嗎❓今次唔小心黎到荃灣，又到左吃飯時間，就來吃個韓式地道晚餐吧。..ll $58Pork Soup w/ Tofu & Kimchi l壽司]l $28Korean Gimbapll $38Korean Stir-fried Glass Noodlesll $78 / $138Pork Knuckle in Korean Style今次一場黎到，試左他家：韓式泡菜湯、韓式壽司🍱、炒水晶粉絲、廚師推介既無骨豬手🐽。都係食韓國菜必點既，豬手仲配上麵豉湯、泡菜、生菜、蒜片，包裹吃更有風味。最後餐茶：ll $10 & ll $10，清清味蕾。個人推薦 Honey Apple Tea🍵 滿有蘋果香味，挺吸引。..×××××ש荃灣海壩街22-32號華達樓地下E舖..

週末經朋友介紹下嚟咗呢間喺荃灣嘅韓國餐廳。平少少去荃灣估唔到呢條街人流好多，呢一間韓國餐廳好早就已經坐到滿曬。雖然餐牌上有好多食物，散嗌好似好吸引，但，我哋咁精打細算，計過數後都係覺得二人餐最抵食！一開始先上韓式前菜，分別係泡菜同芽菜，食完好開胃。主菜就一次過上曬，果然效率十足。有鐵板燒牛仔骨、海鮮純豆腐湯、石頭什錦牛肉飯。全部嘅份量都係好多，我覺得呢個二人餐可以三人食都得。我哋仲嗌埋芝士蛋卷（$52），勁多cheeseeee，好正！飲品上我哋加咗錢嗌特飲，分別係柚子梳打同蘋果梳打。我覺得有蘋果梳打好飲啲～

放假嚟到荃灣見吓朋友, 晚餐就由地頭蟲帶路, 一路行一路好猶豫究竟去食咩呢, 因為完全偏離咗大型商場, 原來帶我哋去海壩街食韓國菜！鄰近屋邨嘅韓國菜小店又真係幾有驚喜！叫咗二人套餐B $215好耐冇食過人蔘雞湯, 尼度竟然有套餐, 一於試吓! 雞湯都幾香濃, 感覺好補身, 嫰滑雞肉沾椒鹽食一流!鐵板燒可以選擇牛/豬/雞肉, 我哋就揀咗牛肉, 牛肉大塊又夠份量, 香噴噴好惹味石頭飯都係揀咗牛肉, 好鍾意雜菜有咁多翠肉瓜呀! 飯粒夠乾身, 加入韓式辣椒醬拌勻食, 好好味前菜2款分別揀咗菠菜同芽菜, 味道唔錯加錢轉咗特飲分別係柚子梳打水 +$12, 咖啡沙冰 +$20另外仲單點咗其他食物尼度嘅韓式炸雞 $48 有5塊, 店員都會提供酸辣醬, 所以就當平平哋就食到雙拼炸雞啦!我就幾鍾意個韓式炒年糕 $38 幾抵食! 辣度適中, 入面都有幾塊魚糕片, 幾有誠意友人就特別鍾意泡菜豬肉豆腐湯$58, 熱辣辣嘅辣湯又幾好飲, 豆腐份量勁足, 相對泡菜再多啲就更加正!

星期六約咗friend 嚟到荃灣食晚飯，聽講呢間韓國菜好掋食，好彩我哋早一步入去，大概七點幾已經非常多人，門口仲有唔少人排緊隊。餐牌裏面嘅食物種類好多，全部嘅價錢都係平民化，性價比好高。佢哋仲有個四人餐，啱曬一家大細嚟食。首先嚟咗前菜我哋嗌咗個二人餐（$220），個價錢真係好掋！鐵板燒牛仔骨 - 大大份，肉質嫩滑入味。海鮮純豆腐湯 - 有蜆肉、金菇等等嘅豆腐湯，仲配上白飯，辣湯撈飯食一流。石頭什錦牛肉飯 - 石鍋飯熱辣辣，撈上韓國辣醬，好有喺韓國食嘅感覺。牛肉之外仲有雞蛋、菠菜、蘿蔔絲同翠玉瓜，每一啖都有豐富嘅口感，另外我哋超鍾意食底下嘅飯焦。柚子梳打同蘋果梳打夠有杯解渴，又唔會覺得太甜。雖然食完個二人餐都已經好飽，但見佢哋個韓國芝士蛋捲（$52）好似幾抵食所以都嗌咗。但估唔到份量咁多，賣相仲好吸引。蛋卷好滑漏，裡面仲有好多芝士，仲做到拉絲效果添。

呢日行完荃灣就去附近搵野食 好耐都冇食韓國菜就試下🤣石頭芝士香辣豬肉飯 $65豬肉好香口 有飯焦好香脆好食😆 仲有好多芝士 唔會太辣 撈埋飯食好惹味👍🏻海鮮純豆腐鍋 $59見到呢度有我喺韓國成日食嘅海鮮純豆腐鍋😍 一於叫黎試下🤣 開頭驚會太辣 點知味道又啱啱好 有蜆肉、大蝦、蛋同魷魚😛 入面仲有大蔥等配菜 幾入味👍🏻 連個湯都飲埋 送飯一流🤣韓式無骨豬手 細份 $78配麵豉醬 泡菜 生菜 蒜片 估唔到細份都幾多 無骨豬手有八件😛 肉質好淋👍🏻 配埋蒜片同生菜口感十足😆

