韓樂 (海之戀商場)

营业中

休息中

最近知道荃灣有一個叫海之戀個邊激安，同朋友決左收工去個邊行街上網見到有一間食韓野，決定食完慢慢行激安。入到環境都好舒服，唔會話好迫，餐牌選擇都多，睇到我哋花多眼亂。佢地原來每一日都有一個精選 今日係半隻燒雞配薯條 皮都脆，薯條都可以 柚子雞翼 外脆，甜甜酸酸，入面岩岩熟。韓式年糕炒燒汁 唔食得辣，見到呢個年糕唔會辣 又岩哂我哋。芝士焗西蘭花以為好細份，原來有5-6舊。海鮮燴意大利飯 食落去唔夠乾身，好濕，我哋一般般喜歡食。

繼續喺海之戀商場揾食😂老公一向都好鐘意食韓國嘢呢間韓樂佢已經一早試過話幾好食同都算抵食於是呢晚我就過嚟搵佢食晚飯順便試一試佢-呢晚食飯時間都比較夜所以我叫咗個煙三文魚柚子沙律啲三文魚都幾香煙燻味啲菜都新鮮 份量以48蚊嘅價錢嚟講都算足唯獨個沙律落嘅油稍為重手咗少少如果可以少啲油成個口感會light好多老公叫咗牛肉石頭鍋飯上菜嘅時候店員都有貼心地叫我哋小心個鍋好熱老公拌勻個飯之後潷咗少少俾我試成個飯都好夠咸味(以前食過啲石頭鍋飯係無味嘅😂)啲牛都幾有牛肉味 同埋都足兩同埋老公食到底係有飯焦嘅呢個飯64蚊要試呀！每一餐都要食菜所以叫咗個人蔘雞湯浸娃娃菜啲娃娃菜好淋 煮得好入味個湯嘅人蔘味未去到撲鼻而來但飲落都聞到人蔘嘅香味有啲人一飲啖湯就可以飲得出有冇落味精而呢項技能我係仲未解鎖嘅😂但飲完呢個湯我嗰晚都無口渴所以我諗佢嘅鮮味同好飲都係真材實料嘅同埋個湯仲有啲好淋嘅雪耳非常對味😍每人分到兩碗49蚊真係幾抵食另外加咗兩款小食菠菜同墨魚仔8蚊同12蚊都食得過

都有一段時間無食過韓國嘢啦🇰🇷 咁啱喺呢頭見到間開咗無幾耐嘅韓國餐廳，就一於試吓先！店內環境都幾乾淨企理，幾有空間感。原來韓樂星期一至五晚係有特定優惠菜式嘅，今日星期五，就一於用$28試吓佢地嘅蕃茄芝士焗肉丸！我地四個人食，由於朋友比較細食，同埋我地想留肚去食芋圓，所以就只諗住叫四個菜式。蕃茄醬同埋肉丸都係正常發揮，不過個芝士就幾出色，濃到可以拉到絲之餘，亦都唔會覺得太膩。至於呢個野菜牛肉炒粉絲，就十分中式，佢係炒得比較乾身，好似大牌檔咁咁有鑊氣，但係又無大牌檔落料咁惹味，而且又無韓式粉絲應有嘅辣味同濕潤度。海鮮香蔥煎餅有嘅海鮮包括蝦仁、魷魚、蜆肉，幾好食又幾香口，但係可以落少啲油同埋大份少少。最後我地仲叫咗一客MoMoKu手工pizza🍕，有香草腸、溫泉蛋、煙肉、肉醬，有溫泉蛋嘅薄餅我就真係未食過啦溫泉蛋嘅溫度控制得幾好，一切嗰吓真係流心嫁由於韓樂整嘅嘢食唔係淨係走韓風，亦都有啲意式嘢食。但韓國菜佢又整得唔係太韓，如果真係好想食正宗韓國菜嘅話相信有其他更好嘅選擇。

Met boyfriend in Tsuen Wan as we wanted to check out the new Dondondonki. We decided to eat at the new OP Mall and found Momoku. It appeared to serve Korean food for a rather reasonable price.During lunch time, they only have a lunch menu available. They do have a lot of choices. Menu in English and Chinese. There is no 10% service charge and you pay on your way out. All sets come with a drink.They also have add on appetizers.Boyfriend ordered a baked pork chop and hot spring egg with rice and c