韓國料理黎講，最地道梗係要放到成枱都係食物🤣 前排就去咗呢間韓正屋，叫到一枱都係食物，最後食唔晒要打包🤣 但埋單都只係$4xx，真心抵食😙 韓式無骨豬手（小） $78細份都幾多下，仲配有生菜，蒜片，醬料，可以包住食。生菜包住彈牙入味嘅無骨豬手黎食，幾有韓國風味。鐵板燒辣炒魷魚鬚 $75鐵板魷魚鬚熱辣辣又香噴噴上枱，香濃洋蔥醬汁好正，魷魚鬚彈牙，醬汁豐富，好惹味😋 每個鐵板燒配有白飯，我地知道食唔晒，但又想試個餸，所以叫走飯🤣石鍋芝士香辣豬肉飯 $65 配海帶湯滿滿嘅一碗石頭鍋飯😍 有大量紫菜，拉絲芝士同辣醬豬肉，飯身質感較淋，所以好易撈勻，撈得均匀黎食好好味😆 另外仲配有一小碗海帶湯，幾夠味，配辣豬肉飯來飲可以中和一下味道😋

上星期去荃灣搵朋友朋友就帶我去尋找當地穩世美食佢帶咗我去一間價錢超值嘅韓國料理價錢全部都係非常大眾化首先我同朋友叫咗一個二人餐 $215二人餐包人蔘雞湯鐵板燒牛或豬或雞肉石頭傳統雜錦牛或者豬或雞肉飯而且奉送兩色前菜、白飯一碗及冷熱飲品兩杯頭先人蔘雞湯真係成隻雞非常足料 雞湯味濃 人蔘味不會太重而且整隻雞都煮到好滑鐵板燒牛大大份上菜時仲放喺鐵板上熱辣辣牛肉亦非常入味最後石頭傳統雜錦牛肉飯分量頗大 配上特製嘅韓式醬汁混來吃感覺非常地道韓式炒年糕 $38非常超值平時呢個價錢係食唔到炒年糕年糕炒得非常霖身我可以揀辣度就仲正泡菜豬肉豆腐湯 $58雖然點左人蔘雞湯但係我又好想飲泡菜湯所以點左泡菜豬肉豆腐湯超級多豆腐而且豆腐非常之滑飲得好滿足

假期去完南豐沙廠，係附近搵到間抵食韓國料理👍🏻👍🏻 餐廳地方唔大，座位略有點逼，而且冷氣好凍🥶 但佢哋啲野食真係好正，又大份，而且價錢唔貴👍🏻，有韓國嘅味道。食韓國嘢緊係要有前菜，我哋叫咗三樣：泡菜，蓮藕，菠菜，每樣都係係$10炸。三樣前菜都爽口又開胃，菠菜帶有蒜味好香，令人食慾大增🤓韓式芝士蛋卷 $52蛋卷好厚身，包住香軟芝士，口感好正，仲有兩種醬汁配搭，好味到無得頂😎鐵板燒牛仔骨 $102每個鐵板燒都會配一碗白飯。個牛仔骨一上枱超香👀 牛仔骨有三大塊，切開有成9塊，好大方😆 肉質唔會好韌，骨位邊嘅肉都容易食得到。每一口牛肉充滿牛脂香味，真心推介😍

好耐無黎韓正屋食，以前係荃灣返工成日黎，覺得佢又平又好食，今晚同舊同事食飯就揀左食佢啦。一坐低店員送上麥茶同餐牌，杯茶好香好好飲。點左個二人套餐A，因為唔想諗同想食泡菜煎餅。最快到居然係呢個石頭傳統雜錦豬肉飯，個窩勁熱小心呀。咋咋聲好正咁樣，揀左豬肉口味，配料有芽菜，菠菜，翠玉瓜等，仲有隻溫泉蛋。倒晒啲辣醬落去撈撈撈，正呀～飯香口，豬肉甜辣好好味，每一啖都有菜配料，仲有飯焦喔喔脆，好味好味。跟住上嘅係韓式煎泡菜餅，個盤同樣十分熱，要小心拎。泡菜下得多，酸酸辣辣加上又脆又香口，好味又有口感，正呀。再黎係炆牛肋骨煲，大大碗仲有一個白飯送。牛肋骨炆得十分軟腍，唔使點咬已經可以骨肉分離，完全不會黐牙，啖啖肉好正。蘿蔔同樣炆得軟腍，而且吸飽了湯汁好肉汁好甜呀，好味到整個湯飯連汁都撈埋。附送的白飯係珍珠米，綿綿的好好味。差啲唔記得仲有涼菜，是晚係菠菜同泡菜，送飯一流。二人餐仲有餐飲送，叫左凍檸茶同蘋果梳打水，檸茶走左甜都無苦澀，夠晒凍正呀。朋友叫左梳打水，跟餐要加12蚊，佢話甜甜地嘅蘋果蓉幾好味喎。唔使收加一㗎，抵食。呢個餐好多飯，仲有煎餅，真係好飽呀。

韓正屋（荃灣）••••••••••••••••••••••••••••••✄( •8• )✄( •8• )✄( •8• )✄( •8• )••••••••••••••••••••••••••••••♥️餐點：•韓式無骨豬手（小）$78•韓式芝士蛋卷 $52•韓式炸雞 $48•韓式泡菜煎餅 $38••••••••••••••••••••••••••••••♥️食評：好耐無食骨韓國菜啦！好掛住韓國料理嘅味道😿特別係豬手！係我喺韓國第一餐飯🤤🤤今次就試吓呢間嘅豬手、炸雞等等！餐廳每樣食物都唔算貴，大部分都只係幾十蚊，果然係做街坊生意嘅小店☺️無骨豬手叫咗細嘅試吓！餐廳配埋泡菜、生菜同蒜頭，好似食韓式烤肉咁🤣🤣泡菜煎餅熱辣辣，三十幾蚊算幾平喎！炸雞四十幾蚊就已經有五至六塊～蛋卷入面嘅芝士拉到絲，上面配咗茄汁同芥末醬，唔鐘意芥末醬嘅朋友要留意返啦！••••••••••••••••••••••••••••••♥️特色：呢間餐廳唔係荃灣嘅大街/大商場入面，個地點都未必個個識去！不過正正因為地區問題，食物一定平過係大商場/旺區！做街坊生意嚟講都算唔錯～～經過可以一試😄

收工後同朋友去荃灣行街，忽然間想食韓國菜，醒起之前同事講過有間幾抵食，於是就同朋友去咗。我地叫左五樣嘢食，埋單都係$200頭，好抵食。.韓式芝士蛋卷 $52平時外面食都要成$8x，呢度真係街坊價，而且蛋捲入面芝士份量都不少，食落時有拉絲，加上茄汁及芥末醬調味，減低膩感。.韓式炒水晶粉絲 $38這個份量超多，粉絲軟硬適中，入面重有肉絲、蛋絲、黑木耳、蔥絲，而且重有d芝麻點綴。.韓式海鮮煎餅 $38呢個係個人最鍾意，新鮮煎好，外皮脆卜卜，食落唔會成口麵粉或太多油，而且餡料好足。.韓式壽司 $28配料都不少，呢個價錢真係好抵食。.石頭芝士香辣豬肉飯 連 韓式海帶湯 $65表面有好多芝士同紫菜，再配合埋辣豬肉，幾惹味。另外，店家重會再俾多啲辣醬，可以自由控制辣度。

約咗好耐冇見嘅朋友吹水，講吓近況，朋友話想食韓國料理，呢間韓正屋韓國料理環境非常闊落，裝修又新，卡位坐得好舒服又唔會迫。二人套餐 $215，我地兩個人share 份量剛剛好，Ｄ菜式都好岩心水，簡直完美！除左主食之外，食韓國餐當然唔小得餐前小菜，可以先頂住肚先！呢間嘅泡菜真係好好味，比較酸，海帶甜甜地好好食。石頭傳統雜錦雞肉飯 可以選雞肉，辣豬肉或者牛肉。肉份量幾多下，好足料。。調味醬汁又幾入味！石頭鍋既澎湃熱力熱辣辣，食落去非常既過癮，好多配菜，口感豐富。韓式辣醬夠哂開胃，食既時候味道恰好，nice ！鐵板燒牛肉，用鐵板上，上碟熱辣辣，聞落好香，而d牛肉醃得好夠味肉汁豐富，好濃味，岩晒我口味，不過肉質韌咗啲。呢度嘅人參雞湯用紅棗 、蒜同人參燉煮製成，雞肉燉得好滑，味道香但唔會過濃，湯甜唔會太重參味，糯米是整個湯的精華，幾有口感，好飲又補身！呢個餐會包一碗白飯，但因為太飽嘅關係我地無要到！呢個餐亦包兩杯飲品，冷熱都得（超抵食！）我地叫左zero可樂 & 凍朱古力，味道正常，十分港式地道～餐廳服務都唔錯，環境闊落，我地食完野坐左一陣先走都唔怕～而且價錢亦都好親民，又抵又好吃，下次會再幫襯

其實呢間餐廳我已經嚟過好多次，因為又近屋企，又好鬼抵食，所以我耐唔耐都會嚟幫襯。餐廳加咗新Menu，係韓式芝士蛋捲啦！梗係要試吓啦！價錢唔使講梗係平啦， $52。中間仲有好多芝士，份量都唔細㗎。之後我哋仲叫咗一個主食同好多小食。個石鍋飯都係咁抵食，料又多、雞又嫩。仲有韓式煎雞翼，一睇就知煎得好靚，入晒味。$28就有五隻雞翼食啦！韓式炒粉絲都唔錯，甜甜地。我哋仲叫咗個豆腐沙律，上面嗰啲柚子沙律醬非常好味，好開胃。