一日之計在於晨。對於我來講，早餐係唔能夠求其嘅。成日都出去食嘅我，海之戀商場開咗，好多餐廳，走去睇吓，見到唯一一間未食過早餐嘅，就入嚟試吓。餐牌裏面都係一般大路嘅食品，當然食我嘅例牌，部隊麵⋯想着係韓式嘅公仔麵。但原來只係一般嘅公仔麵，有點淋。多士又係常常食的，所以就試吓叫牛角包。唔熱嘅亦都唔趣口，有啲失望。老公食嘅豬扒同腸仔麵，佢話都好食。不過價錢⋯雖然唔需要加一，但就有啲普通，所以就略貴囉。下次再試其他新野。

仲未有人寫食評啵😳可能仲係岩岩開業無耐！ 上星期係海之戀開既韓樂Momoku就等我為佢寫第一篇食評啦！環境同其他意樂漁樂百分百差唔多格局枱同枱之間嘅位置足夠 有晒餐具餐牌係枱燈光足夠 行小清新風格店內有大量韓式食品醬料提供俾客人食完之後賣餐牌食物款式多籮籮 雖然係走韓式風格 但係都有好多款式係走fusion 沙律小食雞翼薯條 意粉粉絲焗飯韓式Bibimpa都有今次我哋三個人食飯小食就叫咗一個柚子雞翼味道唔錯 呢個價錢四隻 都算合理我就叫咗個豬肉Bibimpa裏面嘅配料跟足韓國做法 仲有隻半生熟蛋添男朋友就叫左呢個牛肉Bibimpa佢話個溫度好高 所以底下嘅飯都有飯焦 再加埋隻半生熟蛋嘅蛋漿連埋韓國豉油撈埋一齊食佢話呢個價錢算好高質素媽媽就叫左呢個豬肉炒粉絲 份量本來以為唔係好多但係其實隻碟好深 粉絲同豬肉都入味 唔會太咸總結喺呢個商場裏面選擇暫時唔算太多始終新開張 坐得舒舒服服嘅餐廳 暫時都係得幾間而呢一間價錢食物質素都算中規中矩

荃灣citywalk2期的英皇戲院開幕了，特意去看下新院設備是否完美。我們在一院看火山浩刧，座位舒適，音效不錯，現在還有開幕優惠呢。走去海之戀商場逛逛，順便食個下午茶。睇完韓片想食韓餐，正好「韓樂」周日都有下午茶時段，就入去試吓。一口炸雞湯粉絲$39，炸雞非常香脆，韓式就是韓國的特有做法，好像跟平日吃的炸雞有好大分別，其實靈魂在於炸雞的酸甜汁，樣子靚食味好，一口一件，非常惹味。牛肉溏心蛋飯 蛋就冇溏心，牛肉被醬汁包裏着，我最喜歡的就是個飯，珍珠米飯加入少量的藜麥，增加視覺感和口感。煙三文魚柚子沙律 煙三文魚的份量頗多，蔬菜新鮮，柚子醬汁醒胃，但我覺得油份比較多。熱檸檬水和即磨咖啡也不錯。

突然想去海之戀行激安就搵搵有咩食，搵到間韓國野就想食下。。7點幾到都要羅飛等位，十張左右有啲吉no所以大約15分鐘就到。食物質素同想像中高，價錢合理。會再幫襯。。食物種類算多。。好飽好滿足。又可以食到新派韓國菜又有舊式韓國菜。。推介炸雞惹味。炒粉絲。芝士薯條。朱古力咖啡

店員態度服務差到...叫個焗粉 等左半個鐘都未黎檯面餐具都冇隻 我番左印度？叫溏心蛋 個蛋爛左不突止 熟嘅粒蛋黃去左邊？？？？穿越時空？？？？？？定係漏左喺隻母雞肚入面？？？叫3個飯 全部都係垃圾黎嘅真心唔推薦呢間 食譚仔仲好